5 ᐱᖁᔭᓄᑦ ᐊᐅᓚᑕᐅᔪᑦ ᐱᐅᓕᔪᒪᓪᓗᒋᑦ, ᑎᒍᐊᕐᑖᖑᓗᑕ ᕿᑐᕐᖓᕐᑖᕆᔭᐅᖁᓪᓗᑕ.
ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”
“ᐊᑕᓂᖅ ᓮᒻᒪᕐᑎᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᐃᓄᖁᑎᓂ ᐊᖅᑲᕐᕕᒋᓪᓗᒋᑦ ᓴᐳᑎᔭᕐᑐᕐᒪᒋᑦ,
ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;
ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.
᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.
ᒎᑎᐅᑉ ᐊᓂᕐᓂᖓᑕ ᑕᓯᐅᕐᑕᓕᒫᖏᑦ ᒎᑎᐅᑉ ᕿᑐᕐᖓᕆᖕᒪᒋᑦ.
ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”
ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ;
ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.
ᑖᒃᑯᐊ ᐃᓴᕆᐊᓕᒥᐅᖑᕗᑦ; ᕿᑐᕐᖓᐅᓂᕐᒥᒡᓗ ᐱᖃᕐᐳᑦ, ᓂᕐᑐᕐᓇᕐᓂᕐᒥᒃ ᖃᐅᔨᑎᓯᒪᕔᑦ; ᐊᖏᖃᑎᒌᖕᓂᕐᒥᒡᓗ ᐱᑎᓯᒪᓪᓗᒋᑦ, ᐱᖁᔭᓂᒃ ᑐᓂᓯᕕᒋᓯᒪᕔᑦ, ᑐᒃᓯᐊᖃᑦᑕᕐᓂᕐᒥᒡᓗ ᐊᑐᕐᐳᑦ, ᐊᖏᕐᕕᒋᓯᒪᓪᓗᓂᖏᓪᓗ;
᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”
᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ
ᐊᐱᕆᓚᐅᕐᓚᑦᓯ ᐱᖁᔭᓄᑦ ᐊᐅᓚᑕᐅᔪᒪᔪᓯ, ᐱᖁᔧᑦ ᑐᓴᕐᓯᒪᖏᓐᓇᑦᓯᐅᒃ?
ᑍᒤᒻᒪᑦ ᒎᑎᒃᑯᑦ ᓯᐊᓛᖑᔪᓐᓃᕐᐳᓯ ᕿᑐᕐᖓᕆᔭᐅᓕᕐᐳᓯᓕ, ᕿᑐᕐᖓᕆᓕᕋᒥᓯ ᑕᕝᕙ ᐱᑖᕐᑎᑎᑦᔪᑎᒃᓴᒥᓂᒃ ᐱᔭᒃᓴᖃᕐᑎᓕᕐᐹᓯ.
ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.
ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,
ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.
ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.
ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.
᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.
ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.
᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;
ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.
ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.
