ᒐᓔᑎᐊᒥᐅᓄᑦ 4:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ.

ᒐᓔᑎᐊᒥᐅᓄᑦ 4:26 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 52:9

ᐊᑕᐅᑦᓯᒃᑯᑦ ᐃᓐᖏᓕᕆᑦᓯ ᖁᕕᐊᓱᖕᓂᕐᒧᑦ, ᓯᖁᒥᓯᒪᔪᓯ ᔨᕉᓴᓕᒻ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᓴᕐᒪᒋᑦ, ᔨᕉᓴᓕᒻᓗ ᓂᐅᕕᐊᕆᓪᓗᒍ ᐅᑎᕐᑎᒻᒪᒍ.

ᐂᓮᐊᓯᐅᑉ ᐊᒡᓚᖏᑦ 65:18

ᐊᓕᐊᓁᒍᓱᒡᓗᓯ ᖁᕕᐊᓱᕕᒡᔪᐊᕆᑦᓯ ᐃᓱᖃᖏᑦᑐᒧᑦ ᐱᓐᖑᕐᑎᑦᓱᒫᕐᑕᒃᑲ ᐱᓪᓗᒋᑦ, ᑕᑯᒋᓪᓗ, ᔨᕉᓴᓕᒻ ᐱᓐᖑᕐᑎᑦᓱᒫᕐᐸᕋ ᖁᕕᐊᓱᒡᕕᐅᖁᓪᓗᒍ, ᐃᓄᖏᓪᓗ ᖁᕕᐊᓇᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 66:10

ᔨᕉᓴᓕᒻ ᖁᕕᐊᓲᑎᒋᓯᐅᒃ, ᐊᓕᐊᓁᒍᓲᑎᒋᓗᒍ ᐃᓕᑦᓯ ᐅᖓᒋᔭᖃᕐᑐᓯ ᔨᕉᓴᓕᒥᒃ; ᐊᖏᔪᒥᒃ ᖁᕕᐊᓱᒍᑎᒋᓕᕐᓯᐅᒃ ᐃᓗᑦᓯᒍᑦ ᖁᕕᐊᓱᒡᓗᓯ, ᕿᒃᓵᒍᑎᖃᖃᑦᑕᓚᐅᕐᑐᓯ ᑖᑦᓱᒥᖓ;

ᕼᐆᓯᐊᑉ ᐊᒡᓚᖏᑦ 2:2

“ᐊᓈᓇᓯ ᐊᔪᐃᓐᓈᕆᓯᐅᒃ ᐅᑎᖅᑯᓪᓗᒍ, ᓄᓕᐊᕆᔪᓐᓁᕋᒃᑯ ᑖᑦᓱᒪᓗ ᐅᐃᒋᔪᓐᓁᕐᒪᖓ, ᐊᔪᐃᓐᓈᕆᓯᐅᒃ ᐊᑐᒐᐅᔪᓐᓁᖁᓪᓗᒍ ᐊᑭᓕᕐᑕᐅᓂᕐᒧᑦ, ᐊᓯᓐᓂᐊᕐᑎᐅᔪᓐᓁᖁᓪᓗᒍᓗ.

ᕼᐆᓯᐊᑉ ᐊᒡᓚᖏᑦ 2:5

ᐊᓈᓇᖓ ᐊᑭᓕᕐᑐᕐᑕᐅᓪᓗᓂ ᐊᖑᓐᓂᐊᕐᑎᐅᓚᐅᕐᒪᑦ; ᑖᒃᑯᐊᓗ ᕿᑐᕐᖓᕐᑖᕆᓚᐅᕐᒪᒋᑦ ᑲᓐᖑᓇᕐᑐᒃᑯᑦ. ᓇᖕᒥᓂᖅ ᐅᖃᓚᐅᕐᒪᑦ, ‘ᐱᖃᑎᒋᖃᑦᑕᕐᑕᓐᓄᐊᕈᒪᓕᕐᐳᖓ, ᑖᒃᑯᓄᖓ ᓂᕿᖃᕐᑎᑕᐅᕙᒃᑲᒪ ᐃᒪᖃᕐᑎᑕᐅᓪᓗᖓᓗ, ᐊᓐᓄᕌᖃᕐᑎᑕᐅᒐᒪ, ᐅᕐᓱᒃᓴᖃᕐᑎᑕᐅᓪᓗᖓᓗ ᕔᓂᖃᕐᑎᑕᐅᒐᒪ.’

ᕼᐆᓯᐊᑉ ᐊᒡᓚᖏᑦ 4:5

ᐅᓪᓗᒃᑯᑦ ᐹᓪᓚᒍᒫᕐᐳᓯ, ᐱᔪᖃᓛᕐᑐᒥᒡᓗ ᐅᖃᕐᑏᑦ ᐅᓐᓄᒃᑯᑦ ᐹᓪᓚᒍᒫᕆᕗᑦ; ᐊᓈᓇᓯᓗ ᐃᓴᕆᐊᓕ ᐊᓯᕈᕐᓂᐊᕐᐸᕋ.

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 8:36

ᐃᕐᓂᐅᑉ ᕿᓚᕈᑦᔮᕐᐸᓯ, ᑕᕝᕙ ᕿᓚᕈᑦᔮᕐᓯᒪᓪᓚᕆᖕᓂᐊᕐᐳᓯ.

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 6:18

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓂᑦᓯᓐᓄᑦ, ᐃᓗᐊᕐᑐᓕᓂᕐᒧᑦ ᑭᒡᒐᕆᔭᐅᓕᕐᓯᒪᒐᑦᓯ.

ᒐᓔᑎᐊᒥᐅᓄᑦ 4:22

ᐅᖃᕐᓯᒪᖕᒪᑕ ᐂᑉᕋᕼᐋᒻᒎᖅ ᐃᕐᓂᖃᓚᐅᕐᐳᖅ ᒪᕐᕉᖕᓂᒃ, ᐂᑉᐸᖓ ᓯᐊᓛᒃᑯᑦ ᐃᕐᓂᖓ, ᐂᑉᐸᖓᓕ ᓯᐊᓛᖑᖏᑦᑐᒃᑯᑦ ᐃᕐᓂᖓ.

ᒐᓔᑎᐊᒥᐅᓄᑦ 4:25

ᐂᒐᕐ ᖃᖅᑲᒥ ᓮᓁᒥ ᐱᓂᐊᓂᐅᓯᒪᔪᒥᒃ ᑐᑭᖃᕐᐳᖅ ᐊᕅᐱᐊᒥᒃ; ᑖᓐᓇᓗ ᑐᑭᖃᕐᐳᖅ ᔨᕉᓴᓕᐅᑉ ᐃᒡᓗᒐᓴᒡᔪᐊᖏᓐᓂᒃ ᐅᓪᓗᒥ, ᑎᒍᔭᐅᓯᒪᓪᓗᑎᒃ ᓯᐊᓛᕆᔭᐅᔪᓂᒃ.

ᒐᓔᑎᐊᒥᐅᓄᑦ 5:1

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᐱᓕᐱᒥᐅᓄᑦ 3:20

ᐅᕙᒍᓪᓕ ᓄᓇᒋᔭᕗᑦ ᕿᓚᖕᒦᑉᐳᖅ, ᑕᑉᐹᓐᖓᓪᓗ ᕿᓚᓈᕐᓗᑕ ᐅᑕᖅᑭᕙᕗᑦ ᐱᐅᓕᔨ, ᔩᓱᓯ ᙭ᔅᑑᓯ ᐊᑕᓂᕗᑦ.

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᐲᑦᑐᕉᓯ ᓯᕗᓪᓖᑦ 2:16

ᕿᓚᕈᑦᔮᕐᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᕐᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:1

ᕿᓚᖕᒥᓗ ᑕᑯᓕᒪᓇᖏᓪᓚᕆᒃᑐᒥᒃ ᓴᖅᑭᑦᑐᖃᕐᐳᖅ, ᐊᕐᓇᒥᒃ ᐊᓐᓄᕌᕐᓯᒪᔪᒥᒃ ᓯᕿᓂᕐᒥᒃ, ᐃᑎᒐᖏᓪᓗ ᐊᑎᒥᐅᑕᖃᕐᐳᑦ ᑕᖅᑭᕐᒥᒃ, ᓂᐊᖂᑎᖃᕐᓗᓂᓗ ᐅᓪᓗᕆᐊᓂᒃ 12ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:5

ᖃᐅᖓᒍᓪᓗ ᑎᑎᕋᕐᓯᒪᔪᖃᕐᐳᖅ ᐊᑎᕐᒥᒃ ᓇᓗᓇᕐᑐᒥᒃ: “ᐹᐱᓘᓂ ᐊᔪᖏᑦᑐᕐᔪᐊᖅ, ᐊᖑᓐᓂᐊᕐᑏᑦ ᐊᓈᓇᖓᑦ ᓄᓇᕐᔪᐊᒥ ᓇᕐᕈᓇᕐᑐᓕᓃᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.