ᒐᓔᑎᐊᒥᐅᓄᑦ 4:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐂᒐᕐ ᖃᖅᑲᒥ ᓮᓁᒥ ᐱᓂᐊᓂᐅᓯᒪᔪᒥᒃ ᑐᑭᖃᕐᐳᖅ ᐊᕅᐱᐊᒥᒃ; ᑖᓐᓇᓗ ᑐᑭᖃᕐᐳᖅ ᔨᕉᓴᓕᐅᑉ ᐃᒡᓗᒐᓴᒡᔪᐊᖏᓐᓂᒃ ᐅᓪᓗᒥ, ᑎᒍᔭᐅᓯᒪᓪᓗᑎᒃ ᓯᐊᓛᕆᔭᐅᔪᓂᒃ.

ᒐᓔᑎᐊᒥᐅᓄᑦ 4:25 Iomraidhean Croise

ᐃᓐᖏᕈᑎᑦ 68:17

ᐊᒃᓴᓗᐊᓖᑦ ᐱᐅᔪᕐᔪᐊᑦ ᒎᑎᐅᑉ ᐱᖏᑦ ᐊᕙᑎᑦ ᑕᐅᓮᕐᑐᕐᓗᒋᑦ ᐊᒡᓛᑦ, ᑕᐅᓮᑦ ᑕᐅᓮᕐᑐᕐᓗᒋᑦ, ᐊᑕᓂᐅᑉ ᓮᓁᒥᑦ ᐃᓚᒋᓪᓗᒋᑦ ᐃᑦᔪᕐᓁᑦᑐᕕᖕᒧᐊᓚᐅᕐᐳᖅ.

ᐃᓐᖏᕈᑎᑦ 68:8

ᓄᓇ ᓴᔪᓚᐅᕐᐳᖅ, ᕿᓔᓪᓗ ᑯᕕᓚᐅᕐᐳᑦ ᓯᓚᓗᖕᒥᒃ, ᒎᑎᐅᑉ ᓇᔪᕐᓂᖓᓄᑦ; ᓮᓁᓗᑦᑕᐅᖅ ᓴᔪᓚᐅᕆᕗᖅ ᒎᑎᐅᑉ ᓇᔪᕐᓂᖓᓄᑦ, ᐃᓴᕆᐊᓕᑏᑦ ᒎᑎᖓᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᓘᑲᓯᐅᑉ ᐊᒡᓚᖏᑦ 13:34

“ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ ᐅᔭᖅᑲᓄᑦ ᒥᓪᓗᕐᑐᑎᑦ ᓇᓚᐅᑦᑍᔪᓂᒃ! ᐅᓄᕐᑐᐃᕐᓱᕐᓗᖓ ᐃᓄᒋᔭᑎᑦ ᐃᕿᑦᓱᒪᑲᑦᑕᓚᐅᕋᓗᐊᕐᐸᒃᑲ ᓲᕐᓗ ᐊᕿᒡᒋᐅᔭᐅᑉ ᕿᑐᕐᖓᓂ ᐃᓴᕈᕐᒥ ᐊᑖᓄᑦ ᑲᑎᑎᑕᖏᑎᑐᑦ, ᑍᒤᑕᐅᔪᒪᓚᐅᓐᖏᓚᓯᓕ!

ᓘᑲᓯᐅᑉ ᐊᒡᓚᖏᑦ 19:44

ᐊᓯᕈᕐᑕᐅᔪᒫᕐᐳᓯ ᐊᕙᓗᕐᔪᐊᑦ ᐃᓗᐊᓃᑦᑐᓕᒫᑦ ᓄᖑᑕᐅᓗᓯ ᕿᑐᕐᖓᓕᒫᓯᓗ, ᐅᔭᕅᓪᓗ ᓴᓇᓯᒪᔪᑦ ᐊᑕᐅᓯᕐᒥᒡᓘᓐᓃᑦ ᖃᓕᕇᒃᑐᖃᕈᓐᓃᕈᒫᕐᐳᑦ; ᒎᑎᐅᑉ ᓴᐳᑦᔨᔭᕐᑐᕐᓂᖓ ᐃᓕᑦᓯᓐᓂᒃ ᑲᒪᒋᓚᐅᖏᓐᓇᑦᓯᐅᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:11

ᐅᖃᕐᓗᑎᒃ, “ᒐᓕᓕᐊᒥᐅᖑᔪᓯ, ᓲᖅ ᕿᓚᖕᒧᑦ ᐋᕐᓗᖓᕕᓰ? ᑖᓐᓇ ᔩᓱᓯ, ᑕᑯᓐᓇᕐᑕᓯ ᕿᓚᖕᒧᐊᕐᑎᓪᓗᒍ, ᐅᑎᓛᕆᕗᖅ ᑍᒫᑦᓮᓐᓇᖅ ᑕᑯᓐᓇᕋᑖᕋᑦᓯᐅᒃ ᖁᒻᒧᐊᒃᑎᓪᓗᒍ ᕿᓚᖕᒧᑦ.”

ᒐᓔᑎᐊᒥᐅᓄᑦ 1:17

ᔨᕉᓴᓕᒻᒧᓪᓘᓐᓃᑦ ᐂᖅᑳᓚᐅᓐᖏᓚᖓ ᓯᕗᓪᓕᐅᓪᓗᑎᒃ ᐋᐴᓯᑕᓕᓐᖑᖅᑳᕐᑐᕕᓃᑦ ᑕᑯᔭᕐᑐᕐᓗᒋᑦ, ᐊᕅᐱᐊᒧᐊᓚᐅᕐᐳᖓᓕ; ᑭᖑᓂᖓᒍᓪᓗ ᑕᒫᓯᑰᓯᒧᑦ ᐅᑎᕆᓪᓗᖓ.

ᒐᓔᑎᐊᒥᐅᓄᑦ 4:24

ᑖᒃᑯᐊᒃ ᑐᑭᓯᑦᔪᑎᒃᓴᐅᔪᓐᓇᕐᐴᒃ: ᐊᕐᓈᒃ ᒪᕐᕉᒃ ᑐᑭᖃᕈᓐᓇᕐᒪᑎᒃ ᐊᖏᕐᓯᒪᓃᖕᓂᒃ ᒪᕐᕉᖕᓂᒃ. ᖃᖅᑲᒥ ᓮᓁᒥ ᐊᖏᖃᑎᒌᒍᑕᐅᓚᐅᕐᑐᒥᒃ ᓴᖅᑭᑎᑦᓯᔪᖅ ᑖᓐᓇ ᕿᑐᕐᖓᕐᑖᕐᓯᒪᕗᖅ ᓯᐊᓛᖑᓪᓗᓂ; ᐂᒐᕐ.

ᒐᓔᑎᐊᒥᐅᓄᑦ 4:26

ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ.

ᒨᓯᓯ ᑕᓪᓕᒪᖏᑦ 33:2

ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ; ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ, ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ. ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ, ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.

ᐄᑉᕈᐃᓄᑦ 12:18

ᖃᖅᑲᒧᑦ ᐊᒃᑐᕐᑕᐅᔪᓐᓇᕐᑐᒧᑦ ᑎᑭᖏᓐᓇᑦᓯ, ᐃᑯᐊᓚᔪᖃᕐᑐᒧᑦ, ᑕᒃᓯᕐᑐᒧᓪᓗ, ᑖᕐᑐᕐᔪᐊᒧᓪᓗ, ᐊᓄᕆᕐᔪᐊᕐᑐᒧᓪᓗ,

ᐃᓗᐊᕐᓮᔩᑦ ᐊᒡᓚᖏᑦ 5:5

ᖃᖅᑬᓪᓗ ᓴᔪᒃᐱᓗᓚᐅᕐᐳᑦ ᐊᑕᓂᐅᑉ ᓵᖓᓂ, ᓮᓁᒥ ᐊᑕᓂᐅᑉ ᓵᖓᓂ, ᐃᓴᕆᐊᓕᐅᑉ ᒎᑎᖓᑕ.