16 ᒫᓐᓇᓕ ᐊᑭᕋᕐᑎᑐᑦ ᐃᓱᒪᒋᓕᕐᐱᓯᓐᖔ ᓱᓕᔪᒥᒃ ᐅᖃᐅᑎᓕᕋᑦᓯ?
ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.
ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ: “ᐅᓇ ᐊᖑᑦ ᑎᒍᔭᐅᒪᕕᖕᒧᐊᕐᑕᐅᓕ, ᓂᕆᔪᒪᑎᖃᑦᑕᕐᓗᒍᓗ ᓁᒪᓗᓂ ᓂᐊᖂᔭᒥᒃ ᐃᒥᕐᒥᒡᓗ, ᐅᑎᓚᐅᖅᑳᕐᑎᓐᓇᖓ, ᖃᓄᐃᖏᑦᓯᐊᕐᓗᖓ.”’”
ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᕐᐳᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᓱᓕ, ᒤᑬᐊᒥᒃ ᐃᒻᓚᐅᑉ ᐃᕐᓂᖓᓂᒃ, ᐊᑕᓂᕐᒥᒃ ᖃᐅᔨᒋᐊᕐᕕᒋᔪᓐᓇᕐᒥᔭᕗᑦ, ᑭᓯᐊᓂᓕ ᑖᓐᓇ ᐆᒥᒋᕙᕋ, ᐱᐅᔪᓂᒃ ᐅᖃᐅᓯᒃᓴᖃᓚᐅᕐᓯᒪᖏᒻᒪᑦ ᐅᕙᓐᓄᑦ, ᐱᐅᖏᑦᑐᓂᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”
ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”
ᐃᓱᐊᕐᑐᓕᔪᒧᑦ ᐊᓇᐅᔭᐅᑎᓚᐅᓐᖓ ᐱᑦᓯᐊᕐᓂᐅᒐᔭᕐᒪᑦ ᓱᐊᒃᑕᐅᓗᖓᓘᓐᓃᑦ ᑕᒪᓐᓇ ᐅᕐᓱᑦᓯᐊᕚᓘᖕᒪᑦ; ᐱᐅᖏᑦᑐᓄᓪᓕ ᓂᐊᖁᕋ ᐅᕐᓱᕐᑎᕐᑕᐅᑎᓚᐅᕐᓯᒪᓐᓂᐊᕐᓇᒍ; ᓱᓕ ᑐᒃᓯᐊᕐᐳᖓ ᐱᐅᖏᑦᑐᑦ ᐱᓂᐊᕐᓂᖏᑦ ᐊᑭᕋᕐᑐᕐᓗᒋᑦ.
ᒥᑕᐅᑎᒃᓴᕐᑎᒥᒃ ᐃᓂᕐᑎᕆᓂᐊᕐᓇᒃ, ᐆᒥᒋᔭᐅᓕᖁᓇᒃ, ᓯᓚᑐᔪᖅ ᐃᓂᕐᑎᕈᕕᐅᒃ ᑖᑦᓱᒪ ᓇᒡᓕᒋᓂᐊᕐᐹᑎᑦ.
“ᐆᒥᓱᖕᒪᑕ ᐃᓂᕐᑎᕆᔪᒥᒃ, ᓇᕐᕈᓪᓗᑎᒡᓗ ᓱᓕᔪᒥᒃ ᐅᖃᐅᓯᓕᖕᒥᒃ ᐃᖅᑲᕐᑐᐃᕕᖕᒥ.
ᓯᓚᕐᔪᐊᕐᒥᐅᑦ ᐆᒥᒋᔪᓐᓇᓐᖏᓛᓯ, ᐅᕙᖓᓕ ᐆᒥᒋᔭᐅᕗᖓ ᐱᐅᖏᑦᑐᒧᑦ ᐊᐅᓚᑕᐅᓂᖏᓐᓂᒃ ᓇᓗᓁᕐᓯᖃᑦᑕᕐᓂᕋ ᐱᑦᔪᑎᒋᓪᓗᒍ.
ᐅᕙᖓᓕ ᓱᓕᔪᒥᒃ ᐅᖃᓪᓚᒃᑲᒪ, ᐅᒃᐱᕆᓐᖏᓚᑦᓯᓐᖓ.
ᑕᒪᑐᒥᖓᓕ ᖃᐅᔨᒐᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓇᓛᒎᑦ ᒪᓕᒍᓐᓃᕐᓂᖏᓐᓂᒃ, ᓰᐸᓯ ᐅᖃᐅᑎᓚᐅᕐᐸᕋ, ᐃᓄᐃᑦ ᑐᓵᔪᐃᓐᓇᐅᑎᓪᓗᒋᑦ, “ᔫᑎᐅᓪᓗᑎᑦ, ᔫᑎᐅᖏᑦᑐᑎᑐᑦ ᐃᓅᖃᑕᐅᓕᓚᐅᕐᐳᑎᑦ ᔫᑎᑎᑑᖏᑦᑐᖅ. ᓱᖕᒪᑦ ᔫᑎᐅᖏᑦᑐᑦ ᔫᑎᑎᑐᑦ ᐃᓄᓯᕐᑖᕐᑎᓐᓇᓱᐊᕐᐱᒌᑦ?”
ᐅᖃᐅᓰᑦ ᑐᓴᕈᒥᓇᕐᑐᑦ ᓱᓕᓂᖓ ᐃᓕᑦᓯᓐᓄᑦ ᐱᓯᒪᔭᐅᖁᒐᑦᑎᒍ, ᑖᒃᑯᓄᖓ ᓵᓚᒋᔭᐅᓂᐅᓴᓚᐅᓐᖏᓚᒍᑦ.
ᓇᐅᒡᓕ ᐃᑲᔪᕈᒪᓂᕆᓚᐅᕐᑕᓯ? ᐅᕙᖓᓕ ᐅᖃᐅᑎᔪᓐᓇᕐᐸᑦᓯ ᐃᒫᒃ; ᐊᒡᓛᑦ ᐃᔨᓯ ᐱᕈᓐᓇᕈᑦᓯᐅᒃ ᐲᕐᓗᒋᑦ, ᐅᕙᓐᓄᑦ ᑐᓂᔪᒪᓚᐅᕋᓗᐊᕐᐸᓯ.
ᑍᒃᑯᐊ ᐊᓯᕗᑦ ᐊᒃᓱᕈᑦᓯᐊᕐᑐᐊᓘᔮᕐᒪᑕ ᐃᓕᑦᓯᓐᓄᑦ, ᑭᓯᐊᓂᓕ ᐃᓱᒪᒋᔭᖏᑦ ᓈᒻᒪᓈᕐᓯᒪᓐᖏᓚᑦ; ᐃᓕᑦᓯᓐᓂᒃ ᐊᕕᑎᑦᓯᓇᓱᐊᑐᐃᓐᓇᕐᐳᑦ ᐅᕙᓐᓂᑦ, ᐃᓕᑦᓯᓐᓄᑦ ᐃᓱᒪᒋᔭᐅᑦᓯᐊᕈᒪᑐᐃᓐᓇᕐᓗᑎᒃ.
ᐅᓪᓚᑦᓯᐊᓕᓚᐅᕐᑐᓯ; ᑭᐊ ᓄᖅᑲᕐᑎᓚᐅᕐᐹᓯ ᓱᓕᓂᕐᒥᒃ ᓈᓚᒍᓐᓁᕐᑎᓪᓗᓯ?
