ᒐᓔᑎᐊᒥᐅᓄᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓇᐅᒡᓕ ᐃᑲᔪᕈᒪᓂᕆᓚᐅᕐᑕᓯ? ᐅᕙᖓᓕ ᐅᖃᐅᑎᔪᓐᓇᕐᐸᑦᓯ ᐃᒫᒃ; ᐊᒡᓛᑦ ᐃᔨᓯ ᐱᕈᓐᓇᕈᑦᓯᐅᒃ ᐲᕐᓗᒋᑦ, ᐅᕙᓐᓄᑦ ᑐᓂᔪᒪᓚᐅᕋᓗᐊᕐᐸᓯ.

ᒐᓔᑎᐊᒥᐅᓄᑦ 4:15 Iomraidhean Croise

ᓘᑲᓯᐅᑉ ᐊᒡᓚᖏᑦ 8:13

ᐱᕈᕐᓯᐊᒃᓮᑦ ᐅᔭᕋᓛᓄᑦ ᐃᑦᔪᑭᑦᑐᒧᑦ ᑲᑕᒃᑐᑦ ᑖᒃᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓚᓕᐅᕐᓯᔪᓪᓗ ᖁᕕᐊᓱᒡᓗᑎᒃ; ᑭᓯᐊᓂᓕ ᐊᒫᑭᓐᓇᒥᒃ ᓄᓇᒧᑦ ᒪᖑᒃᓯᒪᔪᓂᒃ, ᐅᒃᐱᕈᓱᓚᐅᕋᓗᐊᕐᓗᑎᒃ ᐱᐅᓐᖏᑐᒥᒃ ᐱᔪᒥᓵᕐᑕᐅᓕᕋᒥᒃ ᑲᑕᒃᐳᑦ.

ᕉᒪᒥᐅᓄᑦ 10:2

ᓇᓗᓁᕈᓐᓇᕐᐸᒃᑲ ᐃᓗᖏᕐᓱᕐᓗᑎᒃ ᐱᔪᒪᓂᖃᕐᑐᑦ ᒎᑎᒧᑦ, ᐃᓗᖏᕐᓱᕐᓂᖓᓪᓕ ᖃᐅᔨᓯᒪᓪᓚᕆᖕᓂᕐᒥᑦ ᑐᓐᖓᕕᖃᓐᖏᓚᖅ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:3

ᑐᓂᔪᓐᓇᕐᑕᒥᖕᓂᒃ ᑐᓂᓯᕗᑦ, ᓇᓗᓁᕐᓯᔪᓐᓇᕐᐳᖓᓗ, ᑐᓂᔪᓐᓇᕐᑕᒥᓘᓐᓃᑦ ᐅᖓᑖᓄᑦ ᑐᓂᓯᓚᐅᕐᐳᑦ, ᑎᓕᐅᕐᑕᐅᓇᑎᒃ ᐃᓱᒪᒥᖕᓂᒃ.

ᒐᓔᑎᐊᒥᐅᓄᑦ 3:14

ᑕᕝᕙ ᙭ᔅᑑᓯ ᔩᓱᓯᒃᑯᑦ ᐂᑉᕋᕼᐋᒻ ᓮᒻᒪᕐᑎᑕᐅᓯᒪᓂᖓ ᔫᑎᐅᖏᑦᑐᓄᑦᑕᐅᖅ ᐱᔭᐅᔪᓐᓇᕐᓯᖁᓪᓗᒍ, ᐅᕙᒍᑦᑕᐅᖅ ᐅᒃᐱᕐᓂᑦᑎᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᐊᓂᕐᓂᕐᒥᒃ ᐱᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 4:14

ᑎᒥᒪ ᐊᑲᕐᕆᖏᓐᓂᖓ ᐊᒃᓱᕉᑎᒋᒐᓗᐊᕐᓗᓯᐅᒃ, ᖁᔭᓈᓚᐅᓐᖏᓚᑦᓯᓐᖓ ᓇᕐᕈᒋᓇᖓᓗ, ᒎᑎᐅᓪᓕ ᐂᖏᓕᖏᑎᑐᑦ ᕿᓚᖕᒥᑦ ᑎᑭᑦᑐᑎᑐᑦ ᑐᓐᖓᓱᒃᑎᓚᐅᕐᐸᑦᓯᓐᖓ, ᙭ᔅᑑᓯ ᔩᓱᓯᑐᑦ ᐊᒡᓛᑦ.

ᒐᓔᑎᐊᒥᐅᓄᑦ 4:16

ᒫᓐᓇᓕ ᐊᑭᕋᕐᑎᑐᑦ ᐃᓱᒪᒋᓕᕐᐱᓯᓐᖔ ᓱᓕᔪᒥᒃ ᐅᖃᐅᑎᓕᕋᑦᓯ?

ᒐᓔᑎᐊᒥᐅᓄᑦ 4:19

ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒐᓔᑎᐊᒥᐅᓄᑦ 6:4

ᓇᖕᒥᓂᕐᓕ ᐱᓂᐊᕐᓂᒥᖕᓂᒃ ᖃᐅᔨᓴᕐᓕᑦ, ᐱᓂᐊᕐᓂᖓ ᐱᐅᔫᒃᐸᑦ, ᑕᕝᕙ ᐱᓇᓱᐊᓚᐅᕐᑕᒥᓂᒃ ᐅᐱᒍᓲᑎᖃᕈᓐᓇᕋᔭᕐᐳᖅ, ᐊᓯᒥ ᐱᓂᐊᕐᓂᕆᓯᒪᔭᖏᓐᓂᒃ ᐃᓱᒪᖏᓪᓗᓂ.

ᑯᓘᓯᐊᒥᐅᓄᑦ 4:13

ᑖᓐᓇ ᓇᓗᓁᔭᕈᑎᒋᕙᕋ ᐃᓕᑦᓯᓐᓄᑦ ᐱᓇᓱᐊᕐᒪᑦ ᐊᒃᓱᕈᕐᓗᓂ ᓚᐅᑏᓯᐊᒦᑦᑐᓄᓪᓗ ᕼᐂᕋᐴᓕᓯᒦᑦᑐᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:8

ᑍᒫᒃ ᐊᖏᑎᒋᔪᒥᒃ ᐃᓕᑦᓯᓐᓂᒃ ᓇᒡᓕᒍᓱᖕᓂᑦᑎᓐᓄᑦ, ᐱᓇᓱᐊᖃᑎᒋᔪᒪᓚᐅᕐᐸᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑐᐃᓐᓇᐅᖏᑦᑐᖅ ᒎᑎᒥᓐᖔᕐᑐᓂᒃ, ᐃᓅᓯᑦᑎᓐᓂᒡᓕᑦᑕᐅᖅ ᐊᒡᓛᑦ, ᐊᒃᓱᒻᒪᕆᐊᓗᒃ ᐅᕙᑦᑎᓐᓄᑦ ᓇᒡᓕᖕᓇᕐᑑᒐᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:13

ᐅᐱᒋᑦᓯᐊᕆᐊᖃᕐᐸᓯ ᓇᒡᓕᒋᑦᓯᐊᕐᓗᒋᓪᓗ ᐱᓇᓱᐊᖃᑦᑕᕐᓂᖏᑦ ᐱᑦᔪᑎᒋᓗᖏᑦ. ᐃᓕᑦᓯᓐᓄᑦ ᐊᑐᓂᑦ ᐃᓅᖃᑎᒌᑦᓯᐊᕆᑦᓯ.