ᒐᓔᑎᐊᒥᐅᓄᑦ 4:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑎᒥᒪ ᐊᑲᕐᕆᖏᓐᓂᖓ ᐊᒃᓱᕉᑎᒋᒐᓗᐊᕐᓗᓯᐅᒃ, ᖁᔭᓈᓚᐅᓐᖏᓚᑦᓯᓐᖓ ᓇᕐᕈᒋᓇᖓᓗ, ᒎᑎᐅᓪᓕ ᐂᖏᓕᖏᑎᑐᑦ ᕿᓚᖕᒥᑦ ᑎᑭᑦᑐᑎᑐᑦ ᑐᓐᖓᓱᒃᑎᓚᐅᕐᐸᑦᓯᓐᖓ, ᙭ᔅᑑᓯ ᔩᓱᓯᑐᑦ ᐊᒡᓛᑦ.

ᒐᓔᑎᐊᒥᐅᓄᑦ 4:14 Iomraidhean Croise

ᓴᒧᐃᓕ ᐂᑉᐸᖏᑦ 14:17

ᐃᓱᒪᓚᐅᕋᒪ, ᐊᖏᕈᑎᒋᔭᖓ ᐊᑕᓂᕐᒪ ᐊᖓᔪᖅᑳᕐᔪᐊᒪ ᐅᕙᓐᓂᒃ ᓴᐳᑦᔨᔪᓐᓇᕐᒪᑦ, ᐊᑕᓂᕋ ᐊᖓᔪᖅᑳᕐᔪᐊᕋ ᒎᑎᐅᑉ ᐂᖏᓕᖁᑎᒋᔮᕐᒪᒍ ᖃᐅᔨᔪᓐᓇᕐᑐᖅ ᐱᐅᔪᒥᒃ ᐱᐅᖏᑦᑐᒥᒡᓗ. ᐊᑕᓂᐅᑉ ᒎᑎᕕᑦ ᐃᓚᒋᓕᑎᑦ!”

ᓴᒧᐃᓕ ᐂᑉᐸᖏᑦ 19:27

ᐅᕙᓐᓂᒃ ᓴᒡᓗᕿᑦᓯᓚᐅᕐᒪᑦ ᐃᓕᖕᓄᑦ ᐊᖓᔪᖅᑳᒃ, ᒎᑎᐅᓪᓕ ᐂᖏᓕᖁᑎᒋᔮᕐᐹᑎᑦ; ᑍᒤᒻᒪᑦ ᐱᓇᓱᐊᓕᕆᑦ ᓈᒻᒪᒐᓱᒋᔭᕐᓂᒃ.

ᔫᐱᐅᑉ ᐊᒡᓚᖏᑦ 12:5

ᐊᑲᐅᓐᖏᓕᐅᕈᑎᖃᓐᖏᓐᓇᑦᓯᓕ ᐅᕙᓐᓂᒃ ᒥᑕᐅᑎᖃᕐᐳᓯ; ᓱᓕᓕ ᐊᖑᒻᒥᒃ ᐋᓐᓂᕐᓯᕆᕗᓯ ᐅᕐᕈᓕᒑᓕᕐᑐᒥᒃ.

ᐃᓐᖏᕈᑎᑦ 119:141

ᐱᓪᓚᕆᐅᓐᖏᓚᖓ ᓇᕐᕈᒋᔭᐅᓪᓗᖓᓗ, ᐱᓇᓱᐊᕐᑕᐅᖁᔭᑎᓪᓕ ᐳᐃᒍᕐᓯᒪᓐᖏᓚᒃᑲ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:16

ᐅᖃᕐᐳᖓᓕ, ᓯᓚᑐᓂᖅ ᐱᐅᓂᕐᓴᐅᕗᖅ ᐊᔪᖏᓐᓂᕐᒥᑦ; ᑭᓯᐊᓂ ᐊᔪᕐᓴᕐᑑᑉ ᓯᓚᑐᓂᖓ ᓇᕐᕈᒋᔭᐅᓚᐅᕐᐳᖅ, ᐅᖃᐅᓯᖏᓪᓗ ᓈᓚᒃᑕᐅᓇᑎᒃ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒫᑎᐅᓯᐅᑉ ᐊᒡᓚᖏᑦ 10:40

“ᐃᓕᑦᓯᓐᓂᒃ ᐃᓚᓕᐅᕐᓯᔪᖅ ᐅᕙᓐᓂᒃ ᐃᓚᓕᐅᕐᓯᕗᖅ; ᐅᕙᓐᓂᒡᓗ ᐃᓚᓕᐅᕐᓯᔪᖅ ᑎᓕᔨᓐᓂᒃ ᐃᓚᓕᐅᕐᓯᕗᖅ.

ᒫᑎᐅᓯᐅᑉ ᐊᒡᓚᖏᑦ 18:5

ᓇᓪᓕᐊᑦ ᓱᕈᓯᑯᓗᒃᑎᑐᑦ ᑍᒤᑦᑐᒥᒃ ᐃᓚᓕᐅᕐᓯᔪᖅ ᐅᕙᖓ ᐱᓪᓗᖓ, ᑖᓐᓇ ᐅᕙᓐᓂᒃ ᐃᓚᓕᐅᕐᓯᕗᖅ.”

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᔪᐊᓇᓯᐅᑉ ᐊᒡᓚᖏᑦ 13:20

ᓱᓕᔪᒥᒃ ᐅᖃᐅᑎᕙᑦᓯ, ᑎᓕᔭᓐᓂᒃ ᐃᓚᓕᐅᕐᓯᔪᖅ ᑖᓐᓇ ᐅᕙᓐᓂᒃ ᐃᓚᓕᐅᕐᓯᒋᕗᖅ; ᐅᕙᓐᓂᒡᓕ ᐃᓚᓕᐅᕐᓯᔪᖅ ᑎᓕᔨᓐᓂᒃ ᐃᓚᓕᐅᕐᓯᒋᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:28

ᓯᓚᕐᔪᐊᕐᒥᐅᓄᑦ ᒥᑭᓐᓂᕐᐸᐅᓇᓱᒋᔭᐅᔪᑦ ᓱᓇᑐᐃᓐᓁᑦ ᓇᕐᕈᓇᕐᑐᓪᓗ ᓱᓇᐅᖏᑦᑐᓪᓗ ᓂᕈᐊᕆᓚᐅᕐᐰᑦ, ᓯᓚᕐᔪᐊᕐᒥᐅᓄᑦ ᐊᑐᕐᓇᕐᑑᓇᓱᒋᔭᐅᔪᑦ ᓱᓇᐅᔪᓐᓃᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:10

᙭ᔅᑑᓯ ᐱᑦᔪᑎᒋᓪᓗᒍ ᓯᓔᑦᑑᔭᕐᐳᒍᑦ, ᐃᓕᑦᓯᓕ ᙭ᔅᑑᓯᒥ ᓯᓚᑐᕗᓯ. ᓴᓐᖐᑦᑑᕗᒍᑦ, ᐃᓕᑦᓯᓕ ᓴᓐᖏᔫᕗᓯ. ᐅᐱᒋᔭᐅᕗᓯ, ᐅᕙᒍᓪᓕ ᓇᕐᕈᒋᔭᐅᕗᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᒐᓔᑎᐊᒥᐅᓄᑦ 4:13

ᐃᖅᑲᐅᒪᕗᓯ ᑎᒥᒃᑯᑦ ᐊᑲᕐᕆᖏᓐᓂᓐᓄᑦ ᐃᓕᑦᓯᓐᓂᒃ ᓯᕗᓪᓕᐅᑦᔨᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒡᕕᒋᖅᑳᓚᐅᕋᑦᓯ.

ᒐᓔᑎᐊᒥᐅᓄᑦ 4:15

ᓇᐅᒡᓕ ᐃᑲᔪᕈᒪᓂᕆᓚᐅᕐᑕᓯ? ᐅᕙᖓᓕ ᐅᖃᐅᑎᔪᓐᓇᕐᐸᑦᓯ ᐃᒫᒃ; ᐊᒡᓛᑦ ᐃᔨᓯ ᐱᕈᓐᓇᕈᑦᓯᐅᒃ ᐲᕐᓗᒋᑦ, ᐅᕙᓐᓄᑦ ᑐᓂᔪᒪᓚᐅᕋᓗᐊᕐᐸᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᐄᑉᕈᐃᓄᑦ 13:2

ᓯᓂᒃᑕᕐᕕᐅᔪᒪᓗᓯ ᑐᓐᖓᓮᖃᑦᑕᕆᑦᓯ ᓂᐅᕐᕈᐊᓂᒃ, ᐃᓚᖏᑦ ᑍᒤᓕᐅᕋᒥᒃ ᖃᐅᔨᒪᓇᑎᒃ ᐂᖏᓕᓂᒃ ᑐᓐᖓᓱᒃᑎᑦᓯᓯᒪᖕᒪᑕ.