ᒐᓔᑎᐊᒥᐅᓄᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᐅᓯᕐᒥᒃ ᑐᑭᓯᑎᑕᐅᔪᒪᓕᕐᐳᖓ ᐃᓕᑦᓯᓐᓄᑦ, ᒎᑎᐅᑉ ᐊᓂᕐᓂᖓᓂᒃ ᐱᑎᑕᐅᓚᐅᕐᐱᓰ? ᐱᖁᔭᓂᒃ ᒪᓕᖕᓂᑦᓯᓐᓄᑦ, ᐅᕝᕙᓗ ᐅᒃᐱᕐᓂᑦᓯᓐᓄᑦ ᐅᖃᐅᓯᕐᓂᒃ ᑐᓴᕐᑕᑦᓯᓐᓂᒃ?

ᒐᓔᑎᐊᒥᐅᓄᑦ 3:2 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 15:8

ᒎᑎ ᐃᓱᒪᓕᒫᓂᒃ ᖃᐅᔨᒪᔪᖅ, ᓈᒻᒪᒃᓴᕐᓂᕐᒥᓂᒃ ᔫᑎᐅᖏᑦᑐᓂᒃ ᓇᓗᓁᕐᓯᓚᐅᕐᐳᖅ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᑐᓂᓯᕕᒋᒐᒥᒋᑦ ᐅᕙᑦᑎᓐᓄᑦ ᑐᓂᓯᓚᐅᕐᓂᕐᒥᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 8:15

ᑖᒃᑯᐊᒃ ᑎᑭᓐᓇᒥᒃ ᑐᒃᓯᐅᑦᔨᕘᒃ ᑖᒃᑯᓂᖓ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᒋᑦ;

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:21

ᐱᖁᔭᖃᖏᑦᑐᓂᓕ ᐱᖁᔭᖃᖏᑦᑐᑎᑐᑦ ᐃᓕᖅᑯᓯᖃᕐᐳᖓ, ᒎᑎᐅᑉ ᐱᖁᔭᖏᓐᓂᒃ ᓈᓚᖏᑦᑑᖏᒃᑲᓗᐊᕐᓗᖓ, ᙭ᔅᑑᓯᐅᓪᓕ ᐱᖁᔭᖏᓐᓂᒃ ᐱᖃᕐᐳᖓ, ᐱᖁᔭᖃᖏᑦᑐᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:4

ᐃᓕᑦᓯᓐᓄᑦ ᑎᑭᑦᑐᖃᕐᐸᑦ ᔩᓱᓯᐅᑉ ᐊᓯᐊᓂᒃ ᐊᔪᕆᕐᑐᐃᑦᔪᑎᖃᕐᑐᒥᒃ ᐊᔪᕆᕐᑐᐃᑦᔪᑎᒋᓚᐅᓐᖏᑕᑦᑎᓐᓂᒃ, ᐅᕝᕙᓗ ᐊᓂᕐᓂᕐᒥᒃ ᐃᓚᓕᐅᕐᓯᒍᑦᓯ ᐱᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᐅᕝᕙᓗ ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᐊᓂᒃ ᐃᓚᓕᐅᕐᓯᒍᑦᓯ ᐃᓚᓕᐅᕐᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᑍᒤᑦᑐᓂᒃ ᖃᓄᐃᒃᓴᕋᓯ ᐱᕕᖃᕐᑎᑦᓯᓲᖑᒐᑦᓯ.

ᒐᓔᑎᐊᒥᐅᓄᑦ 3:14

ᑕᕝᕙ ᙭ᔅᑑᓯ ᔩᓱᓯᒃᑯᑦ ᐂᑉᕋᕼᐋᒻ ᓮᒻᒪᕐᑎᑕᐅᓯᒪᓂᖓ ᔫᑎᐅᖏᑦᑐᓄᑦᑕᐅᖅ ᐱᔭᐅᔪᓐᓇᕐᓯᖁᓪᓗᒍ, ᐅᕙᒍᑦᑕᐅᖅ ᐅᒃᐱᕐᓂᑦᑎᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᐊᓂᕐᓂᕐᒥᒃ ᐱᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 3:3

ᖃᓄᐃᒻᒪᑦ ᓯᓔᑦᑐᒻᒪᕆᐊᓘᕕᓯ? ᒎᑎᐅᑉ ᐊᓂᕐᓂᖓᓄᑦ ᐱᒋᐊᓚᐅᕐᐳᓯ, ᒫᓐᓇᓕ ᑎᒥᐅᑉ ᐱᓇᓱᐊᕐᓂᖓᓄᑦ ᐱᔭᕇᕋᓱᐊᓕᕐᐱᓰ?

ᒐᓔᑎᐊᒥᐅᓄᑦ 3:5

ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᓪᓗᓂᓯ ᑲᒪᓇᕐᑐᓕᓂᕐᒥᓂᒃ ᑕᑯᑎᓚᐅᕐᐹᓯ ᐱᖁᔭᓂᒃ ᒪᓕᑦᓯᐊᕐᓂᑦᓯᓐᓅᑦ ᐅᕝᕙᓗ ᐅᒃᐱᕐᓂᑦᓯᓐᓄᑦ ᐅᖃᐅᓯᕐᓂᒃ ᑐᓴᕐᑕᑦᓯᓐᓂᒃ?

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᐄᑉᕈᐃᓄᑦ 4:2

ᐅᕙᒍᑦᑕᐅᖅ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑐᓴᕐᑎᑕᐅᓯᒪᒐᑦᑕ ᑍᒃᑯᑎᑐᓇᖅ; ᑍᒃᑯᐊᓕ ᑐᓴᕐᑕᒥᖕᓂᒃ ᐱᕙᓪᓕᕈᑎᖃᓚᐅᓐᖏᓚᑦ, ᑐᓴᕐᑎᓪᓗᒋᑦ ᐃᓚᓕᐅᕐᓯᓚᐅᖏᒻᒪᑕ ᐅᒃᐱᕐᓂᑯᑦ.

ᐄᑉᕈᐃᓄᑦ 6:4

ᓵᒋᐊᕐᑎᑕᐅᒃᑲᓐᓂᕈᓐᓇᓐᖏᓚᑦ ᖃᐅᒻᒪᒃᓴᕐᑕᐅᓯᒪᓚᐅᕐᑐᑦ, ᑐᓂᕐᕈᑎᓂᒡᓗ ᕿᓚᖕᒥᑦ ᐱᔪᓂᒃ ᐆᒃᓯᓯᒪᔪᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓚᖏᐅᑎᑎᑕᐅᓯᒪᔪᑦ,

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.