ᒐᓔᑎᐊᒥᐅᓄᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓱᖕᒪᓪᓕ ᐱᖁᔭᕐᑕᖃᕐᐸ? ᑖᒃᑯᐊᓕ ᐃᓚᓕᐅᑦᔭᐅᓯᒪᕗᑦ ᐱᐅᖏᑦᑐᓕᓂᖅ ᖃᐅᔨᒪᔭᐅᖁᓪᓗᒍ, ᑐᓂᑦᔪᑕᐅᓯᒪᓂᖏᑦ ᐊᑑᑎᒃᓴᖃᓚᐅᕐᐳᑦ ᐂᑉᕋᕼᐋᒻ ᑭᖑᕚᒃᓴᖓ ᑎᑭᖏᓐᓂᖓᓂ ᑖᑦᓱᒧᖓ ᐊᖏᕈᑕᐅᓯᒪᔪᖅ ᑐᕌᖓᖕᒪᑦ; ᐱᖁᔧᑦ ᑐᓂᔭᐅᓚᐅᕐᐳᑦ ᐂᖏᓕᒃᑯᑦ ᐃᓄᒃ ᐊᖅᑯᓯᐅᑎᔭᐅᓪᓗᓂ ᑐᓂᔭᐅᓪᓗᑎᒃ.

ᒐᓔᑎᐊᒥᐅᓄᑦ 3:19 Iomraidhean Croise

ᐃᓐᖏᕈᑎᑦ 106:23

ᑍᒤᒻᒪᑦ ᐅᖃᓚᐅᕐᐳᖅ ᑖᒃᑯᓂᖓ ᓄᖒᑦᓯᔪᒪᓕᕐᓗᓂ, ᓂᕈᐊᕐᓯᒪᔭᖓᓕ ᒨᓯᓯ ᒎᑎᐅᑉ ᓵᖓᓂ ᓂᑯᕕᓚᐅᕐᐳᖅ, ᓂᓐᖓᐅᒪᓂᖓ ᓴᖑᑎᓪᓗᓂᐅᒃ, ᓄᖒᑦᓯᖁᓇᒍ ᑖᒃᑯᓂᖓ.

ᒨᓯᓯ ᐱᖓᔪᖏᑦ 15:32

ᐅᓇ ᑕᕝᕙ ᐱᖁᔭᖅ ᐊᖑᑦ ᖃᐹᕿᔪᖅ ᐱᑦᔪᑎᒋᓪᓗᒍ, ᓴᓗᒤᓕᑎᑕᐅᔪᓪᓗ ᖃᐹᕿᓂᕐᒧᑦ.

ᓘᑲᓯᐅᑉ ᐊᒡᓚᖏᑦ 16:31

ᐂᑉᕋᕼᐋᒻ ᑭᐅᕚ, ‘ᒨᓯᓯᐅᑉ ᓇᓚᐅᑦᑍᔪᓪᓗ ᐊᒡᓚᖏᓐᓂᒃ ᓈᓚᖏᒃᑯᑎᒃ, ᐅᒃᐱᕈᓱᒃᑲᔭᖏᓐᓂᕗᑦ ᑐᖁᖓᔪᒥᒃ ᒪᑭᑦᑐᖃᕋᓗᐊᕐᐸᑦ.’”

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 15:22

ᑎᑭᓚᐅᖏᒃᑯᒪ ᐅᖃᐅᑎᔭᕐᑐᕐᓗᒋᑦ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᐸᓯᔭᒃᓴᐅᔪᓐᓃᕈᓐᓇᓐᖏᓚᑦ ᐊᔪᕐᓂᕐᒥᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:38

ᑖᓐᓇ ᒨᓯᓯ ᐃᓴᕆᐊᓕᒥᐅᑦ ᐃᓚᒋᓚᐅᕐᑕᖓᑦ ᐃᓄᖃᖏᑦᑐᒥ; ᓯᕗᓕᕕᓂᑦᑕᓗ ᐃᓚᒋᓚᐅᕐᐹᑦ, ᐂᖏᓕᐅᓪᓗ ᐃᓚᒋᓚᐅᕆᕚ, ᐅᖃᖃᑎᒋᓪᓗᒍ ᖃᖅᑲᒥ ᓮᓁᒥ, ᑐᓂᓯᕕᐅᓚᐅᕐᑐᖅ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᖃᓄᖅ ᐃᓅᔭᕆᐊᒃᓴᖅ ᖃᐅᔨᑦᔪᑎᒃᓴᓂᒃ ᑐᓂᓯᖁᓪᓗᒍ ᑎᑎᕋᕐᓯᒪᔪᓂᒃ ᐅᕙᑦᑎᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:53

ᐃᓕᑦᓯ ᐱᖁᔭᓂᒃ ᐱᑎᑕᐅᓚᐅᕐᑐᓯ ᐂᖏᓖᑎᒍᑦ ᑐᓂᔭᐅᔪᓂᒃ, ᑖᒃᑯᓂᖓ ᒪᓕᓚᐅᓐᖏᓚᓯ.”

ᕉᒪᒥᐅᓄᑦ 2:13

ᐱᖁᔭᓂᒃ ᑐᓴᑐᐃᓐᓇᕐᑐᑦ ᓈᒻᒪᒃᓯᑎᑕᐅᖏᒻᒪᑕ ᒎᑎᐅᑉ ᓵᖓᓂ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᓈᒻᒪᖕᓂᕋᕐᑕᐅᔪᒫᕐᐳᑦ.

ᕉᒪᒥᐅᓄᑦ 4:15

ᐱᖁᔧᑦ ᓈᓚᒃᑕᐅᖏᑉᐸᑕ ᒎᑎᐅᑉ ᓂᓐᖓᐅᓯᖓᓂᒃ ᓴᖅᑭᑎᑦᓯᖕᒪᑕ, ᐱᖁᔭᖃᖏᑦᑐᓂᓕ ᐱᖁᔭᓂᒃ ᓈᓚᖏᓐᓂᕐᑕᖃᓐᖏᓚᖅ.

ᒐᓔᑎᐊᒥᐅᓄᑦ 3:16

ᑍᒫᒃ ᒎᑎ ᐊᖏᕐᓯᒪᕗᖅ ᐂᑉᕋᕼᐋᒻᒧᑦ ᑭᖑᕚᖓᓄᓪᓗ. ᐅᖃᕐᓯᒪᖏᒻᒪᑦ, “ᑭᖑᕚᖏᓐᓄᑦ,” ᐅᓄᕐᑐᓄᑦ ᑐᑭᖃᕐᓗᓂ; ᑭᓯᐊᓂᓕ ᐅᖃᖔᕐᐳᖅ “ᑭᖑᕚᖓᓄᑦ,” ᐊᑕᐅᓯᕐᒥᒃ ᐅᖃᐅᓯᖃᕐᓗᓂ, ᓇᓗᓇᓐᖏᓚᖅ ᙭ᔅᑑᓯᒥᒃ ᐅᖃᕐᓯᒪᖕᒪᑕ.

ᒨᓯᓯ ᑕᓪᓕᒪᖏᑦ 33:2

ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ; ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ, ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ. ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ, ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.

ᒨᓯᓯ ᑕᓪᓕᒪᖏᑦ 5:5

ᑍᑦᓱᒪᓂᐅᑎᓪᓗᒍ ᐊᑕᓂᐅᓪᓗ ᐃᓕᑦᓯᓗ ᐊᑯᓐᓂᑦᓯᓐᓂ ᓇᖏᓚᐅᕐᐳᖓ ᐅᖄᓪᓗᖓ ᑖᑦᓱᒪ ᐅᖃᐅᓯᕆᔭᖏᓐᓂᒃ ᐃᓕᑦᓯᓐᓄᑦ, ᑲᑉᐱᐊᓱᓕᓚᐅᕋᑦᓯ ᐃᑯᒪᒥᒃ ᖃᖅᑲᒧᓪᓗ ᒪᔪᕋᕈᒪᔪᓐᓁᕐᓗᓯ. “ᐊᑕᓂᖅ ᐅᖃᓚᐅᕐᐳᖅ,

ᐄᑉᕈᐃᓄᑦ 2:2

ᐂᖏᓕᓂᑦ ᐅᖃᐅᓯᐅᓚᐅᕐᑐᑦ ᓱᓕᓚᐅᕐᒪᑕ ᓇᓪᓕᐊᑦ ᒪᓕᖏᑦᑐᖅ ᐊᔪᕐᑐᓕᔪᓪᓗ ᓱᒋᐊᕐᑕᐅᖃᑦᑕᓚᐅᕐᐳᖅ ᐱᓂᐊᕐᓂᖏᓐᓄᑦ.

ᐄᑉᕈᐃᓄᑦ 2:5

ᐂᖏᓖᑦ ᐊᐅᓚᑦᓯᔨᒃᓴᓐᖑᕐᑎᓚᐅᖏᒻᒪᒋᑦ ᓯᓚᕐᔪᐊᕐᒧᑦ ᐱᔪᒫᕐᑐᒧᑦ, ᑕᒪᑐᒧᖓ ᐅᖃᐅᓯᕆᔭᑦᑎᓐᓄᑦ.