ᒐᓔᑎᐊᒥᐅᓄᑦ 3:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᕝᕙ ᙭ᔅᑑᓯ ᔩᓱᓯᒃᑯᑦ ᐂᑉᕋᕼᐋᒻ ᓮᒻᒪᕐᑎᑕᐅᓯᒪᓂᖓ ᔫᑎᐅᖏᑦᑐᓄᑦᑕᐅᖅ ᐱᔭᐅᔪᓐᓇᕐᓯᖁᓪᓗᒍ, ᐅᕙᒍᑦᑕᐅᖅ ᐅᒃᐱᕐᓂᑦᑎᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᐊᓂᕐᓂᕐᒥᒃ ᐱᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 3:14 Iomraidhean Croise

ᒨᓯᓯ ᓯᕗᓪᓖᑦ 22:18

ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ, ᓂᐱᒐ ᓈᓚᓚᐅᕋᕕᐅᒃ.”

ᐂᓮᐊᓯᐅᑉ ᐊᒡᓚᖏᑦ 32:15

ᒎᑎᐅᑉ ᐊᓂᕐᓂᖓᓄᑦ ᕿᓚᖕᒥᑦ ᑎᑭᑕᐅᓯᒪᓕᕈᑦᑕ ᑭᓯᐊᓂ, ᓱᓇᖃᕈᓐᓃᓚᐅᕐᑑᒐᓗᐊᑦ ᐱᕈᕐᕕᐅᓕᕈᒫᕆᕗᑦ ᐸᐅᕐᖓᓂᒃ, ᐱᕈᕐᕕᐅᓕᕐᑐᕐᓗ ᓇᐹᕐᑐᒐᓴᒃᔪᐊᓕᒃᑐᑦ ᑍᒤᓕᕈᒫᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:40

ᐊᖏᖃᑎᒋᔪᒫᕐᐸᒃᑲ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᐱᐅᔪᒥᒡᓗ ᐱᓇᓱᐊᕐᕕᒌᓐᓇᕈᒫᕐᐸᒃᑲ, ᓯᕘᕋᓂᕐᒥᒡᓗ ᐆᒻᒪᑎᖏᓐᓄᑦ ᐃᓕᓯᔪᒫᕐᐳᖓ, ᕿᒤᓚᐅᕐᓯᒪᖁᓇᒋᑦ ᐅᕙᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 11:19

ᓄᑖᒥᒃ ᐆᒻᒪᑎᑖᕐᑎᑦᓱᒫᕐᐸᒃᑲ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᓪᓗᒋᑦ; ᐆᒻᒪᑎᖏᓪᓗ ᐅᔭᕋᒃᑎᑐᑦ ᓯᑎᔪᑦ ᐲᕐᓗᒋᑦ ᑎᒥᖏᓐᓂᑦ ᐆᒻᒪᑎᑖᕐᑎᑦᓱᒫᕐᐸᒃᑲ ᐊᕿᑦᑐᒥᒃ ᓈᓚᒍᓐᓇᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 11:13

ᐃᓕᑦᓯ ᐱᐅᖏᑦᑑᒐᓗᐊᕐᑐᓯ, ᐱᐅᔪᒥᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ, ᐊᖏᓂᕐᓴᒥᒡᓕ ᐊᑖᑕᓯ ᕿᓚᖕᒦᑦᑐᖅ ᑐᓂᓯᔪᓐᓇᕐᓂᕐᓴᐅᕗᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᒪᕕᒋᔨᒥᓄᑦ!”

ᓘᑲᓯᐅᑉ ᐊᒡᓚᖏᑦ 24:49

ᑕᑯᒋᑦ, ᓇᖕᒥᓂᖅ ᑎᓕᓯᕕᒋᓂᐊᕐᐸᑦᓯ ᐊᑖᑕᒪ ᐊᖏᕈᑎᒋᓯᒪᔭᖓᓂᒃ; ᐃᓕᑦᓯᓕ ᔨᕉᓴᓕᒻᒥ ᐅᑕᖅᑭᔭᕆᐊᖃᕐᐳᓯ, ᐱᔪᓐᓇᕐᓂᕐᒥᒃ ᕿᓚᖕᒥᑦ ᑐᓂᓯᕕᐅᖏᓐᓂᑦᓯᓐᓂ.”

ᔪᐊᓇᓯᐅᑉ ᐊᒡᓚᖏᑦ 7:39

ᔩᓱᓯᓕ ᑕᒪᑐᒥᖓ ᐅᖃᕐᐳᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐅᖃᐅᓯᖃᕐᓗᓂ, ᑖᑦᓱᒧᖓ ᐅᒃᐱᕐᑐᓄᑦ ᑐᓂᔭᐅᔪᒫᕐᑐᒥᒃ; ᑍᑦᓱᒪᓂ ᓱᓕ ᒎᑎᐅᑉ ᐊᓂᕐᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᕐᑐᕐᓇᕐᓯᑎᑕᐅᕕᒃᓴᒥᓄᑦ ᑎᑭᐅᑎᓯᒪᓚᐅᖏᒻᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 4:12

“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:32

ᐅᕙᒍᓪᓗ ᑕᑯᓚᐅᕐᑐᒍ ᐅᖃᐅᓯᖃᕐᐳᒍᑦ ᑕᒪᒃᑯᓂᖓ, ᐃᓚᖃᕐᓗᑕ ᐊᓂᕐᓂᖕᒥᒃ ᐃᑦᔪᕐᓁᑦᑐᒥᒃ ᒎᑎᐅᑉ ᑐᓂᕐᕈᑎᒋᓯᒪᔭᖓᓂᒃ ᒪᓕᒃᑎᒥᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:22

ᓇᓗᓁᒃᑯᓯᕐᐹᑎᒍᓪᓗ ᓇᕿᑦᔪᑎᒥᓄᑦ ᐅᕙᑦᑎᓐᓂᒃ ᐱᖃᕐᓂᕐᒥᓂᒃ ᓇᓗᓁᕐᓯᔪᒥᒃ, ᐊᓂᕐᓂᕐᓗ ᐃᑦᔪᕐᓁᑦᑐᖅ ᐃᓗᑦᑎᓐᓄᑦ ᐱᑎᑉᐹ, ᓇᓗᓇᖁᓇᒍ ᐊᖏᕈᑎᒋᓯᒪᔭᖏᓐᓂᒃ ᐱᑖᓛᕐᓂᕗᑦ ᑖᑦᓱᒪᓐᖓᑦ.

ᒐᓔᑎᐊᒥᐅᓄᑦ 3:16

ᑍᒫᒃ ᒎᑎ ᐊᖏᕐᓯᒪᕗᖅ ᐂᑉᕋᕼᐋᒻᒧᑦ ᑭᖑᕚᖓᓄᓪᓗ. ᐅᖃᕐᓯᒪᖏᒻᒪᑦ, “ᑭᖑᕚᖏᓐᓄᑦ,” ᐅᓄᕐᑐᓄᑦ ᑐᑭᖃᕐᓗᓂ; ᑭᓯᐊᓂᓕ ᐅᖃᖔᕐᐳᖅ “ᑭᖑᕚᖓᓄᑦ,” ᐊᑕᐅᓯᕐᒥᒃ ᐅᖃᐅᓯᖃᕐᓗᓂ, ᓇᓗᓇᓐᖏᓚᖅ ᙭ᔅᑑᓯᒥᒃ ᐅᖃᕐᓯᒪᖕᒪᑕ.

ᒐᓔᑎᐊᒥᐅᓄᑦ 3:2

ᐊᑕᐅᓯᕐᒥᒃ ᑐᑭᓯᑎᑕᐅᔪᒪᓕᕐᐳᖓ ᐃᓕᑦᓯᓐᓄᑦ, ᒎᑎᐅᑉ ᐊᓂᕐᓂᖓᓂᒃ ᐱᑎᑕᐅᓚᐅᕐᐱᓰ? ᐱᖁᔭᓂᒃ ᒪᓕᖕᓂᑦᓯᓐᓄᑦ, ᐅᕝᕙᓗ ᐅᒃᐱᕐᓂᑦᓯᓐᓄᑦ ᐅᖃᐅᓯᕐᓂᒃ ᑐᓴᕐᑕᑦᓯᓐᓂᒃ?

ᒐᓔᑎᐊᒥᐅᓄᑦ 4:6

ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”

ᐃᐱᓯᒥᐅᓄᑦ 2:18

ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᕐᐳᒍᑦ ᐊᑖᑕᒧᑦ ᐊᓂᕐᓂᒃᑯᑦ ᐊᑕᐅᓯᒃᑯᑦ.

ᐃᐱᓯᒥᐅᓄᑦ 2:22

ᑖᑦᓱᒨᓇ ᐃᓕᑦᓯᑦᑕᐅᖅ ᐃᒡᓗᓕᐊᖑᖃᑕᐅᓕᕐᐳᓯ ᒎᑎᒧᑦ ᐃᓂᒋᔭᒃᓴᐅᖁᓪᓗᓯ.

ᐃᐱᓯᒥᐅᓄᑦ 3:16

ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.