ᒐᓔᑎᐊᒥᐅᓄᑦ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᕝᕙ ᓇᓗᓇᕈᓐᓃᕐᐳᖅ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᓐᓂᖓᓂᒃ ᐱᖁᔭᑎᒍᑦ; ᐅᖃᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᒐᓔᑎᐊᒥᐅᓄᑦ 3:11 Iomraidhean Croise

ᐊᑕᓃᑦ ᓯᕗᓪᓖᑦ 8:46

“ᐃᓄᖁᑎᑎᑦ ᐊᔪᕐᑐᓕᒃᐸᑕ ᐃᓕᖕᓄᑦ ᐃᓄᒃᑕᖃᖏᒻᒪᑦ ᐊᔪᕐᑐᓕᓱᐃᑦᑐᒥᒃ, ᓂᓐᖓᒡᕕᒋᓯᒪᒍᕕᒋᑦ, ᓴᓚᒋᔭᐅᑎᒃᑯᕕᒋᓪᓗ ᐊᑭᕋᖏᓐᓄᑦ, ᐊᐅᓪᓚᕈᑦᔭᐅᑎᒃᑯᕕᒋᓪᓗ ᑎᒍᔭᐅᓗᑎᒃ ᐊᑭᕋᒥ ᓄᓇᖓᓄᑦ, ᖃᓂᑦᑐᒧᑦ ᐅᖓᓯᒃᑐᒧᓪᓘᓐᓃᑦ;

ᔫᐱᐅᑉ ᐊᒡᓚᖏᑦ 40:4

“ᑕᑯᒋᑦ, ᓯᓔᑦᑐᐊᓘᓪᓗᖓ ᐅᖃᓪᓚᓚᐅᕐᐳᖓ; ᖃᓄᖅ ᑭᐅᔪᒃᓴᐅᕗᖓ? ᖃᓂᕋ ᐊᒡᒐᓐᓄᑦ ᒪᑐᕙᕋ ᐅᖃᒃᑲᓐᓂᖁᓇᖓ.

ᔫᐱᐅᑉ ᐊᒡᓚᖏᑦ 42:6

ᑍᒤᒻᒪᑦ ᑲᓐᖑᓱᓕᕐᐳᖓ ᐸᓯᔭᒃᓴᐅᓕᕐᓗᖓᓗ, ᖃᕿᐊᓕᕐᓗᖓᓗ ᐳᔪᕋᒥᑎᕐᓂᐊᕐᐳᖓ ᐊᕐᔭᓕᓂᕐᑎᕐᓗᖓᓗ.”

ᔫᐱᐅᑉ ᐊᒡᓚᖏᑦ 9:3

ᓇᓪᓕᐊᑦᑕ ᑭᐅᒫᖃᑎᒋᔪᒪᒍᓂᐅᒃ, ᐊᐱᕐᓱᕈᓐᓇᕐᐳᖅ ᐅᓄᕐᑐᐊᓗᖕᓂᒃ ᑭᐅᔭᐅᔪᓐᓇᖏᑦᑐᓂᒃ.

ᐃᓐᖏᕈᑎᑦ 143:2

ᐱᔩᑦ ᐃᖅᑲᕐᑐᕐᓂᐊᕐᓇᒍ; ᓵᖕᓂ ᐃᓄᐃᑦ ᐃᓅᔪᑦ ᐸᓯᔭᒃᓴᐅᖏᑦᑐᖃᖏᒻᒪᑕ.

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:20

ᐃᓄᖕᒥᒃ ᐃᓱᐊᕐᑐᒥᒃ ᓄᓇᒥ ᐱᑕᖃᖏᒻᒪᑦ ᐱᐅᔪᒥᒃ ᐱᓂᐊᕐᓂᖃᕐᑐᒥᒃ ᐊᔪᕐᑐᓕᖏᑦᑐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᕼᐊᐸᑲᐅᑉ ᐊᒡᓚᖏᑦ 2:4

‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᐄᑉᕈᐃᓄᑦ 10:38

ᐃᓗᐊᕐᑐᓕᔪᖁᑎᒐ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ, ᓴᐱᓕᕐᓂᐊᕐᑐᕐᓗ ᑖᓐᓇ, ᑕᕐᓂᕐᒪ ᖁᕕᐊᓲᑎᒋᓂᐊᓐᖏᓛ.”

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.

ᔧᒥᓯᐅᑉ ᐊᒡᓚᖏᑦ 3:2

ᑕᒪᑦᑕ ᐊᑦᔨᒌᖏᑦᑐᑎᒍᑦ ᑕᒻᒪᕐᐸᒃᑲᑦᑕ, ᓇᓪᓕᐊᓪᓗ ᐅᖃᐅᓯᕐᒥᒍᑦ ᑕᒻᒪᓚᐅᕐᓯᒪᖏᑦᑐᖅ ᑖᓐᓇ ᓈᒻᒪᑦᓯᐊᕐᑐᒥᒃ ᐃᓅᓯᖃᕐᐳᖅ, ᑎᒥᓂᓗ ᐊᔪᕐᑐᓕᓂᕐᒧᑦ ᐱᑎᑦᑍᓕᔪᓐᓇᕐᐹ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.