ᒐᓔᑎᐊᒥᐅᓄᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ.

ᒐᓔᑎᐊᒥᐅᓄᑦ 2:9 Iomraidhean Croise

ᐊᑕᓃᑦ ᐂᑉᐸᖏᑦ 10:15

ᑕᕝᕙᓐᖓᑦ ᐱᓪᓗᓂ ᔨᕼᐅᓇᑕᑉᒥᒃ ᕆᑳᐱᐅᑉ ᐃᕐᓂᖓᓂᒃ ᑲᑎᓯᕗᖅ, ᐸᕆᐊᕐᓯᒪᔪᒥᒃ ᑖᑦᓱᒥᖓ, ᔨᕼᐆᑉ ᑲᑎᒐᒥᐅᒃ ᐊᐱᕆᕚ, “ᐅᕙᓐᓂᒃ ᑕᐱᖃᕐᐲᑦ, ᐅᕙᖓᑦᑕᐅᖅ ᐃᓕᖕᓂᒃ ᑕᐱᖃᕈᒪᒐᒪ?” ᔨᕼᐅᓇᑖᐅᑉ ᑭᐅᕚ, “ᐋ ᑕᐱᖃᕐᐳᖓ ᐃᓕᖕᓂᒃ.” ᔨᕼᐆ ᐅᖃᐅᑎᕚ, “ᑍᒤᓕᖓᒍᓐᓄᑦ ᐊᒡᒐᑎᑦ ᐃᓴᓚᐅᒃᑭᑦ.” ᐃᓴᖕᒪᒍ ᐊᒡᒐᖏᑎᒍᑦ ᑎᒍᓪᓗᒍ ᕿᒧᒃᓯᐅᑎᒥᓄᑦ ᐊᒃᓴᓗᐊᓕᖕᒧᑦ ᐃᑭᑎᑉᐹ.

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.

ᓘᑲᓯᐅᑉ ᐊᒡᓚᖏᑦ 22:8

ᔩᓱᓯᐅᑉ ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᑎᓕᕚᒃ, ᐅᖃᐅᑎᓪᓗᒋᒃ, “ᐂᓕᕆᑦᓯᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᕗᑦ ᐊᑐᐃᓐᓇᕈᕆᐊᕐᑐᕐᓗᒍ, ᓂᕆᖃᑎᒌᖁᓪᓗᑕ.”

ᔪᐊᓇᓯᐅᑉ ᐊᒡᓚᖏᑦ 1:42

ᐋᓐᑐᕉᑉ ᓮᒨᓂ ᔩᓱᓯᒧᐊᕈᑎᕚ. ᔩᓱᓯᐅᑉ ᑕᑯᒐᒥᐅᒃ, ᐅᖃᐅᑎᕚ, “ᓮᒨᓂᐅᕖᑦ ᔪᐊᓇᓯᐅᑉ ᐃᕐᓂᖓ? ᓰᐸᓯᒥᒃ ᐊᑎᖃᕐᓂᐊᓕᕐᐳᑎᑦ.” (ᓰᐸᓯ ᑐᑭᖃᕐᐳᖅ ᐲᑦᑐᕉᓯ ᐅᕝᕙᓗ “ᕾᕐᑐᖅ.”)

ᐋᐴᓯᑕᓖᑦ ᐱᓂᐊᕐᓂᖏᑦ 12:17

ᐲᑦᑐᕉᓯ ᐃᓵᒡᓗᓂ ᓂᐸᖏᖁᕔᑦ, ᐅᓂᒃᑳᕐᕕᒋᕔᓪᓗ ᖃᓄᖅ ᐊᑕᓂᕐᒧᑦ ᐊᓂᑎᑕᐅᓂᕐᒥᓂᒃ ᑎᒍᔭᐅᓯᒪᕕᖕᒥᑦ. ᐅᖃᐅᑎᓪᓗᒋᑦ, “ᔧᒥᓯ ᑕᒪᑐᒥᖓ ᐅᖃᐅᑎᓂᐊᕐᐸᓯ ᐅᒃᐱᕐᑑᖃᑎᒌᓪᓗ,” ᐊᓂᒐᒥ ᐊᓯᐊᓄᐊᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 15:13

ᐅᓂᒃᑳᕆᕐᒪᑎᒡᓕ, ᔧᒥᓯ ᐅᖃᓕᕐᐳᖅ, “ᐃᓅᖃᑎᒃᑲ, ᓈᓚᓚᐅᕐᓯᓐᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 15:7

ᐲᑦᑐᕉᓯ ᐅᖃᖃᑎᒌᕕᒡᔪᐊᒻᒪᕆᓚᐅᕐᑎᓪᓗᒋᑦ ᓂᑯᕕᓪᓗᓂ ᐅᖃᕐᐳᖅ, “ᐃᓅᖃᑎᒃᑲ, ᐅᓪᓗᓂ ᐱᒋᐊᓕᕋᑖᕐᑎᓪᓗᑕ, ᒎᑎ ᐅᕙᓐᓂᒃ ᓂᕈᐊᓚᐅᕐᒪᑦ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑐᓴᖁᓪᓗᒋᑦ ᐅᒃᐱᓕᖁᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 4:36

ᔫᓯᐱᑦᑕᐅᖅ ᓕᕔᑎᐅᔪᖅ, ᓮᐳᕋᓯᒥ ᐃᕐᓂᐊᖑᓯᒪᔪᖅ, ᐋᐴᓯᑕᓕᖕᓂᑦ ᑍᔭᐅᔪᖅ ᐸᕐᓇᐹᓯᒥᒃ (ᐊᑎᖓᑕ ᑐᑭᖓ ᐱᕙᓪᓕᕐᑎᑦᓯᔨ).

ᕉᒪᒥᐅᓄᑦ 1:5

ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐋᐴᓯᑕᓕᓐᖑᕐᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᕐᓯᖁᓪᓗᒋᓪᓗ ᐅᒃᐱᕐᓂᑯᑦ.

ᕉᒪᒥᐅᓄᑦ 12:3

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ.

ᕉᒪᒥᐅᓄᑦ 15:15

ᓯᕘᕋᓇᖓᓕ ᑎᑎᕋᕐᕕᒋᓯᒪᕙᑦᓯ ᐅᖃᐅᓯᕆᔭᒪ ᐃᓚᖏᓐᓂ ᐃᖅᑬᑎᒃᑲᓐᓂᕈᒪᓪᓗᓯ, ᒎᑎᐅᑉ ᐱᓯᐊᕐᓂᕐᒥᒍᑦ ᑐᓂᓯᒪᔭᖓ ᐅᕙᓐᓄᑦ ᐱᑦᔪᑎᒋᓪᓗᒍ

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:5

ᒥᑭᓐᓂᕐᓴᐅᓇᓱᒋᖏᓐᓇᒪ ᑍᒃᑯᓇᓐᖓᑦ ᐋᐴᓯᑕᓕᖁᑎᑦᓯᓐᓂᑦ ᐱᔪᓐᓇᕐᓂᖃᕐᓂᕋᕐᑕᑦᓯᓐᓂᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:11

ᓯᓔᑦᑐᑐᑦ ᐱᐅᓯᖃᓕᕐᐳᖓ, ᐃᓕᑦᓯ ᑍᒤᑎᑦᓯᕗᓯ ᐅᕙᓐᓂᒃ, ᐃᓕᑦᓯ ᐱᐅᓂᕅᖔᕋᔭᕋᓗᐊᕐᑐᓯ ᐅᕙᓐᓂᒃ. ᐋᐴᓯᑕᓕᖁᑎᑦᓯᓐᓂᑦ ᐱᔪᓐᓇᕐᓂᖃᕐᑐᓂᑦ ᒥᑭᓐᓂᕐᓴᐅᖏᓐᓇᒪ, ᓱᓇᐅᖏᒃᑲᓗᐊᕐᑎᓪᓗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:4

ᐃᓗᖏᕐᑐᕐᓗᑎᒃ ᑐᓂᕐᕈᑎᒥᖕᓂᒃ ᐱᖁᓚᐅᕐᐹᑎᒍᑦ ᐃᑲᔪᖃᑕᐅᔪᒪᓪᓗᑎᒃ ᐃᑦᔪᕐᓁᑎᑕᐅᔪᓄᑦ.

ᒐᓔᑎᐊᒥᐅᓄᑦ 1:16

ᐃᕐᓂᕐᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᕐᐹᖓ, ᐊᔪᕆᕐᑐᐃᔪᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ.

ᒐᓔᑎᐊᒥᐅᓄᑦ 1:18

ᐊᕐᕌᒍᑦ ᐱᖓᓱᑦ ᐊᓂᒍᕐᓯᒪᓕᕐᒪᑕ ᑭᓯᐊᓂ ᔨᕉᓴᓕᒻᒧᑦ ᐂᓕᓚᐅᕐᐳᖓ ᓰᐸᓯᒥᒃ ᐳᓛᕆᐊᕐᓗᖓ, ᓇᔪᓚᐅᕐᐸᕋ ᐅᓪᓗᓂᒃ 15ᓂᒃ.

ᒐᓔᑎᐊᒥᐅᓄᑦ 2:1

ᐊᕐᕌᒍᐃᑦ 14 ᐊᓂᒍᕐᓯᒪᓕᕐᑎᓪᓗᒋᑦ ᔨᕉᓴᓕᒻᒧᑦ ᐅᑎᓚᐅᕐᐳᖓ ᐸᕐᓇᐹᓯᒥᒃ ᐱᖃᑎᖃᕐᓗᖓ, ᑍᑑᓯᓗ ᐃᓚᒋᓪᓗᑎᒍ.

ᒐᓔᑎᐊᒥᐅᓄᑦ 2:2

ᔨᕉᓴᓕᒻᓕᐊᓚᐅᕐᐳᖓ ᒎᑎᐅᑉ ᑕᑯᑎᓚᐅᕐᒪᖓ ᑕᐅᕗᓐᖓᕆᐊᖃᕐᓂᓐᓂᒃ; ᑕᓯᐅᕐᑎᐅᔪᑦ ᐅᒃᐱᕐᑑᖃᑎᒌᓂ ᑲᑎᒪᖃᑎᑐᐊᕆᓪᓗᒋᑦ ᓇᓗᓁᕐᓯᕕᒋᓚᐅᕐᐸᒃᑲ ᐅᖃᐅᓰᑦ ᑐᓴᕈᒥᓇᕐᑐᑦ ᔫᑎᐅᖏᑦᑐᓄᑦ ᐊᔪᕆᕐᑐᐃᑦᔪᑎᒋᖃᑦᑕᕐᑕᒃᑲ ᐱᓇᓱᐊᕐᓂᕆᓚᐅᕐᑕᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐱᓇᓱᐊᕐᓂᕆᔭᒃᑲ ᑕᒪᐅᖓᑐᐃᓐᓈᖁᓇᒋᑦ.

ᒐᓔᑎᐊᒥᐅᓄᑦ 6:3

ᐱᐅᔪᕆᔪᖃᕐᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᒥᓂᒃ ᐅᐃᕕᕐᕆᕗᖅ.

ᐃᐱᓯᒥᐅᓄᑦ 2:20

ᐃᒡᓗᓕᐊᖑᖃᑕᐅᓕᕐᓗᓯᓗ ᐋᐴᓯᑕᓖᑦ ᓇᓚᐅᑦᑍᔪᓪᓗ ᑐᓐᖓᕕᓕᐊᕆᓚᐅᕐᑕᖓᓐᓄᑦ, ᑐᓐᖓᕕᖕᒧᓪᓕ ᑎᕆᖅᑯᕆᔭᐅᕗᖅ ᑕᕝᕙ ᙭ᔅᑑᓯ ᔩᓱᓯ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.

ᑎᒧᑎᒧᑦ ᓯᕗᓪᓖᑦ 3:15

ᑎᑭᓐᓇᓵᕐᓂᕈᒪ, ᑖᒃᑯᐊ ᖃᐅᔨᒪᑦᔪᑎᒋᓂᐊᕋᕕᒋᑦ ᖃᓄᖅ ᐱᐅᓯᖃᕐᑐᒃᓴᐅᖕᒪᑦᑕ ᒎᑎᐅᑉ ᐅᒃᐱᕐᑐᖁᑎᖏᓐᓂ, ᑖᒃᑯᐊ ᒎᑎᐅᑉ ᑐᖁᓱᐃᑦᑑᑉ ᐅᒃᐱᕐᑐᖁᑎᒋᖕᒪᒋᑦ, ᓱᓕᓂᐅᑉ ᓱᑲᕆᖕᒪᒋᑦ ᑐᓐᖓᕕᒋᓪᓗᓂᒋᓪᓗ.

ᔪᐊᓇᓯ ᓯᕗᓪᓖᑦ 1:3

ᑕᑯᓯᒪᔭᕗᑦ ᑐᓴᕐᓯᒪᔭᕗᓪᓗ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᐃᓕᑦᓯᑦᑕᐅᖅ ᐅᕙᑦᑎᓐᓄᑦ ᐃᓚᒌᒍᑎᖃᖁᓪᓗᓯ; ᐊᑖᑕᒧᑦ ᐃᕐᓂᖓᓄᓪᓗ ᔩᓱᓯ ᙭ᔅᑑᓯᒧᑦ ᐃᓚᒌᒍᑎᖃᓕᖁᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.