3 ᐱᖃᑎᒋᖃᑦᑕᕐᑕᕋ ᑍᑑᓯ, ᒍᕇᑭᐅᒐᓗᐊᕐᑎᓪᓗᒍ, ᑭᐱᔭᐅᑎᑕᐅᓚᐅᓐᖏᓚᖅ,
ᑐᓴᐅᒪᓕᕋᑦᑕ ᐃᓚᑦᑎᓐᓂᑦ ᐃᓱᒪᔮᕐᑎᑕᐅᓯᒪᒐᑦᓯ ᐅᖃᐅᓯᕐᒥᖕᓄᑦ, ᐃᓱᒪᓯ ᓇᓗᓕᑦᑎᓪᓗᒋᑦ, ᑖᒃᑯᐊᓕ ᑍᒤᓕᐅᖁᓗᒋᑦ ᐅᖃᐅᑎᓚᐅᖏᒃᑲᓗᐊᕐᐸᕗᑦ.
ᐸᐅᓗᓯᐅᑉ ᑎᒧᑎ ᐂᑉᐸᕆᔪᒪᒐᒥᐅᒃ, ᑭᐱᕚ ᑍᒤᓕᐅᕐᐳᖅ ᔫᑎᑦ ᖃᐅᔨᒪᖕᒪᑕ ᑎᒧᑎᐅᑉ ᐊᑖᑕᖓ ᒍᕇᑭᐅᖕᒪᑦ.
ᑕᕝᕙᓃᑎᓪᓗᖓᓕ ᐱᖏᒐᒻᒪᕆᓕᓚᐅᕐᐳᖓ ᖃᑕᓐᖑᑎᒐ ᑍᑑᓯ ᓇᓂᔪᓐᓇᓚᐅᖏᓐᓇᒃᑯ. ᑍᒤᒻᒪᑦ ᑕᕝᕙᓃᑦᑐᑦ ᕿᒪᒡᓗᒋᑦ ᒫᓯᑑᓂᐊᒧᑦ ᐊᐅᓪᓚᓚᐅᕐᐳᖓ.
ᐊᕐᕌᒍᐃᑦ 14 ᐊᓂᒍᕐᓯᒪᓕᕐᑎᓪᓗᒋᑦ ᔨᕉᓴᓕᒻᒧᑦ ᐅᑎᓚᐅᕐᐳᖓ ᐸᕐᓇᐹᓯᒥᒃ ᐱᖃᑎᖃᕐᓗᖓ, ᑍᑑᓯᓗ ᐃᓚᒋᓪᓗᑎᒍ.
ᑏᒪᓯᐅᑉ ᕿᒪᖕᒪᖓ, ᓯᓚᕐᔫᑉ ᐱᖏᑦ ᐅᖓᒋᓕᕋᒥᒋᑦ, ᑎᓴᓗᓁᑲᒧᐊᓚᐅᕐᒪᑦ; ᑯᕇᓯᓃᓯᓗ ᒐᓔᑎᐊᒧᐊᓚᐅᐳᖅ, ᑍᑑᓯᓗ ᑕᓪᒪᑎᐊᒧᐊᓚᐅᕆᓪᓗᓂ.
ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ. ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.
