ᒐᓔᑎᐊᒥᐅᓄᑦ 2:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᒐᓔᑎᐊᒥᐅᓄᑦ 2:20 Iomraidhean Croise

ᓲᓗᒨᓂᐅᑉ ᐃᓐᖏᕈᓯᖏᑦ 7:10

ᓇᒡᓕᒋᔭᒪ ᐱᒋᕚᖓ, ᐅᕙᓐᓂᒡᓗ ᐱᔪᒪᔭᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᒫᑎᐅᓯᐅᑉ ᐊᒡᓚᖏᑦ 4:3

ᐱᔪᒥᓵᕆᔨᐅᑉ ᑎᑭᑉᐹ ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᐅᑯᐊ ᐅᔭᕅᑦ ᓂᐊᖂᔭᓐᖑᕐᑎᓚᐅᒃᑭᑦ.”

ᔪᐊᓇᓯᐅᑉ ᐊᒡᓚᖏᑦ 1:49

ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”

ᔪᐊᓇᓯᐅᑉ ᐊᒡᓚᖏᑦ 10:11

“ᐅᕙᖓ ᐰᕐᓯᔨᑦᓯᐊᖑᕗᖓ. ᐰᕐᓯᔨᑦᓯᐊᖅ ᐃᓅᓯᕐᒥᓂᒃ ᑐᓂᓯᕗᖅ ᓰᐲᑦ ᐱᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 15:13

ᓇᒡᓕᒍᓱᖕᓂᕐᓴᐅᔪᖃᓐᖏᓚᖅ ᐃᒤᑦᑐᒥᒃ, ᐃᓅᓯᕐᒥᓂᒃ ᑐᓂᓯᔪᒥᒃ ᐃᓚᓐᓇᕆᔭᓂ ᐱᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 17:21

ᑐᒃᓯᐊᕐᐳᖓ ᑖᒃᑯᐊᓕᒫᑦ ᐊᑕᐅᓯᐅᖁᓪᓗᒋᑦ; ᐃᕝᕕᑦᑕᐅᖅ ᐊᑖᑖᒃ, ᐃᓗᓐᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑖᒃᑯᐊᑦᑕᐅᖅ ᐃᓗᑦᑎᓐᓃᖁᓪᓗᒋᑦ, ᓯᓚᕐᔪᐊᕐᒥᐅᑦ ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 3:35

ᐊᑖᑕᐅᑉ ᐃᕐᓂᓂ ᓇᒡᓕᒋᕚ, ᑕᒤᑦᑕᓗ ᑐᓂᓚᐅᕐᐰᑦ ᑖᑦᓱᒪ ᐱᔪᓐᓇᕐᓂᖓᓄᑦ.

ᔪᐊᓇᓯᐅᑉ ᐊᒡᓚᖏᑦ 6:57

ᐊᑖᑕᐅᑉ ᐆᒪᔪᑉ ᑎᓕᓯᒪᖕᒪᖓ, ᐅᕙᖓᓗ ᐃᓅᕗᖓ ᐊᑖᑕᒐ ᐱᓪᓗᒍ, ᑍᒫᒃᑕᐅᖅ ᐅᕙᓐᓂᒃ ᓂᕆᔪᖅ ᐃᓅᓂᐊᕐᐳᖅ ᐅᕙᖓ ᐱᓪᓗᖓ.

ᔪᐊᓇᓯᐅᑉ ᐊᒡᓚᖏᑦ 6:69

ᐅᒃᐱᓕᕐᓗᑕᓗ ᖃᐅᔨᕗᒍᑦ ᒎᑎᐅᑉ ᐃᑦᔪᕐᓁᑦᑐᖁᑎᒋᖕᒪᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:36

ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [

ᐋᐴᓯᑕᓖᑦ ᐱᓂᐊᕐᓂᖏᑦ 9:20

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᓇᓗᓁᕐᓯᓕᓚᐅᕐᐳᖅ ᐅᖃᕐᓗᓂ: “ᔩᓱᓯ ᒎᑎᐅᑉ ᐃᕐᓂᕆᕚ.”

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᕉᒪᒥᐅᓄᑦ 14:7

ᑕᒪᑦᑕ ᐃᓅᖏᓐᓇᑦᑕ ᓇᖕᒥᓂᑦᑎᓐᓄᑦ, ᑕᒪᑦᑕᑦᑕᐅᖅ ᓇᖕᒥᓂᖅ ᐱᑦᔪᑎᒋᓗᑕ ᑐᖁᓂᐊᖏᓐᓂᕗᒍᑦ.

ᕉᒪᒥᐅᓄᑦ 3:22

ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.

ᕉᒪᒥᐅᓄᑦ 4:25

ᑖᓐᓇ ᑐᖁᑕᐅᓚᐅᕐᐳᖅ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᒪᑭᑎᑕᐅᓚᐅᕆᕗᖅ ᒎᑎᒧᑦ ᐸᓯᔭᒃᓴᐅᔪᓐᓃᖁᓪᓗᑕ.

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᕉᒪᒥᐅᓄᑦ 5:6

ᓴᓐᖐᑦᑑᑎᓪᓗᑕ ᓱᓕ, ᐊᑲᐅᓈᑦᓯᐊᕐᑐᒥᒃ ᙭ᔅᑑᓯ ᑐᖁᑕᐅᑦᔪᑎᖃᓚᐅᕐᐳᖅ ᐊᔪᕐᑐᓕᔪᓂᒃ.

ᕉᒪᒥᐅᓄᑦ 5:8

ᒎᑎᐅᓪᓕ ᓇᒡᓕᖕᓂᓂ ᐅᕙᑦᑎᓐᓄᑦ ᓴᖅᑭᑎᓚᐅᕐᐹ ᓱᓕ ᐊᔪᕐᑐᓕᔨᐅᑎᓪᓗᑕ ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᐹᑎᒍᑦ.

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᕉᒪᒥᐅᓄᑦ 6:8

᙭ᔅᑑᓯᓕ ᑐᖁᖃᑎᒋᓯᒪᒍᑦᑎᒍ, ᐅᒃᐱᕐᐳᒍᑦᑕᐅᖅ ᐃᓅᖃᑎᒋᔪᒫᕋᑦᑎᒍ.

ᕉᒪᒥᐅᓄᑦ 8:10

᙭ᔅᑑᓯᓕ ᐃᓕᑦᓯᓐᓃᑉᐸᑦ, ᑎᒥᓯ ᑐᖁᖓᒐᓗᐊᕐᐳᖅ ᐊᔪᕐᓂᕐᒥ, ᐊᓂᕐᓂᓯᓕ ᐆᒪᕗᑦ ᐃᓗᐊᕐᑑᑎᑕᐅᓂᖅ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 8:37

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:17

ᐊᑕᓂᕐᒥᒡᓕ ᐱᖃᑎᑖᕐᑑᑉ ᐊᓂᕐᓂᒃᑯᑦ ᐊᑕᐅᓯᐅᖃᑎᑖᕆᕚ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:24

ᐊᖓᔪᖅᑲᐅᓯᕐᕕᖃᕋᓱᐊᓐᖏᓚᒍᑦ ᐅᒃᐱᕐᓂᕆᔭᕆᐊᓕᑦᓯᓐᓄᑦ; ᐅᒃᐱᕐᓂᕐᒧᓪᓕ ᓇᖏᕋᑦᓯ ᐊᐅᓚᖏᑦᑐᒥᒃ. ᐱᓇᓱᐊᕐᕕᒋᕙᑦᓯ ᖁᕕᐊᓱᖕᓂᖃᑦᓯᐊᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:3

ᓯᓚᕐᔪᐊᕐᒦᒃᑲᓗᐊᕐᓗᑕ, ᓯᓚᕐᔪᐊᕐᒥᐅᑦ ᐃᓕᖅᑯᓯᖏᑎᑐᑦ ᐅᓇᑕᖏᓐᓇᑦᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:10

᙭ᔅᑑᓯᐅᑉ ᓱᓕᑦᓯᐊᕐᓂᖓ ᐅᕙᓐᓃᒻᒪᑦ, ᐊᑬᐊᒦᑦᑐᓕᒫᑦ ᓄᖅᑲᕐᑎᑦᓱᓐᓇᓐᖏᓛᖓ ᑕᒪᑐᒥᖓ ᓂᕐᑑᑎᒋᔭᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:3

ᖃᐅᔨᑎᑕᐅᔪᒪᒐᑦᓯᓕ ᙭ᔅᑑᓯ ᐅᕙᒃᑯᑦ ᐅᖃᓪᓚᖕᒪᖔᑦ. ᑖᓐᓇ ᓵᓐᖐᑦᑐᓐᖏᓚᖅ ᐃᓕᑦᓯᓐᓄᑦ ᐱᓇᓱᐊᓕᕈᓂ; ᐱᔪᓐᓇᕐᓂᕐᒥᓂᒡᓕ ᑕᑯᑎᓐᓂᐊᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:5

ᐃᓕᑦᓯᓐᓂᒃ ᖃᐅᔨᓴᕆᑦᓯ ᐅᒃᐱᕐᓂᕐᒦᒻᒪᖔᑦᓯ. ᐆᒃᑐᕆᑦᓯ ᐃᓕᑦᓯᓐᓂᒃ; ᖃᐅᔨᒪᓐᖏᓚᓰ ᔩᓱᓯ ᙭ᔅᑑᓯ ᐃᓗᑦᓯᓐᓃᒻᒪᑦ? ᐅᒃᐱᕐᓂᕐᒥ ᓱᓕᖏᒃᑯᑦᓯ ᑭᓯᐊᓂ ᖃᐅᔨᒐᔭᓐᖏᓚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:14

᙭ᔅᑑᓯᐅᑉ ᓇᒡᓕᖕᓂᖓᑕ ᐊᐅᓚᒻᒪᑎᒍᑦ, ᐅᒃᐱᕈᓱᒃᑲᑦᑕ ᐃᒫᒃ ᐊᑕᐅᓯᖅ ᑐᖁᓚᐅᕐᒪ ᐃᓄᓕᒫᑦ ᐱᓪᓗᒋᑦ; ᑍᒤᒻᒪᑦ ᐃᓄᓕᒫᑦ ᑖᑦᓱᒧᖓ ᑐᖁᖃᑕᐅᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:15

ᑖᓐᓇ ᑐᖁᓚᐅᕐᐳᖅ ᐃᓄᓕᒫᑦ ᐱᑦᔪᑎᒋᓪᓗᒋᑦ, ᑖᒃᑯᐊ ᐃᓅᔪᑦ ᐃᒻᒥᓃᓐᓇᖅ ᐃᓱᒪᒋᓗᑎᒃ ᐃᓅᓯᖃᕈᓐᓃᖁᓪᓗᒋᑦ, ᑖᑦᓱᒧᖓᓕ ᐱᑦᔪᑎᒋᓪᓗᒋᑦ ᑐᖁᓚᐅᕐᑐᒧᑦ ᒪᑭᓚᐅᕐᑐᒧᓪᓗ ᐃᓅᖔᓕᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:7

ᐅᒃᐱᕐᓂᑯᑦ ᐃᓅᕗᒍᑦ, ᑕᐅᑐᒃᑕᕗᑦ ᐅᒃᐱᕈᑎᒋᓇᒋᑦ.

ᒐᓔᑎᐊᒥᐅᓄᑦ 1:4

ᑖᓐᓇ ᐃᒻᒥᓂᒃ ᑐᓂᓚᐅᕐᐳᖅ ᐊᔪᕐᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᕐᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ;

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᒐᓔᑎᐊᒥᐅᓄᑦ 3:11

ᑕᕝᕙ ᓇᓗᓇᕈᓐᓃᕐᐳᖅ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᓐᓂᖓᓂᒃ ᐱᖁᔭᑎᒍᑦ; ᐅᖃᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᒐᓔᑎᐊᒥᐅᓄᑦ 6:14

ᐅᕙᓐᓄᓪᓕ, ᓂᕐᑐᕐᓇᐅᑎᒃᓴᑑᕗᖅ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᕆᓚᐅᕐᑕᖓ; ᓴᓐᓂᖓᔪᓕᖕᒥᓗ ᑐᖁᓚᐅᕐᓂᖓᓄᑦ ᓯᓚᕐᔪᐊᖅ ᑐᖁᖓᔪᑎᑐᑦ ᐅᕙᓐᓄᑦ ᑍᒤᑉᐳᖅ, ᐅᕙᖓᓗ ᑐᖁᖓᒋᓪᓗᖓ ᓯᓚᕐᔪᐊᕐᒧᑦ.

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐃᐱᓯᒥᐅᓄᑦ 5:25

ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᕐᑑᖃᑎᒌᑦ ᓇᒡᓕᒋᓚᐅᕐᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ.

ᐱᓕᐱᒥᐅᓄᑦ 1:21

ᐃᓅᒍᒪ ᙭ᔅᑑᓯᒧᑦ ᐃᓅᕗᖓ, ᑐᖁᒍᒪᓗ ᐱᕙᓪᓕᕈᑎᒃᓴᕆᕙᕋ.

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:10

ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:10

ᑖᓐᓇ ᑐᖁᓚᐅᕐᐳᖅ ᐱᑦᔪᑎᒋᓪᓗᑕ ᐃᓅᑎᓪᓗᑕ ᑐᖁᖓᓕᕐᑎᓪᓗᑕᓘᓐᓃᑦ ᐃᓅᖃᑎᖃᕈᓐᓇᕐᓯᔪᒫᖁᓪᓗᑕ ᑖᑦᓱᒥᖓ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 8:3

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᑦ ᐊᑐᓂᑦ ᑎᓕᔭᐅᓯᒪᕙᒃᐳᑦ ᐆᒪᔪᓂᒃ ᑐᖁᑦᓯᓪᓗᑎᒃ ᑐᓂᕐᕈᓯᖁᓪᓗᒋᑦ ᒎᑎᒧᑦ, ᑍᒤᒻᒪᑦᑕᐅᖅ ᑖᓐᓇ ᑐᓂᕐᕈᓯᕐᓂᕐᒥᒃ ᐱᔭᒃᓴᖃᕐᑐᒃᓴᐅᒋᕗᖅ.

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 4:14

ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:20

ᑕᑯᒋᑦ, ᒪᑐᒦᑉᐳᖓ ᑎᒡᓗᒃᑐᕐᓗᖓᓗ, ᓂᐱᓐᓂᒃ ᑐᓴᕐᑐᖃᕐᐸᑦ ᒪᑐᐃᕈᑦᔭᐅᒍᒪ, ᑕᑦᓱᒧᖓ ᐃᑎᕐᓂᐊᕐᐳᖓ ᓂᕆᖃᑎᒋᓂᐊᕐᐸᕋ, ᑖᑦᓱᒪᓗ ᓂᕆᖃᑎᒋᓗᓂᖓ.