ᒐᓔᑎᐊᒥᐅᓄᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᔨᕉᓴᓕᒻᓕᐊᓚᐅᕐᐳᖓ ᒎᑎᐅᑉ ᑕᑯᑎᓚᐅᕐᒪᖓ ᑕᐅᕗᓐᖓᕆᐊᖃᕐᓂᓐᓂᒃ; ᑕᓯᐅᕐᑎᐅᔪᑦ ᐅᒃᐱᕐᑑᖃᑎᒌᓂ ᑲᑎᒪᖃᑎᑐᐊᕆᓪᓗᒋᑦ ᓇᓗᓁᕐᓯᕕᒋᓚᐅᕐᐸᒃᑲ ᐅᖃᐅᓰᑦ ᑐᓴᕈᒥᓇᕐᑐᑦ ᔫᑎᐅᖏᑦᑐᓄᑦ ᐊᔪᕆᕐᑐᐃᑦᔪᑎᒋᖃᑦᑕᕐᑕᒃᑲ ᐱᓇᓱᐊᕐᓂᕆᓚᐅᕐᑕᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐱᓇᓱᐊᕐᓂᕆᔭᒃᑲ ᑕᒪᐅᖓᑐᐃᓐᓈᖁᓇᒋᑦ.

ᒐᓔᑎᐊᒥᐅᓄᑦ 2:2 Iomraidhean Croise

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:1

ᐊᓇᓐᖐᑦ ᑐᖁᖓᔪᑦ ᑎᐱᑦᓯᐊᕆᒃᓴᐅᑎ ᐅᕐᓱᕐᑎᕈᑎ ᒪᒤᓕᑎᑉᐹᑦ, ᑍᒫᒃ ᓯᓔᓐᓂᐅᑉ ᒥᑭᔫᑉ ᓯᓚᑐᓂᖅ ᐅᐱᒋᔭᐅᓂᕐᓗ ᓵᓚᒋᕚᒃ.

ᒫᑎᐅᓯᐅᑉ ᐊᒡᓚᖏᑦ 10:16

“ᑕᑯᒋᑦ ᓰᐱᑎᑐᑦ ᑎᓕᕙᑦᓯ ᐊᒪᕈᐃᑦ ᐊᑯᕐᖓᓐᓄᑦ; ᑍᒤᒻᒪᑦ ᖁᒡᓗᒋᐊᑎᑐᑦ ᐅᑦᔨᕐᓱᑎᐊᕆᑦᓯ, ᑑᕕᑎᑐᓪᓗ ᐱᖁᓐᓂᕐᑎᒋᓗᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 15:12

ᑲᑎᒪᔪᓪᓗ ᓂᐱᖃᕈᓐᓃᕐᐳᑦ; ᓈᓚᒡᓗᑎᒃ ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᐅᓂᒃᑳᕐᑎᓪᓗᒋᒃ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒃᓗ ᒎᑎᐅᑉ ᔫᑎᐅᖏᑦᑐᓄᑦ ᐱᓇᓱᐊᖃᑦᑕᓚᐅᕐᑕᖏᓐᓂᒃ ᑖᒃᑯᒃᑎᒎᓇᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 15:2

ᐸᐅᓗᓯᐅᑉ ᐸᓇᐹᓯᐅᓪᓗ ᐊᖏᔪᒥᒃ ᑖᒃᑯᐊ ᐂᕙᖃᑎᒋᓕᕐᐰᑦ, ᐃᓱᒪᑖᓕᕐᐳᑦ ᐸᐅᓗᓯᓗ ᐸᕐᓇᐹᓯᓗ ᐊᓯᖏᓪᓗ ᔨᕉᓴᓕᒻᒧᐊᖁᓪᓗᒋᑦ; ᐋᐴᓯᑕᓕᖕᓄᑦ ᓯᕗᓕᕐᑎᐅᔪᓄᓪᓗ ᑕᒪᑐᒥᖓ ᐅᖃᖃᑎᒌᒍᑎᖃᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:4

ᔨᕉᓴᓕᒻᒧᑦ ᑎᑭᒻᒪᑎᒃ, ᐅᒃᐱᕐᑑᖃᑎᒌᓂᑦ ᑐᓐᖓᓱᒃᑎᑕᐅᕘᒃ ᐋᐴᓯᑕᓕᖕᓂᑦ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᓐᓂᑦ, ᑖᒃᑯᐊᒃ ᐅᓂᒃᑳᕐᐴᒃ ᒎᑎᐅᑉ ᐱᓇᓱᐊᕐᓂᖏᓐᓂᒃ ᑖᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 18:9

ᐅᓐᓄᐃᑦ ᐃᓚᖓᓐᓂ ᐊᑕᓂᖅ ᐸᐅᓗᓯᒧᑦ ᐅᖃᕐᐳᖅ ᑕᑯᑎᑦᔪᑎᒃᑯᑦ, “ᓯᕘᕋᖏᓪᓗᑎᑦ, ᐊᔪᕆᕐᑐᐃᑐᐃᓐᓇᕆᑦ ᓄᖅᑲᕐᑍᓕᓗᑎᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 23:11

ᐅᓐᓄᐊᖑᓕᕐᑎᓪᓗᒍᓕ ᐸᐅᓗᓯᐅᑉ ᓴᓂᐊᓂ ᐊᑕᓂᖅ ᓇᖏᕐᓗᓂ ᐅᖃᕐᐳᖅ, “ᓯᕘᕋᓂᐊᕐᓇᒃ, ᔨᕉᓴᓕᒻᒥ ᐅᖃᐅᓯᖃᓚᐅᕋᕕᑦ ᐅᕙᓐᓂᒃ, ᑍᒫᒃᑕᐅᖅ ᕉᒪᒥ ᐅᖃᐅᓯᕆᔭᕆᐊᖃᕆᕙᕐᒪ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:34

ᐹᕆᓯᓪᓕ ᐃᓚᖓᑦ ᒐᒤᓕᐊᓕᒥᒃ ᐊᑎᓕᒃ, ᐱᖁᔭᓂᒃ ᐃᓕᓮᔨ ᐃᓄᖕᓂᓪᓗ ᑕᒤᓐᓂᑦ ᐅᐱᒋᔭᐅᑦᓯᐊᕐᑐᖅ, ᓂᑯᕕᑉᐳᖅ, ᐋᐴᓯᑕᓖᑦ ᐊᓂᑎᑕᐅᑬᓐᓇᖁᕔᑦ ᑲᑎᒪᕕᖕᒥᑦ,

ᕉᒪᒥᐅᓄᑦ 9:16

ᑍᒤᒻᒪᑦ ᐃᓅᑉ ᐱᔪᒪᔭᖓᓂᒃ ᐱᑦᔪᑎᖃᓐᖏᓚᖅ ᐱᓇᓱᐊᓗᐊᕐᓂᖓᓂᒡᓘᓐᓃᑦ, ᒎᑎᐅᓪᓕ ᓂᑲᒍᓱᖕᓂᖓᓂᒃ ᑐᓐᖓᕕᖃᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:23

ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:2

ᐃᓕᑦᓯᓐᓃᑎᓪᓗᖓ ᖃᐅᔨᒪᓇᓱᒋᓗᖓ ᐱᓚᐅᓐᖏᓚᖓ ᔩᓱᓯ ᙭ᔅᑑᓯᐅᑉ ᑭᑭᐊᒃᑐᕐᑕᐅᓯᒪᓂᖓ ᐅᖃᐅᓯᕆᔭᑐᐊᕆᓚᐅᕐᐸᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:24

ᖃᐅᔨᒪᕕᓰ ᐅᓪᓚᖕᓂᒃᑯᑦ ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᔪᑦ ᑕᒪᕐᒥᒃ ᐱᓇᓱᐊᕐᒪᑕ, ᐊᑕᐅᓯᐅᓪᓕ ᓵᓚᒃᓴᕐᓂᖅ ᐱᕚ? ᑍᒤᒻᒪᑦ ᐅᓪᓚᒋᑦᓯ ᓵᓚᖃᐅᑎᒃᓴᖅ ᐱᓇᓱᐊᕐᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:26

ᑍᒤᒻᒪᑦ ᑕᒪᐅᖎᓐᓇᖅ ᐅᓪᓚᑐᐃᓐᓇᓐᖏᓚᖓ; ᑎᒡᓘᑎᔪᑎᑐᓪᓗ ᑍᒤᒃᑭᕗᖓ, ᑕᒪᐅᖎᓐᓇᖅ ᑎᒡᓗᒋᐊᖃᑦᑕᓐᖏᓚᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:1

ᓱᓕ ᓂᕐᑑᑎᔭᕆᐊᖃᕋᒪ; ᑕᒪᓐᓇ ᐱᕙᓪᓕᕈᑎᒃᓴᐅᖏᒃᑲᓗᐊᕐᑎᓪᓗᒍ, ᐅᖃᐅᓯᖃᕈᒪᕗᖓᓕ ᐊᑕᓂᕐᒥᑦ ᑕᑯᑎᑕᐅᓂᕐᒥᒃ, ᖃᐅᔨᑎᑕᐅᓂᕐᒥᒡᓗ.

ᒐᓔᑎᐊᒥᐅᓄᑦ 1:12

ᐃᓄᖕᒥᑦ ᓇᓪᓕᐊᓐᓂᓪᓘᓐᓃᑦ ᐱᓯᒪᓐᖏᓚᒃᑲ, ᐃᓄᖕᒥᓪᓘᓐᓃᑦ ᐊᔪᕆᕐᑐᐃᑦᔪᑕᐅᓚᐅᓐᖏᓚᑦ ᐅᕙᓐᓄᑦ, ᔩᓱᓯ ᙭ᔅᑑᓯᐅᓪᓕ ᑕᑯᑎᑦᓯᑦᔪᑎᒋᓯᒪᕔᑦ ᐅᕙᓐᓄᑦ.

ᒐᓔᑎᐊᒥᐅᓄᑦ 1:16

ᐃᕐᓂᕐᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᕐᐹᖓ, ᐊᔪᕆᕐᑐᐃᔪᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ.

ᒐᓔᑎᐊᒥᐅᓄᑦ 1:6

ᑲᒪᓂᐊᕈᑎᒋᕙᑦᓯ ᕿᒤᓯᒪᓕᕇᕋᑦᓯ ᕾᖁᔭᐅᓂᕆᓚᐅᕐᑕᑦᓯᓐᓂᒃ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐊᓯᖏᓐᓂᒡᓗ ᐅᖃᐅᓯᕐᓂᒃ ᑐᓴᕈᒥᓇᕐᑑᓂᕋᕐᑕᐅᖕᒥᔪᓂᒃ ᐃᓚᓕᐅᕐᓯᓪᓗᓯ.

ᒐᓔᑎᐊᒥᐅᓄᑦ 2:6

ᑍᒃᑯᓄᖓ ᑕᓯᐅᕐᑎᐅᓇᓱᒃᑑᒐᓗᐊᑦ ᖃᓄᐃᑑᒐᓗᐊᕐᒪᖔᑕ ᐅᕙᓐᓄᓪᓕ ᐃᓱᒫᓗᓇᖏᒻᒪᑕ; ᒎᑎ ᐃᓔᓐᓇᕐᓯᐅᖏᒻᒪᑦ, ᑍᒃᑯᓂᖓ ᐅᖃᐅᓯᖃᕐᐳᖓ, ᑕᓯᐅᕐᑎᐅᓇᓱᒃᑑᒐᓗᐊᑦ ᐅᕙᓐᓂᒃ ᐃᓱᒪᑖᑎᑦᓯᒃᑲᓐᓂᖏᒻᒪᑕ.

ᒐᓔᑎᐊᒥᐅᓄᑦ 2:9

ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ.

ᒐᓔᑎᐊᒥᐅᓄᑦ 5:7

ᐅᓪᓚᑦᓯᐊᓕᓚᐅᕐᑐᓯ; ᑭᐊ ᓄᖅᑲᕐᑎᓚᐅᕐᐹᓯ ᓱᓕᓂᕐᒥᒃ ᓈᓚᒍᓐᓁᕐᑎᓪᓗᓯ?

ᐱᓕᐱᒥᐅᓄᑦ 2:16

ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.

ᐱᓕᐱᒥᐅᓄᑦ 2:29

ᑍᒤᒻᒪᑦ ᐃᓚᓕᐅᕐᓯᐅᒃ ᖁᕕᐊᓱᒻᒪᕆᒡᓗᓯ ᐊᑕᓂᕐᒥ; ᑍᒤᑦᑐᓪᓗ ᑖᑦᓱᑐᓇᖅ ᐅᐱᒋᑦᓯᐊᕐᓯᒋᒃ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:5

ᑍᒤᒻᒪᑦ ᑎᒧᑎ ᑎᓕᔭᕆᐊᖃᓕᓚᐅᕐᐸᕋ ᕿᓄᐃᓵᕈᓐᓁᓕᒐᒪ ᐅᒃᐱᕐᓂᑦᓯᓐᓂᒃ ᑐᓴᕈᒪᓪᓗᖓ, ᓵᑖᓇᓯᒧᑦ ᐆᒃᑐᕐᓗᒃᑕᐅᓂᑦᓯᓐᓄᑦ ᐱᓇᓱᐊᕐᓂᕆᓯᒪᔭᕗᑦ ᑕᒪᐅᖎᓐᓈᕐᑎᑕᐅᓂᐊᕋᓱᒋᓪᓗᒍ.

ᑎᒧᑎᒧᑦ ᐂᑉᐸᖏᑦ 4:7

ᐅᓇᑕᓚᐅᕐᐳᖓ ᐱᐅᔪᒥᒃ ᐅᓇᑕᐅᑎᖃᕐᓗᖓ, ᐱᔭᕇᕐᐸᕋ ᐅᓪᓚᐅᑎᔭᕆᐊᖃᓚᐅᕐᓂᕋ, ᐅᒃᐱᕐᓂᖅ ᐱᓯᒤᓐᓇᕐᓗᒍ.

ᐄᑉᕈᐃᓄᑦ 12:1

ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ,