ᒐᓔᑎᐊᒥᐅᓄᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᕐᓂᕐᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᕐᐹᖓ, ᐊᔪᕆᕐᑐᐃᔪᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ.

ᒐᓔᑎᐊᒥᐅᓄᑦ 1:16 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑎᐅᓯᐅᑉ ᐊᒡᓚᖏᑦ 26:41

ᖃᐅᔨᓴᕆᓯ ᑐᒃᓯᐊᕐᓗᓯᓗ ᐱᐅᖏᑦᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ; ᐊᓂᕐᓂᖅ ᐱᔪᒪᑦᓯᐊᕋᓗᐊᕐᐳᖅ, ᑎᒥᓕ ᓴᓐᖐᑉᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 22:21

ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐊᐅᓪᓚᓕᕆᑦ; ᑎᓕᔪᒪᒐᒃᑭᑦ ᐅᖓᓯᒃᑐᒦᑐᓄᑦ ᔫᑎᐅᖏᑦᑐᓄᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 5:42

ᖃᐅᑕᒫᑦ ᐊᔪᕆᕐᑐᐃᖏᓐᓇᖃᑦᑕᕐᐳᑦ ᑐᒃᓯᐊᕐᕕᒡᔪᐊᒥ ᐃᓄᐃᓪᓗ ᐊᖏᕐᕋᖏᓐᓂ ᐅᖃᐅᓯᖃᕐᓗᑎᒃ ᐊᔪᕆᕐᑐᐃᓪᓗᑎᒡ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯ ᙭ᔅᑑᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 9:20

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᓇᓗᓁᕐᓯᓕᓚᐅᕐᐳᖅ ᐅᖃᕐᓗᓂ: “ᔩᓱᓯ ᒎᑎᐅᑉ ᐃᕐᓂᕆᕚ.”

ᕉᒪᒥᐅᓄᑦ 1:5

ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐋᐴᓯᑕᓕᓐᖑᕐᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᕐᓯᖁᓪᓗᒋᓪᓗ ᐅᒃᐱᕐᓂᑯᑦ.

ᕉᒪᒥᐅᓄᑦ 11:13

ᐃᓕᑦᓯᓕ ᔫᑎᐅᖏᑦᑐᓯ ᐅᖃᕐᕕᒋᕙᑦᓯ; ᐋᐴᓯᑕᓕᐅᒐᒪ ᔫᑎᐅᖏᑦᑐᓄᑦ, ᑕᒪᓐᓇ ᐱᔨᑦᓯᕐᓂᕋ ᓂᕐᑑᑎᒋᓂᐊᕐᐸᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:50

ᓇᓗᓁᕐᓯᕕᒋᕙᑦᓯ ᐃᓚᒃᑳ, ᑎᒥ ᐊᐅᖃᕐᑐᖅ ᑭᖑᕐᖑᑦᔨᔪᓐᓇᖏᒻᒪᑦ ᒎᑎᐅᑉ ᐊᑕᓂᐅᕕᖓᓂᒃ, ᓱᕈᔭᑦᑐᕐᓗ ᑭᖑᕐᖑᑦᔨᔪᓐᓇᖏᓐᓂᕗᖅ ᓱᕈᕈᓐᓇᖏᑦᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:16

ᒫᓐᓇᓕ ᑕᕝᕙ, ᑍᒤᒻᒪᑦ, ᑭᓇᒥᒡᓘᓐᓃᑦ ᐃᓱᒪᒋᔭᖃᕈᓐᓃᕐᐳᒍᑦ ᓯᓚᕐᔪᐊᕐᒥᐅᑦ ᐃᓱᒪᒋᔭᖃᕐᓂᖏᑎᑐᑦ; ᑍᑦᓱᒪᓂᑦᑕᐅᖅ ᙭ᔅᑑᓯ ᓯᓚᕐᔪᐊᕐᒥᐅᑎᑐᑦ ᐃᓱᒪᒋᓚᐅᕋᓗᐊᕋᑦᑎᒍ, ᒫᓐᓇᓕ ᑍᒫᒃ ᐃᓱᒪᒋᓐᖏᓕᕐᐸᕗᑦ.

ᒐᓔᑎᐊᒥᐅᓄᑦ 2:1

ᐊᕐᕌᒍᐃᑦ 14 ᐊᓂᒍᕐᓯᒪᓕᕐᑎᓪᓗᒋᑦ ᔨᕉᓴᓕᒻᒧᑦ ᐅᑎᓚᐅᕐᐳᖓ ᐸᕐᓇᐹᓯᒥᒃ ᐱᖃᑎᖃᕐᓗᖓ, ᑍᑑᓯᓗ ᐃᓚᒋᓪᓗᑎᒍ.

ᐃᐱᓯᒥᐅᓄᑦ 3:1

ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,

ᐃᐱᓯᒥᐅᓄᑦ 6:12

ᐃᓄᖕᓂᒃ ᑎᒥᖃᕐᑐᓂᒃ ᑕᑯᒃᓴᐅᔪᓂᒃ ᐅᓇᑕᖏᓐᓇᑦᑕ, ᐊᔪᖏᑦᑐᕐᔪᐊᓄᓪᓕ ᐅᓇᑕᕐᐳᒍᑦ, ᐱᔪᓐᓇᕐᑐᕐᔪᐊᓄᑦ, ᐊᐅᓚᑦᓯᔪᓄᑦ ᓯᓚᕐᔪᐊᕐᒥ ᐊᖓᔪᖅᑲᐅᔪᓄᑦ, ᐊᖓᔪᖅᑳᖑᑎᑕᐅᔪᓄᓪᓗ ᓯᓚᕐᔫᑉ ᑕᒪᑐᒪ ᑖᕐᑑᓂᖓᓂ ᐱᔪᓐᓇᕐᓂᕐᔪᐊᖃᕐᑐᓄᑦ, ᐊᓂᕐᓂᕐᓄᑦ ᐱᐅᖏᑦᑐᕐᔪᐊᓄᑦ ᕿᓚᐅᑉ ᐊᑖᓃᑦᑐᓄᑦ.

ᒨᓯᓯ ᑕᓪᓕᒪᖏᑦ 33:9

ᑖᒃᑯᐊ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐃᒫᒃ ᐅᖃᐅᓯᖃᓚᐅᕐᐳᑦ, ‘ᑖᒃᑯᐊ ᐃᓱᒪᒋᓐᖏᓚᒃᑲ’; ᖃᑕᓐᖑᑎᑎᒃ ᐃᓚᒋᓂᕋᓐᖏᓔᑦ, ᕿᑐᕐᖓᑎᒡᓗ ᐃᒃᐱᒋᓇᒋᑦ. ᐅᖃᐅᓯᕐᓂᒃ ᒪᓕᑦᓯᐊᓗᐊᒧᑦ, ᐊᖏᖃᑎᒌᖕᓂᒃᑯᑦ ᐅᖃᕐᕕᒋᓯᒪᔭᑎᑦ ᒪᓕᒡᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!

ᑎᒧᑎᒧᑦ ᓯᕗᓪᓖᑦ 2:7

ᑕᒪᑐᒧᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᖁᓪᓗᖓ ᐋᐴᓯᑕᓕᓐᖑᕐᑎᑕᐅᓪᓗᖓᓗ, ᓱᓕᓪᓗᖓ ᐅᖃᕐᐳᖓ ᓴᒡᓗᓐᖏᓚᖓ, ᔫᑎᐅᓐᖏᑦᑐᓂᒃ ᐃᓕᓐᓂᐊᕐᑎᑦᓯᖁᓪᓗᖓ ᐅᒃᐱᕐᓂᑯᑦ ᓱᓕᓂᑯᓪᓗ.

ᑎᒧᑎᒧᑦ ᐂᑉᐸᖏᑦ 1:11

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᔨᐅᖁᓪᓗᖓ ᐋᐴᓯᑕᓕᐅᖁᓪᓗᖓᓗ, ᐃᓕᓮᔨᐅᖁᓪᓗᖓᓗ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,