ᒐᓔᑎᐊᒥᐅᓄᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᖁᓚᕐᓇᓐᖏᓚᖅ ᑐᓴᐅᒪᒐᑦᓯ ᐃᓅᓯᕆᓚᐅᕐᑕᓐᓂᒃ ᔫᑎᑦ ᐅᒃᐱᕐᓂᖓᓄᑦ ᐃᓚᒋᔭᐅᓪᓚᕆᒃᑎᓪᓗᖓ. ᒎᑎᐅᑉ ᐅᒃᐱᕐᑐᖁᑎᖏᑦ ᐊᑭᕋᕐᑐᓚᐅᕋᒃᑭᑦ ᓂᑲᒋᓇᒋᑦ ᐊᒃᓱᕉᑎᓪᓗᒋᑦ ᓄᖅᑲᕐᑎᓐᓇᓱᓚᐅᕐᐸᒃᑲ;

ᒐᓔᑎᐊᒥᐅᓄᑦ 1:13 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 8:3

ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:21

ᑐᓴᕐᑐᓕᒫᑦ ᑲᒪᓂᐊᕐᐳᑦ ᐅᖃᕐᓗᑎᒡᓗ, “ᑖᓐᓇᐅᓐᖏᓛᖅ ᔨᕉᓴᓕᒻᒥ ᑐᖁᑕᐅᑎᑦᓯᖃᑦᑕᓚᐅᕐᑐᖅ ᔩᓱᓯᒧᑦ ᑐᒃᓯᐊᕐᐸᒃᑐᓂᒃ? ᐅᕗᓐᖓᓚᐅᓐᖏᓚᕐᓘ ᑎᒍᓯᔭᕐᑐᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ ᐅᑎᐅᑎᔪᒪᓪᓗᒌᑦ?”

ᐋᐴᓯᑕᓖᑦ ᐱᓂᐊᕐᓂᖏᑦ 9:26

ᓴᐅᓗᓯ ᔨᕉᓴᓕᒻᒧᐊᕋᒥ ᐃᓕᓐᓂᐊᕐᑎᑦ ᐃᓚᒋᓇᓱᐊᓕᕐᐰᑦ; ᑖᒃᑯᐊᓕ ᓯᕘᕋᒋᕚᑦ, ᐅᒃᐱᕈᓱᖏᓐᓇᒥᒃ ᐃᓕᓐᓂᐊᕐᑎᐅᓕᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:32

ᓇᓪᓕᐊᓐᓄᑐᐃᓐᓇᖅ ᐹᓪᓚᒍᑕᐅᑦᑍᓕᒋᑦ, ᔫᑎᓄᓪᓘᓐᓃᑦ ᒍᕇᑭᓄᓪᓘᓐᓃᑦ ᒎᑎᐅᓪᓘᓐᓃᑦ ᐃᓚᒌᒃᑐᖁᑎᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:9

ᐋᐴᓯᑕᓕᓕᒫᖕᓂᑦ ᒥᑭᓐᓂᕐᐹᖑᒐᒪ, ᐋᐴᓯᑕᓕᖕᒥᒡᓘᓐᓃᑦ ᑍᔭᐅᔪᒃᓴᐅᖏᒻᒪᕆᒃᐳᖓ, ᒎᑎᐅᑉ ᐃᓚᒌᒃᑐᖁᑎᖏᑦ ᐊᑭᕋᕐᑐᓚᐅᕋᒃᑭᑦ.

ᐱᓕᐱᒥᐅᓄᑦ 3:6

ᔫᑎᑦ ᐱᐅᓯᖏᓐᓂᒃ ᐊᓐᓂᕈᓱᖕᓂᕐᒧᑦ ᐅᒃᐱᕐᑑᖃᑎᒌᓂᒃ ᐊᑭᕋᕐᑐᓚᐅᕐᑐᖓ, ᐱᖁᔧᑦ ᓇᓛᒎᕐᓂᕅᓂᖏᑎᒍᑦ ᐸᓯᔭᒃᓴᐅᓚᐅᓐᖏᓚᖓ.

ᑎᒧᑎᒧᑦ ᓯᕗᓪᓖᑦ 1:13

ᓯᕗᕐᖓᒍᑦ ᐅᖃᕐᓂᕐᓘᑎᖃᕐᐸᓚᐅᕐᑎᓪᓗᖓ ᑖᑦᓱᒥᖓ, ᐊᑭᕋᕐᑐᕐᑎᐅᓪᓗᖓ, ᐃᓴᒍᓱᖃᕐᓇᖓᓗ. ᒎᑎᐅᓪᓕ ᓂᑲᒋᓚᐅᕐᐹᖓ ᑍᑦᓱᒪᓂ ᐅᒃᐱᕐᓂᖃᓚᐅᖏᓐᓇᒪ ᖃᓄᐃᓕᐅᕐᓂᒃᑲᓗ ᖃᐅᔨᒪᓚᐅᕐᓇᒋᑦ.

ᑎᒧᑎᒧᑦ ᓯᕗᓪᓖᑦ 1:14

ᐊᑕᓂᑦᑕᓕ ᐱᑦᓯᐊᕐᓂᒧᑦ ᐱᔪᓐᓇᕐᑎᑦᓯᓂᓂ ᐅᕙᓐᓄᑦ ᑯᕕᓚᐅᕐᐹ ᐅᒃᐱᕐᓂᕐᒥᒃ ᓇᒡᓕᖕᓂᕐᒥᒡᓗ ᐱᑖᕆᔭᑦᑎᓐᓂᑦ ᙭ᔅᑑᓯ ᔩᓱᓯᒥ.