ᐄᓱᕋᐅᑉ ᐊᒡᓚᖏᑦ 9:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓯᕗᓕᑦᑕ ᐅᓪᓗᖏᓐᓂᑦ ᒫᓐᓇᒧᑦ, ᐅᕙᒍᑦ ᐃᓄᖁᑎᑎᑦ ᐊᔪᕐᑐᓕᓯᒪᕗᒍᑦ ᐊᖏᔪᒻᒪᕆᐊᓗᖕᒥᒃ, ᐸᓯᔭᒃᓴᐅᓂᕗᑦ ᐱᓪᓗᒋᑦ ᐊᖓᔪᖅᑳᕐᔪᐊᕗᑦ, ᑐᓂᕐᕈᓯᕐᑎᑦᓯᔨᕗᓪᓗ ᑎᒍᔭᐅᓚᕿᓯᒪᕗᑦ, ᐃᓅᖃᑎᒃᓴᔭᕆᓐᖏᑕᑦᑎᓐᓄᑦ ᐊᖓᔪᖅᑳᕐᔪᐊᓄᑦ, ᑐᖁᓴᕐᑕᐅᓯᒪᕗᒍᑦ, ᑎᒡᓕᒡᕕᐅᓯᒪᕗᒍᑦ, ᐊᐅᓪᓚᕈᑦᔭᐅᓯᒪᕗᒍᑦ ᑎᒍᔭᐅᓯᒪᔪᑎᑐᑦ, ᓇᕐᕈᓇᕐᓯᑎᑕᐅᓯᒪᕗᒍᑦ ᐅᓪᓗᒥ ᓱᓕ ᑍᒤᑉᐳᒍᑦ.

ᐄᓱᕋᐅᑉ ᐊᒡᓚᖏᑦ 9:7 Iomraidhean Croise

ᐊᑕᓃᑦ ᓯᕗᓪᓖᑦ 8:47

ᐃᓱᒪᑦᓯᐊᓕᕐᐸᑕ ᓄᓇᒥ ᑎᒍᔭᐅᓯᒪᕕᖕᒥᖕᓂ ᓱᖕᒪᑦ ᑕᒫᓃᒻᒪᖔᕐᒥᒃ, ᖃᕿᐊᓕᕐᓗᑎᒡᓗ ᐃᓕᖕᓄᑦ ᕿᓄᒃᐸᑕ ᓄᓇᒥ ᑎᒍᔭᐅᓯᒪᕝᕕᒋᔭᒥᖕᓂᑦ ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᐱᐅᖏᑦᑐᐊᓗᖕᒥᒃ ᐱᓇᓱᐊᓚᐅᕐᐳᒍᑦ’;

ᑯᕉᓂᑲ ᐂᑉᐸᖏᑦ 29:6

ᓯᕗᓕᕗᑦ ᐱᐅᖏᑦᑐᓕᓚᐅᕐᒪᑕ ᐊᑕᓂᐅᑉ ᒎᑎᑦᑕ ᓵᖓᓂ; ᑖᑦᓱᒥᖓᓗ ᕿᒤᓚᐅᕐᒪᑕ, ᐊᑕᓂᐅᓪᓗ ᐊᓯᐊᓄᑦ ᑕᑯᓐᓇᖔᓕᓚᐅᕐᒪᑕ; ᑐᓄᐃᓪᓗᑎᒡᓗ ᑖᑦᓱᒥᖓ.

ᑯᕉᓂᑲ ᐂᑉᐸᖏᑦ 30:7

ᓯᕗᓕᓯ ᖃᑕᓐᖑᑎᓯᓗ ᐊᑦᔨᒋᑦᑍᓕᓯᐅᒃ, ᑖᒃᑯᐊ ᐊᑕᓂᕐᒥᒃ ᐅᒃᐱᕈᓐᓃᓚᐅᕐᒪᑕ ᓯᕗᓕᑦᓯ ᒎᑎᖓᓂᒃ, ᑖᑦᓱᒪᓗ ᑕᕝᕙ ᐃᓄᖃᕈᓐᓃᕐᑎᓚᐅᕐᐰᑦ, ᑕᒪᓐᓇ ᑕᑯᓯᒪᒐᑦᓯᐅᒃ.

ᑯᕉᓂᑲ ᐂᑉᐸᖏᑦ 34:24

ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᓱᒋᐊᕐᑕᐅᓂᕐᒥᒃ ᑕᒪᓐᓇ ᑎᑭᑕᐅᑎᑦᓱᒫᕐᐸᕋ ᓄᓇᖃᕐᑐᓪᓗ ᑕᒫᓂ, ᐊᒡᓚᒃᓯᒪᔪᑦ ᐊᒡᓚᖕᓂ ᐃᖅᑲᕐᑐᕐᑕᐅᑦᔪᑎᒃᓴᑦ ᒪᓕᒡᓗᒋᑦ ᐅᖃᓕᒫᕐᑕᐅᓚᐅᕐᑐᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᓵᖓᓂ.

ᐄᓱᕋᐅᑉ ᐊᒡᓚᖏᑦ 9:13

ᐸᓯᔭᒃᓴᐅᓂᕗᑦ ᐊᔪᕐᑐᓕᓂᑦᑎᓐᓄᑦ ᑕᒻᒪᕐᓂᑦᑎᓐᓄᓪᓗ ᐊᑐᕇᕋᓗᐊᕐᒪᑕ, ᖃᐅᔨᒪᕗᒍᑦ ᐃᕝᕕᑦ ᒎᑎᕘᑦ, ᓱᒋᐊᓚᐅᕋᑦᑎᒍᑦ ᓱᒋᐊᕐᑕᐅᔭᕆᐊᖃᕐᓂᑦᑕ ᒥᒃᓯᑦᑎᓐᓄᑦ ᐃᓅᔪᓐᓇᕐᑎᓚᐅᕋᑦᑎᒍᓪᓗ ᑍᒤᒃᑲᓗᐊᕐᑎᓪᓗᑕ,

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 64:4

ᑍᑦᓱᒪᓂᐊᓗᖕᓂᑦ ᑐᓴᕐᑐᖃᓚᐅᕐᓯᒪᓐᖏᓚᖅ ᓯᐅᑎᒥᖕᓄᓪᓗ ᑐᑭᓯᔪᖃᓚᐅᕐᓯᒪᓇᓂ, ᐃᔩᖕᓄᓪᓗ ᑕᑯᔪᖃᓚᐅᕐᓯᒪᓐᖏᓚᖅ ᒎᑎᒥᒃ ᐊᓯᖕᓂᒃ, ᐱᓇᓱᐊᕈᑦᔨᓲᒥᒃ ᐅᑕᖅᑭᔨᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 25:18

ᔨᕉᓴᓕᒧᑦ ᔫᑕᐅᓪᓗ ᓄᓇᓕᖏᓐᓄᑦ ᐊᖓᔪᖅᑳᕐᔪᐊᖏᓐᓄᑦ ᐊᖓᔪᖅᑳᖁᑎᖏᓐᓄᓪᓗ ᐊᓯᕈᕈᑎᒃᓴᐅᖁᓪᓗᒍ ᑲᑉᐱᐊᒋᔭᐅᑦᔪᑎᒃᓴᐅᓕᖁᓪᓗᒍᓗ ᐱᐅᒋᔭᐅᖏᑦᔪᑎᒃᓴᓐᖑᖁᓪᓗᒍᓗ ᐅᓪᓗᒥᒧᑦ ᑍᒤᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 32:23

ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 32:32

ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑕ ᓂᓐᖓᐅᑎᒃᓴᓕᐅᓚᐅᕐᒪᖓ ᐱᐅᖏᑦᑐᓂᒃ ᐱᓇᓱᐊᕐᓂᕐᒥᖕᓄᑦ ᐊᖓᔪᖅᑳᕐᔪᐊᖏᑎᒍᑦ, ᓯᕗᓕᕐᑎᖁᑎᖏᑎᒍᓪᓗ, ᑐᓂᕐᕈᓯᕐᑎᑦᓯᔨᖁᑎᖏᑎᒍᑦ ᒎᑎᒧᓪᓗ ᐅᖃᕐᑎᖁᑎᖏᑎᒍᑦ, ᐃᓄᒃᑎᒍᓪᓗ ᔫᑕᒥᐅᑎᒍᑦ ᔨᕉᓴᓕᒥᓗ ᓄᓇᖃᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 44:22

ᐊᑕᓂᖅ ᕿᓄᐃᓵᕈᓐᓁᓪᓕᒐᒥ ᐱᐅᖏᑦᑐᓂᒃ ᐃᓕᖅᑯᓯᖃᕐᓂᑦᓯᓐᓄᑦ, ᓈᒻᒪᒋᓐᖏᑕᖏᓐᓂᒡᓗ ᐱᓇᓱᐊᖃᑦᑕᕐᓂᑦᓯᓐᓄᑦ ᓄᓇᒋᔭᓯ ᐅᖃᐅᓯᕐᓘᑎᒃᓴᓐᖑᓚᐅᕐᐳᖅ, ᓱᓁᕈᑎᓪᓗᓂᓗ ᐃᓄᖃᕈᓐᓃᕐᓗᓂᓗ ᒫᓐᓇ ᑍᒤᑦᑑᓕᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:9

ᐳᐃᒍᕐᐱᓰ ᐱᐅᖏᑦᑐᓂᒃ ᐱᓂᐊᕐᑕᐅᓯᒪᔪᓂᑦ ᔫᑕᒥᐅᓂᑦ ᔨᕉᓴᓕᒥᐅᓂᓪᓗ ᓯᕗᓕᕕᓂᑦᓯᓐᓄᑦ ᐱᓂᐊᕐᑕᐅᓯᒪᔪᓂᒃ? ᐊᖓᔪᖅᑳᖑᓚᐅᕐᑐᓄᑦ ᔫᑕᒥ, ᓄᓕᐊᖏᓐᓄᓪᓗ ᐃᓕᑦᓯᓐᓄᑦ ᓄᓕᐊᑦᓯᓐᓄᓪᓗ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:7

ᓯᕗᓕᕗᑦ ᐊᔪᕐᑐᓕᓚᐅᕐᒪᑕ, ᐱᑕᖃᕈᓐᓃᕐᐳᑦ, ᐊᔪᕐᑐᓕᓂᖏᓪᓕ ᐊᒃᓱᕈᕐᓇᕐᑐᒦᑦᔪᑎᒋᕙᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 11:9

ᐃᒡᓗᒐᓴᒡᔪᐊᓂᑦ ᐊᓂᑎᑦᓱᒫᕐᐸᑦᓯ, ᐃᓅᖃᑎᒋᓐᖏᑕᑦᓯᓐᓄᑦ ᐂᑦᑑᑎᒋᓗᓯ, ᐃᖅᑲᕐᑐᐃᓂᕋ ᑲᔪᓯᑎᓪᓗᒍ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 39:23

ᐃᓅᖃᑎᒌᒡᔪᐊᓪᓗ ᖃᐅᔨᔪᒫᕐᐳᑦ ᐃᓴᕆᐊᓕᐅᑉ ᑭᖑᕚᖏᑦ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᓚᕿᓯᒪᖕᒪᑕ ᐱᐅᖏᑦᑐᓕᓯᒪᓂᖏᓐᓄᑦ, ᐊᖏᔪᕐᔪᐊᒥᒃ ᐅᕙᓐᓄᑦ ᐊᔪᕐᑐᓕᓚᐅᕐᒪᑕ ᑮᓇᕋ ᐃᔨᓚᐅᕐᐸᕋ ᑖᒃᑯᓄᖓ ᑐᓂᓚᐅᕐᐸᒃᑲᓗ ᐊᑭᕋᖏᑕ ᐱᔪᓐᓇᕐᓂᖏᓐᓄᑦ, ᓴᕕᒡᔪᐊᒧᓪᓗ ᑐᖁᑕᐅᔪᐃᓐᓇᐅᓚᐅᕐᐳᑦ.

ᒨᓯᓯ ᓯᑕᒪᖏᑦ 32:14

ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 12:15

ᑭᓯᐊᓂᓕ ᐊᑕᓂᐅᑉ ᓂᐱᖓᓂᒃ ᓈᓚᖕᓂᐊᖏᒃᑯᑦᓯ, ᐊᑕᓂᐅᓪᓗ ᐱᖁᔭᖏᓐᓂᒃ ᐊᑭᕋᕐᑐᓕᕈᑦᓯ, ᑕᕝᕙ ᐊᑕᓂᐅᑉ ᐊᒡᒐᖏᑦ ᐃᓕᑦᓯᓐᓂᒃ ᐊᖓᔪᖅᑳᕐᔪᐊᑦᓯᓐᓂᒡᓗ ᐊᑭᕋᕐᑐᓕᕈᒫᕐᐳᖅ.