ᐄᓱᕋᐅᑉ ᐊᒡᓚᖏᑦ 9:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᖑᑏᑦ ᔫᑎᑦ ᓄᓕᐊᓂᒃᓯᒪᖕᒪᑕ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᐊᕐᓇᓂᒃ, ᒎᑎᐅᓪᓗ ᐃᓄᖁᑎᖏᑦ ᐃᑦᔪᕐᓁᑦᑐᑦ ᓱᕈᕐᑕᐅᓯᒪᖕᒪᑕ, ᓯᕗᓕᕐᑏᑦ ᐱᓇᓱᐊᕐᑏᓪᓗ ᐊᖓᔪᖅᑳᖏᑦ ᓱᕅᓂᕐᐸᐅᓯᒪᕗᑦ.

ᐄᓱᕋᐅᑉ ᐊᒡᓚᖏᑦ 9:2 Iomraidhean Croise

ᒨᓯᓯ ᓯᕗᓪᓖᑦ 6:2

ᒎᑎᐅᑉ ᐃᕐᓂᖏᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ.

ᐊᑕᓃᑦ ᓯᕗᓪᓖᑦ 11:1

ᓲᓗᒨᓂ ᐊᕐᓇᓂᒃ ᐅᓄᕐᑐᓂᒃ ᓄᓇᓕᒡᔪᐊᑦ ᐊᓯᖏᓐᓂᑦ ᐱᓯᒪᔪᓂᒃ ᐱᐅᒃᓴᓚᐅᕐᒪᑦ; ᐊᖓᔪᖅᑳᕐᔪᐊᑉ ᐄᑦᔨᑉᑎᒥᐅᑕᐅᑉ ᐰᕉᑉ ᐸᓂᐊᑕ ᐊᓯᖏᓐᓂᒃ ᓄᓕᐊᓂᒃᑲᓐᓂᓚᐅᕐᐳᖅ ᕼᐃᑍᑎᒥᐅᑕᕐᒥᒃ, ᒧᐊᐱᒥᐅᑕᕐᒥᒃ, ᐊᒧᓁᑎᒥᐅᑕᕐᒥᒃ, ᐄᑐᒥᒥᐅᑕᕐᒥᒃ, ᓮᑐᓂᒥᐅᑕᕐᒥᒡᓗ.

ᐄᓱᕋᐅᑉ ᐊᒡᓚᖏᑦ 10:2

ᑕᕝᕙ ᓯᑲᓁᐊ ᔨᕼᐃᐅᓕᐅᑉ ᐃᕐᓂᖓ, ᐃᓛᒻ ᑭᖑᕚᖏᓐᓂᑦ ᐱᓯᒪᔪᖅ, ᐅᖃᕐᐳᖅ ᐄᓱᕋᒧᑦ, “ᐅᒃᐱᕐᓂᕗᑦ ᒎᑎᒧᑦ ᓯᖁᒥᓯᒪᕗᖅ ᐂᑉᐸᕐᑖᕐᓯᒪᓂᑦᑎᓐᓄᑦ ᐃᓅᖃᑎᒃᓴᔭᕆᓐᖏᑕᑦᑎᓐᓂᒃ, ᑍᒤᒃᑲᓗᐊᕐᑎᓪᓗᒍ ᓱᓕ ᓂᕆᐅᖕᓂᒃᓴᖃᕐᐳᑦ ᐃᓴᕆᐊᓕᒥᐅᑦ.

ᐄᓱᕋᐅᑉ ᐊᒡᓚᖏᑦ 9:12

ᐅᖃᐅᑦᔭᐅᓚᐅᕐᐳᒍᑦ ᐂᑉᐸᕐᑖᓚᐅᕐᓯᒪᖁᔭᐅᓇᑕ ᕿᑐᕐᖓᕗᓪᓗ ᑖᒃᑯᓇᖓ ᐃᓄᖕᓂᑦ, ᐊᒻᒪᓗ ᑖᒃᑯᓂᖓ ᐂᑉᐸᕐᑖᕐᑎᑦᓯᖁᔭᐅᓇᑕ ᕿᑐᕐᖓᑦᑎᓐᓂᒡᓗ; ᐃᓅᖃᑎᒋᓇᓱᐊᕐᑕᐅᖁᓇᒋᓪᓗ ᐱᕙᓪᓕᕐᑎᑕᐅᖁᓇᒋᓪᓗ, ᓲᖑᔫᔪᓐᓇᖁᓪᓗᑕ ᓄᓇᐅᑉ ᐱᐅᓂᖓ ᓂᕿᖏᓪᓗ ᓂᕿᒋᑦᓯᐊᕐᓗᒋᑦ ᐱᔪᓐᓇᖁᓪᓗᑕ, ᑭᖑᕚᑦᑎᓐᓄᓪᓗ ᑭᖑᕐᖑᑎᔭᐅᖁᑐᐊᕈᑦᑎᒍ ᐃᓱᖃᖏᑦᑐᒧᑦ.

ᐄᓱᕋᐅᑉ ᐊᒡᓚᖏᑦ 9:14

ᖃᓄᕐᓕ ᑲᒪᖏᑦᑑᔭᕆᐊᖃᓕᕇᕆᕕᑖ ᐱᖁᔭᕐᓂᒃ ᐂᑉᐸᕐᑖᕐᓗᑕᓗ ᓇᕐᕈᓇᕐᓂᕋᕐᑕᐅᔪᓂᒃ ᐃᓅᓯᖃᕐᑐᓃᒃ? ᑍᒤᒃᑯᑦᑕᓗ, ᓂᓐᖓᖕᓂᕐᓄᑦ ᐊᓯᕈᕐᓂᐊᕐᐸᑦᑎᒍᑦ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑰᔪᒍᑦ ᐃᓅᔪᖃᕈᓐᓃᕐᑎᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:17

ᑕᕝᕙ ᔫᑕᐅᑉ ᐊᖓᔪᖅᑳᖏᑦ ᓱᐊᓚᐅᕐᐸᒃᑲ ᐅᖃᐅᑎᓪᓗᒋᓪᓗ, “ᓱᖕᒪᑦ ᐱᐅᖏᑦᑐᒥᒃ ᐱᓕᕆᓕᕐᐱᓰ, ᓴᐸᑎᒥᒃ ᓇᕐᕈᓇᕐᓯᑎᑦᓯᒐᑦᓯ?

ᓂᕼᐃᒤᐊᐅᑉ ᐊᒡᓚᖏᑦ 13:28

ᐃᓔᐊᓯᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᑕ ᐃᓚᖓᑦ, ᔨᕼᐅᐃᐊᑕ ᓴᓐᐸᓪᓛᑎᐅᑉ ᕼᐅᕈᓁᑎᐅᑉ ᓂᖓᐅᒋᓚᐅᕐᒪᒍ; ᑍᒤᒻᒪᑦ ᑕᕝᕙᓐᖓᑦ ᐊᐅᓪᓚᕐᑎᓚᐅᕐᐸᕋ.

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 22:31

“ᐅᕙᖓ ᐃᓄᖁᑎᒋᒐᑦᓯ ᐃᑦᔪᕐᓁᑦᑐᒃᓴᐅᕗᓯ, ᑍᒤᒻᒪᑦ ᐱᕈᕐᓰᕕᖕᒥ ᐆᒪᔪᓄᑦ ᓄᔪᐊᕐᑐᓄᑦ ᐅᒋᐊᕐᑕᐅᔪᕕᓂᕐᓂᒃ ᐆᒪᔪᓂᒃ ᓂᕆᔪᒃᓴᐅᓐᖏᓚᓯ; ᑍᒤᑦᑐᓪᓕ ᕿᒻᒥᓄᑦ ᑐᓂᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 34:16

ᐃᕐᓂᓯᓗ ᑖᒃᑯᓇᓐᖓᑦ ᓄᓇᖃᑎᒃᓴᔭᕆᓐᖏᑕᑦᓯᓐᓂᑦ ᓄᓕᐊᓂᑐᐃᓐᓇᕆᐊᖃᕐᒪᑕ, ᓄᓕᐊᒥᓄᓪᓗ ᑕᓯᐅᕐᑕᐅᓕᕋᔭᕐᓗᑎᒃ ᐅᕙᓐᓂᒃ ᑲᒪᔪᓐᓃᕐᑎᑕᐅᓗᑎᒃ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᒨᓯᓯ ᐱᖓᔪᖏᑦ 21:15

ᑍᒫᒃ ᐱᔭᕆᐊᖃᕐᐳᖅ ᕿᑐᕐᖓᖏᑦ ᐃᑦᔪᕐᓇᕐᑑᖁᓇᒋᑦ ᐃᓅᖃᑎᒥ ᐊᑯᕐᖓᓐᓂ. ᐅᕙᖓ ᐊᑕᓂᐅᒐᒪ, ᑖᓐᓇ ᐃᑦᔪᕐᓁᑎᓯᒪᒐᒃᑯ.”

ᒪᓚᑬᑉ ᐊᒡᓚᖏᑦ 2:11

ᔫᑕ ᐱᓂᐊᕐᓂᕐᒥᒍᑦ ᑲᔪᓯᓯᒪᖏᒻᒪᑦ, ᓇᕐᕈᓇᕐᑐᓂᒡᓗ ᐱᓇᓱᐊᕐᓯᒪᕗᑦ ᐃᓴᕆᐊᓕᒥᐅᑦ ᔨᕉᓴᓕᒥᐅᓪᓗ; ᔫᑕ ᓇᕐᕈᓇᕐᓯᑎᑦᓯᓚᐅᕐᒪᑦ ᐊᑕᓂᐅᑉ ᐃᑦᔪᕐᓁᑦᑐᖁᑎᖏᓐᓂᒃ, ᐱᐅᒋᔭᖏᓐᓂᒡᓗ, ᓄᓕᐊᓂᒃᓯᒪᓪᓗᓂᓗ ᐅᖓᓯᒃᑐᒥᐅᑦ ᒎᑎᖏᑕ ᐸᓂᖓᓂᒃ.

ᒪᓚᑬᑉ ᐊᒡᓚᖏᑦ 2:15

ᒎᑎᐅᑉ ᓴᓇᓚᐅᓐᖏᓛᓰᒃ? ᐃᓅᓯᐅᓪᓗ ᐊᓂᕐᓂᖓᓂᒃ ᐱᑎᓪᓗᓯᒃ? ᖃᓄᕐᓗ ᐱᔪᒪᔭᖃᕐᐸ? ᑭᖑᕚᒃᓴᖃᖁᓪᓗᑎᑦ ᒎᑎᒥᒃ ᓈᓚᑦᓯᐊᕐᑐᓂᒃ. ᑍᒤᒻᒪᑦ ᓇᖕᒥᓂᖅ ᑲᒪᒋᑦᓯᐊᓕᕆᑦ, ᓇᓪᓕᐊᓪᓗ ᐊᑐᕐᓂᕐᓗᒃᑍᓕᓕ ᐃᓅᓱᖕᓂᕐᒥᓂᑦ ᓄᓕᐊᕆᔭᒥᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:14

ᐅᒃᐱᖏᑦᑐᖅ ᐊᖑᑦ ᓄᓕᐊᒥᓂᒃ ᑲᑎᒪᒃᓯᓂᕐᒥᒍᑦ ᐃᑦᔪᕐᓁᑎᑕᐅᓕᕐᒪᑦ, ᐅᒃᐱᖏᑦᑐᕐᓗ ᐊᕐᓇᖅ ᐅᐃᒥᓂᒃ ᑲᑎᒪᒃᓯᓂᕐᒥᒍᑦ ᐃᑦᔪᕐᓁᑎᑕᐅᒋᕗᖅ. ᑍᒤᖏᑉᐸᑦ ᕿᑐᕐᖓᓯ ᓇᕐᕈᓇᕐᑑᓂᕋᕐᑕᐅᒐᔭᕐᐳᑦ, ᒫᓐᓇᓕ ᐃᑦᔪᕐᓁᑉᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:14

ᐅᒃᐱᖏᑦᑐᑦ ᐱᓂᐊᕐᓂᖏᑦ ᐃᓚᒋᓂᐊᕋᓯᒋᒃ, ᖃᓄᖅ ᐃᓗᐊᕐᑐᓕᓂᖅ ᐱᐅᖏᑦᑐᓕᓂᕐᓗ ᐃᓚᒌᒍᓐᓇᕐᐹᒃ? ᖃᓄᕐᓗ ᖃᐅᒪᔪᖅ ᑖᕐᑐᕐᓗ ᐃᓚᒌᒍᓐᓇᕐᐹᒃ?

ᒨᓯᓯ ᑕᓪᓕᒪᖏᑦ 14:2

ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑎᒋᔭᐅᒐᑦᓯ ᐃᑦᔪᕐᓁᑦᑐᖁᑎᒋᔭᐅᓪᓗᓯ, ᐊᑕᓂᐅᑉ ᓂᕈᐊᕐᓯᒪᖕᒪᓯ ᓇᖕᒥᓂᕆᔪᒪᓪᓗᓯ, ᓄᓇᕐᔪᐊᕐᒦᑦᑐᓕᒫᑦ ᐊᑯᕐᖓᓐᓂᑦ.”

ᒨᓯᓯ ᑕᓪᓕᒪᖏᑦ 7:6

ᑍᒤᓕᐅᕐᑐᒃᓴᐅᕗᓯ ᐃᓕᑦᓯ ᐊᑕᓂᐅᑉ ᒎᑎᑦᓯ ᐃᓄᖁᑎᒋᖕᒪᓯ ᐃᑦᔪᕐᓁᑎᑕᐅᔪᑦ ᑖᑦᓱᒧᖓ. ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᓯ ᓇᖕᒥᓂᖅ ᐃᓄᖁᑎᒋᓗᓂᓯ ᑖᑦᓱᒧᖓ ᐱᒋᔭᐅᖁᓪᓗᓯ, ᓯᓚᕐᔪᐊᕐᒥᐅᑦ ᐃᓄᓕᒫᖏᓐᓂᑦ ᓂᕈᐊᕐᑕᐅᓯᒪᒐᑦᓯ.

ᔮᓱᐊᑉ ᐊᒡᓚᖏᑦ 22:15

ᕉᐱᓂᐅᑉ, ᒑᑦᓗ, ᒫᓇᓯᒃᑯᓪᓗ ᑭᖑᕚᖏᑕ ᐊᕝᕙᖏᑕ ᓄᓇᖓᓐᓄᐊᕋᒥᒃ ᒋᓕᐊᑎᒧᑦ, ᑖᒃᑯᓄᖓ ᐅᖃᕐᐳᑦ,

ᔮᓱᐊᑉ ᐊᒡᓚᖏᑦ 23:12

ᑲᔪᓯᑦᓯᐊᖏᒃᑯᑦᓯ, ᐃᓅᖃᑎᒌᑦᔪᐊᓄᓪᓗ ᐊᒥᐊᒃᑰᔪᓄᑦ ᐃᓚᓕᐅᑎᓗᓯ ᐂᑉᐸᕐᑖᕐᑐᕈᑦᓯ, ᐂᑉᐸᕐᑖᕐᕆᔭᐅᓗᓯ ᐃᓕᑦᓯᓗ ᐊᒥᐊᒃᑰᔪᓂᑦ ᐊᕐᓇᓂᒃ ᐂᑉᐸᕐᑖᕐᓂᐊᕈᑦᓯ,