ᐄᓱᕋᐅᑉ ᐊᒡᓚᖏᑦ 9:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.

ᐄᓱᕋᐅᑉ ᐊᒡᓚᖏᑦ 9:1 Iomraidhean Croise

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᐊᑕᓃᑦ ᓯᕗᓪᓖᑦ 11:1

ᓲᓗᒨᓂ ᐊᕐᓇᓂᒃ ᐅᓄᕐᑐᓂᒃ ᓄᓇᓕᒡᔪᐊᑦ ᐊᓯᖏᓐᓂᑦ ᐱᓯᒪᔪᓂᒃ ᐱᐅᒃᓴᓚᐅᕐᒪᑦ; ᐊᖓᔪᖅᑳᕐᔪᐊᑉ ᐄᑦᔨᑉᑎᒥᐅᑕᐅᑉ ᐰᕉᑉ ᐸᓂᐊᑕ ᐊᓯᖏᓐᓂᒃ ᓄᓕᐊᓂᒃᑲᓐᓂᓚᐅᕐᐳᖅ ᕼᐃᑍᑎᒥᐅᑕᕐᒥᒃ, ᒧᐊᐱᒥᐅᑕᕐᒥᒃ, ᐊᒧᓁᑎᒥᐅᑕᕐᒥᒃ, ᐄᑐᒥᒥᐅᑕᕐᒥᒃ, ᓮᑐᓂᒥᐅᑕᕐᒥᒡᓗ.

ᑯᕉᓂᑲ ᐂᑉᐸᖏᑦ 33:2

ᐱᐅᖏᑦᑐᓕᓚᐅᕐᐳᖅ ᐊᑕᓂᐅᑉ ᑕᑯᓐᓇᑕᖓᒍᑦ, ᓄᓇᓖᑦ ᐱᐅᖏᑦᑐᓂ ᓇᕐᕈᓇᕐᑐᓕᓂᖏᓐᓂᒃ ᒪᓕᓚᐅᕐᒪᑦ ᐊᑕᓂᐅᑉ ᐊᓂᑎᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐃᓇᖏᕐᑕᐅᑎᓚᐅᕐᑕᖏᑕ.

ᑯᕉᓂᑲ ᐂᑉᐸᖏᑦ 8:7

ᐃᓄᓕᒫᑦ ᐊᒥᐊᑰᔪᑦ ᕼᐃᑍᑎᒥᐅᑦ, ᐊᒧᕅᑎᒥᐅᑦ, ᐱᕆᔧᑎᒥᐅᑦ, ᕼᐃᕔᑎᒥᐅᑦ, ᔨᐳᓮᑎᒥᐅᓪᓗ, ᐃᓴᕆᐊᓕᒥᐅᑕᐅᖏᑦᑐᑦ,

ᐄᓱᕋᐅᑉ ᐊᒡᓚᖏᑦ 10:2

ᑕᕝᕙ ᓯᑲᓁᐊ ᔨᕼᐃᐅᓕᐅᑉ ᐃᕐᓂᖓ, ᐃᓛᒻ ᑭᖑᕚᖏᓐᓂᑦ ᐱᓯᒪᔪᖅ, ᐅᖃᕐᐳᖅ ᐄᓱᕋᒧᑦ, “ᐅᒃᐱᕐᓂᕗᑦ ᒎᑎᒧᑦ ᓯᖁᒥᓯᒪᕗᖅ ᐂᑉᐸᕐᑖᕐᓯᒪᓂᑦᑎᓐᓄᑦ ᐃᓅᖃᑎᒃᓴᔭᕆᓐᖏᑕᑦᑎᓐᓂᒃ, ᑍᒤᒃᑲᓗᐊᕐᑎᓪᓗᒍ ᓱᓕ ᓂᕆᐅᖕᓂᒃᓴᖃᕐᐳᑦ ᐃᓴᕆᐊᓕᒥᐅᑦ.

ᐄᓱᕋᐅᑉ ᐊᒡᓚᖏᑦ 10:8

ᐃᓄᖕᓄᑦ ᐊᖓᔪᖅᑳᖑᔪᑦ ᐱᖁᔨᓂᖏᑦ ᒪᓕᒡᓗᒋᑦ, ᕾᖁᔭᐅᔪᓪᓗ ᕾᓐᖏᑐᐊᕐᐸᑕ ᐅᓪᓘᑉ ᐱᖓᔪᒋᓕᕐᑕᖓᓂ, ᐱᖁᑎᓕᒫᖏᑦ ᐊᓯᕈᕐᑕᐅᒐᔭᕐᐳᑦ, ᐃᓚᒋᔭᐅᔪᓐᓃᕐᑎᑕᐅᓗᓂᓗ ᐅᑎᓚᐅᕐᑐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 13:23

ᐊᒻᒪ ᑕᒪᒃᑯᐊ ᓇᓪᓕᐅᓯᒪᑎᓪᓗᒋᑦ ᖃᐅᔨᓚᐅᕆᕗᖓ ᔫᑎᑦ ᓄᓕᐊᓂᖃᑦᑕᓕᕐᓂᕐᒪᑕ ᐊᕐᓇᓂᒃ ᐋᔅᑖᑦᒥᐅᓂᒃ, ᐊᒧᓂᒥᐅᓂᒡᓗ, ᒧᐊᐱᒥᐅᓂᒡᓗ;

ᓂᕼᐃᒤᐊᐅᑉ ᐊᒡᓚᖏᑦ 4:3

ᑐᐱᐊᓕ ᐊᒧᓁᑎᒥᐅᖅ ᓇᖏᕐᐳᖅ ᑖᑦᓱᒪ ᓴᓂᐊᓂ, ᐅᖃᕐᓗᓂᓗ, “ᖃᓄᐃᑦᑐᒥᒃ ᐊᑭᓐᓇᓕᐅᕈᓐᓇᕐᐹᑦ? ᓴᓇᔭᖏᑦ ᑎᕆᒐᓂᐊᒧᓪᓘᓐᓃᑦ ᒪᔪᕐᕕᐅᒍᑎᒃ ᐅᕐᕈᑎᑕᐅᔪᓐᓇᕐᑐᑦ!”

ᓂᕼᐃᒤᐊᐅᑉ ᐊᒡᓚᖏᑦ 4:7

ᓴᓐᐸᓛᑎᓕ, ᑐᐱᐊᓗ ᐃᓄᐃᓪᓗ ᐋᕋᑉᒥᐅᑦ, ᐊᒧᓁᑎᒥᐅᑦ ᐋᔅᑖᑦᒥᐅᓪᓗ ᑐᓴᕋᒥᒃ ᐱᕙᓪᓕᐊᓂᑦᑎᓐᓂᒃ ᐊᕙᓗᕐᔪᐊᓪᓗ ᐱᔭᕇᕐᐸᓪᓕᐊᓂᖓᓂᒃ ᔨᕉᓴᓕᐅᑉ ᐊᕙᓗᕐᔪᐊᖓᑕ, ᓯᖁᒥᓯᒪᓂᖏᓪᓗ ᐊᕙᓗᕐᔪᐊᒦᑦᑐᑦ ᒪᑐᔭᐅᕙᓪᓕᐊᓂᖏᓐᓂᒃ, ᑖᒃᑯᐊ ᓂᓐᖓᐅᒪᒻᒪᕆᓕᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:2

ᕿᒃᓵᖕᓂᑎᒃ ᐊᔪᕐᑐᓕᓂᕐᒥᖕᓂᒃ ᐱᑦᔪᑎᒋᓪᓗᒍ ᐃᒻᒥᒍᑦ ᐃᓛᒃᑰᓕᕐᑎᓚᐅᕐᐳᑦ ᓄᓇᖅᑲᑎᒃᓴᔭᕆᓐᖏᑕᓕᒫᒥᖕᓂᑦ; ᑍᒫᒡᓗ ᓂᑯᕕᓪᓗᑎᒃ ᐊᔪᕐᑐᓕᓂᕐᒥᖕᓂᒃ ᓯᕗᓕᕕᓂᖏᑕᓗ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᐅᖅᑲᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ.

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᒨᓯᓯ ᐂᑉᐸᖏᑦ 13:5

ᐊᑕᓂᐅᑉ ᓱᓕᓪᓚᕆᒃᑐᒥᒃ ᐊᖏᕐᕕᒋᓯᒪᖕᒪᒋᑦ ᓯᕗᓕᕕᓂᓯ ᓄᓇᒥᒃ ᑕᒪᑐᒥᖓ ᑬᓇᓂᒥᐅᑦ ᓄᓇᖓᓂᒃ ᑐᓂᓯᕕᒋᔪᒪᓪᓗᒋᑦ, ᕼᐃᑍᑎᒥᐅᓪᓗ ᓄᓇᖓᓂᒃ, ᐊᒧᕅᑎᒥᐅᓪᓗ ᓄᓇᖓᓂᒃ, ᕼᐃᕔᑎᒥᐅᓪᓗ ᓄᓇᖓᓂᒃ, ᔨᐳᓮᑎᒥᐅᓪᓗ ᓄᓇᖓᓂᒃ, ᑕᒪᓐᓇ ᓄᓇ ᐱᕈᕐᑐᓂ ᐊᔪᕐᓴᕐᓇᖏᑦᓯᐊᕐᒪᑦ, ᑍᒤᒻᒪᑦ ᐊᕐᕌᒍᑕᒫᑦ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ ᖁᕕᐊᓲᑎᒋᓗᒍ ᑕᕝᕙᓂ ᑕᖅᑭᒥ.

ᒨᓯᓯ ᐂᑉᐸᖏᑦ 23:23

ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑖᑦᓱᒪ ᑕᓯᐅᕐᓂᐊᕐᐹᓯ ᐊᒧᕅᑎᒥᐅᓄᑦ, ᕼᐃᑍᑎᒥᐅᓄᓪᓗ, ᐱᕆᔧᑎᒥᐅᓄᓪᓗ, ᑬᓇᓂᒥᐅᓄᓪᓗ, ᕼᐃᕔᑎᓄᓪᓗ, ᔨᐳᓮᑎᒥᐅᓄᓪᓗ, ᑖᒃᑯᐊᓗ ᓄᖑᑎᓐᓂᐊᕐᐸᒃᑲ.

ᒨᓯᓯ ᐂᑉᐸᖏᑦ 33:16

ᖃᓄᕐᓕ ᖃᐅᔨᒪᔭᐅᑦᓯᐊᕈᓐᓇᕋᔭᕐᐲᑦ ᐃᓄᖁᑎᖕᓂᒃ ᖁᕕᐊᓲᑎᖃᕐᓂᕐᓂᒃ ᐅᕙᓐᓂᒡᓗ ᐅᕙᑦᑎᓐᓄᑦ ᐱᖃᑕᐅᓂᐊᖏᓪᓗᑎᑦ? ᐃᓕᖕᓄᑦ ᐃᓚᒋᔭᐅᑐᐊᕈᑦᑕ ᐅᐱᓐᓇᕐᑎᑕᐅᓂᕐᓴᐅᒐᔭᕋᑦᑕ ᓯᓚᕐᔪᐊᕐᒥ ᐃᓄᒋᔭᐅᔪᓕᒫᓂᑦ.”

ᐂᓮᐊᓯᐅᑉ ᐊᒡᓚᖏᑦ 52:11

ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 26:10

ᔫᑕᒥᐅᓪᓕ ᐊᖓᔪᖅᑳᕆᔭᖏᑦ ᑐᓴᕋᒥᒃ ᑕᒪᒃᑯᓂᖓ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᕗᑦ ᑐᒃᓯᐊᕐᕕᒃᔪᐊᓕᐊᓕᕐᓗᑎᒃ ᑕᕝᕗᖓᓗ ᑎᑭᓐᓇᒥᒃ ᐃᖏᑉᐳᑦ ᐃᑎᕐᑕᕐᕕᖕᒧᑦ ᓄᑖᒥᒃ ᑍᔭᐅᔪᒧᑦ.

ᔨᕆᒤᐊᐅᑉ ᐊᒡᓚᖏᑦ 26:16

ᑕᕝᕙ ᐊᖓᔪᖅᑳᑦ, ᐃᓄᐃᓪᓗ, ᑐᓂᕐᕈᓯᕐᑎᑦᓯᔨᓄᑦ ᓇᓚᐅᑦᑍᔪᓄᓪᓗ ᐅᖃᕐᐳᑦ, “ᐊᖑᑦ ᑖᓐᓇ ᑐᖁᑕᐅᔪᒃᓴᐅᓐᖏᓚᖅ ᐅᖃᐅᓯᖃᕐᒪᑦ ᐊᑕᓂᐅᑉ ᒎᑎᑦᑕ ᐊᑎᖓᓂ.”

ᒨᓯᓯ ᐱᖓᔪᖏᑦ 18:3

ᐄᑦᔨᑉᑎᒥᐅᑦ ᐱᐅᓯᖏᑦ ᒪᓕᖕᓂᐊᕋᓯᒋᒃ, ᑍᒃᑯᐊ ᓄᓇᖃᑎᒋᓚᐅᕐᑕᑦᓯ, ᑬᓇᓂᒥᐅᓪᓗ ᐱᐅᓯᖏᑦ ᒪᓕᖕᓂᐊᕋᓯᒋᒃ ᑍᒃᑯᐊ ᓄᓇᖓᓐᓄᑦ ᐱᑎᓐᓂᐊᕋᑦᓯ, ᐱᐅᓯᖏᓐᓂᒃ ᒪᓕᒃᓴᕐᓂᐊᕋᓯ.

ᒪᓚᑬᑉ ᐊᒡᓚᖏᑦ 2:11

ᔫᑕ ᐱᓂᐊᕐᓂᕐᒥᒍᑦ ᑲᔪᓯᓯᒪᖏᒻᒪᑦ, ᓇᕐᕈᓇᕐᑐᓂᒡᓗ ᐱᓇᓱᐊᕐᓯᒪᕗᑦ ᐃᓴᕆᐊᓕᒥᐅᑦ ᔨᕉᓴᓕᒥᐅᓪᓗ; ᔫᑕ ᓇᕐᕈᓇᕐᓯᑎᑦᓯᓚᐅᕐᒪᑦ ᐊᑕᓂᐅᑉ ᐃᑦᔪᕐᓁᑦᑐᖁᑎᖏᓐᓂᒃ, ᐱᐅᒋᔭᖏᓐᓂᒡᓗ, ᓄᓕᐊᓂᒃᓯᒪᓪᓗᓂᓗ ᐅᖓᓯᒃᑐᒥᐅᑦ ᒎᑎᖏᑕ ᐸᓂᖓᓂᒃ.

ᒨᓯᓯ ᓯᑕᒪᖏᑦ 23:9

ᐃᓐᓈᕈᐃᑦ ᖄᖏᓐᓂᑦ ᐅᔭᕋᓱᒃᔪᖕᓂᑦ ᑕᑯᕙᒃᑲ, ᐱᖑᐃᑦ ᖄᖏᓐᓂᑦ ᑕᐅᑐᒃᐸᒃᑲ; ᑖᕙᓂ! ᐃᓄᐃᑦ ᑕᖕᒫᕐᓯᒪᔪᑦ ᐃᓄᑑᓪᓗᑎᒃ, ᐃᓅᖃᑎᒌᒡᔪᐊᓂᒃ ᐊᓯᒥᓂᒃ ᐃᓚᖃᕆᐊᒥᒃ ᐃᓱᒪᓇᑎᒃ.

ᒨᓯᓯ ᓯᑕᒪᖏᑦ 25:6

ᐃᓴᕆᐊᓕᒥᐅᑦ ᐃᓚᖓᑦ ᐊᖑᑦ ᐃᓚᒥᓄᐊᕈᑦᔨᕗᖅ ᐊᕐᓇᒥᒃ ᒥᑎᐊᓂᒥᐅᑕᕐᒥᒃ ᒨᓯᓯ ᑕᑯᓐᓇᕐᑎᓪᓗᒍ ᐃᓴᕆᐊᓕᒥᐅᓪᓗ ᕿᐊᑎᓪᓗᒋᑦ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᒨᓯᓯ ᑕᓪᓕᒪᖏᑦ 18:9

“ᓄᓇᒧᓪᓕ ᑎᑭᒃᑯᑦᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ, ᑕᒫᓂ ᓄᓇᓖᑦ ᐃᓅᖃᑎᒌᒡᔪᐊᑦ ᐊᑐᕐᐸᒃᑕᖏᓐᓂᒃ ᒎᑎᒧᑦ ᓇᕐᕈᓇᕐᑐᓂᒃ ᒪᓕᒃᓴᕐᑐᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 23:8

ᑖᒃᑯᐊ ᑭᖑᕚᖏᑕ ᐱᖓᔪᖏᓐᓂᑦ ᐃᕐᓂᐊᖑᓯᒪᔪᑦ ᐱᒋᐊᕐᓗᑎᒃ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᐅᓕᕈᓐᓇᕐᐳᑦ.”

ᒨᓯᓯ ᑕᓪᓕᒪᖏᑦ 7:1

“ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᔮᓱᐊᑉ ᐊᒡᓚᖏᑦ 23:12

ᑲᔪᓯᑦᓯᐊᖏᒃᑯᑦᓯ, ᐃᓅᖃᑎᒌᑦᔪᐊᓄᓪᓗ ᐊᒥᐊᒃᑰᔪᓄᑦ ᐃᓚᓕᐅᑎᓗᓯ ᐂᑉᐸᕐᑖᕐᑐᕈᑦᓯ, ᐂᑉᐸᕐᑖᕐᕆᔭᐅᓗᓯ ᐃᓕᑦᓯᓗ ᐊᒥᐊᒃᑰᔪᓂᑦ ᐊᕐᓇᓂᒃ ᐂᑉᐸᕐᑖᕐᓂᐊᕈᑦᓯ,