ᐄᓱᕋᐅᑉ ᐊᒡᓚᖏᑦ 8:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑍᒤᒻᒪᑦ ᓂᕆᑦᑍᓕᓚᐅᕐᐳᒍᑦ ᑐᒃᓯᐊᕐᓗᑕᓗ ᒎᑎᒧᑦ ᓴᐳᑎᔭᐅᔪᒪᓪᓗᑕ, ᑖᑦᓱᒪᓗ ᑭᐅᓚᐅᕐᐹᑎᒍᑦ ᑐᒃᓯᐊᕐᓂᑦᑎᓐᓂᒃ.

ᐄᓱᕋᐅᑉ ᐊᒡᓚᖏᑦ 8:23 Iomraidhean Croise

ᒨᓯᓯ ᓯᕗᓪᓖᑦ 25:21

ᐂᓴᑭᓗ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ, ᓄᓕᐊᖓ ᕿᑐᕐᖏᓱᐃᑦᑑᖕᒪᑦ; ᑐᒃᓯᐊᕐᓂᖓᓗ ᐊᑕᓂᐅᑉ ᑐᓴᕐᐹ, ᓄᓕᐊᖓᓗ ᕇᐱᑲ ᓄᑕᕋᒃᓴᖃᓕᕐᐳᖅ.

ᐊᑕᓃᑦ ᐂᑉᐸᖏᑦ 13:4

ᑕᕝᕙ ᔨᕼᐅᐊᕼᐊᔨᐅᑉ ᐊᑕᓂᖅ ᑐᒃᓯᐊᕐᕕᒋᖕᒪᒍ, ᐊᑕᓂᐅᑉ ᑐᓴᕐᐹ ᑐᒃᓯᐊᕐᓂᖓᓂᒃ; ᖃᐅᔨᒪᒐᒥ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᒪᒋᑦ.

ᑯᕉᓂᑲ ᓯᕗᓪᓖᑦ 5:20

ᐃᑲᔪᕐᑕᐅᓪᓗᑎᒃ, ᕼᐊᒐᕅᑎᒥᐅᑉ ᓵᓚᐅᕗᑦ ᑖᒃᑯᓄᖓ, ᑖᒃᑯᐊ ᒎᑎᒧᑦ ᑐᒃᓯᐊᓚᐅᕐᒪᑕ ᐅᓇᑕᕐᓱᑎᒃ, ᑐᒃᓯᐊᕐᓂᖏᑦ ᑐᓴᓚᐅᕐᐰᑦ, ᑖᑦᓱᒥᖓ ᑕᑎᖃᕐᒪᑕ.

ᐄᓱᕋᐅᑉ ᐊᒡᓚᖏᑦ 8:31

ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖓᑕ 12ᒋᓕᕐᑕᖓᓂ ᑰᖕᒥᑦ ᐊᕼᐋᕙᒥᑦ ᐊᐅᓪᓚᓚᐅᕐᐳᒍᑦ, ᔨᕉᓴᓕᒧᐊᕐᐸᓪᓕᐊᓕᕐᓗᑕ. ᒎᑎᑦᑕ ᐃᓚᒋᓚᐅᕐᐹᑎᒍᑦ ᓴᐳᑎᓚᐅᕐᐹᑎᒍᓪᓗ ᐊᑭᕋᕐᑐᕐᑎᑦᑎᓐᓂᑦ ᐅᓇᑕᕐᑕᐅᓂᕐᒥᓪᓗ ᐃᖏᕐᕋᑎᓪᓗᑕ.

ᓂᕼᐃᒤᐊᐅᑉ ᐊᒡᓚᖏᑦ 9:1

ᐅᓪᓗᑦ 24ᒋᓕᕐᑕᖓᓂ ᑕᖅᑭᒥ ᑕᕝᕙᓂᑦᓮᓐᓇᖅ ᐃᓴᕆᐊᓕᒥᐅᑦ ᐃᓄᖏᑦ ᑲᑎᓚᐅᕐᐳᑦ ᓂᕆᑦᑍᓕᔭᕐᑐᕐᓗᑎᒃ, ᐊᓐᓄᕌᕐᓗᑎᒃ ᐊᕐᔭᓕᓂᕐᓂᒡᓗ ᐳᔪᕋᕐᓂᒡᓗ ᓂᐊᖁᕐᒥᓅᕐᓯᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᖕᓂᕐᒥᖕᓂᒃ.

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:5

ᐊᑕᓂᖅ ᑕᑎᒋᒍᒃ ᐆᒻᒪᑎᖕᓄᑦ ᑕᒤᓐᓄᑦ, ᖃᐅᔨᒪᔭᑎᓪᓗ ᑕᑎᒋᓂᐊᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 19:22

ᐊᑕᓂᐅᑉ ᓱᒋᐊᕈᒫᕐᐰᑦ ᐄᑦᔨᑉᑎᒥᐅᑦ, ᓱᒋᐊᕐᓗᒋᑦ ᐋᖅᑭᒃᓱᕐᓗᒋᓪᓗ; ᐊᑕᓂᕐᒧᑦ ᐅᑎᕈᒫᕐᐳᑦ, ᑐᒃᓯᐊᕐᓂᖏᓪᓗ ᑐᓴᕐᓗᒋᑦ ᐋᖅᑭᒍᒫᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᓘᑲᓯᐅᑉ ᐊᒡᓚᖏᑦ 2:37

ᐅᐃᒡᒐᕐᓂᐅᓕᕐᑐᖅ ᐊᕐᕌᒍᖃᓕᕐᓗᓂ 84ᓂᒃ. ᑖᓐᓇ ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒦᖃᑦᑕᓚᐅᕐᐳᖅ ᑐᒃᓯᐊᕐᓗᓂ ᓂᕆᑦᑍᓕᕙᒡᓗᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 10:30

ᑰᓂᓕᐅᓯ ᐅᖃᕐᐳᖅ, “ᐅᓪᓗᐃᑦ ᓯᑕᒪᐅᓕᕐᐳᑦ, ᑍᒤᓪᓗᐊᓕᕐᑎᓪᓗᒍ ᐃᒡᓗᓐᓂ ᑐᒃᓯᐊᕐᑎᓪᓗᖓ ᐅᓐᓄᓴᒃᑯᑦ 3ᒧᐊᕐᑎᓪᓗᒍ; ᑕᑯᒋ, ᐊᖑᒻᒥᒃ ᓴᖅᑭᑦᑐᖃᑲᓪᓚᓚᐅᕐᐳᖅ ᖃᐅᒪᔪᕐᔪᐊᓂᒃ ᐊᓐᓄᕌᓕᖕᒥᒃ.

ᒨᓯᓯ ᑕᓪᓕᒪᖏᑦ 4:29

ᑕᕝᕙᓂ ᐊᑕᓂᖅ ᒎᑎᓯ ᕿᓂᕈᒫᕐᐸᓯ, ᐆᒻᒪᑎᒧᓪᓕ ᐊᒃᓱᕈᓪᓚᕆᒃᑐᒧᑦ ᕿᓂᕐᓂᐊᕈᑦᓯᐅᒃ, ᑕᕝᕙ ᓇᓂᓂᐊᕐᐸᓯ.