ᐄᓱᕋᐅᑉ ᐊᒡᓚᖏᑦ 8:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑲᓐᖑᓱᒃᑲᔭᓚᐅᕐᐳᖓ ᐊᖓᔪᖅᑳᕐᔪᐊᖅ ᐊᐱᕆᓗᒍ ᐅᓇᑕᕐᑐᒃᓴᓂᒃ ᕿᒻᒥᕐᔪᐊᒃᑰᕐᑎᓂᒡᓗ ᓴᐳᑦᔨᔨᖃᕈᒪᓗᖓ ᐊᑭᕋᑦᑎᓐᓂᑦ ᐃᖏᕐᕋᑎᓪᓗᑕ, ᐅᖃᐅᑎᓚᐅᕋᑦᑎᒍ, “ᒎᑎᑦᑕ ᓮᒻᒪᕐᑎᖃᑦᑕᕐᐰᑦ ᑕᑎᖃᕐᑐᓕᒫᑦ ᑖᑦᓱᒥᖓ, ᐱᔪᓐᓇᕐᓂᖓᑕᓕ ᓂᓐᖓᐅᓯᖓᑕᓗ ᑐᕌᕐᕕᒋᕙᒃᐰᑦ ᕿᒤᔪᓕᒫᑦ ᑖᑦᓱᒥᖓ.”

ᐄᓱᕋᐅᑉ ᐊᒡᓚᖏᑦ 8:22 Iomraidhean Croise

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᐄᓱᕋᐅᑉ ᐊᒡᓚᖏᑦ 7:28

ᒎᑎᐅᓪᓗ ᓮᒻᒪᕐᑎᑦᓯᓂᖓᓄᑦ ᐊᖓᔪᖅᑳᕐᔪᐊᒧᑦ ᑲᑎᒪᔨᖁᑎᖏᓐᓄᓪᓗ ᐱᑦᓯᐊᕐᑕᐅᕗᖓ, ᐱᓯᑎᕐᔪᐊᓄᓪᓗ ᐱᓇᓱᐊᕐᑎᓕᒫᖏᓐᓂᑦ. ᑖᒃᑯᓄᖓ ᐱᕙᓪᓕᕐᑎᑕᐅᕗᖓ ᐊᑕᓂᑦᑕᓗ ᒎᑎᐅᑉ ᑐᓂᓯᕕᒋᓚᐅᕐᐹᖓ ᓯᕘᕋᖏᓐᓂᕐᒥᒃ, ᑲᔪᖏᕐᓴᓚᐅᕋᒃᑭᑦ ᐃᓴᕆᐊᓕᒥᐅᑉ ᑭᖑᕚᖏᑕ ᐊᖓᔪᖅᑳᖏᑦ ᐅᑎᖃᑕᐅᔪᓐᓇᖁᓪᓗᒋᑦ ᐅᕙᓐᓄᑦ.”

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᐄᓱᕋᐅᑉ ᐊᒡᓚᖏᑦ 7:9

ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᓪᓗ ᓯᕗᓪᓕᕐᐹᖓᓂ ᐹᐱᓘᓂᒥᑦ ᐊᐅᓪᓚᓚᐅᕐᐳᑦ, ᑕᖅᑮᑦ ᑕᓪᓕᒪᖓᑦᑕ ᐅᓪᓗᖏᑕ ᓯᕗᓪᓕᕐᐹᖓᓂ ᔨᕉᓴᓕᒧᑦ ᑎᑭᓚᐅᕐᐳᑦ, ᒎᑎᖓᑕ ᐃᑲᔪᑦᓯᐊᕐᓂᖓᓄᑦ.

ᐄᓱᕋᐅᑉ ᐊᒡᓚᖏᑦ 8:31

ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖓᑕ 12ᒋᓕᕐᑕᖓᓂ ᑰᖕᒥᑦ ᐊᕼᐋᕙᒥᑦ ᐊᐅᓪᓚᓚᐅᕐᐳᒍᑦ, ᔨᕉᓴᓕᒧᐊᕐᐸᓪᓕᐊᓕᕐᓗᑕ. ᒎᑎᑦᑕ ᐃᓚᒋᓚᐅᕐᐹᑎᒍᑦ ᓴᐳᑎᓚᐅᕐᐹᑎᒍᓪᓗ ᐊᑭᕋᕐᑐᕐᑎᑦᑎᓐᓂᑦ ᐅᓇᑕᕐᑕᐅᓂᕐᒥᓪᓗ ᐃᖏᕐᕋᑎᓪᓗᑕ.

ᓂᕼᐃᒤᐊᐅᑉ ᐊᒡᓚᖏᑦ 2:9

ᑎᑭᓐᓇᒪᓗ ᑰᑉ ᐊᑭᐊᓂᒥᐅᖏᑕ ᐊᐅᓚᑦᓯᔨᖏᓐᓄᑦ, ᐊᖓᔪᖅᑳᕐᔪᐊᑉ ᑎᑎᖅᑲᖏᓐᓂᒃ ᑐᓂᓯᕕᒋᓚᐅᕐᐸᒃᑲ. ᐊᖓᔪᖅᑳᕐᔪᐊᓪᓕ ᐃᓚᒋᓂᐊᕐᑕᓐᓂᒃ ᒪᓕᒃᑕᐅᑎᓚᐅᕐᐹᖓ ᐅᓇᑕᕐᑏᑦ ᐊᖓᔪᖅᑳᖏᓐᓂᒃ ᐅᓇᑕᕐᑎᓂᒡᓗ ᕿᒻᒥᕐᔪᐊᕐᒥᐅᑕᓂᒃ.

ᐃᓐᖏᕈᑎᑦ 20:8

ᑍᒃᑯᐊᓕ ᐅᕐᕈᐃᓐᓇᕐᐳᑦ ᐅᕐᕈᖓᓕᕐᓗᑎᒃ; ᐅᕙᒍᓪᓕ ᒪᑭᑕᕗᒍᑦ ᓇᐸᓪᓗᑕᓗ ᓇᖏᕐᐳᒍᑦ.

ᐃᓐᖏᕈᑎᑦ 34:22

ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.

ᐃᓐᖏᕈᑎᑦ 90:11

ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ? ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:25

ᐊᑕᓂᖅ ᐱᐅᔪᒥᒃ ᐱᓂᐊᕐᕕᖃᕐᐳᖅ ᑖᑦᓱᒥᖓ ᐅᑕᖅᑭᔪᓄᑦ, ᑕᕐᓂᕐᒥᒍᑦ ᕿᓂᕐᑐᓄᑦ.

ᕉᒪᒥᐅᓄᑦ 8:28

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:15

ᑍᒫᒡᓕ ᐱᓇᓱᐊᕐᓯᒪᓐᖏᓚᖓ, ᐱᑎᑕᐅᔪᒪᓂᕐᒧᓪᓗ ᑕᒪᑐᒥᖓ ᑎᑎᕋᓐᖏᓚᖓ, ᑐᖁᔪᒪᖔᕋᔭᕐᐳᖓᓕ ᓂᕐᑑᑎᑦᔪᑎᒃᓴᕋ ᓇᓪᓕᐊᓐᓄᑦ ᓱᓇᐅᔪᓐᓃᕐᑎᑕᐅᖁᖏᓐᓇᒃᑯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:14

ᑖᑦᓱᒧᖓ ᐅᖃᐅᑎᒋᓚᐅᕋᑦᓯ ᐃᓕᑦᓯᓐᓂᒃ ᐅᐱᒍᓲᑎᖃᕐᓂᕋᕐᓗᖓ, ᑲᓐᖑᓱᒃᑎᓚᐅᓐᖏᓚᑦᓯᓐᖓ, ᐃᓕᑦᓯᓐᓄᑦ ᐅᖃᐅᓯᕆᓚᐅᕐᑕᕗᑦ ᑕᒪᕐᒥᒃ ᓱᓕᖕᒪᑕ, ᐃᓕᑦᓯᓐᓂᒃ ᐅᐱᒍᓲᑎᖃᓚᐅᕐᓂᕗᑦ ᑍᑑᓯᒧᑦ ᓴᖅᑭᑕᐅᕗᑦ ᓴᒡᓗᓯᒪᖏᓐᓇᑦᑕ.

ᐄᑉᕈᐃᓄᑦ 10:38

ᐃᓗᐊᕐᑐᓕᔪᖁᑎᒐ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ, ᓴᐱᓕᕐᓂᐊᕐᑐᕐᓗ ᑖᓐᓇ, ᑕᕐᓂᕐᒪ ᖁᕕᐊᓲᑎᒋᓂᐊᓐᖏᓛ.”

ᔮᓱᐊᑉ ᐊᒡᓚᖏᑦ 22:16

“ᐊᑕᓂᐅᑉ ᐃᓄᖁᑎᖏᑦ ᐅᖃᕐᐳᑦ, ‘ᓲᖕᒪᑦ ᐊᔪᕐᑐᓕᓂᐊᓗᖕᒥᒃ ᐱᓇᓱᐊᕐᐱᓯ ᐃᓴᕆᐊᓕᐅᑉ ᒎᑎᖓᓄ ᐊᑭᕋᕐᑐᓕᕐᓗᓯ? ᐊᑕᓂᕐᒥᒃ ᐊᑭᕋᕐᑐᓕᕐᐳᓯ ᑐᓂᕐᕈᓯᕐᕕᓕᐅᓂᕐᒧᑦ ᓇᖕᒥᓂᑦᓯᓐᓂᒃ ᒪᓕᒍᓐᓃᕋᑦᓯ ᑖᑦᓱᒥᖓ.

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”

ᐲᑦᑐᕉᓯ ᓯᕗᓪᓖᑦ 3:12

ᐊᑕᓂᐅᑉ ᑕᑯᓐᓇᕐᐰᑦ ᐃᓗᐊᕐᑐᓕᔪᑦ, ᑐᓵᓪᓗᒋᓪᓗ ᑐᒃᓯᐊᕐᓂᖏᑦ. ᐱᐅᖏᑦᑐᒥᒃᓕ ᐱᓇᓱᐊᕐᑐᑦ ᐊᑕᓂᐅᑉ ᐊᓚᕐᐰᑦ.”