ᐄᓱᕋᐅᑉ ᐊᒡᓚᖏᑦ 8:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᕾᖁᔭᐅᒃᑲᓚᐅᕐᐸᒃᑲᓗ ᓯᕗᓕᕐᑏᑦ ᐅᑯᐊ: ᐃᓕᓯᕆ, ᐊᕅᐅᓪ, ᓯᒤᐊ, ᐃᐅᓪᓇᓴᓐ, ᔭᕆᑉ, ᐃᓖᓇᓴᓐ, ᓁᑕᓂ, ᓴᑲᕅᐊ, ᒥᓱᓚᒻᓗ, ᓯᕗᓕᕐᑎᐅᔫᒡᓗ ᐅᑯᐊᒃ, ᔪᐃᐊᕆᑉ, ᐃᐅᓪᓇᑖᓂ, ᑖᒃᑯᐊᒃ ᖃᐅᔨᒪᑦᓯᐊᕐᑑᒃ.

ᐄᓱᕋᐅᑉ ᐊᒡᓚᖏᑦ 8:16 Iomraidhean Croise

ᐊᑕᓃᑦ ᓯᕗᓪᓖᑦ 3:11

ᒎᑎᐅᓪᓗ ᐅᖃᐅᑎᕚ, “ᕿᓄᒐᕕᑦ ᓯᓚᑐᓂᕐᒥᒃ ᐱᔪᒪᓪᓗᑎᑦ ᓈᒻᒪᓈᕐᑐᒥᒃ ᐊᐅᓚᑦᓯᔪᒪᓪᓗᑎᑦ, ᓇᖕᒥᓂᖅ ᐃᓅᑯᑖᒍᒪᓂᑐᐃᓐᓇᕐᒥᐅᖏᑦᑐᖅ, ᐅᕝᕙᓗ ᐊᒃᓱᐃᓕᔪᒪᑐᐃᓐᓇᕐᓂᐅᖏᑦᑐᒥᒃ, ᐊᑭᕋᕕᓪᓘᓐᓃᑦ ᑐᖁᑕᐅᓂᒃᓴᖏᓐᓂᒃ ᐱᔪᒪᖏᓐᓇᕕᑦ, ᕿᓄᒐᕕᓪᓕ ᐱᔪᒪᓪᓗᑎᑦ ᑐᑭᓯᐅᒪᔪᒪᓪᓗᑎᑦ ᓱᓇ ᓈᒻᒪᖕᒪᖔᑦ.

ᑯᕉᓂᑲ ᓯᕗᓪᓖᑦ 12:32

ᐃᓴᑳᕆᐅᑉ ᑭᖑᕚᖏᑦ ᑍᑦᓱᒪᓂᐅᑎᓪᓗᒍ ᑐᑭᓯᐅᒪᓚᐅᕐᐳᑦ ᐃᓴᕆᐊᓕᒃᑯᑦ ᖃᓄᐃᓕᐅᕐᑐᒃᓴᐅᖕᒪᖔᑕ, ᐊᖓᔪᖅᑳᖏᑦ 200ᐅᕗᑦ, ᐃᓚᒋᔭᓕᒫᖏᓪᓗ ᓈᓚᑦᓯᐊᓚᐅᕐᐳᑦ ᐊᖓᔪᖅᑲᖏᑕ ᐱᖁᔨᓂᖏᓐᓂᒃ;

ᑯᕉᓂᑲ ᓯᕗᓪᓖᑦ 26:14

ᐃᑎᕐᑕᕐᕕᖕᒧᑦ ᓯᕿᓂᐅᑉ ᓄᐃᕕᐊᓃᑦᑐᒧᑦ ᓇᓚᐅᑦᑖᕈᑦ ᑎᒃᑯᐊᕐᓯᕗᖅ ᓯᓕᒤᐊᒧᑦ. ᐃᕐᓂᖓᓗ ᓴᑲᕅᐊ ᓇᓚᐅᑕᐅᒋᕗᖅ, ᑖᓐᓇ ᓯᓚᑐᔪᒥᒃ ᐃᓱᒪᑖᕐᑎᑦᓯᓲᖅ, ᑖᑦᓱᒪᓗ ᓇᓚᐅᑦᑖᕈᑎᖓ ᓇᓚᐅᑕᐅᕗᖅ ᐃᑎᕐᑕᕐᕕᖕᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ.

ᑯᕉᓂᑲ ᐂᑉᐸᖏᑦ 2:12

ᕼᐅᕋᒻ ᐅᖃᓚᐅᕆᕗᖅ: “ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᓂᕐᑐᕐᑕᐅᓕ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᖅ, ᐊᖓᔪᖅᑳᕐᔪᐊᖅ ᑍᕕᑎ ᐃᕐᓂᕐᑖᕐᑎᓚᐅᕐᒪᒍ ᓯᓚᑐᔪᒥᒃ, ᓇᓗᓁᕐᓯᑦᓯᐊᕈᓐᓇᕐᑐᒥᒃ ᑐᑭᓯᓯᒪᑦᓯᐊᕐᑐᒥᒡᓗ, ᓴᓇᓂᐊᕐᑐᒥᒃ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ, ᐃᒡᓗᕐᔪᐊᒃᓴᒥᓂᒡᓗ ᓴᓇᓂᐊᕐᑐᒥᒃ.

ᐄᓱᕋᐅᑉ ᐊᒡᓚᖏᑦ 10:21

ᕼᐊᕆᒻᑯᑦ ᐃᓚᒌᖏᓐᓂᑦ: ᒫᓯᐊᒃᑯᑦ, ᐃᓔᑦᔭᒃᑯᑦ, ᓯᒤᐊᒃᑯᑦ, ᔨᕼᐃᐅᓪᑯᑦ, ᐅᓮᐊᒃᑯᓪᓗ;

ᐄᓱᕋᐅᑉ ᐊᒡᓚᖏᑦ 10:39

ᓯᓕᒤᐊᒃᑯᑦ, ᓁᑕᓂᒃᑯᑦ, ᐊᑍᐊᒃᑯᑦ,

ᐄᓱᕋᐅᑉ ᐊᒡᓚᖏᑦ 8:13

ᕼᐊᑲᑖᓂᐅᑉ ᐃᕐᓂᖓ ᐊᑐᓂᑲᒻ, ᐅᑯᐊᓗ ᐃᓚᖏᑦ ᐃᓕᕕᓕᑦ, ᔨ-ᐂᓕ, ᓯᒤᐊ, ᐃᓚᖃᕐᓗᓂᓗ ᐊᖑᑎᓂᒃ 60ᓂᒃ;

ᐄᓱᕋᐅᑉ ᐊᒡᓚᖏᑦ 8:15

ᑖᒃᑯᐊᓗ ᑲᑎᑎᓚᐅᕐᐸᒃᑲ ᑰᖕᒧᑦ ᐊᕼᐋᕙᒧᑦ ᑰᒃᑐᒧᑦ, ᐃᓄᒃᒧᑦ ᓴᓇᔭᐅᓯᒪᔫᑉ ᓴᓂᐊᓄᑦ ᓄᓇᓕᖕᒧᑦ ᑎᑭᐅᑎᓯᒪᔪᒧᑦ, ᑕᖕᒫᕐᓯᒪᓚᐅᕐᐳᒍᓪᓗ ᐅᓪᓗᓂᒃ ᐱᖓᓱᓂᒃ. ᐃᓄᖕᓂ ᕿᓂᓕᕋᒪ ᑐᓂᕐᕈᓯᕐᑎᑦᓯᔨᓂ ᑕᕝᕙᓂ ᑲᑎᒪᔪᓂ, ᓕᕔᑎᓄᑦ ᑭᖑᕚᕆᔭᐅᔪᕐᑕᖃᓚᐅᓐᖏᓚᖅ.

ᐄᓱᕋᐅᑉ ᐊᒡᓚᖏᑦ 8:17

ᐃᑐᒧᓪᓗ ᑎᓕᓚᐅᕐᐹᒃᑲᒃ ᓄᓇᓖᑦ ᐊᖓᔪᖅᑳᖓᓐᓄᑦ ᑲᓰᐱᐊᒧᑦ, ᐊᐱᕆᔭᐅᖁᓪᓗᒍ ᐃᑲᔪᕐᑎᖏᓪᓗ, ᑐᒃᓯᐊᕐᕕᖕᒥ ᐱᓇᓱᐊᕐᑎᓂᒃ ᑲᓰᐱᐊᒦᑦᑐᓂᒃ ᐅᕙᑦᑎᓐᓄᑦ ᐃᓚᐅᑎᑦᓯᔪᓐᓇᕐᒪᖔᑦ ᐃᓄᖕᓂᒃ ᑭᒡᒐᕐᑐᕐᓂᐊᕐᑐᓂᒃ ᒎᑎᑦᑎᓐᓄᑦ ᑐᒃᓯᐊᕐᕕᒡᔪᐊᒥ.

ᐄᓱᕋᐅᑉ ᐊᒡᓚᖏᑦ 8:18

ᒎᑎᒧᑦ ᐱᑦᓯᐊᕐᕕᐅᓗᐊᕐᓂᑯᑦᑎᓐᓄᑦ, ᑎᓕᓯᓚᐅᕐᐳᑦ ᐊᖑᒻᒥᒃ ᖃᐅᔨᒪᑦᓯᐊᕐᑐᒥᒃ ᓯᕆᐰᐊᒥᒃ ᐊᑎᓕᖕᒥᒃ, ᓕᕔᑎᐅᔪᖅ ᒪᕼᐊᓔᑉ ᑭᖑᕚᖏᓐᓂᑦ ᐱᓯᒪᔪᖅ; ᒫᕼᐊᓕ ᓕᕔᑎᐅᑉ ᐃᕐᓂᕆᓚᐅᕐᐹ, ᓕᕔᑎᓗ ᐃᕐᓂᕆᔭᐅᓪᓗᓂ ᐃᓴᕆᐊᓕᒧᑦ, ᐃᓚᖃᕐᓗᓂᓗ 18ᓂᒃ ᐃᕐᓂᕐᒥᓂᒃ ᖃᑕᓐᖑᑎᒥᓂᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:5

ᐃᓅᑉ ᐃᓱᒪᖓᑕ ᐊᑐᕈᒪᔭᖏᑦ ᐃᒪᕐᑎᑐᑦ ᐃᑎᔫᕗᑦ, ᑐᑭᓯᓂᖃᕐᑑᓪᓕ ᖃᓗᓂᐊᕐᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:2

ᓄᓇᖃᕐᑐᑦ ᐱᐅᖏᑦᑐᓕᓂᖏᓐᓄᑦ ᐊᖓᔪᖅᑲᕐᔪᐊᑦ ᐅᓄᕐᑑᓕᕐᐳᑦ; ᐊᖑᑎᐅᓪᓕ ᑐᑭᓯᒪᓂᖓᓄᑦ ᖃᐅᔨᒪᓂᖓᓄᓪᓗ ᐋᖅᑭᒃᓯᒪᑦᓯᐊᕐᓂᖅ ᐊᑯᓂ ᑍᒤᓕᖓᓂᐊᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑎᒧᑎᒧᑦ ᐂᑉᐸᖏᑦ 2:7

ᐅᖃᐅᓯᕆᔭᒃᑲ ᐃᓱᒪᒃᓴᕐᓯᐅᕈᑎᒋᒃᑭᑦ, ᐊᑕᓂᐅᑉ ᑕᒤᓐᓂᒃ ᑐᑭᓯᑎᓐᓂᐊᕐᐹᑎᑦ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.