ᐄᓱᕋᐅᑉ ᐊᒡᓚᖏᑦ 7:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᐄᓱᕋᐅᑉ ᐊᒡᓚᖏᑦ 7:6 Iomraidhean Croise

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᐄᓱᕋᐅᑉ ᐊᒡᓚᖏᑦ 5:5

ᒎᑎᐅᓪᓕ ᐅᐊᑦᓯᓚᐅᕐᐰᑦ ᔫᑎᑦ ᓯᕗᓕᕐᑎᖏᑦ, ᐴᕐᓯᐊᒥᐅᓪᓗ ᑲᒪᔨᖏᑦ ᓱᒋᐊᓚᐅᓐᖏᓚᑦ ᑎᑎᕋᓚᐅᖅᑳᖏᓐᓂᕐᒥᖕᓂ ᑭᐅᔭᐅᓚᐅᖅᑳᖏᓐᓂᕐᒥᖕᓂᓗ ᐊᖓᔪᖅᑳᕐᔪᐊᒧᑦ ᑍᕉᓯᒧᑦ. ᑕᕝᕙ ᑎᑎᕋᕐᓯᒪᔪᓂᒃ ᑭᐅᔭᐅᓚᐅᕐᐳᑦ.

ᐄᓱᕋᐅᑉ ᐊᒡᓚᖏᑦ 6:22

ᓇᓪᓕᐅᓐᓂᕐᓯᐅᓚᐅᕐᐳᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᑰᔭᓂᒃ ᓇᓪᓕᐅᓐᓂᕐᓯᐅᕈᑎᒥᒃ ᐅᓪᓗᓂᒃ 7ᓂᒃ ᖁᕕᐊᓱᒡᓗᑎᒃ; ᐊᖓᔪᖅᑳᕐᔪᐊᖅ ᐊᓯᕆᐊᒥᐅᑕᖅ ᐊᑕᓂᐅᑉ ᐱᐅᒃᓴᕐᑎᓚᐅᕐᒪᒍ ᑖᒃᑯᓂᖓ, ᑖᑦᓱᒪ ᐃᑲᔪᕐᑐᓚᐅᕐᒪᒋᑦ ᐱᓇᓱᐊᕐᑎᓪᓗᒋᑦ ᐃᓴᕆᐊᓕᒥᐅᑦ ᒎᑎᖓᑕ ᑐᒃᓯᐊᕐᕕᒡᔪᐊᖓᓂᒃ ᓴᓇᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 7:21

ᐅᕙᖓ ᓇᖕᒥᓂᖅ ᐋᕐᑕᔮᒃᓯ, ᐊᖓᔪᖅᑳᕐᔪᐊᖅ, ᐱᖁᔨᕗᖓ ᑮᓇᐅᔭᓂᒃ ᑲᒪᔨᓕᒫᓂᒃ ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᑐᓂᓯᔪᓐᓇᖁᓪᓗᒋᑦ ᑕᕝᕙᑦᓴᐅᑎᒋ ᐄᓱᕋᒧᑦ, ᑐᓂᕐᕈᓯᕐᑎᑦᓯᔨᒧᑦ ᒎᑎᐅᓪᓗ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ, ᐱᔪᒪᔭᓕᒫᖏᓐᓂᒃ ᑲᑦᓱᖎᕐᓯᒪᑦᓯᐊᕐᓗᓯ ᐂᑦᑐᐃᔪᒃᓴᐅᕗᓯ.

ᐄᓱᕋᐅᑉ ᐊᒡᓚᖏᑦ 7:28

ᒎᑎᐅᓪᓗ ᓮᒻᒪᕐᑎᑦᓯᓂᖓᓄᑦ ᐊᖓᔪᖅᑳᕐᔪᐊᒧᑦ ᑲᑎᒪᔨᖁᑎᖏᓐᓄᓪᓗ ᐱᑦᓯᐊᕐᑕᐅᕗᖓ, ᐱᓯᑎᕐᔪᐊᓄᓪᓗ ᐱᓇᓱᐊᕐᑎᓕᒫᖏᓐᓂᑦ. ᑖᒃᑯᓄᖓ ᐱᕙᓪᓕᕐᑎᑕᐅᕗᖓ ᐊᑕᓂᑦᑕᓗ ᒎᑎᐅᑉ ᑐᓂᓯᕕᒋᓚᐅᕐᐹᖓ ᓯᕘᕋᖏᓐᓂᕐᒥᒃ, ᑲᔪᖏᕐᓴᓚᐅᕋᒃᑭᑦ ᐃᓴᕆᐊᓕᒥᐅᑉ ᑭᖑᕚᖏᑕ ᐊᖓᔪᖅᑳᖏᑦ ᐅᑎᖃᑕᐅᔪᓐᓇᖁᓪᓗᒋᑦ ᐅᕙᓐᓄᑦ.”

ᐄᓱᕋᐅᑉ ᐊᒡᓚᖏᑦ 7:5

ᐳᑭ ᐃᕐᓂᕆᔭᐅᕗᖅ ᐊᐱᓱᐊᒧᑦ, ᐊᐱᓱᐊ ᐃᕐᓂᕆᔭᐅᕗᖅ ᐱᓂᕼᐋᓯᒧᑦ, ᐱᓂᕼᐋᓯ ᐃᕐᓂᕆᔭᐅᕗᖅ ᐃᓕᓯᕆᒧᑦ, ᐃᓕᓯᕆ ᐃᕐᓂᕆᔭᐅᕗᖅ ᐂᕉᓂᒧᑦ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ.

ᐄᓱᕋᐅᑉ ᐊᒡᓚᖏᑦ 7:9

ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᓪᓗ ᓯᕗᓪᓕᕐᐹᖓᓂ ᐹᐱᓘᓂᒥᑦ ᐊᐅᓪᓚᓚᐅᕐᐳᑦ, ᑕᖅᑮᑦ ᑕᓪᓕᒪᖓᑦᑕ ᐅᓪᓗᖏᑕ ᓯᕗᓪᓕᕐᐹᖓᓂ ᔨᕉᓴᓕᒧᑦ ᑎᑭᓚᐅᕐᐳᑦ, ᒎᑎᖓᑕ ᐃᑲᔪᑦᓯᐊᕐᓂᖓᓄᑦ.

ᐄᓱᕋᐅᑉ ᐊᒡᓚᖏᑦ 8:1

ᐅᑯᐊ ᑕᕝᕙ ᑎᑎᕋᕐᑕᐅᓯᒪᔪᑦ ᐃᓚᒌᑦ ᐊᖓᔪᖅᑳᖏᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐹᐱᓘᓂᒧᑦ ᐅᑎᖃᑕᐅᓚᐅᕐᑐᑦ ᔨᕉᓴᓕᒧᑦ ᐄᓱᕋ ᐱᖃᑎᒋᓪᓗᒍ ᑭᖑᕚᕇᑦ ᑭᖑᓕᕇᖕᓂᖏᑕ ᓇᓗᓁᕐᑕᐅᓯᒪᓂᖏᑦ, ᐋᕐᑕᔮᒃᓯ ᐊᖓᔪᖅᑳᕐᔪᐊᖑᑎᓪᓗᒍ:

ᐄᓱᕋᐅᑉ ᐊᒡᓚᖏᑦ 8:18

ᒎᑎᒧᑦ ᐱᑦᓯᐊᕐᕕᐅᓗᐊᕐᓂᑯᑦᑎᓐᓄᑦ, ᑎᓕᓯᓚᐅᕐᐳᑦ ᐊᖑᒻᒥᒃ ᖃᐅᔨᒪᑦᓯᐊᕐᑐᒥᒃ ᓯᕆᐰᐊᒥᒃ ᐊᑎᓕᖕᒥᒃ, ᓕᕔᑎᐅᔪᖅ ᒪᕼᐊᓔᑉ ᑭᖑᕚᖏᓐᓂᑦ ᐱᓯᒪᔪᖅ; ᒫᕼᐊᓕ ᓕᕔᑎᐅᑉ ᐃᕐᓂᕆᓚᐅᕐᐹ, ᓕᕔᑎᓗ ᐃᕐᓂᕆᔭᐅᓪᓗᓂ ᐃᓴᕆᐊᓕᒧᑦ, ᐃᓚᖃᕐᓗᓂᓗ 18ᓂᒃ ᐃᕐᓂᕐᒥᓂᒃ ᖃᑕᓐᖑᑎᒥᓂᒡᓗ.

ᐄᓱᕋᐅᑉ ᐊᒡᓚᖏᑦ 8:22

ᑲᓐᖑᓱᒃᑲᔭᓚᐅᕐᐳᖓ ᐊᖓᔪᖅᑳᕐᔪᐊᖅ ᐊᐱᕆᓗᒍ ᐅᓇᑕᕐᑐᒃᓴᓂᒃ ᕿᒻᒥᕐᔪᐊᒃᑰᕐᑎᓂᒡᓗ ᓴᐳᑦᔨᔨᖃᕈᒪᓗᖓ ᐊᑭᕋᑦᑎᓐᓂᑦ ᐃᖏᕐᕋᑎᓪᓗᑕ, ᐅᖃᐅᑎᓚᐅᕋᑦᑎᒍ, “ᒎᑎᑦᑕ ᓮᒻᒪᕐᑎᖃᑦᑕᕐᐰᑦ ᑕᑎᖃᕐᑐᓕᒫᑦ ᑖᑦᓱᒥᖓ, ᐱᔪᓐᓇᕐᓂᖓᑕᓕ ᓂᓐᖓᐅᓯᖓᑕᓗ ᑐᕌᕐᕕᒋᕙᒃᐰᑦ ᕿᒤᔪᓕᒫᑦ ᑖᑦᓱᒥᖓ.”

ᐄᓱᕋᐅᑉ ᐊᒡᓚᖏᑦ 8:31

ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖓᑕ 12ᒋᓕᕐᑕᖓᓂ ᑰᖕᒥᑦ ᐊᕼᐋᕙᒥᑦ ᐊᐅᓪᓚᓚᐅᕐᐳᒍᑦ, ᔨᕉᓴᓕᒧᐊᕐᐸᓪᓕᐊᓕᕐᓗᑕ. ᒎᑎᑦᑕ ᐃᓚᒋᓚᐅᕐᐹᑎᒍᑦ ᓴᐳᑎᓚᐅᕐᐹᑎᒍᓪᓗ ᐊᑭᕋᕐᑐᕐᑎᑦᑎᓐᓂᑦ ᐅᓇᑕᕐᑕᐅᓂᕐᒥᓪᓗ ᐃᖏᕐᕋᑎᓪᓗᑕ.

ᓂᕼᐃᒤᐊᐅᑉ ᐊᒡᓚᖏᑦ 12:26

ᑖᒃᑯᐊ ᑕᕝᕙ ᐃᓅᓚᐅᕐᑐᑦ ᔪᐃᐊᑭᒻ ᔩᓱᐊᑉ ᐃᕐᓂᖓ ᔫᔭᑕᐅᑉ ᐃᕐᖑᑕᖓ, ᓂᕼᐃᒤᐊᓗ ᐊᐅᓚᑦᓯᔨᐅᑎᓪᓗᒍ ᐄᓱᕋᓗ ᑐᓂᕐᕈᓯᕐᑎᑦᓯᔨᐅᑎᓪᓗᒍ ᐱᖁᔭᓂᒃ ᐃᓕᓯᒪᔪᖅ.

ᓂᕼᐃᒤᐊᐅᑉ ᐊᒡᓚᖏᑦ 12:36

ᑖᑦᓱᒪᓗ ᐃᓚᒋᔭᖏᑦ, ᓯᒤᐊ, ᐊᔭᕆᐅᓪ, ᒥᓚᓔ, ᒊᓚᓔ, ᒪᐂ, ᓇᑖᓂᐅᓪ, ᔫᑕ, ᕼᐊᓇᓁᓗ, ᑍᕕᑎᐅᓪᓗ ᒎᑎᐅᑉ ᐃᓄᖁᑎᖓᑕ ᐊᑐᖃᑦᑕᓚᐅᕐᑕᖏᑕ ᐊᑦᔨᖏᑦ ᓂᑦᔭᐅᑏᑦ ᐊᑐᕐᑕᐅᓚᐅᕆᕗᑦ; ᐄᓱᕋ ᐱᖁᔭᓂᒃ ᐃᓕᓯᒪᔪᖅ ᑖᒃᑯᐊ ᓯᕗᓂᖓᓃᓪᓗᓂ.

ᓂᕼᐃᒤᐊᐅᑉ ᐊᒡᓚᖏᑦ 2:12

ᑕᕝᕙ ᐅᓐᓄᐊᖑᓕᕐᒪᑦ ᒪᑭᑉᐳᖓ, ᐊᖑᑎᓂᒃ ᖃᑦᓰᓐᓇᓂᒃ ᐃᓚᖃᕐᓗᖓ; ᓇᓪᓕᐊᓐᓂᒡᓘᓐᓃᑦ ᐅᖃᐅᑦᔨᓚᐅᓐᖏᓚᖓ ᒎᑎᒪ ᖃᓄᖅ ᐆᒻᒪᑎᒃᑯᑦ ᑐᓂᓯᕕᒋᓚᐅᕐᒪᖔᖓ ᔨᕉᓴᓕᒥ ᐱᓇᓱᐊᖁᓪᓗᖓ; ᐆᒪᔪᓂᒡᓘᓐᓃᑦ ᓇᒃᓴᓚᐅᓐᖏᓚᖓ ᐃᑭᒪᕕᒋᔭᒪ ᐊᓯᐊᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 2:18

ᐅᖃᐅᑎᓕᓚᐅᕐᐸᒃᑲᓗ ᖃᓄᖅ ᒎᑎᐅᑉ ᐱᔪᓐᓇᕐᓂᖓᓄᑦ ᐱᓇᓱᐊᕐᕕᐅᓯᒪᖕᒪᖔᕐᒪ ᖃᓄᕐᓗ ᐃᑲᔪᕐᑕᐅᓯᒪᖕᒪᖔᕐᒪ ᑖᑦᓱᒧᖓ, ᖃᓄᕐᓗ ᐊᖓᔪᖅᑳᕐᔪᐊᕐᒧᑦ ᐅᖃᐅᑦᔭᐅᓯᒪᖕᒪᖔᕐᒪ. ᑖᒃᑯᐊᓗ ᐅᖃᕐᐳᑦ, “ᐊᑏ ᒪᑭᓪᓗᑕ ᓴᓇᒋᐊᓕᕐᑕ!” ᑕᕝᕙ ᐊᑐᐃᓐᓇᕈᕐᑎᓕᓚᐅᕐᐳᑦ ᐱᓇᓱᐊᕈᒪᓕᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 2:8

ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.

ᓂᕼᐃᒤᐊᐅᑉ ᐊᒡᓚᖏᑦ 4:15

ᐊᑭᕋᕗᓪᓕ ᑐᓴᕋᒥᒃ ᖃᐅᔨᒪᓕᕐᓂᑦᑎᓐᓂᒃ ᐊᑭᕋᕐᑐᕋᓱᖕᓂᖏᓐᓂᒃ, ᖃᐅᔨᓪᓗᑎᒡᓗ ᐋᖅᑭᒃᓱᕐᓯᒪᓇᓱᒃᑕᖏᑦ ᒎᑎᐅᑉ ᓵᓚᒋᖕᒪᒋᑦ, ᐃᓘᓐᓇᑕᓗ ᓴᓇᔭᑦᑎᓐᓄᑦ ᐅᑎᕐᓂᑦᑎᓐᓂᒃ ᓴᓇᒋᐊᓪᓚᓕᕐᓂᑦᑎᓐᓂᒡᓗ ᐊᕙᓗᕐᔪᐊᕐᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 8:1

ᑕᕝᕙᓂ ᑕᖅᑭᒥ ᐅᓪᓘᑉ ᓯᕗᓪᓕᕐᐹᖓᓂ ᐃᓄᐃᓪᓗ ᐃᓘᓐᓇᑎᒃ ᑲᑎᓚᐅᕐᐳᑦ ᐃᓄᒃᑐᑦ ᐊᑕᐅᓯᕐᑐᑦ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᐃᓗᐊᓂ. ᐄᓱᕋᓗ ᐊᒡᓚᖕᓂᒃ ᐅᖃᓕᒫᖁᔭᐅᓚᐅᕐᐳᖅ, ᑐᓂᕐᕈᓯᕐᑎᑦᓯᔨ ᐃᓕᓐᓂᐊᕐᓯᒪᒻᒪᕆᒃᑐᕐᓗ ᒨᓯᓯᐅᑉ ᐱᖁᔭᖏᓐᓂᒃ, ᐊᑕᓂᐅᑉ ᐱᖁᔭᓕᐊᕆᓚᐅᕐᑕᖏᓐᓂᒃ ᐃᓴᕆᐊᓕᑎᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:13

ᖃᐅᑎᓪᓗᒍ ᐃᓚᒌᓕᒫᑦ ᐊᖓᔪᖅᑳᖏᑦ, ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ ᐃᓚᒋᓪᓗᒋᑦ, ᐄᓱᕋᒧᐊᕐᐳᑦ ᐱᖁᔭᓂᒃ ᐃᓕᓮᔨᒧᑦ, ᐃᓕᓐᓂᐊᕆᐊᕐᓗᑎᒃ ᐱᖁᔭᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:4

ᐄᓱᕋᓕ ᓇᖏᓚᐅᕐᐳᖅ ᐳᕐᑐᓯᒋᐊᕐᓯᒪᔪᒥ ᕿᔪᖕᒥᒃ ᓇᑎᓕᖕᒥ ᓴᓇᔭᐅᓯᒪᔪᒥᒃ ᓇᓪᓕᐅᓂᖅ ᐱᑦᔪᑎᒋᓪᓗᒍ; ᐅᑯᐊ ᐊᖑᑎᑦ ᑕᓕᕐᐱᐊᓂ ᓇᖏᓚᐅᕐᐳᑦ: ᒪᑎᑍᐊ, ᓰᒪ, ᐊᓁᐊ, ᔪᕅᐊ, ᕼᐅᓪᑬᐊ, ᒫᓯᐊᓗ; ᐅᑯᐊᓗ ᓴᐅᒥᐊᓂ ᓇᖏᓚᐅᕆᕗᑦ; ᐱᑍᐊ, ᒥᓮᐅᓪ, ᒪᓪᑬᔭ, ᕼᐊᓲᒻ, ᕼᐊᓱᐸᑖᓇ, ᓴᑲᕅᐊ, ᒥᓱᓚᒻᓗ.

ᓂᕼᐃᒤᐊᐅᑉ ᐊᒡᓚᖏᑦ 8:9

ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᓂᕼᐃᒤᐊᐅᑉ ᐊᒡᓚᖏᑦ 9:13

ᓮᓁᑉ ᖃᖅᑲᖓᓄᑦ ᐊᖅᑲᓚᐅᕐᐳᑎᑦ ᕿᓚᖕᒥᑦ, ᐃᓄᖁᑎᑎᓪᓗ ᐅᖃᕐᕕᒋᓚᐅᕐᐸᑎᑦ ᕿᓚᖕᒥᑦ, ᐱᖁᔭᓂᒡᓗ ᑐᓂᓯᕕᒋᓚᐅᕐᐸᑎᑦ ᐊᑐᒐᒃᓴᑦᓯᐊᓂᒃ, ᐃᓕᓐᓂᐊᕐᑎᓚᐅᕐᐸᑎᓪᓗ ᐱᐅᔪᓂᒃ ᐱᖁᔭᓂᒃ.

ᐃᓐᖏᕈᑎᑦ 109:27

ᖃᐅᔨᖁᓪᓗᒋᑦ ᐊᒡᒐᖕᓄᑦ ᐱᓇᓱᐊᕋᕕᑦ; ᐊᑕᓃᖅ, ᑕᒪᑐᒥᖓ ᐱᓕᕆᒐᕕᑦ!

ᐃᓐᖏᕈᑎᑦ 147:19

ᑖᑦᓱᒪ ᐅᖃᐅᓯᓂ ᖃᐅᔨᔭᐅᑎᑉᐹ ᔧᑯᒧᑦ, ᐊᑐᕐᑕᐅᖁᔭᓂ ᐃᓱᐊᕆᔭᓂᓗ ᐃᓴᕆᐊᓕᒧᑦ ᖃᐅᔨᔭᐅᑎᓪᓗᒋᑦ.

ᐃᓐᖏᕈᑎᑦ 45:1

ᐆᒻᒪᑎᒐ ᑕᑕᑉᐳᖅ ᐅᖃᐅᓯᒃᓴᒥᒃ ᐱᐅᔪᒥᒃ; ᑎᑎᖅᑲᓂᒡᓗ ᐊᑐᐊᕐᓯᕗᖓ ᐊᖓᔪᖅᑳᕐᔪᐊᖅ ᐱᑦᔪᑎᒋᓪᓗᒍ; ᐅᖃᕋ ᑎᑎᕋᑦᓯᐊᕈᓐᓇᕐᑐᑐᑦ ᑍᒤᑉᐳᖅ.

ᐃᓐᖏᕈᑎᑦ 80:18

ᑕᕝᕙ ᐃᓕᖕᓂᒃ ᑐᓄᐃᓂᐊᓐᖏᓚᒍᑦ; ᐃᓅᑎᓚᐅᕐᑎᒍᑦ, ᑕᕝᕙ ᐊᑏᑦ ᓂᕐᑐᕐᓂᐊᕐᐸᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:6

ᐱᓂᐊᕐᓂᕐᓄᑦ ᑕᒤᓐᓄᑦ ᓇᓗᓁᔭᕈᒃ, ᑕᕝᕙ ᐊᖅᑯᑎᒋᔭᑎᑦ ᑐᑭᓕᐊᕐᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 8:8

ᖃᓄᖅ ᐅᖃᕈᓐᓇᕐᐱᓰ? ᓯᓚᑐᓂᕋᕐᓗᓯ ᐊᑕᓂᐅᑉ ᐱᖁᔭᖏᓐᓂᒃ ᓇᔪᕐᑎᖃᕐᓂᑦᓯᓐᓄᑦ, ᑕᑯᒋᑦ, ᐊᒡᓚᖕᓂᒃ ᐃᓕᓯᒪᔪᖁᑎᓯ ᓱᓕᖏᑦᑐᒥᒃ ᐱᓇᓱᐊᕈᑎᖃᓕᕐᑎᓪᓗᒌᑦ?

ᒫᑎᐅᓯᐅᑉ ᐊᒡᓚᖏᑦ 13:52

ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ ᐱᖁᔭᓂᒃ ᐃᓕᓮᔨᑦ ᒎᑎᐅᑉ ᐊᑕᓂᐅᕕᖓᓂᒃ ᐃᓕᓐᓂᐊᕐᑎᑕᐅᓯᒪᔪᑦ ᐊᑦᔨᖃᕐᐳᑦ ᐃᒡᓗᒥᒃ ᓇᖕᒥᓂᖃᕐᑐᑐᑦ ᓯᕐᓗᐊᕐᒥᖕᓂᑦ ᓴᖅᑭᑎᑦᓯᔪᑎᑐᑦ ᓄᑖᓂᒃ ᓄᑕᐅᖏᑦᑐᓂᒡᓗ.”

ᒫᑎᐅᓯᐅᑉ ᐊᒡᓚᖏᑦ 23:2

“ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᐱᔪᓐᓇᕐᓯᑎᑕᐅᓯᒪᕗᑦ ᑐᑭᓯᓇᕐᓯᑎᑦᓯᔨᐅᖁᓪᓗᒋᑦ ᒨᓯᓯᐅᑉ ᐱᖁᔭᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:20

ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᕐᑎ? ᒎᑎᐅᓪᓕ ᓯᓚᕐᔪᐊᕐᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᕐᑎᓚᐅᓐᖏᓔᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:1

ᒫᓐᓇᓕ ᐃᓚᒃᑳ, ᐃᖅᑬᑎᑦᓱᒪᕙᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᐃᓚᓕᐅᓚᐅᕐᑕᑦᓯᓐᓂᒃ, ᐅᒃᐱᕐᓂᑦᓯᓐᓄᓪᓗ ᑐᓐᖓᕕᒋᔭᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 28:1

“ᐊᑕᓂᐅᑉ ᒎᑎᑦᓯ ᓂᐱᖓᓂᒃ ᓈᓚᖕᓂᐊᕈᑦᓯ ᓱᖁᓯᔪᐃᑦᑑᓗᓯᓗ ᐱᖁᔭᓕᒫᖏᑦ ᒪᓕᖕᓂᐊᕈᑦᓯᒋᒃ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ, ᑕᕝᕙ ᐊᑕᓂᐅᑉ ᒎᑎᑦᓯ ᓄᓇᕐᔪᐊᕐᒥ ᐃᓅᖃᑎᒌᒡᔪᐊᓂᑦ ᐊᓯᑦᓯᓐᓂᑦ ᐊᔪᖏᓐᓂᕐᓴᐅᓕᕐᑎᓐᓂᐊᕐᐹᓯ.

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.