ᐄᓱᕋᐅᑉ ᐊᒡᓚᖏᑦ 7:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐳᑭ ᐃᕐᓂᕆᔭᐅᕗᖅ ᐊᐱᓱᐊᒧᑦ, ᐊᐱᓱᐊ ᐃᕐᓂᕆᔭᐅᕗᖅ ᐱᓂᕼᐋᓯᒧᑦ, ᐱᓂᕼᐋᓯ ᐃᕐᓂᕆᔭᐅᕗᖅ ᐃᓕᓯᕆᒧᑦ, ᐃᓕᓯᕆ ᐃᕐᓂᕆᔭᐅᕗᖅ ᐂᕉᓂᒧᑦ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ.

ᐄᓱᕋᐅᑉ ᐊᒡᓚᖏᑦ 7:5 Iomraidhean Croise

ᑯᕉᓂᑲ ᓯᕗᓪᓖᑦ 6:4

ᐃᓕᓯᕆ ᐃᕐᓂᕐᑖᕐᐳᖅ ᐱᓂᕼᐋᓯᒥᒃ, ᐱᓂᕼᐊᔅ ᐃᕐᓂᕐᑖᕐᐳᖅ ᐊᐱᓱᐊᒥᒃ;

ᑯᕉᓂᑲ ᐂᑉᐸᖏᑦ 19:11

ᑕᑯᒋᓪᓗ, ᐊᒪᕅᐊ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐃᓕᑦᓯᓐᓂᒃ ᑲᒪᔨᒻᒪᕆᐅᕗᖅ ᓱᓇᑐᐃᓐᓁᑦ ᐊᑕᓂᐅᑉ ᐱᖁᔭᖏᑦ ᐱᓪᓗᒋᑦ; ᔨᐸᑍᐊᓗ ᐃᓯᒥᐅᓕᐅᑉ ᐃᕐᓂᖓ, ᔫᑕᐅᑉ ᑎᖑᕚᖏᑕ ᐊᐅᓚᑦᓯᔨᖓ, ᑲᒪᔨᒻᒪᕆᐅᕗᖅ ᐊᖓᔪᖅᑳᕐᔪᐊᖅ ᐱᖁᑎᖏᓪᓗ ᐱᑦᔪᑎᒋᓪᓗᒋᑦ; ᓕᕔᑏᓪᓗ ᐃᓕᑦᓯᓐᓂᒃ ᐱᔨᑦᓯᕐᑎᐅᓂᐊᕐᐳᑦ ᖃᐅᔨᓴᕐᑎᐅᓗᑎᒃ. ᐱᓇᓱᐊᕆᑦᓯ ᓴᐱᖏᓪᓗᓯ, ᐊᑕᓂᐅᓪᓗ ᐱᑦᓯᐊᕐᑐᑦ ᐃᓚᒋᓕᒋᑦ!”

ᑯᕉᓂᑲ ᐂᑉᐸᖏᑦ 26:20

ᐊᔭᕅᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑕ ᐊᓯᖏᑕᓗ ᑐᓂᕐᕈᓯᕐᑎᑦᓯᔩᑦ ᑕᑯᓐᓇᕐᐹᑦ, ᑕᑯᒋᓪᓗ, ᖃᐅᖓᒍᑦ ᐸᕐᑎᓕᕐᐸᓪᓕᐊᓕᕐᐳᖅ! ᑕᕝᕙ ᑐᐊᕕᕐᓗᑎᒃ ᐊᓂᑎᒋᐊᓯᕚᑦ ᑕᕝᕙᓐᖓᑦ, ᐃᒻᒥᓂᒡᓗ ᑐᐊᕕᕐᓗᓂ ᐊᓂᓇᓱᐊᕆᓪᓗᓂ, ᐊᑕᓂᐅᑉ ᓱᒋᐊᓚᐅᕐᒪᒍ.

ᐄᓱᕋᐅᑉ ᐊᒡᓚᖏᑦ 7:4

ᒥᕅᐊ ᐃᕐᓂᕆᔭᐅᕗᖅ ᔨᕋᕼᐂᐊᒧᑦ, ᔨᕋᕼᐂᐊ ᐃᕐᓂᕆᔭᐅᕗᖅ ᐅᔨᒧᑦ, ᐅᔨ ᐃᕐᓂᕆᔭᐅᕗᖅ ᐳᒃᑭᒧᑦ,

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᒨᓯᓯ ᐂᑉᐸᖏᑦ 6:25

ᐃᓕᓯᕆᓕ ᐂᕉᓂᐅᑉ ᐃᕐᓂᖓ ᓄᓕᐊᓂᓚᐅᕐᐳᖅ ᐳᑎᐅᓕᐅᑉ ᐸᓂᖏᑕ ᐃᓚᖓᓐᓂᒃ; ᑖᒃᑯᐊᒡᓗ ᕿᑐᕐᖓᕐᑖᓚᐅᕐᐳᒃ ᐱᓂᕼᐋᓯᒥᒃ. ᑖᒃᑯᐊ ᑕᕝᕙ ᐃᓚᒌᖑᔪᓄᑦ ᓂᐊᖁᕆᔭᐅᓚᐅᕐᑐᑦ ᑭᖑᕚᕆᔭᐅᓪᓗᑎᒡᓗ ᓕᕔᑎᓄᑦ.

ᒨᓯᓯ ᐱᖓᔪᖏᑦ 10:12

ᒨᓯᓯᓗ ᐅᖃᕆᕗᖅ ᐂᕉᓂᒧᑦ ᐃᕐᓂᖏᓐᓄᓪᓗ ᐃᓕᓯᕆᒧᑦ ᐃᑕᒫᕐᒧᓪᓗ ᐊᒥᐊᒃᑰᔫᖕᓄᑦ, “ᑎᒍᓯᓕᕆᑦᓯ ᓂᐊᖂᔭᒥᒃ ᑐᓂᕐᕈᑕᐅᓯᒪᔪᒥᒃ ᑐᓂᕐᕈᑎᓂᒃ ᐊᑕᓂᕐᒧᑦ ᐃᑯᐊᓪᓚᒃᑕᐅᓗᑎᒃ ᑐᓂᕐᕈᑎᕕᓂᕐᒥᒃ ᓴᓇᓯᒪᔪᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᓗᒍᓗ ᑐᓂᕐᕈᓯᕐᕕᐅᑉ ᓴᓂᐊᓂ, ᑖᓐᓇ ᐃᑦᔪᕐᓁᓐᓂᕐᐹᖑᖕᒪᑦ.

ᒨᓯᓯ ᐱᖓᔪᖏᑦ 10:16

ᒨᓯᓯᓗ ᐊᐱᖅᑯᑎᖃᕐᒪᑦ ᒎᑦᓯᒥᒃ ᐊᔪᕐᓃᑦ ᐱᓪᓗᒋᑦ ᑐᓂᕐᕈᑕᐅᓯᒪᔪᒥᒃ ᖃᐅᔨᑎᑕᐅᓪᓗᓂᓗ ᐃᑯᐊᓪᓚᒃᑕᐅᔪᕕᓂᐅᖕᒪᑦ, ᐃᓕᓯᕆᓗ ᐃᑕᒫᕐᓗ ᓂᓐᖓᒡᕕᒋᕔᑦ, ᐂᕉᓂᐅᑉ ᐃᕐᓂᖏᒃ ᐊᒥᐊᒃᑰᒃ, ᐊᐱᕆᓪᓗᒋᒡᓗ,

ᒨᓯᓯ ᐱᖓᔪᖏᑦ 10:6

ᒨᓯᓯᓗ ᐅᖃᕆᕗᖅ ᐂᕉᓂᒧᑦ ᐃᕐᓂᖏᓐᓄᓪᓗ ᐃᓕᓯᕆᒧᑦ ᐃᑕᒫᕐᒧᓪᓗ, “ᓄᔭᓯ ᐃᓪᓔᕐᓯᒪᔪᓐᓃᕐᑎᓐᓂᐊᕋᓯᒋᒃ, ᐊᓐᓄᕌᓯᓗ ᐊᓕᖕᓂᐊᕐᓇᒋᑦ, ᑍᒤᓕᐅᕈᑦᓯ ᑐᖁᓂᐊᕆᕗᓯᒃ ᐊᑕᓂᕐᓗ ᓂᓐᖓᐅᒪᓂᐊᕐᐳᖅ ᓄᓇᓕᖕᓄᑦ ᑖᒃᑯᓄᖓ. ᐃᓚᓯᓕ ᐃᓴᕆᐊᓕᒥᐅᓪᓗ ᕿᒃᓵᒍᓐᓇᕐᐳᑦ ᐊᑕᓂᐅᑉ ᐃᑯᒪᒧᑦ ᑐᖁᑕᖏᑦ ᐱᑦᔪᑎᒋᓗᒋᑦ.

ᒨᓯᓯ ᓯᑕᒪᖏᑦ 27:2

ᒨᓯᓯᐅᑉ ᓵᖓᓂ ᓇᖏᓚᐅᕐᐳᑦ, ᑐᓂᕐᕈᓯᕐᑎᑦᓯᔨᐅᓪᓗ ᐃᓕᓯᕆᐅᑉ ᓵᖓᓂ, ᐃᓴᕆᐊᓕᒥᐅᓪᓗ ᑲᑎᒪᔪᕐᔪᐊᑦ ᓵᖓᓂ, ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ, ᐅᖃᕐᓗᑎᒃ:

ᒨᓯᓯ ᓯᑕᒪᖏᑦ 3:32

ᐃᓕᓯᕆ ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓ ᐊᖓᔪᖅᑳᖑᔭᕆᐊᖃᕐᐳᖅ ᓕᕔᑎᑦ ᓯᕗᓕᕐᑎᖏᓐᓄᑦ, ᐊᖓᔪᖅᑳᖑᓗᓂᓗ ᐃᑦᔪᕐᓁᑦᑐᕕᖕᒥ ᐱᓇᓱᐊᒐᖃᕐᑐᓄᑦ.

ᒨᓯᓯ ᓯᑕᒪᖏᑦ 31:31

ᒨᓯᓯᓗ ᐃᓕᓯᕆᓗ ᑐᓂᕐᕈᓯᕐᑎᑦᓯᔨᐅᔪᖅ ᑍᒫᒃ ᐱᓇᓱᐊᕐᐴᒃ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ.

ᒨᓯᓯ ᓯᑕᒪᖏᑦ 31:54

ᒨᓯᓯᐅᑉ ᐃᓕᓯᕆᐅᓪᓗ ᑐᓂᕐᕈᓯᕐᑎᑦᓯᔨᐅᑉ ᒎᓗᐃᑦ ᐱᓚᐅᕐᐰᑦ ᐅᓇᑕᕐᑐᒃᓴᓄᑦ 1000ᓄᑦ ᐊᖓᔪᖅᑳᓂᑦ 100ᓄᓪᓗ ᐊᖓᔪᖅᑳᓂᑦ, ᐃᓕᓪᓗᒋᓪᓗ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐃᓴᕆᐊᓕᒥᐅᓂᑦ ᐃᖅᑲᐅᒪᑦᔪᑎᒃᓴᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 31:6

ᑕᕝᕙ ᒨᓯᓯᐅᑉ ᐅᓇᑕᕆᐊᕐᑎᓚᐅᕐᐰᑦ 1,000ᓂᒃ ᑭᖑᕚᖑᖃᑎᒌᑦ ᐊᑐᓂᑦ; ᐅᓇᑕᕆᐊᕐᑎᑉᐰᑦ ᐃᓚᖃᕐᓗᑎᒃ ᐱᓂᕼᐋᓯᒥᒃ ᐃᓕᓯᕆᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᓂᒃ, ᐃᑦᔪᕐᓁᑦᑐᓂᒃ ᓇᒃᓴᕐᓗᓂ ᑎᑦᑐᓚᐅᑎᒥᒡᓗ ᓇᓗᓁᕐᓯᑦᔪᑎᒥᒃ.

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

ᔮᓱᐊᑉ ᐊᒡᓚᖏᑦ 14:1

ᓄᓇᐅᑉ ᐊᕕᒃᑐᕐᑕᐅᓂᖏᑦ ᑭᖑᕐᖑᑎᔭᐅᖁᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑬᓇᓂᐅᑉ ᓄᓇᖓᓂ, ᐅᑯᓄᖓ ᐱᓇᓱᐊᕐᑕᐅᓚᐅᕐᐳᑦ ᐃᓕᓯᕆ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐃᓚᒌᓪᓗ ᐃᓴᕆᐊᓕᒥᐅᑦ ᓯᕗᓕᕐᑎᖏᓐᓄᑦ ᑖᒃᑯᐊ ᐊᒡᒍᐃᓚᐅᕐᐳᑦ ᐃᓄᐃᑦ ᑭᖑᕚᕇᖑᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 22:13

ᑕᕝᕙ ᐃᓴᕆᐊᓕᒥᐅᑉ ᐃᓄᖏᑕ ᑎᓕᕚᑦ ᐱᓂᕼᐋᔅ ᐃᓕᓯᕆᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓ, ᕉᐱᓂᐅᑉ, ᒑᑦᓗ, ᒫᓇᓯᒃᑯᓪᓗ ᑭᖑᕚᖏᑕ ᐊᕝᕙᖏᓐᓄᑦ, ᒋᓕᐊᑎᒧᑦ.

ᔮᓱᐊᑉ ᐊᒡᓚᖏᑦ 22:31

ᐱᓂᕼᐋᓯᓗ ᐃᓕᓯᕆᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓ ᐅᖃᕐᐳᖅ ᑖᒃᑯᓄᖓ ᕉᐱᓂᒃᑯᓐᓄᑦ, “ᐅᓪᓗᒥ ᖃᐅᔨᕗᒍᑦ ᐊᑕᓂᐅᑉ ᐃᓚᒋᖕᒪᑎᒍᑦ, ᐱᓇᓱᐊᕐᓂᑦᓯᒍᓪᓗ ᐊᑕᓂᕐᒥᒃ ᐊᑭᕋᕐᑐᓕᓚᐅᖏᓐᓇᑦᓯ; ᑍᒤᑦᒪᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᑦ ᐱᐅᓕᓚᐅᕐᐸᓯ ᐊᑕᓂᐅᑉ ᐊᒡᒐᖏᓐᓂᑦ.”

ᔮᓱᐊᑉ ᐊᒡᓚᖏᑦ 24:33

ᐃᓕᓯᕆᓗ ᐂᕉᓂᐅᑉ ᐃᕐᓂᖓ ᑐᖁᕗᖅ; ᐃᓗᕕᕐᑕᐅᕗᕐᓗ ᒋᐱᐊᒥ, ᐱᓂᕼᐋᓯᐅᑉ ᓄᓇᖓᓄᑦ, ᑕᒪᓐᓇ ᓄᓇ ᑐᓂᔭᐅᓚᐅᕐᒪᑦ ᑖᑦᓱᒧᖓ ᐃᕗᕅᒥᐅᑉ ᖃᖅᑲᖓᓃᑦᑐᖅ.

ᐃᓗᐊᕐᓮᔩᑦ ᐊᒡᓚᖏᑦ 20:28

ᐱᓂᕼᐋᓯᓗ, ᐃᓕᓯᕆᐅᑉ ᐃᕐᓂᖓ ᐂᕉᓂᐅᑉ ᐃᕐᖑᑕᖓ, ᑲᒪᔨᐅᓚᐅᕐᐳᖅ ᐅᓪᓗᓂ ᑍᒃᑯᓇᓂ), ᐅᖃᕐᓗᓂ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ, ᐅᕝᕙᓘᓐᓃᑦ ᓄᖅᑲᕆᐊᖃᓕᕐᐱᑖ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕆᑦᓯ, ᖃᐅᒃᐸᑦ ᓵᓚᖃᕐᑎᓐᓂᐊᕐᐸᑦᓯ.”