ᐄᓱᕋᐅᑉ ᐊᒡᓚᖏᑦ 7:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᐄᓱᕋᐅᑉ ᐊᒡᓚᖏᑦ 7:27 Iomraidhean Croise

ᑯᕉᓂᑲ ᐂᑉᐸᖏᑦ 31:8

ᕼᐃᓯᑬᐊᓕ ᐊᖓᔪᖅᑳᓪᓗ ᑕᕝᕗᓐᖓᕋᒥᒃ ᑕᑯᒐᒥᒡᓗ ᖃᓕᕇᒃᓯᓯᒪᔪᓂᒃ, ᐊᑕᓂᖅ ᓂᕐᑐᕐᐹᑦ ᐃᓄᖁᑎᖏᓪᓗ ᐃᓴᕆᐊᓕᒥᐅᑦ.

ᐄᓱᕋᐅᑉ ᐊᒡᓚᖏᑦ 6:22

ᓇᓪᓕᐅᓐᓂᕐᓯᐅᓚᐅᕐᐳᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᑰᔭᓂᒃ ᓇᓪᓕᐅᓐᓂᕐᓯᐅᕈᑎᒥᒃ ᐅᓪᓗᓂᒃ 7ᓂᒃ ᖁᕕᐊᓱᒡᓗᑎᒃ; ᐊᖓᔪᖅᑳᕐᔪᐊᖅ ᐊᓯᕆᐊᒥᐅᑕᖅ ᐊᑕᓂᐅᑉ ᐱᐅᒃᓴᕐᑎᓚᐅᕐᒪᒍ ᑖᒃᑯᓂᖓ, ᑖᑦᓱᒪ ᐃᑲᔪᕐᑐᓚᐅᕐᒪᒋᑦ ᐱᓇᓱᐊᕐᑎᓪᓗᒋᑦ ᐃᓴᕆᐊᓕᒥᐅᑦ ᒎᑎᖓᑕ ᑐᒃᓯᐊᕐᕕᒡᔪᐊᖓᓂᒃ ᓴᓇᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 2:12

ᑕᕝᕙ ᐅᓐᓄᐊᖑᓕᕐᒪᑦ ᒪᑭᑉᐳᖓ, ᐊᖑᑎᓂᒃ ᖃᑦᓰᓐᓇᓂᒃ ᐃᓚᖃᕐᓗᖓ; ᓇᓪᓕᐊᓐᓂᒡᓘᓐᓃᑦ ᐅᖃᐅᑦᔨᓚᐅᓐᖏᓚᖓ ᒎᑎᒪ ᖃᓄᖅ ᐆᒻᒪᑎᒃᑯᑦ ᑐᓂᓯᕕᒋᓚᐅᕐᒪᖔᖓ ᔨᕉᓴᓕᒥ ᐱᓇᓱᐊᖁᓪᓗᖓ; ᐆᒪᔪᓂᒡᓘᓐᓃᑦ ᓇᒃᓴᓚᐅᓐᖏᓚᖓ ᐃᑭᒪᕕᒋᔭᒪ ᐊᓯᐊᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 2:8

ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.

ᓂᕼᐃᒤᐊᐅᑉ ᐊᒡᓚᖏᑦ 7:5

ᑕᕝᕙ ᒎᑎᐅᑉ ᐃᒃᐱᒍᓱᒃᑎᓕᓚᐅᕐᐹᖓ ᐃᓄᖕᓂᒃ ᑲᑎᓯᖁᓪᓗᖓ ᓯᕗᓕᕐᑎᖏᓐᓂᒃ, ᐊᖓᔪᖅᑳᖏᓐᓂᒡᓗ, ᐃᓚᒌᑦ ᑎᑎᕋᕐᑕᐅᓯᒪᓂᖏᑦ ᖃᐅᔨᓴᕐᑕᐅᖁᓪᓗᒋᑦ. ᑎᑎᕋᕐᓯᒪᔪᖁᑎᖏᓪᓗ ᓇᓂᓚᐅᕐᐸᒃᑲ ᑍᒃᑯᐊ ᓯᕗᓪᓖᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐅᑎᕐᓂᕕᓂᖏᑕ ᐃᒤᓕᖓᓂᖏᓐᓂᒃ:

ᒨᓯᓯ ᐂᑉᐸᖏᑦ 8:9

ᒨᓯᓯ ᐅᖃᕐᐳᖅ ᐰᕉᒧᑦ, “ᖁᕕᐊᓱᒡᓗᖓ ᑐᒃᓯᐅᑎᔪᒪᑦᓯᐊᕐᐸᒋᑦ, ᓇᓗᓁᕐᓯᕕᒋᑐᐊᕈᕕᖓ ᖃᖓᒃᑯᑦ ᑐᒃᓯᐅᑦᔨᖁᔨᖕᒪᖔᕐᐱᑦ, ᐃᓕᖕᓄᑦ ᐱᔨᒋᔭᕐᓄᓪᓗ ᐃᓄᖁᑎᖕᓄᓪᓗ, ᓈᕌᔩᑦ ᐃᓕᑦᓯᓐᓂᑦ ᐲᔭᕐᑕᐅᖁᓪᓗᒋᑦ, ᑕᒫᓃᑦᑐᖃᕈᓐᓃᖁᓪᓗᒍᓗ ᑰᖕᒥ ᑭᓯᐊᓂ ᐱᑕᓕᑑᓕᖁᓪᓗᒍ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 60:13

ᓕᐸᓇᓂᐅᑉ ᑕᑯᒥᓇᕐᓂᖏᓐᓄᑦ ᑎᑭᑕᐅᔪᒫᕐᐳᓯ, ᓇᐹᕐᑐᖏᑕ ᓮᐳᕋᓯᒥᒃ ᑍᔭᐅᔪᑦ, ᓇᐹᕐᑐᑐᐃᓐᓁᓪᓗ, ᓇᐹᕐᑐᓪᓗ ᐰᓂᓂᒃ ᑍᔭᐅᔪᑦ, ᐃᑦᔪᕐᓁᑦᑐᕕᖁᑎᒪ ᐃᓂᖓ ᑕᑯᒥᓇᕐᓯᖁᓪᓗᒍ; ᐃᑎᒐᖕᒪ ᐃᓂᖓ ᐱᓐᓇᕐᓇᕐᓯᑎᑦᓱᒪᒐᒃᑯ.

ᓘᑲᓯᐅᑉ ᐊᒡᓚᖏᑦ 7:5

ᐃᓅᖃᑎᕗᑦ ᐱᓐᓇᕆᖕᒪᒋᑦ, ᐅᒃᐱᕐᓂᕐᒧᓪᓗ ᑲᑎᒪᕕᒃᓴᑦᑎᓐᓂᒃ ᓴᓇᔭᐅᑎᑦᓯᓯᒪᕗᖅ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:16

ᒎᑎ ᖁᔭᒋᔭᐅᓕ ᑍᑑᓯ ᐅᕙᑦᑎᑐᑦ ᐃᓗᖏᕐᓱᕐᓗᓂ ᐃᑲᔪᕈᒪᓂᕐᑖᕐᑎᓚᐅᕐᒪᒍ ᐃᓕᑦᓯᓐᓂᒃ.

ᐱᓕᐱᒥᐅᓄᑦ 4:10

ᐊᖏᔪᒥᒃ ᖁᕕᐊᓱᒃᐳᖓ ᐊᑕᓂᕐᒥ ᓱᓕ ᐃᖅᑲᐅᒪᒐᑦᓯᓐᖓ ᐅᕙᓐᓂᒡᓗ ᐃᑲᔪᕈᒪᓂᓯ ᓴᖅᑭᑎᓐᓇᑦᓯᐅᒃ; ᐅᕙᓐᓂᒡᓕ ᐃᑲᔪᕈᒤᓐᓇᓚᐅᕋᓗᐊᕐᑐᓯ, ᐱᕕᒃᓴᖃᓚᐅᓐᖏᓚᓯᓕ.

ᐄᑉᕈᐃᓄᑦ 10:16

“ᑕᒪᑦᔭ ᐊᖏᖃᑎᒌᒍᑎᒋᔪᒫᕐᑕᕋ ᑖᒃᑯᓄᖓ ᐅᓪᓗᐃᑦ ᑕᒪᒃᑯᐊ ᑭᖑᕐᖓᑦᑎᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᐆᒻᒪᑎᖏᓐᓄᑦ ᐱᑎᑦᓱᒪᕙᒃᑲ, ᐃᓱᒪᖏᓐᓄᓪᓗ ᑎᑎᕋᕈᒪᓪᓗᒋᑦ.”

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:17

ᒎᑎᐅᑉ ᐃᓱᒪᖃᓕᕐᑎᑦᓱᒫᕐᒪᒋᑦ ᐱᓇᓱᐊᕈᒪᔭᒥᓂᒃ ᓈᒻᒪᒃᓯᑎᑦᓯᖁᓪᓗᒋᑦ ᐱᓇᓱᐊᖃᑎᒌᓂᕐᒥᒃᑎᒍᑦ ᐊᑕᐅᓯᕐᒥᒃ ᐃᓱᒪᖃᕐᓗᑎᒃ ᐊᖓᔪᖅᑳᕐᔪᐊᖑᓂᕐᒧᑦ ᐱᔪᓐᓇᕐᓂᕐᒥᖕᓂᒃ ᐃᑲᔪᕈᑎᖃᖁᓪᓗᒋᑦ ᐆᒪᔪᐊᓗᖕᒧᑦ ᐊᐅᓚᑦᓯᓂᕐᒥᒃᑎᒍᑦ, ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᔭᕇᓚᐅᕐᑎᓐᓇᒋᑦ.