ᐄᓱᕋᐅᑉ ᐊᒡᓚᖏᑦ 7:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᒻᒪᓗ ᒎᓗᐃᑦ ᓯᐅᓪᕕᕇᓪᓗ ᓇᒃᓴᕐᑕᒃᓴᕆᕙᑎᑦ ᑐᓂᔭᕗᑦ ᑲᑎᒪᔨᖁᑎᒃᑲᓗ ᐃᓴᕆᐊᓕᐅᑉ ᒎᑎᖓᓄᑦ, ᑐᒃᓯᐊᕐᕕᖁᑎᖃᕐᑐᒧᑦ ᔨᕉᓴᓕᒥ.

ᐄᓱᕋᐅᑉ ᐊᒡᓚᖏᑦ 7:15 Iomraidhean Croise

ᑯᕉᓂᑲ ᓯᕗᓪᓖᑦ 29:6

ᑕᕝᕙ ᐃᓚᒥᖕᓄᑦ ᐊᖓᔪᖅᑳᑦ ᐃᒻᒥᓂᒃ ᐱᔪᒪᓂᑎᒃ ᒪᓕᒡᓗᒋᑦ ᑐᓂᓯᕗᑦ, ᐊᖓᔪᖅᑳᓪᓗ 1,000ᓄᑦ 100ᓄᓪᓗ, ᑲᒪᔩᓪᓗ ᐊᖓᔪᖅᑳᕐᔪᐊᑉ ᐱᔭᒃᓴᖏᓐᓄᑦ.

ᑯᕉᓂᑲ ᐂᑉᐸᖏᑦ 2:6

ᑭᐊᓕ ᑐᒃᓯᐊᕐᕕᒡᔪᐊᓕᐅᕈᓐᓇᕐᐸᐅᒃ, ᕿᓚᒃ, ᕿᓔᓪᓗ ᖁᑦᓯᖕᓂᕐᐹᖏᑕ ᐱᓯᒪᔪᓐᓇᓐᖏᑎᓪᓗᓂᐅᒃ? ᖃᓄᐃᑦᑑᒐᒪᓕ ᑐᒃᓯᐊᕐᕕᒡᔪᐊᓕᐅᕐᑐᒃᓴᐅᕗᖓ ᑖᑦᓱᒧᖓ, ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᔪᓐᓇᑐᐃᓐᓇᕐᓗᖓ ᑖᑦᓱᒪ ᓵᖓᓂ?

ᑯᕉᓂᑲ ᐂᑉᐸᖏᑦ 32:23

ᐅᓄᕐᑐᕐᔪᐊᓪᓗ ᑐᓂᓯᕗᑦ ᐊᑕᓂᕐᒧᑦ ᔨᕉᓴᓕᒥ ᐱᐅᔪᒻᒪᕆᖕᓂᒡᓗ ᑐᓂᓯᕗᑦ ᕼᐃᓯᑬᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᑕᒪᑐᒪᖓᑦ ᐱᒋᐊᕐᓗᓂ ᑭᖑᕐᖓᒍᑦ ᐃᓅᖃᑎᒌᒡᔪᐊᓕᒫᑦ ᐅᐱᒋᓪᓗᒍ ᐊᖏᒡᓕᑎᓕᓚᐅᕐᐹᑦ.

ᑯᕉᓂᑲ ᐂᑉᐸᖏᑦ 6:2

ᐃᒡᓗᓕᐅᓚᐅᕐᐸᒋᑦ ᐱᐅᔪᒻᒪᕆᐊᓗᖕᒥᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 6:6

ᔨᕉᓴᓕᒻᓕ ᓂᕈᐊᓚᐅᕐᐸᕋ ᐊᑎᕋ ᑕᕝᕙᓃᑦᓮᓐᓇᖁᓪᓗᒍ ᑍᕕᑎᓗ ᓂᕈᐊᓚᐅᕐᐸᕋ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᖁᓪᓗᒍ.’

ᐄᓱᕋᐅᑉ ᐊᒡᓚᖏᑦ 1:6

ᓯᓚᖅᑲᑎᓕᒫᖏᓐᓄᑦ ᐃᑲᔪᕐᑕᐅᓚᐅᕐᐳᑦ ᑐᓂᔭᐅᓪᓗᑎᒃ ᐅᓄᕐᑐᓂᒃ: ᓂᕆᑦᔪᑎᓂᒃ ᓯᐅᓪᕕᕆᓂᒃ, ᒎᓗᓂᒃ, ᑕᖁᐊᒃᓴᓂᒡᓗ, ᐆᒪᔪᖁᑎᖏᓪᓗ ᐅᓯᓕᕐᑐᕐᓱᒋᑦ, ᐊᓯᖏᓐᓂᒡᓗ ᐱᔪᒥᓇᕐᑐᓂᒃ, ᑐᓂᕐᕈᑎᒃᓴᓂᒡᓗ ᑐᒃᓯᐊᕐᕕᖕᒧᑦ.

ᐄᓱᕋᐅᑉ ᐊᒡᓚᖏᑦ 6:12

ᒎᑎᐅᑉ ᔨᕉᓴᓕᒥᒃ ᓂᕈᐊᓚᐅᕐᑑᑉ ᑐᒃᓯᐊᕐᕕᐅᔪᒪᓪᓗᓂ ᓵᓚᒋᓕᒋᑦ ᐊᖓᔪᖅᑳᕐᔪᐊᑦ ᓄᓇᓕᕐᔪᐊᓪᓘᓐᓃᑦ ᑖᑦᓱᒥᖓ ᐱᖁᔭᒥᒃ ᐊᓯᕈᐃᔪᑦ ᐊᓯᕈᐃᓇᓱᐊᕐᑐᓪᓘᓐᓃᑦ ᑐᒃᓯᐊᕐᕕᒡᔪᐊᒥᒃ ᑍᑲᓃᑦᑐᒥᒃ. ᐅᕙᖓ ᑍᕉᓯ ᑎᓕᓯᕗᖓ; ᑎᓕᓯᑦᔪᑎᒋᔭᕋᓗ ᑲᑦᓱᒊᑦᓯᐊᕐᑐᒥᒃ ᓈᓚᒃᑕᐅᔪᒃᓴᐅᕗᖅ.”

ᐄᓱᕋᐅᑉ ᐊᒡᓚᖏᑦ 6:4

ᐊᕙᓗᐊᓗ ᓴᓇᔭᐅᔭᕆᐊᖃᕐᐳᖅ ᐅᔭᕅᑦ ᐊᑯᓪᓕᕇᑦ ᐱᖓᓲᓕᕋᖓᑕ ᕿᔪᓕᕐᐸᒡᓗᒍ. ᐊᑭᓕᕆᐊᓕᓕᒫᓪᓗ ᐊᑭᓕᕐᑕᐅᔪᒃᓴᐅᕗᑦ ᐊᖓᔪᖅᑳᕐᔪᐊᑉ ᑮᓇᐅᔭᖁᑎᖏᓐᓂᑦ.

ᐄᓱᕋᐅᑉ ᐊᒡᓚᖏᑦ 7:14

ᐊᒻᒪᓗ ᐅᕙᖓ ᑲᑐᑦᔨᖃᑎᒋᓪᓗᒋᑦ ᑲᑎᒪᔨᒃᑲ 7ᐃᑦ, ᐊᐅᓪᓚᕐᑎᑉᐸᑦᓯ ᖃᐅᔨᓴᕆᐊᖁᓪᓗᓯ ᔨᕉᓴᓕᒧᑦ ᔫᑕᒧᓪᓗ, ᒎᑎᑦᓯ ᐱᖁᔭᖏᓐᓂᒃ ᑐᓂᔭᐅᓯᒪᔪᓂᒃ ᐃᓕᑦᓯᓐᓄᑦ, ᓈᓚᒃᑕᐅᑦᓯᐊᕋᓗᐊᕐᒪᖔᑕ;

ᐄᓱᕋᐅᑉ ᐊᒡᓚᖏᑦ 8:25

ᐅᖁᒤᓐᓂᕐᓯᐅᓕᓚᐅᕐᐸᒃᑲᓗ ᓯᐅᓪᕕᕇᑦ, ᒎᓗᐃᑦ, ᑐᒃᓯᐊᕐᕕᒡᔪᐊᒥᓗ ᐊᑐᕐᑕᐅᔪᒃᓮᑦ, ᑐᓂᕐᕈᑕᐅᓯᒪᔪᑦ ᐊᖓᔪᖅᑳᕐᔪᐊᕐᒥᑦ ᐃᑲᔪᕐᑎᖏᓐᓂᓪᓗ ᐱᓇᓱᐊᕐᑎᖏᓐᓂᓪᓗ, ᐃᓴᕆᐊᓕᒥᐅᓪᓗ ᐃᓄᖁᑎᖏᑕ ᓇᔫᑎᔪᓕᒫᑦ ᑐᓂᕐᕈᑎᒋᓚᐅᕐᑕᖏᑦ ᑐᒃᓯᐊᕐᕕᒡᔪᐊᒧᑦ.

ᐃᓐᖏᕈᑎᑦ 135:21

ᐊᑕᓂᖅ ᓂᕐᑐᕐᑕᐅᓕ ᓮᐅᓂᒥᑦ, ᑖᓐᓇ ᔨᕉᓴᓕᒥ ᐃᓂᖃᕐᑐᖅ! ᐊᑕᓂᖅ ᓂᕐᑐᕐᓯᐅᒃ!

ᐃᓐᖏᕈᑎᑦ 26:8

ᐊᑕᓃᖅ, ᐃᒡᓗ ᐃᓂᒋᔧᑦ ᐅᖓᒋᕙᕋ, ᐱᓇᕐᓇᕐᓂᕐᔪᐊᕕᓪᓗ ᐃᓂᒋᔭᖓ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐃᓐᖏᕈᑎᑦ 76:11

ᐊᖏᒻᒪᕆᒋᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑲᔪᓯᑎᑦᓯᐊᕐᓗᒋᓪᓗ; ᑲᓂᒋᔭᖓᓃᑦᑐᓕᒫᑦ ᑐᓂᕐᕈᓯᓕᕐᓕᑦ ᑖᑦᓱᒧᖓ ᓯᕘᕋᒋᔭᐅᔭᕆᐊᖃᕐᑐᒧᑦ.

ᐃᓐᖏᕈᑎᑦ 76:2

ᓴᓕᒥᒥ ᑐᐱᕐᔪᐊᖁᑎᖓ ᐃᓂᖃᕐᐳᖅ, ᐃᓂᖃᕐᐳᕐᓗ ᓮᐅᓂᒥ.

ᐃᓐᖏᕈᑎᑦ 9:11

ᐊᑕᓂᖅ ᓂᕐᑐᕈᑎᓂᒃ ᐃᓐᖏᕐᕕᒋᓯᐅᒃ, ᓮᐅᓂᒥ ᐃᓂᖃᕐᑐᖅ: ᐱᓂᐊᕐᓂᖏᓪᓗ ᐃᓄᖕᓄᑦ ᐅᖃᐅᑎᒋᓕᕐᓯᐅᒃ.