ᐄᓱᕋᐅᑉ ᐊᒡᓚᖏᑦ 6:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙ ᑐᓂᕐᕈᑎᐅᔪᑦ ᓂᕆᔭᐅᓚᐅᕐᐳᑦ ᐃᓴᕆᐊᓕᒥᐅᓕᒫᓄᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ ᐅᑎᓚᐅᕐᑐᓕᒫᓂᒃ ᐃᓚᖃᕐᓗᑎᒃ ᐃᓅᖃᑎᒌᑦ ᐱᐅᓯᖏᓐᓂᒃ ᐊᑐᕈᓐᓃᕐᓗᑎᒃ ᒎᑎᖃᕈᒪᓕᕐᑐᓂᒃ ᐃᓴᕆᐊᓕᒥᐅᑦ ᒎᑎᖓᓂᒃ ᐊᑕᓂᕐᒥᒃ.

ᐄᓱᕋᐅᑉ ᐊᒡᓚᖏᑦ 6:21 Iomraidhean Croise

ᑯᕉᓂᑲ ᐂᑉᐸᖏᑦ 30:19

ᐆᒻᒪᑎᒥᒍᑦ ᕿᓂᕐᑐᑦ ᒎᑎᒥᒃ, ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ, ᐃᑦᔪᕐᓁᓕᑎᑕᐅᑦᔪᑏᑦ ᒪᓕᒡᓗᒋᑦ ᓴᓗᒻᒪᕐᑎᑕᐅᓯᒪᖏᒃᑲᓗᐊᕐᑎᓪᓗᒋᑦ.”

ᐄᓱᕋᐅᑉ ᐊᒡᓚᖏᑦ 9:1

ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.

ᐄᓱᕋᐅᑉ ᐊᒡᓚᖏᑦ 9:11

ᑐᓂᓚᐅᕐᑕᑎᑦ ᐅᕙᑦᑎᓐᓄᑦ ᐱᔨᒃᑯᑦ, ᐅᖃᕐᑎᒃᑯᓪᓗ, ᐅᖃᐅᑦᔭᐅᓚᐅᕐᐳᒍᑦ ᓄᓇᑖᕆᓂᐊᕐᑕᕗᑦ ᐃᑦᔪᕐᓇᕐᑑᖕᒪᑦ ᑕᒫᓂ ᓄᓇᓖᑦ ᐃᓄᐃᑦ ᐃᓱᐊᓂᑦ ᐃᓱᐊᓄᑦ ᐃᓅᓯᖃᕐᒪᑕ ᐱᐅᖏᑦᑐᓂᒃ ᐃᑦᔪᕐᓇᕐᑐᓂᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 10:28

ᒫᓐᓇ ᐃᓄᐃᑦ ᐃᓴᕆᐊᓕᒥᐅᑦ ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ, ᐃᑎᕐᑕᕐᕕᖕᒥᓗ ᑲᒪᔩᑦ, ᐃᓐᖏᕐᑏᓪᓗ, ᑐᒃᓯᐊᕐᕕᒡᔪᐊᕐᒥᓗ ᐱᔩᑦ, ᓂᑎᓂᒦᑦ, ᐃᒻᒥᖕᓂᒡᓗ ᑐᓂᓯᒪᔪᑦ ᔫᑎᐅᖏᑦᑐᓂᑦ ᑕᒫᓂ ᓄᓇᓕᖕᓂᑦ ᒎᑎᐅᑉ ᐱᖁᔭᖏᓐᓂᒃ ᐱᓇᓱᐊᕐᑎᐅᔪᒪᓪᓗᑎᒃ, ᓄᓕᐊᖏᓪᓗ, ᐃᕐᓂᖏᓪᓗ, ᐸᓂᖏᓪᓗ, ᓱᖅᑯᐃᓱᒃᑐᓕᒫᑦ ᑐᑭᓯᔪᓐᓇᕐᑐᓕᒫᓪᓗ,

ᓂᕼᐃᒤᐊᐅᑉ ᐊᒡᓚᖏᑦ 9:2

ᕿᒃᓵᖕᓂᑎᒃ ᐊᔪᕐᑐᓕᓂᕐᒥᖕᓂᒃ ᐱᑦᔪᑎᒋᓪᓗᒍ ᐃᒻᒥᒍᑦ ᐃᓛᒃᑰᓕᕐᑎᓚᐅᕐᐳᑦ ᓄᓇᖅᑲᑎᒃᓴᔭᕆᓐᖏᑕᓕᒫᒥᖕᓂᑦ; ᑍᒫᒡᓗ ᓂᑯᕕᓪᓗᑎᒃ ᐊᔪᕐᑐᓕᓂᕐᒥᖕᓂᒃ ᓯᕗᓕᕕᓂᖏᑕᓗ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᐅᖅᑲᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ.

ᐃᓐᖏᕈᑎᑦ 93:5

ᓇᓗᓁᕐᓯᓂᑎᑦ ᑎᑎᕋᕐᓯᒪᔪᑦ ᓱᓕᑦᓯᐊᕐᐳᑦ; ᐃᑦᔪᕐᓁᓐᓂᕕᑦ ᐃᒡᓗᖁᑏᑦ ᐱᓐᓇᕐᓇᕈᑎᒋᕚ, ᐊᑕᓃᖅ, ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 52:11

ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.