ᐄᓱᕋᐅᑉ ᐊᒡᓚᖏᑦ 6:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐱᔭᕇᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᐊᑖᑉ ᑕᖅᑭᐅᑉ ᐅᓪᓗᖓᑕ ᐱᖓᔪᐊᓐᓂ, ᐊᖓᔪᖅᑳᕐᔪᐊᑉ ᑍᕉᓯᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖓᑕ ᐱᖓᓲᔪᕐᑐᖓᓂ.

ᐄᓱᕋᐅᑉ ᐊᒡᓚᖏᑦ 6:15 Iomraidhean Croise

ᐊᑕᓃᑦ ᓯᕗᓪᓖᑦ 8:63

ᓲᓗᒨᓂ ᑐᓂᕐᕈᓯᕐᐳᖅ ᖃᓄᐃᓐᖏᑎᑕᐅᓂᖅ ᐱᓪᓗᒍ ᐃᒻᒧᒃᓯᐅᒐᕐᓂᒃ 22,000ᓂᒃ, ᓰᐱᓂᒡᓗ 120,000ᓂᒃ ᑐᒃᓯᐊᕐᓂᕐᒧᑦ ᑐᓂᕐᕈᑕᐅᑎᓪᓗᒋᑦ, ᑕᕝᕙ ᐊᖓᔪᖅᑳᕐᔪᐊᖅ ᐃᓄᓕᒫᓪᓗ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᐳᑦ ᐃᑦᔪᕐᓁᓕᕐᑎᓪᓗᒍ.

ᐄᓱᕋᐅᑉ ᐊᒡᓚᖏᑦ 4:24

ᑕᕝᕙ ᑐᒃᓯᐊᕐᕕᐅᑉ ᔨᕉᓴᓕᒦᑦᑑᑉ ᓴᓇᔭᐅᓂᖓ ᓄᖅᑲᕐᑎᑕᐅᓚᐅᕐᐳᖅ, ᐱᒋᐊᕐᑕᐅᒃᑲᓐᓂᓚᐅᓐᖏᓚᕐᓗ ᐊᖓᔪᖅᑳᕐᔪᐊᑉ ᑍᕉᓯᐅᑉ ᐊᖓᔪᖅᑳᖑᓂᖓᑕ ᐊᕐᕌᒍᑉ ᐂᑉᐸᕆᓕᕐᑕᖓᓄᑦ ᑎᑭᓪᓗᒍ.

ᐄᓱᕋᐅᑉ ᐊᒡᓚᖏᑦ 5:16

ᑍᒤᒻᒪᑦ ᓯᓯᐸᔮᕐ ᐂᓚᐅᕐᐳᖅ ᑐᒃᓯᐊᕐᕕᒡᔪᐊᓪᓗ ᑐᓐᖓᕕᖓᓂᒃ ᐋᖅᑮᓪᓗᓂ ᔨᕉᓴᓕᒦᑦᑐᒥ; ᐱᓇᓱᐊᕐᑕᐅᓂᖓ ᑲᔪᓰᓐᓇᕋᓗᐊᕐᐳᖅ ᑍᑲᓐᖓᓂᑦ ᐅᓪᓗᒥᒧᑦ, ᑭᓯᐊᓂᓕ ᓱᓕ ᐱᔭᕇᓐᖏᓚᖅ.’

ᐄᓱᕋᐅᑉ ᐊᒡᓚᖏᑦ 9:9

ᓯᐊᓛᖑᓚᐅᕐᐳᒍᑦ, ᑭᓯᐊᓂᓕ ᓯᐊᓛᖑᑏᓐᓇᓚᐅᓐᖏᓚᑦᑎᒍᑦ ᐴᕐᓯᐊᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᕙᑦᑎᓐᓂᒃ ᐱᐅᒃᓴᕐᑎᓚᐅᕐᐸᑎᑦ ᐱᔪᓐᓇᕐᑎᑕᐅᓚᐅᕐᐳᒍᓪᓗ ᐃᓅᖏᓐᓇᕐᓗᑕ ᑐᒃᓯᐊᕐᕕᒡᔪᐊᖅ ᐋᖅᑭᒋᐊᕈᓐᓇᕐᓗᒍ, ᓯᖁᒥᓯᒪᓚᐅᕐᑐᖅ ᑲᑉᐱᐊᓇᖏᑦᑐᒦᑦᓱᓐᓇᕐᓗᑕᓗ ᑕᒫᓂ ᔫᑎᐊᒥ ᔨᕉᓴᓕᒥᓗ.

ᐃᔅᑕᐅᑉ ᐊᒡᓚᖏᑦ 3:13

ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ.

ᐃᔅᑕᐅᑉ ᐊᒡᓚᖏᑦ 3:7

ᑕᖅᑭᐅᑉ ᓯᕗᓪᓕᕐᐹᖓᓐᓂ, ᑕᖅᑭᒥ ᓃᓴᒥᒃ ᑍᔭᐅᔪᒥ, ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᓂᖓᑕ 12ᖓᓂ, ᕼᐂᒪᓂ ᓇᓚᐅᑦᑖᕈᑎᒧᑦ ᐴᕆᒧᑦ ᖃᐅᔨᓇᓱᐊᕐᑎᑦᓯᕗᖅ ᐅᓪᓗᖓ ᑕᖅᑭᐅᓪᓗ ᓇᓪᓕᐊᓐᓂ ᑕᒪᓐᓇ ᓇᓪᓕᐅᓐᓂᖃᓕᕋᔭᕐᒪᖔᑦ; ᑕᖅᑮᑦ 12ᖓᓐᓂ ᑍᔭᐅᔪᒥ ᐊᑖᕆᒥᒃ ᐅᓪᓗᖏᑕ 13ᖓᓂ ᑕᕝᕙ ᓇᓗᓁᕐᑕᐅᕗᖅ.

ᐃᔅᑕᐅᑉ ᐊᒡᓚᖏᑦ 8:12

ᑖᓐᓇ ᐊᑐᓯᒋᐊᕐᕕᒃᓴᖃᓚᐅᕐᐳᖅ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᓄᓇᖁᑎᓕᒫᖏᓐᓂ ᐅᓪᓗᒥ ᑐᖁᕅᕕᒃᓴᐅᓚᐅᕐᑐᒥᑦ ᐱᒋᐊᕐᓗᓂ, ᐅᓪᓗᖓ 13ᖑᓕᕐᐸᑦ ᑕᖅᑮᑦ 12ᖓᓐᓂ, ᑕᖅᑭᒥ ᐊᑖᕆᒥᒃ ᑍᔭᐅᔪᒥ.

ᐃᔅᑕᐅᑉ ᐊᒡᓚᖏᑦ 9:1

ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐅᓪᓗᖅ 13ᖑᓕᕐᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᐱᖁᔨᓂᖓ ᐱᖁᔭᓕᐊᕆᓯᒪᔭᖓᓗ ᓇᓪᓕᐅᑎᓚᐅᕐᐳᖅ ᑐᖁᕅᕕᒃ, ᑕᕝᕙᓂ ᐅᓪᓗᒥ ᔫᑎᑦ ᐊᑭᕋᕐᑐᕐᑎᖏᑦ ᓄᖒᑦᓯᓂᐊᕋᓱᒋᓚᐅᕐᐳᑦ, ᐃᒡᓗᖔᖓᓄᓪᓕ ᐱᔪᖃᓚᐅᕐᐳᖅ, ᑕᕝᕙᓂ ᐅᓪᓗᒥ ᔫᑎᑦ ᐆᒥᒋᔨᒥᖕᓂᒃ ᓵᓚᖃᖔᓚᐅᕐᒪᑕ.

ᐃᔅᑕᐅᑉ ᐊᒡᓚᖏᑦ 9:15

ᑕᕝᕙ ᔫᑎᑦ ᓲᓴᒦᑦᑐᑦ ᑲᑎᓚᐅᕆᕗᑦ ᐅᓪᓗᐃᑦ 14ᖓᓐᓂ ᑕᖅᑭᒥ ᐊᑖᕆᒥ ᑕᕝᕙᓂᓗ ᑐᖁᑦᓯᒃᑲᓐᓂᓚᐅᕐᐳᑦ ᐊᖑᑎᓂᒃ 300ᓂᒃ ᓄᓇᒥ ᓲᓴᒥ; ᑐᖁᑕᖏᑕᓕ ᐱᖁᑎᖏᓐᓂᒃ ᑎᒍᓯᔪᖃᓚᐅᓐᖏᓚᖅ.

ᐃᔅᑕᐅᑉ ᐊᒡᓚᖏᑦ 9:17

ᑕᒪᓐᓇ ᐊᑐᓚᐅᕐᐳᖅ ᐅᓪᓗᖅ 13ᖑᑎᓪᓗᒍ ᑕᖅᑭᒥ ᐊᑖᕆᒥ, ᖃᐅᑎᓪᓗᒍᓕ ᐅᓪᓗᖅ 14ᖑᓕᕐᑎᓪᓗᒍ ᑕᕾᕐᓯᓕᕐᐳᑦ ᐅᓪᓗᒥᓗ ᑕᕝᕙᓂ ᓂᕆᕕᒃᔪᐊᖃᑎᒌᓕᕐᐳᑦ ᖁᕕᐊᓱᖃᑎᒌᒡᓗᑎᒡᓗ.

ᐃᔅᑕᐅᑉ ᐊᒡᓚᖏᑦ 9:19

ᑍᒤᒻᒪᑦ ᔫᑎᑦ ᓄᓇᓕᖕᓃᑦᑐᑦ ᒥᑭᓐᓂᕐᓴᓂ, ᓄᓇᖃᕐᑐᑦ ᐊᕙᓗᕐᔪᐊᖃᖏᑦᑐᓂ, ᐅᓪᓗᖅ 14ᖑᓕᕐᒪᑦ ᑕᖅᑭᒥ ᐊᑖᕆᒥ ᖁᕕᐊᓱᖃᑎᒌᓚᐅᕐᐳᑦ ᓂᕆᕕᒡᔪᐊᕐᓗᑎᒡᓗ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ, ᐃᒻᒥᖕᓄᓪᓗ ᐊᑐᓂᑦ ᓂᕿᑦᓯᐊᕙᖁᑎᒥᖕᓂᒃ ᐂᑦᑑᑎᖃᑦᑕᐅᑎᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 9:21

ᐅᖃᐅᑎᓚᐅᕐᐰᑦ ᓇᓗᓁᕐᓯᖁᓪᓗᒋᑦ ᓇᓪᓕᐅᓐᓂᕐᓯᐅᕐᕕᐅᖃᑦᑕᕐᓂᐊᕐᑑᖕᓂᒃ ᐊᕐᕌᒍᑕᒫᑦ ᐅᓪᓘᒃ ᒪᕐᕉᒃ 14ᓗ 15ᓗ ᑕᖅᑭᒥ ᐊᑖᕆᒥ,

ᓴᑲᕅᐊᐅᑉ ᐊᒡᓚᖏᑦ 1:1

ᑍᕉᓯ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᕐᕌᒎᖕᓂᒃ ᒪᕐᕉᖕᓂᒃ, ᑕᖅᑭᓂᒡᓗ ᓯᑕᒪᐅᔪᕐᑐᓂᒃ, ᐊᑕᓂᖅ ᐅᖃᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᓴᑲᕅᐊᒃᑯᑦ ᐱᕆᑬᐊᐅᑉ ᐃᕐᓂᖓᒍᑦ, ᐃᑑᑉ ᐃᕐᖑᑕᖓᒍᑦ, ᐅᖃᕐᓗᓂ,

ᓴᑲᕅᐊᐅᑉ ᐊᒡᓚᖏᑦ 1:16

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᕐᐳᖓ ᑕᕝᕙᓂ ᓄᓇᖃᕐᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᓂᐊᕐᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 4:9

“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.