ᐄᓱᕋᐅᑉ ᐊᒡᓚᖏᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᔫᑎᑦ ᓯᕗᓕᕐᑎᖏᑦ ᐱᕙᓪᓕᐊᒻᒪᕆᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᓴᓇᓪᓗᑎᒃ ᓇᓚᐅᑦᑍᑦᔪᑕᐅᓚᐅᕐᑐᓂᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᖕᓄᑦ ᕼᐊᒊᒧᑦ ᓴᑲᕅᐊᒧᓪᓗ ᐃᑑᑉ ᐃᕐᓂᖓᓄᑦ. ᐱᔭᕇᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᑎᓕᔭᐅᓚᐅᕐᓂᕐᒥᓂᒃ ᐃᓴᕆᐊᓕᒥᐅᑦ ᒎᑎᖓᓄᑦ, ᓮᕋᓯᐅᓪᓗ ᑎᓕᓯᓂᖓᒍᑦ, ᑍᕉᓯᐅᓪᓗ, ᐋᕐᑕᔮᒃᓯᐅᓪᓗ ᐊᖓᔪᖅᑳᕐᔪᐊᑉ ᐴᕐᓯᐊᒥ.

ᐄᓱᕋᐅᑉ ᐊᒡᓚᖏᑦ 6:14 Iomraidhean Croise

ᐄᓱᕋᐅᑉ ᐊᒡᓚᖏᑦ 3:8

ᑕᖅᑭᐅᑉ ᐂᑉᐸᖓᓂ ᐊᕐᕌᒎᑉ ᓯᕗᓪᓕᕐᐹᖓᓂ ᐅᑎᓚᐅᕐᑎᓪᓗᒋᑦ ᑐᒃᓯᐊᕐᕕᖕᒧᑦ ᔨᕉᓴᓕᒧᑦ, ᐱᓇᓱᐊᕆᐊᓯᓚᐅᕐᐳᑦ, ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔩᓱᐊᓗ ᔫᔭᑕᐅᑉ ᐃᕐᓂᖓ, ᐊᓯᓕᒫᖏᓪᓗ ᓄᓇᖅᑲᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ, ᐊᓯᓕᒫᖏᓪᓗ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᔨᕉᓴᓕᒧᑦ, ᐃᑲᔪᕐᑎᒌᒃᓗᑎᒃ ᐱᓇᓱᐊᓕᓚᐅᕐᐳᑦ, ᓕᕔᑎᓕᒫᑦ ᐊᕐᕌᒍᓖᑦ 20ᓂᒃ ᐅᖓᑖᓂᓗ ᑲᒪᔨᐅᑎᑕᐅᓚᐅᕐᐳᑦ ᑐᒃᓯᐊᕐᕕᖕᒥᒃ ᓴᓇᒋᐊᓕᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 4:24

ᑕᕝᕙ ᑐᒃᓯᐊᕐᕕᐅᑉ ᔨᕉᓴᓕᒦᑦᑑᑉ ᓴᓇᔭᐅᓂᖓ ᓄᖅᑲᕐᑎᑕᐅᓚᐅᕐᐳᖅ, ᐱᒋᐊᕐᑕᐅᒃᑲᓐᓂᓚᐅᓐᖏᓚᕐᓗ ᐊᖓᔪᖅᑳᕐᔪᐊᑉ ᑍᕉᓯᐅᑉ ᐊᖓᔪᖅᑳᖑᓂᖓᑕ ᐊᕐᕌᒍᑉ ᐂᑉᐸᕆᓕᕐᑕᖓᓄᑦ ᑎᑭᓪᓗᒍ.

ᐄᓱᕋᐅᑉ ᐊᒡᓚᖏᑦ 4:3

ᔨᕈᐸᐱᐅᓕ ᔩᓱᐊᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᐅᖃᐅᑦᔨᓚᐅᕐᐳᑦ ᑖᒃᑯᓂᖓ, “ᐃᑲᔪᕐᑕᐅᔪᒪᓐᖏᓚᒍᑦ ᐃᓕᑦᓯᓐᓄᑦ ᑐᒃᓯᐊᕐᕕᓕᐅᕐᑎᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ. ᓇᖕᒥᓂᖅ ᓴᓇᓂᐊᕐᐸᕗᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐴᕐᓯᐊᒥᐅᑕᐅᑉ ᑍᒫᒃ ᑎᓕᓚᐅᕐᒪᑎᒍᑦ.”

ᐄᓱᕋᐅᑉ ᐊᒡᓚᖏᑦ 5:1

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᒪᕐᕉᒃ, ᕼᐊᒊ ᐊᒻᒪ ᓴᑲᕅᐊ ᐃᑑᑉ ᐃᕐᓂᖓ, ᐅᖃᓪᓚᓯᓚᐅᕐᐴᒃ ᐃᓴᕆᐊᓕᒥᐅᑦ ᒎᑎᖓᑕ ᐊᑎᖓᓂᒃ ᔫᑎᓄᑦ ᓄᓇᖃᕐᑐᓄᑦ ᔫᑕᒥ ᔨᕉᓴᓕᒥᓗ.

ᐄᓱᕋᐅᑉ ᐊᒡᓚᖏᑦ 5:13

ᐊᖓᔪᖅᑳᕐᔪᐊᖅ ᓮᕋᓯ ᐊᕐᕌᒍᒥ ᓯᕗᓪᓕᕐᐹᒥ ᐊᐅᓚᑦᓯᔨᐅᑎᓪᓗᒍ ᐹᐱᓘᓂᒥ, ᓮᕋᓯ ᑎᓕᓯᓚᐅᕐᐳᖅ ᑐᒃᓯᐊᕐᕕᒡᔪᐊᖅ ᐋᖅᑭᒋᐊᕐᑕᐅᖁᓪᓗᒍ.

ᐄᓱᕋᐅᑉ ᐊᒡᓚᖏᑦ 5:2

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ ᔩᓱᐊᓗ ᔫᔭᑕᐅᑉ ᐃᕐᓂᖓ ᐅᖃᐅᓯᕐᓂᒃ ᑐᓴᕋᒥᒃ, ᑐᒃᓯᐊᕐᕕᖕᒥᒃ ᓴᓇᒋᐊᓪᓚᓯᓚᐅᕐᐳᑦ ᔨᕉᓴᓕᒦᑦᑐᒥᒃ, ᑖᒃᑯᐊᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᐃᑲᔪᓚᐅᕐᐴᒃ.

ᐄᓱᕋᐅᑉ ᐊᒡᓚᖏᑦ 6:3

“ᐊᖓᔪᖅᑳᕐᔪᐊᖅ ᓮᕋᓯ ᐊᐅᓚᑦᓯᔨᐅᑎᓪᓗᒍ ᐊᕐᕌᒍᒥ ᓯᕗᓪᓕᕐᐹᒥ ᑎᓕᓯᓚᐅᕐᓯᒪᕗᖅ ᑐᒃᓯᐊᕐᕕᒡᔪᐊᖅ ᔨᕉᓴᓕᒦᑦᑐᖅ ᓴᓇᒋᐊᕐᑕᐅᖁᓪᓗᒍ, ᑐᓂᕐᕈᓯᕐᕕᐅᖃᑦᑕᕐᑐᕐᓗ ᐃᓂᒋᕙᒃᑕᖓᑕ ᑐᓐᖓᕕᖓ ᐋᖅᑭᒃᑕᐅᓗᓂ, ᑐᒃᓯᐊᕐᕕᒡᔪᐊᖅ ᐳᕐᑐᓂᖃᕆᐊᖃᕐᐳᖅ 90ᓂᒃ ᐃᑎᒐᖕᓂᒃ ᓴᓂᒧᓪᓗ ᐃᑎᒐᖕᓂᒃ 90ᓂᒃ,

ᐄᓱᕋᐅᑉ ᐊᒡᓚᖏᑦ 6:8

ᓱᓕᓗ ᑎᓕᓕᕐᐸᑦᓯ ᐃᒤᓕᐅᖁᓪᓗᓯ ᔫᑎᓄᑦ ᓯᕗᓕᕐᑎᐅᔪᓂᒃ ᐃᑲᔪᖁᓪᓗᓯ ᑐᒃᓯᐊᕐᕕᒡᔪᐊᒥ ᓴᓇᔪᓂᒃ: ᐊᑭᓕᕆᐊᓕᖏᓪᓗ ᐊᑭᓕᕐᑕᐅᑦᓴᐅᑎᒋᔭᕆᐊᖃᕐᐳᑦ ᐊᖓᔪᖅᑳᕐᔪᐊᑉ ᑮᓇᐅᔭᖁᑎᖏᓐᓂᑦ ᑖᒃᓯᔭᕐᓂᒃᑯᒃ ᑐᓂᔭᐅᕙᒃᑐᓂᑦ ᐃᐅᐸᕅᑎᐅᑉ ᓴᐅᒥᖔᖓᓂᒥᐅᓂᑦ; ᑖᒃᑯᐊ ᐃᓄᖕᓄᑦ ᓴᓇᔪᓄᑦ ᑐᓂᔭᐅᑦᔭᐅᑎᒋᔭᕆᐊᖃᕐᐳᑦ, ᐱᓇᓱᐊᕐᑐᑦ ᐊᒡᕕᐊᕐᑕᐅᖁᓇᒋᑦ.

ᐄᓱᕋᐅᑉ ᐊᒡᓚᖏᑦ 7:1

ᑕᒪᒃᑯᐊ ᐊᓂᒍᕐᓯᒪᓕᕐᑎᓪᓗᒋᑦ, ᐋᕐᑕᔮᒃᓯ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᐊᖑᑎᑕᖃᓚᐅᕐᐳᖅ ᐄᓱᕋᒥᒃ ᐊᑎᓕᖕᒥᒃ, ᓯᕗᓕᕕᓂᕐᒥᓂᒃ ᖃᐅᔨᓴᕋᒥ ᐂᕋᓐᒧᑦ ᑎᑭᐅᒪᔪᓂᒃ ᖃᐅᔨᓚᐅᕐᐳᖅ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᒋᓚᐅᕐᑕᖓᓄᑦ, ᐃᒤᓕᖓᓚᐅᕐᐳᑦ: ᐄᓱᕋ ᐃᕐᓂᕆᔭᐅᓚᐅᕐᐳᖅ ᓯᕅᐊᒧᑦ, ᓯᕅᐊ ᐃᕐᓂᕆᔭᐅᓪᓗᓂ ᐊᔭᕅᐊᒧᑦ, ᐊᔭᕅᐊ ᐃᕐᓂᕆᔭᐅᓪᓗᓂ ᕼᐃᓪᑬᐊᒧᑦ,

ᐄᓱᕋᐅᑉ ᐊᒡᓚᖏᑦ 9:9

ᓯᐊᓛᖑᓚᐅᕐᐳᒍᑦ, ᑭᓯᐊᓂᓕ ᓯᐊᓛᖑᑏᓐᓇᓚᐅᓐᖏᓚᑦᑎᒍᑦ ᐴᕐᓯᐊᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᕙᑦᑎᓐᓂᒃ ᐱᐅᒃᓴᕐᑎᓚᐅᕐᐸᑎᑦ ᐱᔪᓐᓇᕐᑎᑕᐅᓚᐅᕐᐳᒍᓪᓗ ᐃᓅᖏᓐᓇᕐᓗᑕ ᑐᒃᓯᐊᕐᕕᒡᔪᐊᖅ ᐋᖅᑭᒋᐊᕈᓐᓇᕐᓗᒍ, ᓯᖁᒥᓯᒪᓚᐅᕐᑐᖅ ᑲᑉᐱᐊᓇᖏᑦᑐᒦᑦᓱᓐᓇᕐᓗᑕᓗ ᑕᒫᓂ ᔫᑎᐊᒥ ᔨᕉᓴᓕᒥᓗ.

ᓂᕼᐃᒤᐊᐅᑉ ᐊᒡᓚᖏᑦ 6:15

ᐅᓪᓗᓂᒃ 52ᓂᒃ ᐱᓇᓱᐊᕐᑕᐅᔪᑦ ᐊᕙᓗᕐᔪᐊᖅ ᐱᔭᕇᕐᑕᐅᓚᐅᕐᐳᖅ ᐃᓘᓐᓇᓕᒫᖓ, ᐱᔭᕇᓚᐅᕐᐳᖅ ᐅᓪᓘᑉ 25ᖓᓐᓂ ᐃᓘᑉ ᑕᖅᑭᖓᓂ.

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᕼᐊᒊᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᖅ ᑍᕉᓯ ᐴᕐᓯᐊᒥᐅᑕᖅ ᐊᐅᓚᑦᓯᓕᕐᑎᓪᓗᒍ, ᐊᕐᕌᒎᑉ ᐂᑉᐸᖓᓂ ᑕᖅᑮᑦ ᐱᖓᓲᔪᕐᑐᖓᓐᓂ, ᑕᖅᑭᐅᑉ ᐱᒋᐊᕐᓂᖓᑕ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᑕᓂᐅᑉ ᐅᖃᐅᓯᖓ ᐅᖃᕐᑎᖓᒍᑦ ᕼᐊᒊᒃᑰᕐᐳᖅ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᔨᓰᑦ ᐊᖓᔪᖅᑳᖓᓐᓄᑦ.

ᕼᐊᒊᑉ ᐊᒡᓚᖏᑦ 1:8

ᖃᖅᑲᒧᐊᓕᕆᑦᓯ ᐂᒃᓯᕐᓗᓯ ᕿᔪᖕᓂᒃ ᑐᒃᓯᐊᕐᕕᒡᔪᐊᕐᓗ ᓴᓇᔭᕐᑐᓕᕐᓯᐅᒃ, ᖁᕕᐊᒋᓕᕐᓂᐊᕋᒃᑯ ᐱᓐᓇᕐᓇᕐᓗᖓᓗ ᓴᖅᑭᓐᓂᐊᕋᒪ.’ ᐊᑕᓂᖅ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 1:1

ᑍᕉᓯ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᕐᕌᒎᖕᓂᒃ ᒪᕐᕉᖕᓂᒃ, ᑕᖅᑭᓂᒡᓗ ᓯᑕᒪᐅᔪᕐᑐᓂᒃ, ᐊᑕᓂᖅ ᐅᖃᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᓴᑲᕅᐊᒃᑯᑦ ᐱᕆᑬᐊᐅᑉ ᐃᕐᓂᖓᒍᑦ, ᐃᑑᑉ ᐃᕐᖑᑕᖓᒍᑦ, ᐅᖃᕐᓗᓂ,

ᓴᑲᕅᐊᐅᑉ ᐊᒡᓚᖏᑦ 1:16

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᕐᐳᖓ ᑕᕝᕙᓂ ᓄᓇᖃᕐᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᓂᐊᕐᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 4:9

“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 8:9

ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: “ᐃᓕᑦᓯ ᒫᓐᓇ ᐅᖃᐅᓯᕐᓂᒃ ᑐᓴᕐᑐᓯ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᑦ ᐅᖃᐅᓯᐅᕙᓚᐅᕐᑐᑦ ᐊᑦᔨᖏᓐᓂᒃ ᐊᑕᓂᐅᑉ ᐃᒡᓗᖓᑕ ᑐᓐᖓᕕᖏᑦ ᓴᓇᔭᐅᕙᓪᓕᐊᑦᔪᑎᒃᓴᖏᓐᓄᑦ, ᐊᒡᒐᓯ ᓴᓐᖏᔫᑦᓯᐊᕐᓕᑦ ᑐᒃᓯᐊᕐᕕᒡᔪᐊᖅ ᓴᓇᔭᐅᔪᓐᓇᖁᓪᓗᒍ.