ᐄᓱᕋᐅᑉ ᐊᒡᓚᖏᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑍᒤᒻᒪᑦ ᐊᖓᔪᖅᑳᕐᔪᐊᖅ ᑍᕉᓯ ᑎᓕᓯᓚᐅᕐᐳᖅ ᕿᓂᖁᔨᓪᓗᓂ ᑎᑎᕋᕐᓯᒪᔪᓂᒃ ᐹᐱᓘᓂᒦᑦᑐᓂᒃ.

ᐄᓱᕋᐅᑉ ᐊᒡᓚᖏᑦ 6:1 Iomraidhean Croise

ᐄᓱᕋᐅᑉ ᐊᒡᓚᖏᑦ 4:15

ᑎᓕᓯᖁᓪᓗᑎᑦ ᕿᓂᕐᓂᐊᕐᑐᓂᒃ ᓯᕗᓕᕕᓂᑦᓯ ᑎᑎᕋᕐᓯᒪᔭᖏᓐᓂᒃ ᐊᒡᓚᒃᓯᒪᔪᓂ. ᖃᐅᔨᓴᕈᕕᑦ ᐊᒡᓚᖕᓂ ᖃᐅᔨᓂᐊᕐᐳᑎᑦ ᑖᒃᑯᐊ ᐃᒡᓗᒐᓮᑦ ᑍᒪᓐᖓᑦ ᐊᑭᕋᕐᑐᖃᑦᑕᕐᓯᒪᖕᒪᑕ ᐊᒻᒪᓗ ᑍᒪᓐᖓᓂᐊᓗᒃ ᐅᖁᒤᒃᓴᕐᑎᑦᓯᖃᑦᑕᕐᓯᒪᖕᒪᑕ ᐊᖓᔪᖅᑳᕐᔪᐊᓂᒃ ᐊᐅᓚᑦᓯᔨᓂᒡᓗ ᓄᓇᓕᖕᓂ ᐊᕕᒃᑐᕐᓯᒪᔪᓂ. ᐃᓄᖏᓪᓗ ᑍᒪᓐᖓᑦ ᐊᐅᓚᑕᕐᓂᖏᑦᑑᖃᑦᑕᕐᓯᒪᖕᒪᑕ. ᑍᒤᓐᓂᖏᓐᓄᑦ ᑕᕝᕙ ᐃᒡᓗᒐᓴᖁᑎᖏᑦ ᐊᓯᕈᕐᑕᐅᓚᐅᕐᓯᒪᕗᖅ.

ᐄᓱᕋᐅᑉ ᐊᒡᓚᖏᑦ 4:19

ᑎᓕᓯᓚᐅᕐᐳᖓᓗ ᖃᐅᔨᓴᕐᑐᒃᓴᓂᒃ, ᖃᐅᔨᔭᐅᓚᐅᕐᐳᕐᓗ ᑍᒪᓐᖓᓂᐊᓗᒃ ᔨᕉᓴᓕᒥᐅᑦ ᐊᑭᕋᕐᑐᖃᑦᑕᕐᓯᒪᖕᒪᑕ ᐊᖓᔪᖅᑳᕐᔪᐊᓂᒃ, ᐊᑭᕋᕐᑑᑎᓂᒡᓗ ᐃᓱᐃᓪᓕᐅᕈᑎᓂᕐᓂᒡᓗ ᐱᑕᖃᖃᑦᑕᕐᓯᒪᖕᒪᑕ.

ᐄᓱᕋᐅᑉ ᐊᒡᓚᖏᑦ 5:17

ᒫᓐᓇᓕ ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᕿᓂᕐᑎᑦᓯᓚᐅᕆᑦ ᐹᐱᓘᓂᐅᑉ ᑎᑎᕋᖁᑎᖏᓐᓂ ᐊᖓᔪᖅᑳᕐᔪᐊᖅ ᓮᕋᓯ ᑎᓕᓯᓐᓂᕐᒪᖔᑦ ᑐᒃᓯᐊᕐᕕᒡᔪᐊᖅ ᔨᕉᓴᓕᒦᑦᑐᖅ ᐋᖅᑭᒋᐊᕐᑕᐅᖁᓪᓗᒍ, ᖃᐅᔨᑎᓐᓂᐊᕐᐸᑦᑎᒍᓪᓗ ᖃᓄᐃᓕᐅᖁᔨᒻᒪᖔᕐᐱᑦ ᑕᒪᓐᓇ ᐱᓪᓗᒍ.”

ᐄᓱᕋᐅᑉ ᐊᒡᓚᖏᑦ 6:22

ᓇᓪᓕᐅᓐᓂᕐᓯᐅᓚᐅᕐᐳᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᑰᔭᓂᒃ ᓇᓪᓕᐅᓐᓂᕐᓯᐅᕈᑎᒥᒃ ᐅᓪᓗᓂᒃ 7ᓂᒃ ᖁᕕᐊᓱᒡᓗᑎᒃ; ᐊᖓᔪᖅᑳᕐᔪᐊᖅ ᐊᓯᕆᐊᒥᐅᑕᖅ ᐊᑕᓂᐅᑉ ᐱᐅᒃᓴᕐᑎᓚᐅᕐᒪᒍ ᑖᒃᑯᓂᖓ, ᑖᑦᓱᒪ ᐃᑲᔪᕐᑐᓚᐅᕐᒪᒋᑦ ᐱᓇᓱᐊᕐᑎᓪᓗᒋᑦ ᐃᓴᕆᐊᓕᒥᐅᑦ ᒎᑎᖓᑕ ᑐᒃᓯᐊᕐᕕᒡᔪᐊᖓᓂᒃ ᓴᓇᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 7:13

ᐅᕙᖓ ᐱᖁᔨᕗᖓ ᐊᐅᓚᑕᓕᒫᓐᓂ ᐃᓴᕆᐊᓕᒥᐅᑦ ᐃᓄᖏᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᒪᓕᒍᒪᔪᓕᒫᑦ ᐃᓕᖕᓂᒃ ᒪᓕᒍᓐᓇᕐᑎᑉᐸᒃᑲ ᔨᕉᓴᓕᒧᑦ.

ᔫᐱᐅᑉ ᐊᒡᓚᖏᑦ 29:16

ᐊᒃᓱᔪᓄᑦ ᐊᑖᑕᒋᔭᐅᓚᐅᕐᐳᖓ, ᖃᐅᔨᒪᓐᖏᑕᓐᓂᒃ ᓈᒻᒪᓐᖏᓕᐅᕐᑐᖃᓕᕐᑎᓪᓗᒍ ᖃᐅᔨᓴᕈᑦᔨᕙᓚᐅᕐᐳᖓ.

ᐃᓐᖏᕈᑎᑦ 40:7

ᐅᖃᓚᐅᕐᐳᖓᓕ, ᑕᑯᒋᑦ ᕾᕗᖓ; ᐊᒡᓚᖕᓂ ᐃᒧᓯᒪᔪᓂ ᑎᑎᕋᐅᓯᐅᓯᒪᕗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:2

ᒎᑎᐅᑉ ᐱᓐᓇᕐᓇᕐᓂᕐᔪᐊᕆᕚ ᓱᓇᑐᐃᓐᓇᖅ ᐃᔨᕐᓯᒪᓗᒍ, ᐊᖓᔪᖅᑳᕐᔪᐊᓪᓕ ᐱᓐᓇᕐᓇᕐᓂᕆᕚ ᓱᓇᑐᐃᓐᓇᖅ ᕿᓂᕐᓗᒍ ᓇᓂᓗᒍᓗ.

ᔨᕆᒤᐊᐅᑉ ᐊᒡᓚᖏᑦ 36:29

ᔨᕼᐅᐃᐊᑭᒻᓗ ᔫᑕᐅᑉ ᐊᖓᔪᖅᑳᕐᔪᐊᖓ ᐅᖃᐅᑎᓗᒍ, ᐃᒫᒃ ᐊᑕᓂᖅ ᐅᖃᕐᐳᖅ, ᐊᒡᓔᑦ ᐃᒧᑦᑕᕐᑐᑦ ᐃᑯᐊᓪᓚᓕᕋᕕᒋᑦ ᐅᖃᓚᐅᕋᕕᑦ, ‘ᖃᓄᐃᒻᒪᑦ ᑎᑎᕋᐅᓯᖃᕐᐱᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᕗᑦ ᐊᓯᕈᕐᑕᐅᔪᒫᕐᓂᕋᕐᓗᒍ ᐃᓄᐃᕈᑦᔭᐅᓗᓂ ᐆᒪᔪᖃᕈᓐᓃᕈᒫᕐᓂᕋᕐᓗᒍ?’

ᔨᕆᒤᐊᐅᑉ ᐊᒡᓚᖏᑦ 36:32

ᑕᒪᓐᓇ ᐱᓪᓗᒍ ᔨᕆᒤᐊ ᑎᑎᕋᕐᕕᒃᓴᒥᒃ ᐃᒧᑦᑕᕐᑐᒥᒃ ᐱᓪᓗᓂ ᐸᕉᒃᒧᑦ ᑎᑎᕋᕐᑎᒧᑦ ᓂᕅᐊᐅᑉ ᐃᕐᓂᖓᓄᑦ ᑐᓂᕔᑦ, ᔨᕆᒤᐊ ᐅᖃᕐᐸᓪᓕᐊᑎᓪᓗᒍ ᐸᕉᒃ ᑎᑎᕋᕐᐸᓪᓕᐊᓕᕐᐳᖅ ᓯᕗᓪᓕᕐᒦᓚᐅᕐᑐᑦ ᐅᖃᐅᓯᕐᑕᖏᑕ ᐊᑦᔨᖏᓐᓂᒃ, ᔨᕼᐅᐃᐊᑭᐅᑉ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᓚᐅᕐᑕᖏᑦ ᐃᓚᒃᑲᓐᓂᕐᓗᒋᑦ ᑍᒫᑦᓮᓐᓇᑲᓵᒃ ᐅᖃᐅᓯᖃᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 2:9

ᑕᑯᓴᕋᒪ, ᑕᑯᒋᑦ ᐊᒡᒐᓂᒃ ᑕᑯᓕᕐᐳᖓ ᐅᕙᓐᓄᑦ ᑐᓂᒻᒥᔪᓂᒃ, ᑎᒍᒥᐊᕐᓗᑎᒃ ᐊᒡᓚᖕᓂᒃ ᐃᒧᓯᒪᔪᓂᒃ;

ᐃᓯᑭᐊᓕᐅᑉ ᐊᒡᓚᖏᑦ 3:1

ᒎᑎ ᐅᕙᓐᓄᑦ ᐅᖃᕐᐳᖅ, “ᐃᓅᑉ ᐃᕐᓂᖓ, ᓂᕆᒋᑦ ᐃᓕᖕᓄᑦ ᑐᓂᔭᐅᔪᓂᒃ; ᐊᒡᓔᑦ ᑖᒃᑯᐊ ᐃᒧᓯᒪᔪᑦ ᓂᕆᒃᑭᑦ, ᐂᓕᕆᑦ, ᐃᓴᕆᐊᓕᐅᑉ ᑭᖑᕚᖏᑦ ᐅᖃᓪᓚᒡᕕᒋᔭᕐᑐᕐᓗᒋᑦ.”

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:1

ᑕᑯᕗᖓᓗ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᑑᑉ ᑕᓕᕐᐱᖕᒥᓄᑦ ᑎᒍᒥᐊᕐᑕᖏᓐᓂᒃ ᐊᒡᓚᖕᓂᒃ ᐃᒧᓯᒪᔪᓂᒃ ᐃᒡᓗᒃᑐᑦ ᑎᑎᕋᕐᕕᒋᓯᒪᔪᓂᒃ, ᑖᒃᑯᐊ 7ᓂᒃ ᓇᕿᑦᔪᓯᕐᓯᒪᕗᑦ;