ᐄᓱᕋᐅᑉ ᐊᒡᓚᖏᑦ 5:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᒤᒻᒪᑦ ᓯᓯᐸᔮᕐ ᐂᓚᐅᕐᐳᖅ ᑐᒃᓯᐊᕐᕕᒡᔪᐊᓪᓗ ᑐᓐᖓᕕᖓᓂᒃ ᐋᖅᑮᓪᓗᓂ ᔨᕉᓴᓕᒦᑦᑐᒥ; ᐱᓇᓱᐊᕐᑕᐅᓂᖓ ᑲᔪᓰᓐᓇᕋᓗᐊᕐᐳᖅ ᑍᑲᓐᖓᓂᑦ ᐅᓪᓗᒥᒧᑦ, ᑭᓯᐊᓂᓕ ᓱᓕ ᐱᔭᕇᓐᖏᓚᖅ.’

ᐄᓱᕋᐅᑉ ᐊᒡᓚᖏᑦ 5:16 Iomraidhean Croise

ᐄᓱᕋᐅᑉ ᐊᒡᓚᖏᑦ 3:10

ᐃᖅᑲᓁᔭᕐᑏᑦ ᑐᓐᖓᕕᓕᐅᓕᕐᑎᓪᓗᒋᑦ ᑐᒃᓯᐊᕐᕕᖕᒥᒃ, ᑐᓂᕐᕈᓯᕐᑎᑦᓯᔩᑦ ᐊᓐᓄᕌᕐᓯᒪᓪᓗᑎᒃ ᐃᓂᒥᓄᐊᓚᐅᕐᐳᑦ ᑎᑦᑐᓚᐅᓯᔭᕐᓱᑎᒃ, ᓕᕔᑏᓪᓗ ᐊᓴᐸᐅᑉ ᐃᕐᓂᖏᑦ ᓂᑯᕕᖓᓚᐅᕐᐳᑦ ᓯᕙᓂᐅᑎᓕᔭᕐᓱᑎᒃ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᒪᓕᒃᓱᑎᒃ ᐊᑐᕐᑕᐅᖁᔭᐅᓯᒪᔪᓂᒃ ᑍᕕᑎᒧᑦ ᐊᖓᔪᖅᑳᕐᔪᐊᕐᒧᑦ.

ᐄᓱᕋᐅᑉ ᐊᒡᓚᖏᑦ 3:8

ᑕᖅᑭᐅᑉ ᐂᑉᐸᖓᓂ ᐊᕐᕌᒎᑉ ᓯᕗᓪᓕᕐᐹᖓᓂ ᐅᑎᓚᐅᕐᑎᓪᓗᒋᑦ ᑐᒃᓯᐊᕐᕕᖕᒧᑦ ᔨᕉᓴᓕᒧᑦ, ᐱᓇᓱᐊᕆᐊᓯᓚᐅᕐᐳᑦ, ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔩᓱᐊᓗ ᔫᔭᑕᐅᑉ ᐃᕐᓂᖓ, ᐊᓯᓕᒫᖏᓪᓗ ᓄᓇᖅᑲᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ, ᐊᓯᓕᒫᖏᓪᓗ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᔨᕉᓴᓕᒧᑦ, ᐃᑲᔪᕐᑎᒌᒃᓗᑎᒃ ᐱᓇᓱᐊᓕᓚᐅᕐᐳᑦ, ᓕᕔᑎᓕᒫᑦ ᐊᕐᕌᒍᓖᑦ 20ᓂᒃ ᐅᖓᑖᓂᓗ ᑲᒪᔨᐅᑎᑕᐅᓚᐅᕐᐳᑦ ᑐᒃᓯᐊᕐᕕᖕᒥᒃ ᓴᓇᒋᐊᓕᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 5:14

ᐅᑎᕐᑎᓚᐅᕐᐰᓪᓗ ᒎᓗᐃᑦ ᓯᐅᓪᕕᕇᓪᓗ ᑐᒃᓯᐊᕐᕕᐅᑉ ᓱᓇᑐᐃᓐᓇᖁᑎᖏᑦ ᑖᑦᓱᒪ ᓂᐱᑯᓁᓴᐅᑉ ᑎᒍᓚᐅᕐᑕᖏᑦ ᔨᕉᓴᓕᒥᑦ ᑐᒃᓯᐊᕐᕕᖕᒧᐊᕈᑎᓪᓗᒋᓪᓗ ᐹᐱᓘᓂᒦᑦᑐᒧᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐅᑎᕐᑎᓚᐅᕐᐰᑦ ᐊᖑᒻᒧᑦ ᓯᓯᐸᔮᕐᒧᑦ, ᑎᓕᓚᐅᕐᑕᒥᓄᑦ ᐊᐅᓚᑦᓯᔨᐅᖁᓪᓗᒍ ᔫᑎᐊᒥ.

ᐄᓱᕋᐅᑉ ᐊᒡᓚᖏᑦ 5:15

ᐊᖓᔪᖅᑳᕐᔪᐊᑉ ᐅᖃᐅᑎᓚᐅᕐᒪᒍ, “ᑖᒃᑯᐊ ᐅᑎᕐᑎᓐᓂᐊᕐᐸᑎᑦ ᑐᒃᓯᐊᕐᕕᒡᔪᐊᒧᑦ ᔨᕉᓴᓕᒦᑦᑐᒧᑦ, ᑐᒃᓯᐊᕐᕕᒡᔪᐊᕐᓗ ᓴᓇᔭᐅᒋᐊᓪᓚᖁᓪᓗᒍ ᐃᓂᑐᖃᕆᓚᐅᕐᑕᖓᓂ.”

ᐄᓱᕋᐅᑉ ᐊᒡᓚᖏᑦ 5:2

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ ᔩᓱᐊᓗ ᔫᔭᑕᐅᑉ ᐃᕐᓂᖓ ᐅᖃᐅᓯᕐᓂᒃ ᑐᓴᕋᒥᒃ, ᑐᒃᓯᐊᕐᕕᖕᒥᒃ ᓴᓇᒋᐊᓪᓚᓯᓚᐅᕐᐳᑦ ᔨᕉᓴᓕᒦᑦᑐᒥᒃ, ᑖᒃᑯᐊᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᐃᑲᔪᓚᐅᕐᐴᒃ.

ᐄᓱᕋᐅᑉ ᐊᒡᓚᖏᑦ 6:15

ᐱᔭᕇᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᐊᑖᑉ ᑕᖅᑭᐅᑉ ᐅᓪᓗᖓᑕ ᐱᖓᔪᐊᓐᓂ, ᐊᖓᔪᖅᑳᕐᔪᐊᑉ ᑍᕉᓯᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖓᑕ ᐱᖓᓲᔪᕐᑐᖓᓂ.

ᕼᐊᒊᑉ ᐊᒡᓚᖏᑦ 2:18

ᒫᓐᓇ ᐃᓱᒪᒃᓴᕐᓯᐅᓕᕆᑦᓯ ᐅᓪᓗᒥᒥᑦ ᐱᒋᐊᕐᓗᒍ, ᐅᓪᓘᑉ 24ᖓᓂ ᑕᖅᑭᐅᑉ 9ᖓᓂ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᑕ ᑐᓐᖓᕕᓕᕐᑕᐅᓕᕐᓂᖓᓂᑦ ᐱᒋᐊᕐᓗᒍ ᐃᓱᒪᒃᓴᕐᓯᐅᓕᕆᑦᓯ:

ᓴᑲᕅᐊᐅᑉ ᐊᒡᓚᖏᑦ 4:10

“ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.” ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”

ᓴᑲᕅᐊᐅᑉ ᐊᒡᓚᖏᑦ 4:9

“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 2:20

ᑕᕝᕙ ᔫᑎᑦ ᐅᖃᕐᐳᑦ, “ᐅᓈ ᑐᒃᓯᐊᕐᕕᒡᔪᐊᖅ ᓴᓇᔭᐅᓯᒪᔪᖅ ᐊᕐᕌᒍᓂᒃ 46ᓂᒃ, ᓇᑉᐸᕐᑎᑦᓱᓐᓇᕐᐱᐅᒃ ᐅᓪᓗᓂᒃ ᐱᖓᓱᓂᒃ?”