ᐄᓱᕋᐅᑉ ᐊᒡᓚᖏᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᑎᕐᑎᓚᐅᕐᐰᓪᓗ ᒎᓗᐃᑦ ᓯᐅᓪᕕᕇᓪᓗ ᑐᒃᓯᐊᕐᕕᐅᑉ ᓱᓇᑐᐃᓐᓇᖁᑎᖏᑦ ᑖᑦᓱᒪ ᓂᐱᑯᓁᓴᐅᑉ ᑎᒍᓚᐅᕐᑕᖏᑦ ᔨᕉᓴᓕᒥᑦ ᑐᒃᓯᐊᕐᕕᖕᒧᐊᕈᑎᓪᓗᒋᓪᓗ ᐹᐱᓘᓂᒦᑦᑐᒧᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐅᑎᕐᑎᓚᐅᕐᐰᑦ ᐊᖑᒻᒧᑦ ᓯᓯᐸᔮᕐᒧᑦ, ᑎᓕᓚᐅᕐᑕᒥᓄᑦ ᐊᐅᓚᑦᓯᔨᐅᖁᓪᓗᒍ ᔫᑎᐊᒥ.

ᐄᓱᕋᐅᑉ ᐊᒡᓚᖏᑦ 5:14 Iomraidhean Croise

ᑯᕉᓂᑲ ᐂᑉᐸᖏᑦ 36:18

ᒎᑎᐅᑉ ᐃᒡᓗᖓᓃᑦᑐᑦ ᐱᖁᑎᓕᒫᑦ, ᒥᑭᔪᑦ ᐊᖏᔪᓪᓗ, ᐊᑕᓂᐅᓪᓗ ᐃᒡᓗᖓᓂ ᑮᓇᐅᔭᖃᐅᑏᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑮᓇᐅᔭᖃᐅᑎᓕᒫᖏᑦ, ᐊᑕᖏᕐᓗᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.

ᑯᕉᓂᑲ ᐂᑉᐸᖏᑦ 36:7

ᓂᐱᑯᓁᓴᐅᓪᓗ ᐱᖁᑏᑦ ᐃᓚᖏᑦ ᐊᑕᓂᐅᑉ ᐃᒡᓗᖓᓃᑦᑐᑦ ᐹᐱᓘᓂᒧᑦ ᐊᐅᓪᓚᕈᑎᕔᑦ ᐃᓕᓪᓗᒋᓪᓗ ᐊᖓᔪᖅᑳᕐᔪᐊᒃᑯᕕᖕᒥᓄᑦ ᐹᐱᓘᓂᒦᑦᑐᒧᑦ.

ᐄᓱᕋᐅᑉ ᐊᒡᓚᖏᑦ 5:15

ᐊᖓᔪᖅᑳᕐᔪᐊᑉ ᐅᖃᐅᑎᓚᐅᕐᒪᒍ, “ᑖᒃᑯᐊ ᐅᑎᕐᑎᓐᓂᐊᕐᐸᑎᑦ ᑐᒃᓯᐊᕐᕕᒡᔪᐊᒧᑦ ᔨᕉᓴᓕᒦᑦᑐᒧᑦ, ᑐᒃᓯᐊᕐᕕᒡᔪᐊᕐᓗ ᓴᓇᔭᐅᒋᐊᓪᓚᖁᓪᓗᒍ ᐃᓂᑐᖃᕆᓚᐅᕐᑕᖓᓂ.”

ᐄᓱᕋᐅᑉ ᐊᒡᓚᖏᑦ 5:16

ᑍᒤᒻᒪᑦ ᓯᓯᐸᔮᕐ ᐂᓚᐅᕐᐳᖅ ᑐᒃᓯᐊᕐᕕᒡᔪᐊᓪᓗ ᑐᓐᖓᕕᖓᓂᒃ ᐋᖅᑮᓪᓗᓂ ᔨᕉᓴᓕᒦᑦᑐᒥ; ᐱᓇᓱᐊᕐᑕᐅᓂᖓ ᑲᔪᓰᓐᓇᕋᓗᐊᕐᐳᖅ ᑍᑲᓐᖓᓂᑦ ᐅᓪᓗᒥᒧᑦ, ᑭᓯᐊᓂᓕ ᓱᓕ ᐱᔭᕇᓐᖏᓚᖅ.’

ᐄᓱᕋᐅᑉ ᐊᒡᓚᖏᑦ 6:5

ᑍᒃᑯᐊᓗ ᒎᓗᐃᑦ ᓯᐅᓪᕕᕇᓪᓗ ᑐᒃᓯᐊᕐᕕᒡᔪᐊᑉ ᐱᖁᑎᖏᑦ, ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᐹᐱᓘᓂᒧᐊᕈᑎᓚᐅᕐᓯᒪᔭᖏᑦ ᑐᒃᓯᐊᕐᕕᒡᔪᐊᒥᑦ ᔨᕉᓴᓕᒦᑦᑐᒥᑦ, ᐅᑎᕐᑎᑕᐅᔪᒃᓴᐅᕗᑦ ᔨᕉᓴᓕᐅᑉ ᑐᒃᓯᐊᕐᕕᒡᔪᐊᖓᓄᑦ ᐃᓂᒋᒋᐊᓕᖏᓐᓄᐊᕐᑕᐅᓗᑎᒃ.”

ᐄᓱᕋᐅᑉ ᐊᒡᓚᖏᑦ 7:27

ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᔨᕆᒤᐊᐅᑉ ᐊᒡᓚᖏᑦ 52:19

ᐊᒻᒪᑦᑕᐅᖅ ᐅᓇᑕᕐᑏᑦ ᐊᖓᔪᖅᑳᒻᒪᕆᖓᑦᑕ ᑎᒍᓚᓚᐅᕆᕔᑦ, ᐅᐊᓴᕐᕖᑦ, ᐊᓪᓕᕅ, ᒪᒃᑲᐅᔧᑦ, ᖃᑦᑍᑦ, ᓇᓂᕈᐊᖃᕐᕖᑦ, ᖃᔪᓕᕆᑦᔪᑏᑦ, ᐃᒥᐅᑏᑦ, ᓱᓇᑐᐃᓐᓁᓪᓗ ᒎᓗᒥᑦ ᓯᐅᓪᕕᕆᒥᓪᓘᓐᓃᑦ ᓴᓇᔭᐅᓯᒪᔪᑦ.

ᕼᐊᒊᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᖅ ᑍᕉᓯ ᐴᕐᓯᐊᒥᐅᑕᖅ ᐊᐅᓚᑦᓯᓕᕐᑎᓪᓗᒍ, ᐊᕐᕌᒎᑉ ᐂᑉᐸᖓᓂ ᑕᖅᑮᑦ ᐱᖓᓲᔪᕐᑐᖓᓐᓂ, ᑕᖅᑭᐅᑉ ᐱᒋᐊᕐᓂᖓᑕ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᑕᓂᐅᑉ ᐅᖃᐅᓯᖓ ᐅᖃᕐᑎᖓᒍᑦ ᕼᐊᒊᒃᑰᕐᐳᖅ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᔨᓰᑦ ᐊᖓᔪᖅᑳᖓᓐᓄᑦ.

ᕼᐊᒊᑉ ᐊᒡᓚᖏᑦ 1:14

ᐊᑕᓂᐅᑉ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ, ᑖᓐᓇ ᐊᐅᓚᑦᓯᔨᐅᔪᖅ ᔫᑕᒥᐅᓄᑦ, ᔮᓱᐊᓪᓗ ᔨᕼᐅᔭᑕᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᓕᒫᑦ ᐊᓂᕐᓂᖏᑦ, ᑕᕝᕙ ᑲᑎᕗᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᒥᒃᑕ ᐃᒡᓗᖓᓂᒃ ᓴᓇᔭᕐᑐᓕᕐᓗᑎᒃ,

ᕼᐊᒊᑉ ᐊᒡᓚᖏᑦ 2:2

“ᐅᑯᐊ ᐅᖃᐅᓰᑦ ᐅᖃᐅᓯᕆᒃᑭᑦ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓄᑦ, ᐃᓄᖕᓄᓪᓗ ᐊᒥᐊᒃᑰᔪᓄᑦ ᐅᖃᐅᑎᓗᒋᓪᓗ:

ᕼᐊᒊᑉ ᐊᒡᓚᖏᑦ 2:21

“ᔨᕈᐸᐱᐅᓪ ᐅᖃᐅᑎᒍᒃ, ᐊᐅᓚᑦᓯᔨᐅᔪᖅ ᔫᑕᒧᑦ ᐅᖃᕐᓗᑎᑦ, ᕿᓚᒡᓗ ᓄᓇᕐᔪᐊᕐᓗ ᓴᔪᒃᑎᓐᓂᐊᓕᕋᒃᑭᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 13:12

ᑕᕝᕙ ᐊᖓᔪᖅᑳᖅ ᐅᒃᐱᓕᕐᐳᖅ, ᑕᒪᓐᓇ ᐱᓂᐊᕐᓂᐅᔪᖅ ᑕᑯᒐᒥᐅᒃ, ᐊᑕᓂᐅᑉ ᐊᔪᕆᕐᑐᐃᑦᔪᑕᐅᓂᖓ ᐊᖏᔪᒥᒃ ᑲᒪᓂᐊᕈᑎᒋᕚ.