ᐄᓱᕋᐅᑉ ᐊᒡᓚᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᒪᕐᕉᒃ, ᕼᐊᒊ ᐊᒻᒪ ᓴᑲᕅᐊ ᐃᑑᑉ ᐃᕐᓂᖓ, ᐅᖃᓪᓚᓯᓚᐅᕐᐴᒃ ᐃᓴᕆᐊᓕᒥᐅᑦ ᒎᑎᖓᑕ ᐊᑎᖓᓂᒃ ᔫᑎᓄᑦ ᓄᓇᖃᕐᑐᓄᑦ ᔫᑕᒥ ᔨᕉᓴᓕᒥᓗ.

ᐄᓱᕋᐅᑉ ᐊᒡᓚᖏᑦ 5:1 Iomraidhean Croise

ᐄᓱᕋᐅᑉ ᐊᒡᓚᖏᑦ 4:24

ᑕᕝᕙ ᑐᒃᓯᐊᕐᕕᐅᑉ ᔨᕉᓴᓕᒦᑦᑑᑉ ᓴᓇᔭᐅᓂᖓ ᓄᖅᑲᕐᑎᑕᐅᓚᐅᕐᐳᖅ, ᐱᒋᐊᕐᑕᐅᒃᑲᓐᓂᓚᐅᓐᖏᓚᕐᓗ ᐊᖓᔪᖅᑳᕐᔪᐊᑉ ᑍᕉᓯᐅᑉ ᐊᖓᔪᖅᑳᖑᓂᖓᑕ ᐊᕐᕌᒍᑉ ᐂᑉᐸᕆᓕᕐᑕᖓᓄᑦ ᑎᑭᓪᓗᒍ.

ᐄᓱᕋᐅᑉ ᐊᒡᓚᖏᑦ 6:14

ᔫᑎᑦ ᓯᕗᓕᕐᑎᖏᑦ ᐱᕙᓪᓕᐊᒻᒪᕆᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᓴᓇᓪᓗᑎᒃ ᓇᓚᐅᑦᑍᑦᔪᑕᐅᓚᐅᕐᑐᓂᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᖕᓄᑦ ᕼᐊᒊᒧᑦ ᓴᑲᕅᐊᒧᓪᓗ ᐃᑑᑉ ᐃᕐᓂᖓᓄᑦ. ᐱᔭᕇᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᑎᓕᔭᐅᓚᐅᕐᓂᕐᒥᓂᒃ ᐃᓴᕆᐊᓕᒥᐅᑦ ᒎᑎᖓᓄᑦ, ᓮᕋᓯᐅᓪᓗ ᑎᓕᓯᓂᖓᒍᑦ, ᑍᕉᓯᐅᓪᓗ, ᐋᕐᑕᔮᒃᓯᐅᓪᓗ ᐊᖓᔪᖅᑳᕐᔪᐊᑉ ᐴᕐᓯᐊᒥ.

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᕼᐊᒊᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᖅ ᑍᕉᓯ ᐴᕐᓯᐊᒥᐅᑕᖅ ᐊᐅᓚᑦᓯᓕᕐᑎᓪᓗᒍ, ᐊᕐᕌᒎᑉ ᐂᑉᐸᖓᓂ ᑕᖅᑮᑦ ᐱᖓᓲᔪᕐᑐᖓᓐᓂ, ᑕᖅᑭᐅᑉ ᐱᒋᐊᕐᓂᖓᑕ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᑕᓂᐅᑉ ᐅᖃᐅᓯᖓ ᐅᖃᕐᑎᖓᒍᑦ ᕼᐊᒊᒃᑰᕐᐳᖅ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᔨᓰᑦ ᐊᖓᔪᖅᑳᖓᓐᓄᑦ.

ᕼᐊᒊᑉ ᐊᒡᓚᖏᑦ 1:3

ᑕᕝᕙ ᐊᑕᓂᖅ ᕼᐊᒊᒧᑦ ᐅᖃᕐᐳᖅ, ᐃᒫᒃ ᐅᖃᕐᓗᓂ:

ᕼᐊᒊᑉ ᐊᒡᓚᖏᑦ 2:18

ᒫᓐᓇ ᐃᓱᒪᒃᓴᕐᓯᐅᓕᕆᑦᓯ ᐅᓪᓗᒥᒥᑦ ᐱᒋᐊᕐᓗᒍ, ᐅᓪᓘᑉ 24ᖓᓂ ᑕᖅᑭᐅᑉ 9ᖓᓂ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᑕ ᑐᓐᖓᕕᓕᕐᑕᐅᓕᕐᓂᖓᓂᑦ ᐱᒋᐊᕐᓗᒍ ᐃᓱᒪᒃᓴᕐᓯᐅᓕᕆᑦᓯ:

ᓴᑲᕅᐊᐅᑉ ᐊᒡᓚᖏᑦ 8:9

ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: “ᐃᓕᑦᓯ ᒫᓐᓇ ᐅᖃᐅᓯᕐᓂᒃ ᑐᓴᕐᑐᓯ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᑦ ᐅᖃᐅᓯᐅᕙᓚᐅᕐᑐᑦ ᐊᑦᔨᖏᓐᓂᒃ ᐊᑕᓂᐅᑉ ᐃᒡᓗᖓᑕ ᑐᓐᖓᕕᖏᑦ ᓴᓇᔭᐅᕙᓪᓕᐊᑦᔪᑎᒃᓴᖏᓐᓄᑦ, ᐊᒡᒐᓯ ᓴᓐᖏᔫᑦᓯᐊᕐᓕᑦ ᑐᒃᓯᐊᕐᕕᒡᔪᐊᖅ ᓴᓇᔭᐅᔪᓐᓇᖁᓪᓗᒍ.