ᐄᓱᕋᐅᑉ ᐊᒡᓚᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᔨᕈᐸᐱᐅᓕ ᔩᓱᐊᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᐅᖃᐅᑦᔨᓚᐅᕐᐳᑦ ᑖᒃᑯᓂᖓ, “ᐃᑲᔪᕐᑕᐅᔪᒪᓐᖏᓚᒍᑦ ᐃᓕᑦᓯᓐᓄᑦ ᑐᒃᓯᐊᕐᕕᓕᐅᕐᑎᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ. ᓇᖕᒥᓂᖅ ᓴᓇᓂᐊᕐᐸᕗᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐴᕐᓯᐊᒥᐅᑕᐅᑉ ᑍᒫᒃ ᑎᓕᓚᐅᕐᒪᑎᒍᑦ.”

ᐄᓱᕋᐅᑉ ᐊᒡᓚᖏᑦ 4:3 Iomraidhean Croise

ᑯᕉᓂᑲ ᐂᑉᐸᖏᑦ 36:22

ᐊᕐᕌᒍᒥ ᓯᕗᓪᓕᕐᐹᒥ ᐊᖓᔪᖅᑳᕐᔪᐊᖅ ᓮᕋᓯ ᐴᕐᓯᐊᒥ ᐊᖓᔪᖅᑳᕐᔪᐊᖑᓕᕐᑎᓪᓗᒍ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᔨᕆᒤᐊᒃᑯᑦ ᓇᓚᐅᑦᓯᖁᓪᓗᒍ, ᐴᕐᓯᐊᑉ ᐊᖓᔪᖅᑳᕐᔪᐊᖓᑕ ᓮᕋᓯᐅᑉ ᐊᓂᕐᓂᖓ ᐊᑕᓂᐅᑉ ᐊᐅᓚᑦᔭᒃᑎᑉᐹ ᐅᖃᐅᓯᖃᓚᐅᕐᐳᖅ ᓇᓗᓁᕐᓯᓪᓗᓂ ᐊᖓᔪᖅᑲᐅᕕᓕᒫᒥᓄᑦ ᐊᒡᓚᒃᑕᐅᑎᑦᓯᓪᓗᓂᓗ:

ᐄᓱᕋᐅᑉ ᐊᒡᓚᖏᑦ 1:1

ᓮᕋᓯ ᓯᕗᓪᓕᕐᐹᒥ ᐊᕐᕌᒍᒥ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕐᑎᒥᒍᑦ ᔨᕆᒤᐊᒃᑯᑦ ᓇᓚᐅᑦᓯᓚᐅᕐᐳᖅ, ᓮᕋᓯ ᐊᑕᓂᐅᑉ ᐃᓱᒪᑎᓚᐅᕐᐹ ᐱᓇᓱᐊᖁᓪᓗᒍ ᑎᓕᓯᖁᓪᓗᒍᓗ ᑎᑎᕋᕐᓯᒪᔪᑎᒍᑦ ᐅᖃᓕᒫᕐᑕᐅᖁᓪᓗᒋᓪᓗ ᓂᐱᖃᕐᓗᑎᒃ ᓄᓇᓂ ᐊᖓᔪᖅᑲᐅᕕᒋᔭᓕᒫᒥᓂ ᐃᒫᒃ:

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐄᓱᕋᐅᑉ ᐊᒡᓚᖏᑦ 1:3

ᒎᑎᐅᑉ ᐃᓚᒋᓕᓯ ᐃᓄᖁᑕᐅᔪᓯ ᑖᑦᓱᒧᖓ. ᔨᕉᓴᓕᒧᐊᕐᑐᒃᓴᐅᕗᓯ ᐋᖅᑭᒋᐊᕐᓗᒍᓗ ᐊᑕᓂᐅᑉ ᑐᒃᓯᐊᕐᕕᖓ, ᐃᓴᕆᐊᓕᒥᐅᑦ ᒎᑎᖓ, ᒎᑎᐅᔪᖅ ᑐᒃᓯᐊᕐᕕᐅᕙᒃᑐᖅ ᔨᕉᓴᓕᒥ.

ᐄᓱᕋᐅᑉ ᐊᒡᓚᖏᑦ 3:8

ᑕᖅᑭᐅᑉ ᐂᑉᐸᖓᓂ ᐊᕐᕌᒎᑉ ᓯᕗᓪᓕᕐᐹᖓᓂ ᐅᑎᓚᐅᕐᑎᓪᓗᒋᑦ ᑐᒃᓯᐊᕐᕕᖕᒧᑦ ᔨᕉᓴᓕᒧᑦ, ᐱᓇᓱᐊᕆᐊᓯᓚᐅᕐᐳᑦ, ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔩᓱᐊᓗ ᔫᔭᑕᐅᑉ ᐃᕐᓂᖓ, ᐊᓯᓕᒫᖏᓪᓗ ᓄᓇᖅᑲᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ, ᐊᓯᓕᒫᖏᓪᓗ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᔨᕉᓴᓕᒧᑦ, ᐃᑲᔪᕐᑎᒌᒃᓗᑎᒃ ᐱᓇᓱᐊᓕᓚᐅᕐᐳᑦ, ᓕᕔᑎᓕᒫᑦ ᐊᕐᕌᒍᓖᑦ 20ᓂᒃ ᐅᖓᑖᓂᓗ ᑲᒪᔨᐅᑎᑕᐅᓚᐅᕐᐳᑦ ᑐᒃᓯᐊᕐᕕᖕᒥᒃ ᓴᓇᒋᐊᓕᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 2:20

ᑕᕝᕙ ᑭᐅᓚᐅᕐᐸᒃᑲ, “ᒎᑎᐅᑉ ᕿᓚᖕᒦᑦᑑᑉ ᐱᕙᓪᓕᐊᑎᓐᓂᐊᕐᐹᑎᒍᑦ, ᐅᕙᒍᑦ ᑖᑦᓱᒧᖓ ᐱᔨᐅᔪᒍᑦ ᒪᑭᓪᓗᑕ ᓴᓇᒋᐊᕐᓂᐊᓕᕐᐳᒍᑦ; ᐃᓕᑦᓯᓕ ᐱᖃᖃᑕᐅᓂᐊᓐᖏᓚᓯ ᐃᓚᒋᔭᐅᓂᐊᓐᖏᓚᓯᓘᓐᓃᑦ ᐃᖅᑲᐅᒪᔭᐅᑦᔪᑎᒃᓴᖃᕐᓂᐊᓐᖏᓚᓯᓘᓐᓃᑦ ᔨᕉᓴᓕᒥ.”

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 45:4

ᔧᑯ ᐱᔨᒐ ᐱᓪᓗᒍ, ᐃᓴᕆᐊᓕᓗ ᓂᕈᐊᕐᓯᒪᔭᕋ, ᐊᑏᑦ ᑍᓪᓗᒍ ᕾᖁᓚᐅᕐᐸᒋᑦ, ᐊᑎᕐᑖᕐᑎᓚᐅᕐᐸᒋᑦ ᐅᕙᓐᓂᒃ ᖃᐅᔨᒪᓐᖏᑲᓗᐊᕐᑎᓪᓗᑎᑦ.

ᒫᑎᐅᓯᐅᑉ ᐊᒡᓚᖏᑦ 10:16

“ᑕᑯᒋᑦ ᓰᐱᑎᑐᑦ ᑎᓕᕙᑦᓯ ᐊᒪᕈᐃᑦ ᐊᑯᕐᖓᓐᓄᑦ; ᑍᒤᒻᒪᑦ ᖁᒡᓗᒋᐊᑎᑐᑦ ᐅᑦᔨᕐᓱᑎᐊᕆᑦᓯ, ᑑᕕᑎᑐᓪᓗ ᐱᖁᓐᓂᕐᑎᒋᓗᓯ.

ᔪᐊᓇᓯᐅᑉ ᐊᒡᓚᖏᑦ 4:9

ᐊᕐᓇᐅᑉ ᑭᐅᕚ, “ᔫᑎᐅᒐᕕᑦ, ᓴᒥᐊᕆᐊᕐᒥᐅᑕᐅᒐᒪ ᓱᖕᒪᑦ ᐅᕙᓐᓄᑦ ᐃᒥᕐᑎᑕᐅᔪᒪᕖᑦ?” ᔫᑎᑦ ᓴᒥᐊᕆᐊᕐᒥᐅᓂᒃ ᐃᓅᖃᑎᖃᕈᒪᖏᒻᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 8:21

ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ.