ᐄᓱᕋᐅᑉ ᐊᒡᓚᖏᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᔩᓱᐊᓗ ᔫᔭᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔨᐅᖃᑎᖏᓪᓗ, ᔨᕈᐸᐱᐅᓗ ᓯᐅᓪᑎᐅᓕᐅᑉ ᐃᕐᓂᖓ ᐃᓚᓂ ᐃᓚᒋᓪᓗᒋᑦ, ᐃᓴᕆᐊᓕᒥᐅᑦ ᒎᑎᖓᑕ ᑐᓂᕐᕈᓯᕕᖓᓂᒃ ᐋᖅᑭᒃᓱᐃᓚᐅᕐᐳᑦ, ᑐᓂᕐᕈᑎᓂᒃ ᐃᑯᐊᓪᓔᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᓄᖁᑎᖓᑕ ᒨᓯᓯᐅᑉ ᐱᖁᔭᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 3:2 Iomraidhean Croise

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᑯᕉᓂᑲ ᓯᕗᓪᓖᑦ 23:14

ᒨᓯᓯᐅᓪᓕ ᒎᑎᐅᑉ ᐃᓄᖁᑎᖓᑕ ᐃᕐᓂᖏᑦ ᐱᓇᓱᐊᒐᒃᓴᖃᕐᑎᑕᐅᓚᐅᕐᐳᑦ ᓕᕔᑉ ᑭᖑᕚᖏᓐᓂ.

ᑯᕉᓂᑲ ᓯᕗᓪᓖᑦ 3:17

ᔨᑯᓁᐊᐅᑉ ᐃᕐᓂᖏᑦ ᐅᑯᐊᖑᕗᑦ ᐊᐅᓪᓚᕈᑦᔭᐅᓚᐅᕐᑑᑉ, ᐃᕐᓂᖓ ᓯᐅᓪᑎ-ᐅᓪ,

ᑯᕉᓂᑲ ᓯᕗᓪᓖᑦ 3:19

ᐱᑍᐊᐅᑉ ᐃᕐᓂᖏᒃ ᔨᕈᐸᐱᐅᓪ ᓯᒥ-ᐂᓗ. ᔨᕈᐸᐱᐅᑉ ᐃᕐᓂᖏᑦ ᐅᑯᐊᖑᕗᑦ; ᒥᓱᓚᒻ, ᕼᐊᓇᓁᐊᓗ, ᓯᓗᒥᑎᓗ ᓇᔭᖓᑦ.

ᑯᕉᓂᑲ ᐂᑉᐸᖏᑦ 6:6

ᔨᕉᓴᓕᒻᓕ ᓂᕈᐊᓚᐅᕐᐸᕋ ᐊᑎᕋ ᑕᕝᕙᓃᑦᓮᓐᓇᖁᓪᓗᒍ ᑍᕕᑎᓗ ᓂᕈᐊᓚᐅᕐᐸᕋ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᖁᓪᓗᒍ.’

ᐄᓱᕋᐅᑉ ᐊᒡᓚᖏᑦ 10:18

ᐅᑯᐊ ᑕᕝᕙ ᐊᖑᑏᑦ ᓄᓕᐊᖃᓚᐅᕐᑐᑦ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᑐᓂᕐᕈᓯᕐᑎᑦᓯᔩᑦ, ᑎᑎᕋᕐᑕᐅᓯᒪᔪᑦ ᐃᓚᒌᖕᓂᖏᑎᒍᑦ: ᔩᓱᐊᑉ ᐃᓚᖏᑦ ᖃᑕᓐᖑᑎᖏᓪᓗ, ᔫᔭᑕᐅᑉ ᐃᕐᓂᖏᑦ ᖃᑕᓐᖑᑎᖏᓪᓗ, ᒫᓯᐊᒃᑯᑦ, ᐃᓔᓯᕆᒃᑯᑦ, ᔭᕆᑉᑯᑦ, ᒋᑕᓔᐊᒃᑯᓪᓗ.

ᐄᓱᕋᐅᑉ ᐊᒡᓚᖏᑦ 10:20

ᐊᒻᒪᑦᑕᐅᖅ ᐃᒥᕆᒃᑯᑦ ᐃᓚᒌᖏᓐᓂᑦ: ᕼᐊᓇᓁᒃᑯᓪᓗ, ᔨᐸᑍᐊᒃᑯᓪᓗ;

ᐄᓱᕋᐅᑉ ᐊᒡᓚᖏᑦ 10:21

ᕼᐊᕆᒻᑯᑦ ᐃᓚᒌᖏᓐᓂᑦ: ᒫᓯᐊᒃᑯᑦ, ᐃᓔᑦᔭᒃᑯᑦ, ᓯᒤᐊᒃᑯᑦ, ᔨᕼᐃᐅᓪᑯᑦ, ᐅᓮᐊᒃᑯᓪᓗ;

ᐄᓱᕋᐅᑉ ᐊᒡᓚᖏᑦ 10:22

ᐸᓱᕼᐅᕆᒃᑯᑦ ᐃᓚᒌᖏᓐᓂᑦ: ᐃᓔᐅᐃᓁᒃᑯᑦ, ᒫᓯᐊᒃᑯᑦ, ᐃᓯᒥᐅᓪᑯᑦ, ᓇᑖᓂᐅᓪᑯᑦ, ᔫᓴᐸᑦᑯᑦ, ᐃᓖᓴᒃᑯᓪᓗ.

ᐄᓱᕋᐅᑉ ᐊᒡᓚᖏᑦ 2:2

ᐊᖓᔪᖅᑳᕆᓚᐅᕐᑕᖏᑦ ᐅᑯᐊᖑᕗᑦ; ᔨᕈᐸᐱᐅᓪ, ᔩᓱᐊ, ᓂᕼᐃᒤᐊ, ᓯᕅᐊ, ᕇᓔᐊ, ᒧᐊᑎᑬ, ᐱᐅᓪᓵᓐ, ᒥᔅᐸ, ᐱᒡᕔ, ᕆᕼᐆᒻ, ᐹᓇᓗ. ᑖᒃᑯᐊ ᑕᕝᕙ ᐃᓚᒌᑦ ᐃᓴᕆᐊᓕᒥᐅᑦ, ᑖᒃᑯᐊᓗ ᐃᓚᒌᑦ ᐊᕕᒃᓯᒪᔪᑦ ᐅᑎᕐᑐᕕᓃᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ:

ᐄᓱᕋᐅᑉ ᐊᒡᓚᖏᑦ 3:8

ᑕᖅᑭᐅᑉ ᐂᑉᐸᖓᓂ ᐊᕐᕌᒎᑉ ᓯᕗᓪᓕᕐᐹᖓᓂ ᐅᑎᓚᐅᕐᑎᓪᓗᒋᑦ ᑐᒃᓯᐊᕐᕕᖕᒧᑦ ᔨᕉᓴᓕᒧᑦ, ᐱᓇᓱᐊᕆᐊᓯᓚᐅᕐᐳᑦ, ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔩᓱᐊᓗ ᔫᔭᑕᐅᑉ ᐃᕐᓂᖓ, ᐊᓯᓕᒫᖏᓪᓗ ᓄᓇᖅᑲᑎᖏᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ, ᐊᓯᓕᒫᖏᓪᓗ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᔨᕉᓴᓕᒧᑦ, ᐃᑲᔪᕐᑎᒌᒃᓗᑎᒃ ᐱᓇᓱᐊᓕᓚᐅᕐᐳᑦ, ᓕᕔᑎᓕᒫᑦ ᐊᕐᕌᒍᓖᑦ 20ᓂᒃ ᐅᖓᑖᓂᓗ ᑲᒪᔨᐅᑎᑕᐅᓚᐅᕐᐳᑦ ᑐᒃᓯᐊᕐᕕᖕᒥᒃ ᓴᓇᒋᐊᓕᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 5:2

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ ᔩᓱᐊᓗ ᔫᔭᑕᐅᑉ ᐃᕐᓂᖓ ᐅᖃᐅᓯᕐᓂᒃ ᑐᓴᕋᒥᒃ, ᑐᒃᓯᐊᕐᕕᖕᒥᒃ ᓴᓇᒋᐊᓪᓚᓯᓚᐅᕐᐳᑦ ᔨᕉᓴᓕᒦᑦᑐᒥᒃ, ᑖᒃᑯᐊᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᐃᑲᔪᓚᐅᕐᐴᒃ.

ᓂᕼᐃᒤᐊᐅᑉ ᐊᒡᓚᖏᑦ 12:1

ᐅᑯᐊ ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐅᑎᖃᑕᐅᓚᐅᕐᑐᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ ᔨᕈᐸᐱᐅᓪᒧᑦ ᓯ-ᐅᓪᑎ-ᐃᐅᑉ ᐃᕐᓂᖓᓄᑦ, ᔩᓱᐊᓗ ᐃᓚᒋᓪᓗᒋᑦ: ᓯᕅᐊ, ᔨᕆᒤᐊ, ᐄᓱᕋ, ᐊᒪᕅᐊ, ᒪᓘᒃ, ᕼᐊᑑᓯ,

ᐃᓐᖏᕈᑎᑦ 78:68

ᔫᑕᐅᓪᓕ ᑭᖑᕚᖏᑦ ᓂᕈᐊᓚᐅᕐᐰᑦ, ᖃᖅᑲᕐᓗ ᓮᐅᓂ, ᖁᕕᐊᒋᔭᓂ.

ᒨᓯᓯ ᐂᑉᐸᖏᑦ 27:1

“ᑐᓂᕐᕈᓯᕐᕕᓕᐅᕐᑐᒃᓴᐅᕗᑎᑦ ᕿᔪᖕᒥᒃ ᑎᓴᒃᑕᒥᒃ ᐊᑬᑦᓯᐊᒥᒃ ᐊᑎᓕᖕᒥᒃ. ᑖᓐᓇᓗ ᑐᓂᕐᕈᓯᕐᕕᒃ ᓯᒃᑭᑕᓪᓗᐊᖑᔪᒃᓴᐅᕗᖅ ᑕᑭᓂᖃᕐᓗᓂ 2.2ᓂᒃ ᒦᑕᓂᒃ ᓯᓕᖕᓂᖃᕐᓗᓂᓗ 2.2ᓂᒃ ᒦᑕᓂᒃ, ᐳᕐᑐᓂᖃᕐᓗᓂᓗ 1.3ᓂᒃ ᒦᑕᓂᒃ.

ᕼᐊᒊᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᖅ ᑍᕉᓯ ᐴᕐᓯᐊᒥᐅᑕᖅ ᐊᐅᓚᑦᓯᓕᕐᑎᓪᓗᒍ, ᐊᕐᕌᒎᑉ ᐂᑉᐸᖓᓂ ᑕᖅᑮᑦ ᐱᖓᓲᔪᕐᑐᖓᓐᓂ, ᑕᖅᑭᐅᑉ ᐱᒋᐊᕐᓂᖓᑕ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᑕᓂᐅᑉ ᐅᖃᐅᓯᖓ ᐅᖃᕐᑎᖓᒍᑦ ᕼᐊᒊᒃᑰᕐᐳᖅ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᔨᓰᑦ ᐊᖓᔪᖅᑳᖓᓐᓄᑦ.

ᕼᐊᒊᑉ ᐊᒡᓚᖏᑦ 1:12

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔮᓱᐊᓗ ᔨᕼᐅᔭᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᐃᑦ ᓈᓚᓚᐅᕐᐳᑦ ᐊᑕᓂᐅᑉ ᒎᑎᖓᑦᑕ ᓂᐱᖓᓂᒃ, ᕼᐊᒊᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓂᒃ, ᐊᑕᓂᐅᑉ ᑖᓐᓇ ᑎᓕᓚᐅᕐᒪᒍ, ᐃᓄᐃᓪᓗ ᓯᕘᕋᓕᕐᐳᑦ ᐊᑕᓂᐅᑉ ᓇᔫᑎᓂᖓᓂᒃ.

ᕼᐊᒊᑉ ᐊᒡᓚᖏᑦ 1:14

ᐊᑕᓂᐅᑉ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ, ᑖᓐᓇ ᐊᐅᓚᑦᓯᔨᐅᔪᖅ ᔫᑕᒥᐅᓄᑦ, ᔮᓱᐊᓪᓗ ᔨᕼᐅᔭᑕᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᓕᒫᑦ ᐊᓂᕐᓂᖏᑦ, ᑕᕝᕙ ᑲᑎᕗᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᒥᒃᑕ ᐃᒡᓗᖓᓂᒃ ᓴᓇᔭᕐᑐᓕᕐᓗᑎᒃ,

ᕼᐊᒊᑉ ᐊᒡᓚᖏᑦ 2:21

“ᔨᕈᐸᐱᐅᓪ ᐅᖃᐅᑎᒍᒃ, ᐊᐅᓚᑦᓯᔨᐅᔪᖅ ᔫᑕᒧᑦ ᐅᖃᕐᓗᑎᑦ, ᕿᓚᒡᓗ ᓄᓇᕐᔪᐊᕐᓗ ᓴᔪᒃᑎᓐᓂᐊᓕᕋᒃᑭᒃ,

ᕼᐊᒊᑉ ᐊᒡᓚᖏᑦ 2:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ‘ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑎᒍᔪᒫᕐᐸᒋᑦ ᔨᕈᐸᐱᐅᓪ ᐱᔨᒋᒐᒃᑭᑦ, ᓯᐅᓪᑎᐅᑉ ᐃᕐᓂᖓ,’ ᐊᑕᓂᖅ ᐅᖃᕐᐳᖅ, ‘ᓇᕿᑦᑎᑦᔪᑎᐅᑎᑦᓱᒫᕐᐸᒋᑦ ᓇᒡᒍᐊᕐᒥᒃᑎᑐᑦ; ᓂᕈᐊᕐᓯᒪᒐᒃᑭᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 3:1

ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᐊᑕᓂᐅᑉ ᑕᑯᑎᒃᑭᕚᖓ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᔮᓱᐊᒥᒃ ᓇᖏᕐᑐᒥᒃ ᐊᑕᓂᐅᑉ ᐂᖏᓕᖓᑕ ᓵᖓᓂ. ᔮᓱᐊᓪᓗ ᑕᓕᕐᐱᐊᓂ ᓵᑖᓇᓯ ᓇᖏᕆᕗᖅ, ᑖᑦᓱᒥᖓ ᐸᓯᒃᓯᕈᒪᓪᓗᓂ

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᓴᑲᕅᐊᐅᑉ ᐊᒡᓚᖏᑦ 6:11

ᑖᒃᑯᐊ ᑐᓂᕐᕈᑎᖏᓐᓂᒃ ᓯᐅᓪᕕᕆᓂᒃ ᒎᓗᓂᒡᓗ ᓂᐊᖂᑎᓕᐅᕆᑦ, ᐃᓕᓗᒍᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᔮᓱᐊᒧᑦ ᔨᕼᐅᔭᑕᐅᑉ ᐃᕐᓂᖓᓄᑦ.

ᒨᓯᓯ ᓯᑕᒪᖏᑦ 28:2

“ᐱᖁᔭᒥᒃ ᐆᒥᖓ ᐃᓴᕆᐊᓕᒥᐅᑦ ᑐᓂᓯᕕᒋᒃᑭᑦ, ᐅᖃᐅᑎᓗᒋᑦ, ‘ᑐᓂᕐᕈᓯᐊᒃᓴᕋ, ᓂᕿᒃᓴᖅ ᑐᓂᕐᕈᓯᐊᒃᓴᕋ ᐃᑯᐊᓚᑎᑕᒃᓴᖅ ᑎᐱᑦᓯᐊᕆᒃᑑᓗᓂ ᐅᕙᓐᓄᑦ, ᑲᒪᑦᓯᐊᕐᓗᓯ ᐱᕕᒃᓴᖓᓂ ᐅᕙᓐᓄᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ.’

ᓘᑲᓯᐅᑉ ᐊᒡᓚᖏᑦ 3:27

ᔫᑕ ᔪᐊᓇᓇᐅᑉ ᐃᕐᓂᕆᕚ, ᔪᐊᓇᓇ ᕇᓴᐅᑉ ᐃᕐᓂᕆᕚ, ᕇᓴ ᔨᕈᐸᐱᐅᓪ ᐃᕐᓂᕆᕚ, ᔨᕈᐸᐱ ᓯᐊᓪᑎᐅᑉ ᐃᕐᓂᕆᕚ, ᓯᐊᓪᑎᐅᓪ ᓂᕅᐅᑉ ᐃᕐᓂᕆᕚ,

ᐃᓗᐊᕐᓮᔩᑦ ᐊᒡᓚᖏᑦ 6:24

ᑍᒤᒻᒪᑦ ᒋᑎᐅᓂ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ ᐊᑦᑎᕐᓗᒍᓗ, “ᐊᑕᓂᖅ ᐃᓂᓪᓚᖓᑦᓯᐊᕐᓇᕐᐳᖅ.” ᐅᓪᓗᒥᒧᑦ ᓱᓕ ᓇᐸᕗᖅ ᐅᐸᕋᒥ, ᐃᓚᒌᑦ ᐊᐰᔭᕆᑎᑦ ᓄᓇᖁᑎᖓᓂ.