ᐄᓱᕋᐅᑉ ᐊᒡᓚᖏᑦ 3:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑭᓇᒧᓪᓘᓐᓃᑦ ᖃᐅᔨᔭᐅᓚᐅᓐᖏᓚᖅ ᓇᓪᓕᐊᑦ ᕾᒐᓛᕐᒪᖔᑕ ᖁᕕᐊᓱᖕᓂᕐᒧᓪᓗ ᐃᓄᐃᑦ ᕿᐊᕙᓗᖏᑕ ᓂᐱᖃᓗᐊᕐᓂᖏᓐᓄᑦ, ᓂᐱᖅᑯᕐᑐᓗᐊᕐᓂᖏᓐᓄᓪᓗ ᐅᖓᓯᒃᑐᒥᑦ ᑐᓵᔭᐅᔪᓐᓇᓚᐅᕐᐳᑦ.

ᐄᓱᕋᐅᑉ ᐊᒡᓚᖏᑦ 3:13 Iomraidhean Croise

ᐊᑕᓃᑦ ᓯᕗᓪᓖᑦ 1:40

ᑕᒪᕐᒥᒃ ᑕᕝᕙ ᒪᓕᓕᕐᐹᑦ ᐅᑎᓕᕐᓗᑎᒃ, ᕾᒐᓛᕐᐳᑦ ᖁᕕᐊᓱᒡᓗᑎᒃ ᓱᐴᒊᑦ ᓂᓪᓕᐊᑎᑕᐅᕗᑦ, ᖁᕕᐊᓱᒃᐳᑦ ᐊᖏᔪᕐᔪᐊᒥᒃ ᖁᕕᐊᓱᒡᓗᑎᒃ, ᓂᐱᖃᓕᕐᒪᑦ ᐊᒡᓛᑦ ᓄᓇ ᓴᔪᒃᑎᑕᐅᕗᖅ.

ᐊᑕᓃᑦ ᓯᕗᓪᓖᑦ 1:45

ᔭᑑᑭᐅᓪᓗ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᐹ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᒋᕼᐅᓂᒥ; ᑕᕝᕙᓐᖓᑦ ᐃᒡᓗᒐᓴᖕᓄᑦ ᒪᔪᕋᓕᕐᐳᑦ ᖁᕕᐊᓱᒻᒪᕆᒡᓗᑎᒃ, ᐃᒡᓗᒐᓴᒡᔪᐊᕐᒥᐅᑦ ᐅᐃᒻᒪᒃᓯᒪᓕᕐᐳᑦ. ᑕᒪᓐᓇ ᑕᕝᕙ ᓂᐱᕐᔪᐊᖅ ᑐᓵᔭᓯ.

ᐄᓱᕋᐅᑉ ᐊᒡᓚᖏᑦ 3:12

ᐅᓄᕐᑐᑦ ᐃᓐᓇᐅᓂᕐᓮᑦ ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᑕᑯᓚᐅᕐᓯᒪᔪᑦ ᑐᒃᓯᐊᕐᕕᖕᒥᒃ ᓯᕗᓪᓕᕐᒥᒃ, ᑕᑯᓐᓇᕐᑎᓪᓗᒋᑦ ᑐᒃᓯᐊᕐᕕᐅᑉ ᑐᓐᖓᕕᖓ ᐋᖅᑭᒃᑕᐅᓕᕐᒪᑦ, ᕿᐊᓯᓪᓗᑎᒃ ᓂᐹᓕᓚᐅᕐᐳᑦ. ᐊᓯᖏᓪᓕ ᑍᑲᓃᑦᑐᑦ ᐅᓄᕐᑐᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐄᓱᕋᐅᑉ ᐊᒡᓚᖏᑦ 4:1

ᔫᑕᐅᓪᓗ ᐱᓐᔭᒥᓂᐅᓪᓗ ᐃᓄᖏᑦᑕ ᐊᑭᕋᖏᑦ ᑐᓴᕋᒥᒃ ᑍᒃᑯᐊ ᐊᐅᓪᓚᕈᑦᔭᐅᓯᒪᔪᕕᓃᑦ ᐅᑎᕋᒥᒃ ᓴᓇᒋᐊᓪᓚᓕᕐᓂᖏᓐᓂᒃ, ᐊᑕᓂᐅᑉ ᑐᒃᓯᐊᕐᕕᖓᓂᒃ ᐃᓴᕆᐊᓕᒥᐅᑦ ᒎᑎᖓᑕ.

ᓂᕼᐃᒤᐊᐅᑉ ᐊᒡᓚᖏᑦ 12:43

ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.

ᐃᓐᖏᕈᑎᑦ 5:11

ᐃᓕᖕᓂᒡᓕ ᑕᑎᖃᕐᑐᓕᒫᑦ ᖁᕕᐊᓱᒡᓕᑦ; ᓂᐱᖃᓕᕐᓕᑦ ᖁᕕᐊᓱᖕᓂᕐᒥᒃ, ᐃᕝᕕᑦ ᓴᐳᑎᒐᕕᒋᑦ; ᐊᑎᕐᓂᒃ ᓇᒡᓕᒍᓱᒃᑐᑦ ᐃᓕᖕᓂᒃ ᖁᕕᐊᓲᑎᖃᓕᕐᓕᑦ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:4

ᑍᒃᑯᐊ ᐅᓪᓗᐃᑦ ᓇᓪᓕᐅᑎᒃᐸᑕ, ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᑲᑎᔪᒫᕐᐳᑦ, ᕿᐊᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ ᕿᓂᕈᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᐃᓗᐊᕐᓮᔩᑦ ᐊᒡᓚᖏᑦ 2:5

ᑕᒪᓐᓇ ᐱᓪᓗᒍ ᑍᓐᓇ ᓇᔪᕐᑕᖓ ᑍᔭᐅᕗᖅ ᐴᑭᒻᒥᒃ ᑕᕝᕙᓂᓗ ᑐᓂᕐᕈᓯᕐᐳᑦ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 4:5

ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑎᑭᐅᑦᔭᐅᖕᒪᑦ ᑕᖕᒫᕐᓯᒪᕕᖓᓐᓄᑦ, ᐃᓴᕆᐊᓕᒥᐅᓕᒫᑦ ᖁᕕᐊᓱᖕᓂᕐᒧᑦ ᕾᒐᓛᕐᒪᑕ, ᓄᓇ ᓴᔪᒃᐳᖅ.