ᐄᓱᕋᐅᑉ ᐊᒡᓚᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᓄᕐᑐᑦ ᐃᓐᓇᐅᓂᕐᓮᑦ ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᑕᑯᓚᐅᕐᓯᒪᔪᑦ ᑐᒃᓯᐊᕐᕕᖕᒥᒃ ᓯᕗᓪᓕᕐᒥᒃ, ᑕᑯᓐᓇᕐᑎᓪᓗᒋᑦ ᑐᒃᓯᐊᕐᕕᐅᑉ ᑐᓐᖓᕕᖓ ᐋᖅᑭᒃᑕᐅᓕᕐᒪᑦ, ᕿᐊᓯᓪᓗᑎᒃ ᓂᐹᓕᓚᐅᕐᐳᑦ. ᐊᓯᖏᓪᓕ ᑍᑲᓃᑦᑐᑦ ᐅᓄᕐᑐᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐄᓱᕋᐅᑉ ᐊᒡᓚᖏᑦ 3:12 Iomraidhean Croise

ᐄᓱᕋᐅᑉ ᐊᒡᓚᖏᑦ 3:13

ᑭᓇᒧᓪᓘᓐᓃᑦ ᖃᐅᔨᔭᐅᓚᐅᓐᖏᓚᖅ ᓇᓪᓕᐊᑦ ᕾᒐᓛᕐᒪᖔᑕ ᖁᕕᐊᓱᖕᓂᕐᒧᓪᓗ ᐃᓄᐃᑦ ᕿᐊᕙᓗᖏᑕ ᓂᐱᖃᓗᐊᕐᓂᖏᓐᓄᑦ, ᓂᐱᖅᑯᕐᑐᓗᐊᕐᓂᖏᓐᓄᓪᓗ ᐅᖓᓯᒃᑐᒥᑦ ᑐᓵᔭᐅᔪᓐᓇᓚᐅᕐᐳᑦ.

ᔫᐱᐅᑉ ᐊᒡᓚᖏᑦ 8:7

ᓯᕗᕐᖓᓂᓗ ᐱᒋᓚᐅᕐᑕᑎᑦ ᒥᑭᔫᓚᐅᕋᓗᐊᕐᐸᑕ, ᑭᖑᓂᖓᒍᑦ ᐊᖏᓕᔪᕐᔪᐊᖑᔪᒫᕐᐳᑦ.

ᐃᓐᖏᕈᑎᑦ 126:6

ᖁᕝᕕᐅᕐᓗᑎᒃ ᑲᓐᖓᕐᓱᐃᔭᕐᑐᕐᑐᑦ, ᐱᕈᕐᑎᑦᓯᓂᐊᕐᐳᑦ ᐱᕈᕐᓯᐊᒃᓴᓂᒃ ᐱᐅᔪᐊᓗᖕᓂᒃ, ᐅᑎᓕᕐᓂᐊᕐᐳᑦ ᐃᓐᖏᕐᓗᑎᒃ ᖁᕕᐊᓱᖕᓂᕐᒧᑦ, ᑲᑎᕐᓱᕐᑕᒥᑕ ᕿᐱᑕᖏᓐᓂᒃ ᐊᒡᔭᕐᓯᓗᑎᒃ.

ᐃᓐᖏᕈᑎᑦ 147:1

ᐊᑕᓂᖅ ᓂᕐᑐᕐᑕᐅᓕ! ᒎᑎᕗᑦ ᓂᕐᑐᕐᓗᒍ ᐃᓐᖏᕐᕕᒋᓗᒍᓗ ᐱᐅᔫᕗᖅ; ᓂᑲᒍᓱᒃᑑᖕᒪᑦ, ᐃᓐᖏᕐᓗᓂ ᓂᕐᑐᕐᓗᒍ ᓈᒻᒪᓈᑦᓯᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 60:22

ᐅᓄᖏᓐᓂᕐᐹᑦ ᐃᓅᖃᑎᒌᒡᔪᐊᓐᖑᕈᒫᕐᐳᑦ, ᐃᓄᑭᓐᓂᕐᐹᓪᓗ ᐅᓄᕐᓂᕐᐹᓐᖑᕈᒫᕐᐳᑦ ᐱᔪᓐᓇᕐᑐᕐᔪᐊᓐᖑᕐᓗᑎᒃ, ᐅᕙᖓ ᐊᑕᓂᐅᒐᒪ; ᑕᒪᑐᒪ ᓇᓪᓕᐅᑎᓂᒃᓴᖓ ᐊᑯᓂᐅᑎᓐᓂᐊᕈᓐᓃᕐᐸᕋ.”

ᔨᕆᒤᐊᐅᑉ ᐊᒡᓚᖏᑦ 50:4

ᑍᒃᑯᐊ ᐅᓪᓗᐃᑦ ᓇᓪᓕᐅᑎᒃᐸᑕ, ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᑲᑎᔪᒫᕐᐳᑦ, ᕿᐊᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ ᕿᓂᕈᒫᕐᐳᑦ.

ᕼᐊᒊᑉ ᐊᒡᓚᖏᑦ 2:3

‘ᓇᓕᕐᓯ ᐊᒥᐊᒃᑰᔪᓯ ᑕᑯᓚᐅᕐᓯᒪᕚᑦ ᑐᒃᓯᐊᕐᕕᒡᔪᐊᑉ ᐱᓐᓇᕐᓇᕐᓂᕆᓚᐅᕐᓯᒪᔭᖓᓂᒃ? ᖃᓄᕐᓕ ᒫᓐᓇ ᑕᑯᓐᓇᓕᕐᐱᓯᐅᒃ? ᓱᓇᐅᖏᑦᑐᑐᑦ ᑕᑯᓐᓇᓕᓐᖏᓚᓯᐅᒃ?

ᓴᑲᕅᐊᐅᑉ ᐊᒡᓚᖏᑦ 4:10

“ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.” ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”