ᐄᓱᕋᐅᑉ ᐊᒡᓚᖏᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᖅᑲᓁᔭᕐᑏᑦ ᑐᓐᖓᕕᓕᐅᓕᕐᑎᓪᓗᒋᑦ ᑐᒃᓯᐊᕐᕕᖕᒥᒃ, ᑐᓂᕐᕈᓯᕐᑎᑦᓯᔩᑦ ᐊᓐᓄᕌᕐᓯᒪᓪᓗᑎᒃ ᐃᓂᒥᓄᐊᓚᐅᕐᐳᑦ ᑎᑦᑐᓚᐅᓯᔭᕐᓱᑎᒃ, ᓕᕔᑏᓪᓗ ᐊᓴᐸᐅᑉ ᐃᕐᓂᖏᑦ ᓂᑯᕕᖓᓚᐅᕐᐳᑦ ᓯᕙᓂᐅᑎᓕᔭᕐᓱᑎᒃ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᒪᓕᒃᓱᑎᒃ ᐊᑐᕐᑕᐅᖁᔭᐅᓯᒪᔪᓂᒃ ᑍᕕᑎᒧᑦ ᐊᖓᔪᖅᑳᕐᔪᐊᕐᒧᑦ.

ᐄᓱᕋᐅᑉ ᐊᒡᓚᖏᑦ 3:10 Iomraidhean Croise

ᑯᕉᓂᑲ ᓯᕗᓪᓖᑦ 15:24

ᓯᐸᓁᐊ, ᔫᓴᐸᑦ, ᓇᑖᓂᐅᓪ, ᐊᒪᓮ, ᓴᑲᕅᐊ, ᐱᓁᐊ, ᐃᓔᓯᕆᓗ, ᑐᓂᕐᕈᓯᕐᑎᑦᓯᔩᑦ, ᑎᑦᑐᓚᐅᑎᓂᒃ ᓂᓪᓕᕐᑎᑦᓯᔪᒃᓴᐅᓪᓗᑎᒃ ᒎᑎᐅᑉ ᐃᒃᓯᕐᕕᖁᑎᖓᑕ ᓯᕗᓂᖓᓂ; ᐅᐱᑦ-ᐄᑕᒻ ᔨᕼᐂᐊᓗ ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓᓂᒃ ᖃᐅᔨᓴᕐᑎᐅᔪᒃᓴᐅᓪᓗᑎᒃ.

ᑯᕉᓂᑲ ᓯᕗᓪᓖᑦ 15:27

ᑍᕕᑎ ᐊᓐᓄᕌᕐᓯᒪᓚᐅᕐᐳᖅ ᐅᓕᖕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ, ᓕᕔᑎᓕᒫᓪᓗ ᐊᑭᕋᕐᑐᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ ᑍᒤᑦᑐᓂᒃ ᐊᑐᓚᐅᕆᕗᑦ, ᐃᓐᖏᕐᑏᓪᓗ, ᓂᑦᔭᐅᓯᔭᕐᓂᕐᒧᓪᓗ ᐊᖓᔪᖅᑳᖓᑦ ᓯᓇᓁᐊ; ᑍᕕᑎᓗ ᓴᒡᕕᖕᒥᐅᑕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ ᐊᑐᓚᐅᕆᕗᖅ.

ᑯᕉᓂᑲ ᓯᕗᓪᓖᑦ 16:37

ᑕᕝᕙ ᑍᕕᑎᐅᑉ ᐊᓴᐸ ᐃᓚᒋᔭᖏᓪᓗ ᑕᕝᕗᖓ ᕿᒪᒃᐰᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᑕ ᓵᖓᓄᑦ ᑲᔪᓯᓗᑎᒃ ᐱᓇᓱᐊᖁᓪᓗᒋᑦ ᐃᒃᓯᕐᕕᐅᑉ ᓵᖓᓂ, ᖃᐅᑕᒫᑦ ᐱᔭᕆᐊᖃᕐᓂᑎᑦ ᒪᓕᒡᓗᒋᑦ;

ᑯᕉᓂᑲ ᓯᕗᓪᓖᑦ 16:42

ᕼᐃᒪᓐ ᔨᑐᑕᓐᓗ, ᓂᐱᖅᑯᕐᑐᓪᓗᑎᒃ ᓂᓪᓕᐊᑎᑦᓯᓚᐅᕐᐳᑦ ᑎᑦᑐᓚᐅᑎᓂᒃ ᓯᕙᓂᕋᐅᑎᓂᒡᓗ ᓂᑦᔮᑎᑦᓯᓪᓗᑎᒃ ᐃᓐᖏᕈᓯᕐᓂᒃ ᐃᑦᔪᕐᓁᑦᑐᓂᒃ. ᔨᑐᑕᐅᑉ ᐃᕐᓂᖏᑦ ᓇᐅᑦᓯᕐᑐᕐᑎᐅᑎᑕᐅᑎᓪᓗᒋᑦ ᐃᑎᕐᑕᕐᕕᖕᒥ.

ᑯᕉᓂᑲ ᓯᕗᓪᓖᑦ 23:5

4,000 ᑲᒪᔨᐅᔪᒃᓴᐅᕗᑦ ᐃᑎᕐᑕᕐᕕᖕᒥᒃ, 4,000ᓪᓗ ᓂᕐᑐᐃᔨᐅᔪᒃᓴᐅᕗᑦ ᐊᑕᓂᕐᒥᒃ ᓂᑦᔭᐅᑎᓄᑦ, ᓂᕐᑐᐃᑦᔪᑎᒃᓴᓕᐊᕆᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 25:25

18ᖓᓐᓂ ᕼᐊᓇᓁ, ᐃᕐᓂᖏᑦ ᖃᑕᓐᖑᑎᖏᓪᓗ, 12ᕗᑦ;

ᑯᕉᓂᑲ ᐂᑉᐸᖏᑦ 35:14

ᑕᒪᑐᒪ ᑭᖑᕐᖓᒍᑦ ᐃᒻᒥᖕᓄᑦ ᐊᑐᐃᓐᓇᕈᐃᕗᑦ ᑐᓂᕐᕈᓯᕐᑎᑦᓯᔨᓄᓪᓗ, ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᑭᖑᕚᖏᑦ ᐱᔭᒃᓴᖃᕐᒪᑕ ᑐᓂᕐᕈᑎᒃᓴᓂᒃ ᐃᑯᐊᓪᓚᒐᒃᓴᓂᒃ ᑐᓐᓄᖏᓐᓂᒡᓗ ᐅᓐᓄᐊᖅ ᑎᑭᓪᓗᒍ; ᑍᒤᒻᒪᑦ ᓕᕔᑏᑦ ᐃᒻᒥᓄᑦ ᐊᑐᐃᓐᓇᕈᐃᓚᐅᕐᐳᑦ ᑐᓂᕐᕈᓯᕐᑎᑦᓯᔨᓄᓪᓗ ᐂᕉᓂᐅᑉ ᑭᖑᕚᖏᓐᓄᑦ.

ᑯᕉᓂᑲ ᐂᑉᐸᖏᑦ 35:15

ᐃᓐᖏᕐᑏᑦ, ᐊᓴᐸᐅᑉ ᑭᖑᕚᖏᑦ, ᐃᓂᒋᔭᒥᓃᑉᐳᑦ ᑍᕕᑎᐅᑉ ᐱᖁᔨᓯᒪᓂᖓ ᒪᓕᒡᓗᒍ, ᐊᓴᐸᓗ, ᕼᐃᒪᓐᓗ, ᔨᑐᑕᓐᓗ ᐊᖓᔪᖅᑳᕐᔪᐊᑉ ᐅᖃᕐᑎᖁᑎᖏᑦ; ᐃᑎᕐᑕᕐᕕᖕᒥᓗ ᑲᒪᔩᑦ ᐊᑐᓂᑦ ᐃᑎᕐᑕᕐᕕᖕᓂ ᐃᓂᒥᖕᓃᓚᐅᕐᐳᑦ; ᑖᒃᑯᐊ ᐱᓇᓱᐊᕐᕕᖕᒥᖕᓂᑦ ᓅᑦᓴᕆᐊᖃᖏᒻᒪᑕ, ᐃᓚᒥᖕᓄᑦ ᓕᕔᑎᓄᑦ ᐊᑐᐃᓐᓇᕈᐃᕕᐅᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 5:12

ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;

ᐄᓱᕋᐅᑉ ᐊᒡᓚᖏᑦ 2:41

ᑐᒃᓯᐊᕐᕕᒡᔪᐊᒥ ᐃᓐᖏᕐᑏᑦ ᐊᓴᐸᒃᑯᑦ ᑭᖑᕚᕇᑦ 128ᖑᕗᑦ;

ᐄᓱᕋᐅᑉ ᐊᒡᓚᖏᑦ 5:16

ᑍᒤᒻᒪᑦ ᓯᓯᐸᔮᕐ ᐂᓚᐅᕐᐳᖅ ᑐᒃᓯᐊᕐᕕᒡᔪᐊᓪᓗ ᑐᓐᖓᕕᖓᓂᒃ ᐋᖅᑮᓪᓗᓂ ᔨᕉᓴᓕᒦᑦᑐᒥ; ᐱᓇᓱᐊᕐᑕᐅᓂᖓ ᑲᔪᓰᓐᓇᕋᓗᐊᕐᐳᖅ ᑍᑲᓐᖓᓂᑦ ᐅᓪᓗᒥᒧᑦ, ᑭᓯᐊᓂᓕ ᓱᓕ ᐱᔭᕇᓐᖏᓚᖅ.’

ᐃᓐᖏᕈᑎᑦ 150:5

ᓂᕐᑐᕐᓯᐅᒃ ᕿᓚᐅᑎᓄᑦ ᓂᐱᖅᑯᕐᑐᔪᓄᑦ; ᓂᕐᑐᕐᓯᐅᒃ ᐊᓇᐅᓪᓚᒐᕐᓄᑦ ᓂᐱᖅᑯᕐᑐᔪᓄᑦ!

ᕼᐊᒊᑉ ᐊᒡᓚᖏᑦ 2:15

“ᒫᓐᓇ, ᐃᓱᒪᒃᓴᕐᓯᐅᑦᓯᐊᕐᓗᓯ ᖃᐅᔨᓴᓕᕆᑦᓯ ᐅᓪᓗᒥᒥᑦ ᐱᒋᐊᕐᓗᒍ: ᐅᔭᕋᖕᒥᒃ ᐃᓕᔭᐅᔪᖅᑲᓚᐅᕐᑎᓐᓇᒍ ᐅᔭᕋᐅᑉ ᖄᖓᓄᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂ,

ᓴᑲᕅᐊᐅᑉ ᐊᒡᓚᖏᑦ 4:10

“ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.” ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᓴᑲᕅᐊᐅᑉ ᐊᒡᓚᖏᑦ 6:12

ᐅᖃᐅᑎᒍᒃ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᒪᑦ, “ᐅᓇ ᐊᖑᑦ ᓇᐹᕐᑑᑉ ᐊᕙᓚᖓᔪᐊᓂᒃ ᐊᑎᖃᕐᐳᖅ, ᐃᓂᒋᔭᒥᓂᑦ ᐱᕈᕐᐸᓪᓕᐊᔪᒫᕐᒪᑦ ᑐᒃᓯᐊᕐᕕᒡᔪᐊᓕᐅᕐᓗᓂᓗ ᐊᑕᓂᕐᒧᑦ.

ᓴᑲᕅᐊᐅᑉ ᐊᒡᓚᖏᑦ 7:3

ᑐᓂᕐᕈᓯᕐᑎᑦᓯᔨᓂᒃ ᒎᑎᐅᓪᓗ ᐅᖃᕐᑎᖏᓐᓂᒃ ᐊᐱᕆᔭᕐᑐᓚᐅᕐᒪᑕ ᐊᑕᓂᐅᑉ ᐊᔪᒐᖃᖏᑦᑑᑉ ᑐᒃᓯᐊᕐᕕᒡᔪᐊᖓ ᐱᓪᓗᒍ ᐅᖃᕐᓗᑎᒃ, “ᑕᖅᑮᑦ ᑕᓪᓕᒪᖓᓐᓂ ᓱᓕ ᕿᒃᓵᒍᑎᖃᕆᐊᖃᕐᐱᑖ ᓂᕆᑦᑍᓕᓗᑕᓗ, ᑍᒫᒃ ᐱᕙᒃᑲᑦᑕ ᑍᒪᓐᖓᓂᐊᓗᒃ?”

ᓴᒧᐃᓕ ᓯᕗᓪᓖᑦ 22:18

ᑕᕝᕙ ᓴᐅᓕ ᐅᖃᓕᕐᐳᖅ ᑐᐃᒋᒧᑦ, “ᐃᕝᕕᑦ ᑐᖁᓚᐅᒃᑭᑦ ᑐᓂᕐᕈᓯᕐᑎᑦᓯᔩᑦ.” ᑕᕝᕙ ᑐᐃᒋᐅᑉ ᐄᑐᒥᒥᐅᑕᐅᑉ ᑐᓂᕐᕈᓯᕐᑎᑦᓯᔨᓕᒫᑦ ᑐᖁᑉᐰᑦ, ᑍᑦᓱᒪᓂ ᐅᓪᓗᒥ ᑐᓂᕐᕈᓯᕐᑎᑦᓯᔩᑦ 85 ᑐᖁᑕᐅᕗᑦ ᖃᓪᓗᓈᕐᑕᒥᒃ ᓴᒡᕕᖕᒥᐅᑕᒥᒃ ᐊᑐᕐᑐᓕᒫᑦ.