ᐄᓱᕋᐅᑉ ᐊᒡᓚᖏᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᖅᑭᐅᑉ 7ᒋᓕᕐᑕᖓᓂ, ᐃᓴᕆᐊᓕᐅᑉ ᐃᓄᖏᑦ ᓄᓇᑖᕐᑐᐃᓐᓇᐅᓚᐅᕐᐳᑦ ᓄᓇᒥᖕᓂ, ᐃᓄᐃᓪᓗ ᑲᑎᓚᐅᕐᐳᑦ ᔨᕉᓴᓕᒥ ᐊᑕᐅᓯᐅᓕᖅᑲᖓᑦᓯᐊᕐᓗᑎᒃ.

ᐄᓱᕋᐅᑉ ᐊᒡᓚᖏᑦ 3:1 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 7:72

ᐃᓄᑐᐃᓐᓁᑦ ᑐᓂᓯᓚᐅᕐᐳᑦ 168ᓂᒃ ᑭᓗᒍᕌᓂᒃ ᒎᓗᓂᒃ, 140ᓂᒃ ᑭᓗᒍᕌᓂᒃ ᓯᐅᓪᕕᕆᓂᒃ, 67ᓂᒃ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 7:73

ᑐᓂᕐᕈᓯᕐᑎᑦᓯᔩᑦ, ᓕᕔᑎᑦ, ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᑦ, ᓂᑦᔭᐅᓯᔭᕐᑏᑦ, ᐃᓄᑐᐃᓐᓁᓪᓗ ᐅᓄᕐᑐᑦ, ᑐᒃᓯᐊᕐᕕᒃᔪᐊᒥᓗ ᐱᓇᓱᐊᕐᑏᑦ, ᐃᓴᕆᐊᓕᐅᓪᓗ ᐃᓄᖁᑎᓕᒫᖏᑦ ᓄᓇᑖᓚᐅᕐᐳᑦ ᐃᓂᓪᓚᒃᓱᑎᒡᓗ ᓄᓇᓕᖕᓂ ᐃᒡᓗᒐᓴᖕᓂᓗ ᔫᑕᒥ. ᑕᖅᑮᑦ 7ᖓᑦ ᑎᑭᒻᒪᑦ, ᐃᓴᕆᐊᓕᐅᑉ ᐃᓄᖏᑦ ᐃᓂᓪᓚᒃᑎᓚᐅᕐᐳᑦ ᓄᓇᓕᖕᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:1

ᑕᕝᕙᓂ ᑕᖅᑭᒥ ᐅᓪᓘᑉ ᓯᕗᓪᓕᕐᐹᖓᓂ ᐃᓄᐃᓪᓗ ᐃᓘᓐᓇᑎᒃ ᑲᑎᓚᐅᕐᐳᑦ ᐃᓄᒃᑐᑦ ᐊᑕᐅᓯᕐᑐᑦ ᐱᕕᑐᓂᕐᒥ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᐃᓗᐊᓂ. ᐄᓱᕋᓗ ᐊᒡᓚᖕᓂᒃ ᐅᖃᓕᒫᖁᔭᐅᓚᐅᕐᐳᖅ, ᑐᓂᕐᕈᓯᕐᑎᑦᓯᔨ ᐃᓕᓐᓂᐊᕐᓯᒪᒻᒪᕆᒃᑐᕐᓗ ᒨᓯᓯᐅᑉ ᐱᖁᔭᖏᓐᓂᒃ, ᐊᑕᓂᐅᑉ ᐱᖁᔭᓕᐊᕆᓚᐅᕐᑕᖏᓐᓂᒃ ᐃᓴᕆᐊᓕᑎᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:14

ᖃᐅᔨᓚᐅᕐᐳᑦ ᐱᖁᔧᑦ ᐊᑕᓂᐅᑉ ᑐᓂᓚᐅᕐᑕᖏᑦ ᒨᓯᓯᒃᑯᑦ, ᐱᖁᔨᓯᓯᒪᖕᒪᑕ ᐃᓴᕆᐊᓕᒥᐅᓂᒃ ᐊᖏᕐᕋᖃᑬᓐᓇᖃᑦᑕᖁᓪᓗᒋᑦ ᑐᐱᕐᒥ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ ᑐᐱᑐᐃᓐᓇᕐᒦᓐᓂᕐᒥᒃ ᑕᖅᑭᐅᑉ 7ᖓᓐᓂ.

ᒨᓯᓯ ᐱᖓᔪᖏᑦ 16:29

ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ.

ᒨᓯᓯ ᐱᖓᔪᖏᑦ 23:24

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ: ᐅᓪᓗᐃᑦ ᓯᕗᓕᕐᐸᖓᓂ ᑕᖅᑮᑦ 7ᖓᓐᓂ ᑕᕾᕐᓯᕕᖃᕆᐊᖃᕐᐳᓯ, ᑲᑎᒪᔭᕆᐊᖃᕐᐳᓯᓗ ᑐᒃᓯᐊᖃᑎᒌᖕᓂᕐᒧᑦ, ᑎᑦᑐᓚᐅᑏᑦ ᓂᓪᓕᕐᐸᑕ.

ᔨᐸᓁᐊᐅᑉ ᐊᒡᓚᖏᑦ 3:9

“ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᕐᓴᕐᓂᐊᕐᐸᒃᑲ ᐅᖃᐅᓯᕐᑖᕐᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᕐᑐᕐᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 4:32

ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:10

ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᓂᑦᓯᒍᓪᓗ.

ᒨᓯᓯ ᑕᓪᓕᒪᖏᑦ 16:16

“ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;

ᐃᓗᐊᕐᓮᔩᑦ ᐊᒡᓚᖏᑦ 20:1

ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.