ᐄᓱᕋᐅᑉ ᐊᒡᓚᖏᑦ 10:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᐄᓱᕋ ᒪᑭᑉᐳᖅ, ᓯᕗᓕᕐᑎᓪᓗ ᑐᓂᕐᕈᓯᕐᑎᑦᓯᔨᓄᑦ, ᓕᕔᑎᓄᓪᓗ, ᐃᓄᓕᒫᓪᓗ ᐃᓴᕆᐊᓕᒃᑯᓐᓂᒃ ᐊᖏᒻᒪᕆᒃᑎᑦᓯᓕᕐᓗᑎᒃ ᑲᔪᓯᑎᓐᓂᐊᕐᑕᒥᖕᓂᒃ ᓯᑲᓂᐊᑉ ᐱᓇᓱᐊᕐᑕᐅᖁᔭᖓᓂᒃ ᐊᑐᖁᓪᓗᒋᑦ. ᑕᕝᕙ ᐊᖏᒻᒪᕆᒍᑎᒥᖕᓂᒃ ᐊᖏᕐᐳᑦ.

ᐄᓱᕋᐅᑉ ᐊᒡᓚᖏᑦ 10:5 Iomraidhean Croise

ᐄᓱᕋᐅᑉ ᐊᒡᓚᖏᑦ 10:3

ᒫᓐᓇᓕ ᐊᖏᖃᑎᒌᒍᑎᖃᕐᑐᒃᓴᐅᕗᒍᑦ ᒎᑎᑦᑎᓐᓄᑦ ᑖᒃᑯᐊ ᐊᕐᓁᑦ ᓄᓕᐊᕐᑖᕆᓯᒪᔭᕗᑦ ᕿᑐᕐᖓᖏᓪᓗ ᐊᐅᓪᓚᕐᑎᑦᓱᒪᓗᒋᑦ, ᐱᓇᓱᐊᕐᓂᐊᕐᐳᒍᑦ ᐃᓕᑦᓯ ᐃᓱᒪᓕᐅᕆᔨᐅᔪᓯ ᐊᑕᓂᑦᑎᓐᓄᑦ ᒎᑎᐅᑉ ᐱᖁᔭᖏᓐᓂᒃ ᐅᐱᒍᓱᒃᑐᓯ ᐱᖁᔭᑦᓯᓐᓂᒃ ᒪᓕᒡᓗᑕ; ᐊᑏ ᐱᓇᓱᐊᕐᑐᖃᓕᕐᓕ ᒎᑎᐅᑉ ᐱᖁᔭᖏᓐᓂ ᐱᓇᓱᐊᕐᑕᐅᖁᔭᐅᔪᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 10:29

ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 13:25

ᓱᐊᓚᐅᕐᐸᒃᑲᓕ ᐅᖃᕐᓂᕐᓗᒡᕕᒋᓪᓗᒋᓪᓗ, ᐃᓚᖏᓪᓗ ᐋᓐᓂᕐᓯᓚᐅᕐᐸᒃᑲ ᓄᔮᕐᑐᕐᓗᒋᓪᓗ; ᐊᖏᒻᒪᕆᒃᑎᓚᐅᕐᐸᒃᑲ ᒎᑎᐅᑉ ᐊᑎᖓᓂ, ᐅᖃᐅᑎᓪᓗᒋᓪᓗ, “ᐸᓂᓯ ᑐᓂᔭᒃᓴᕆᓐᖏᓚᓯ ᑍᒃᑯᐊ ᐃᕐᓂᖏᓐᓄᑦ, ᐅᕝᕙᓗ ᑍᒃᑯᐊ ᐸᓂᖏᓐᓂᒃ ᑎᒍᓯᔪᒃᓴᐅᓐᖏᓚᓯ ᐃᕐᓂᑦᓯᓐᓄᑦ, ᓇᖕᒥᓂᑦᓯᓐᓄᓪᓘᓐᓃᑦ.

ᓂᕼᐃᒤᐊᐅᑉ ᐊᒡᓚᖏᑦ 5:12

ᑕᕝᕙ ᓯᕗᓕᕐᑏᑦ ᑭᐅᕗᑦ, “ᐱᓇᓱᐊᕐᓂᐊᕐᐳᒍᑦ ᐅᖃᐅᓯᕆᔭᓕᒫᑎᑦ ᐊᑐᕐᓗᒋᑦ, ᐱᖁᑎᖏᓐᓂᒃ ᐅᑎᕐᑎᑦᓯᕕᒋᓂᐊᕐᐸᕗᑦ, ᐊᑭᓕᒃᓴᖏᓐᓂᒡᓗ ᐊᑭᓖᑎᑦᓯᓇᓱᐊᕐᓂᐊᓐᖏᓚᒍᑦ.” ᑕᕝᕙ ᑐᓂᕐᕈᓯᕐᑎᑦᓯᔩᑦ ᕾᖁᓚᐅᕐᐸᒃᑲ, ᓯᕗᓕᕐᑏᓪᓗ ᐊᖏᒻᒪᕆᒍᑎᖃᕐᑎᓚᐅᕐᐸᒃᑲ ᑖᒃᑯᐊ ᓵᖏᓐᓂ, ᐊᖏᕈᑎᒋᔭᒥᖕᓂᒃ ᑲᔪᓯᑦᓯᐊᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:5

ᓯᓚᑐᔪᓪᓗ ᑐᓴᕈᓐᓇᖁᓪᓗᒋᑦ ᑐᑭᓯᐅᒪᔭᖏᑦ ᐊᖏᓕᒃᑲᓐᓂᖁᓪᓗᒋᑦ, ᐊᖑᓪᓗ ᑐᑭᓯᐅᒪᔪᖅ ᐱᓇᓱᐊᕈᑎᒃᓴᖃᒃᑲᓐᓂᖁᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:23

ᐊᖑᑦ ᖁᕕᐊᓱᒃᑎᑕᐅᕗᖅ ᑭᐅᑦᔪᑎᒃᓴᖃᑦᓯᐊᕌᖓᒥ, ᐅᖃᐅᓯᖅ ᓈᒻᒪᓈᕐᑎᓪᓗᒍ, ᐱᐅᔪᐊᓘᕗᖅ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:9

ᐅᕐᓱᕐᑎᕈᑏᑦ ᑎᐱᑦᓯᐊᕆᒃᓴᐅᑏᓪᓗ ᐆᒻᒪᑎᐅᑉ ᖁᕕᐊᒋᕔᑦ, ᑍᒫᒃᑕᐅᖅ ᐊᖑᑎᐅᑉ ᐃᓚᓐᓈᖓᑕ ᐅᖃᐅᑦᔪᐃᓂᖏᑦ ᓰᕐᓇᕐᑑᒋᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:9

ᓯᓚᑐᔪᒥᒃ ᐊᔪᕆᕐᑐᐃᒍᕕᑦ, ᑕᕝᕙ ᓯᓚᑦᑐᒃᑲᓐᓂᕐᓂᐊᕐᐳᖅ, ᐃᓱᐊᕐᑐᒥᒃ ᐃᓕᓮᒍᕕᑦ ᐃᓱᐊᕐᑐᒥᒃ ᐃᓕᑦᓯᒃᑲᓐᓂᕐᓂᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 26:63

ᔩᓱᓯᓕ ᓂᓪᓕᓐᖏᓚᖅ. ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓᑦᑕ ᐅᖃᕐᕕᒋᒃᑲᓐᓂᕐᐹ, “ᒎᑎᐅᑉ ᑐᖁᓱᐃᑦᑑᑉ ᐊᑎᖓᓂ ᐅᖃᖁᓪᓚᕆᓕᕐᐸᒋᑦ, ᐅᖃᐅᑎᓚᐅᕐᑎᒍᑦ ᙭ᔅᑑᓯᐅᖕᒪᖔᕐᐱᑦ, ᒎᑎᐅᑉ ᐃᕐᓂᖓ.”