ᐄᓱᕋᐅᑉ ᐊᒡᓚᖏᑦ 10:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐄᓱᕋ ᐅᑯᖓᓪᓗᓂ ᑐᒃᓯᐊᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᓯᕗᕌᓂ, ᕿᐊᓪᓗᓂᓗ ᖃᕿᐊᓕᕐᓗᓂᓗ ᑖᒃᑯᐊ ᐊᔪᕐᑐᓕᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᐅᓄᕐᑐᒻᒪᕆᐊᓗᐃᑦ ᐊᖑᑏᑦ, ᐊᕐᓁᓪᓗ, ᓱᕈᓰᓪᓗ ᑲᑎᕙᓪᓕᐊᓕᕐᐳᑦ ᑖᑦᓱᒧᖓ ᐃᓚᓕᐅᑎᕙᓪᓕᐊᓪᓗᑎᒃ; ᐊᒃᓱᐊᓗᒃ ᕿᐊᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 10:1 Iomraidhean Croise

ᐊᑕᓃᑦ ᓯᕗᓪᓖᑦ 8:30

“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.

ᐊᑕᓃᑦ ᓯᕗᓪᓖᑦ 9:3

ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.

ᑯᕉᓂᑲ ᐂᑉᐸᖏᑦ 20:13

ᔫᑕᒥᐅᓕᒫᓪᓗ ᐊᖑᑎᑦ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ ᓇᖏᓚᐅᕐᐳᑦ ᐊᑕᓂᐅᑉ ᓵᖓᓂ.

ᑯᕉᓂᑲ ᐂᑉᐸᖏᑦ 20:9

‘ᑲᑉᐱᐊᓇᕐᑐᒧᑦ ᓴᕕᒡᔪᐊᒧᑦ ᑎᑭᑕᐅᒍᑦᑕ, ᐃᖅᑲᕐᑐᕐᑕᐅᓂᕐᒧᑦ, ᐋᓐᓂᐊᓇᕐᑐᒧᓪᓘᓐᓃᑦ, ᑳᖕᓇᕐᑐᒧᓪᓘᓐᓃᑦ, ᓇᖏᕈᒫᕐᐳᒍᑦ ᐆᒪ ᑐᒃᓯᐊᕐᕕᐅᑉ ᓇᔪᒐᕐᐱᑦ ᓵᖓᓂ, ᐊᑏᑦ ᑕᕝᕙᓃᒻᒪᑦ ᐃᒡᓗᒥ, ᕿᓄᒍᑦᑕᓗ ᐋᓐᓂᐊᕈᑎᕗᑦ ᐱᓪᓗᒋᑦ, ᑐᓴᕈᒫᕐᐳᑎᑦ ᐱᐅᓕᓗᑕᓗ.’

ᐄᓱᕋᐅᑉ ᐊᒡᓚᖏᑦ 10:6

ᐄᓱᕋ ᑕᕝᕙᓐᖓᑦ ᑐᒃᓯᐊᕐᕕᒡᔪᐊᑉ ᓯᕗᕌᓂᑦ ᒪᑭᓪᓗᓂ, ᐂᓕᕐᐳᖅ ᔨᕼᐅᕼᐊᓇᒧᑦ ᐃᓔᐊᓯᐅᑉ ᐃᕐᓂᖓᓄᑦ ᐃᒡᓗᕈᓯᖓᓄᐊᕐᓗᓂᓗ, ᑕᕝᕙᓃᓕᕋᒥᓗ ᓂᕆᓚᐅᓐᖏᓚᖅ ᐃᒥᓚᐅᕋᓂᓗ, ᕿᒃᓵᒍᑎᖃᕐᓗᓂ ᐅᑎᓚᐅᕐᑐᐃᑦ ᐸᓯᔭᒃᓴᐅᓂᖏᑦ ᐱᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 1:4

ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 1:6

ᓯᐅᑏᒃᑭᒃ ᑐᓵᓚᐅᕐᓕᒃ, ᐃᔩᒃᑭᒡᓗ ᐅᐃᑕᓗᑎᒃ, ᑐᓴᕈᓐᓇᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂ ᒫᓐᓇ ᐃᓕᖕᓄᑦ ᑐᒃᓯᐊᕈᑎᒋᔭᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐱᔨᑎᑦ ᐃᓴᕆᐊᓕᑎᑦ ᐱᓪᓗᒋᑦ, ᐃᓕᖕᓄᑦ ᐊᔪᕐᑐᓕᓯᒪᒐᑦᑕ ᖃᕿᐊᓕᕐᐳᒍᑦ, ᐅᕙᖓᓗ ᐊᑖᑕᒪᓗ ᐃᒡᓗᒥᐅᖃᑎᖏᑦ ᐊᔪᕐᑐᓕᓯᒪᖓᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 10:28

ᒫᓐᓇ ᐃᓄᐃᑦ ᐃᓴᕆᐊᓕᒥᐅᑦ ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ, ᐃᑎᕐᑕᕐᕕᖕᒥᓗ ᑲᒪᔩᑦ, ᐃᓐᖏᕐᑏᓪᓗ, ᑐᒃᓯᐊᕐᕕᒡᔪᐊᕐᒥᓗ ᐱᔩᑦ, ᓂᑎᓂᒦᑦ, ᐃᒻᒥᖕᓂᒡᓗ ᑐᓂᓯᒪᔪᑦ ᔫᑎᐅᖏᑦᑐᓂᑦ ᑕᒫᓂ ᓄᓇᓕᖕᓂᑦ ᒎᑎᐅᑉ ᐱᖁᔭᖏᓐᓂᒃ ᐱᓇᓱᐊᕐᑎᐅᔪᒪᓪᓗᑎᒃ, ᓄᓕᐊᖏᓪᓗ, ᐃᕐᓂᖏᓪᓗ, ᐸᓂᖏᓪᓗ, ᓱᖅᑯᐃᓱᒃᑐᓕᒫᑦ ᑐᑭᓯᔪᓐᓇᕐᑐᓕᒫᓪᓗ,

ᓂᕼᐃᒤᐊᐅᑉ ᐊᒡᓚᖏᑦ 8:9

ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᐃᓐᖏᕈᑎᑦ 119:136

ᖁᕝᕕᐅᕐᓂᕐᒧᑦ ᐃᔩᒃᑲᒃ ᑯᕕᑐᐃᓐᓇᓕᕐᐴᒃ, ᐱᖁᔭᕐᓂᒃ ᓈᓚᖏᑦᑐᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 32:5

ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ

ᔨᕆᒤᐊᐅᑉ ᐊᒡᓚᖏᑦ 13:17

ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 9:20

ᐅᖃᓪᓚᒃᑎᓪᓗᖓ ᑐᒃᓯᐊᕐᑎᓪᓗᖓᓗ, ᖃᕿᐊᓕᕐᑎᓪᓗᖓᓗ ᐊᔪᕐᓂᓐᓂᒃ, ᐃᓅᖃᑎᒪᓗ ᐃᓴᕆᐊᐊᓕᑎᑦ ᐊᔪᕐᓂᖏᓐᓂᒃ, ᕿᓄᑎᓪᓗᖓᓗ ᐊᑕᓂᕐᒧᑦ ᒎᑎᓐᓄᑦ ᖃᖅᑲᖅ ᐃᑦᔪᕐᓁᑦᑐᖅ ᐱᒋᔭᖓ ᐱᓪᓗᒍ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 3:6

ᐊᔪᕐᓂᕐᒥᓂᒃ ᖃᕿᐊᓕᕐᒪᑕ, ᑖᑦᓱᒪ ᐹᑉᑎᑉᐰᑦ ᑰᖕᒥ ᔪᐊᕐᑕᓂᒥ.

ᓘᑲᓯᐅᑉ ᐊᒡᓚᖏᑦ 19:41

ᔨᕉᓴᓕᒻ ᖃᒡᓕᓪᓗᒍ ᑕᑯᓐᓇᓕᕋᒥᐅᒃ ᖁᕝᕕᐅᕈᑎᒋᕚ,

ᐋᐴᓯᑕᓖᑦ ᐱᓂᐊᕐᓂᖏᑦ 10:30

ᑰᓂᓕᐅᓯ ᐅᖃᕐᐳᖅ, “ᐅᓪᓗᐃᑦ ᓯᑕᒪᐅᓕᕐᐳᑦ, ᑍᒤᓪᓗᐊᓕᕐᑎᓪᓗᒍ ᐃᒡᓗᓐᓂ ᑐᒃᓯᐊᕐᑎᓪᓗᖓ ᐅᓐᓄᓴᒃᑯᑦ 3ᒧᐊᕐᑎᓪᓗᒍ; ᑕᑯᒋ, ᐊᖑᒻᒥᒃ ᓴᖅᑭᑦᑐᖃᑲᓪᓚᓚᐅᕐᐳᖅ ᖃᐅᒪᔪᕐᔪᐊᓂᒃ ᐊᓐᓄᕌᓕᖕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:5

ᑕᕝᕙᓃᕝᕕᒃᓴᕗᑦ ᐃᓱᓕᒻᒪᑦ ᕿᒪᓕᕐᐸᕗᑦ ᐊᐅᓪᓚᕆᐊᕐᑐᓕᕐᓗᑕ, ᑖᒃᑯᐊ ᑕᒪᕐᒥᒃ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ, ᓄᓇᓖᑦ ᓯᓚᑖᓄᑦ ᓯᒡᔭᒧᑦ ᖃᓂᐅᕐᐹᑎᒍᑦ; ᑕᒫᓂᓗ ᓰᖅᑯᕐᓗᑕ ᑐᒃᓯᐊᖃᑎᒌᒃᐳᒍᑦ.

ᕉᒪᒥᐅᓄᑦ 9:2

ᕿᒃᓵᖕᓂᕐᔪᐊᖃᕋᒪ ᐃᓗᒃᑯᓪᓗ ᐋᓐᓂᐊᕈᑎᒋᓪᓗᒍ.

ᒨᓯᓯ ᑕᓪᓕᒪᖏᑦ 31:12

ᐃᓄᐃᑦ ᕾᖁᔭᒃᓴᕆᕙᓯ ᐊᖑᑎᑦ, ᐊᕐᓁᓪᓗ, ᓄᑕᕅᓪᓗ, ᓄᓇᖃᕐᑐᑐᖃᐅᖏᑦᑐᓪᓗ ᓄᓇᑦᓯᓐᓃᑦᑐᑦ, ᐃᓄᓕᒫᑦ ᑐᓴᖁᓪᓗᒋᑦ ᑐᑭᓯᖁᓪᓗᒋᓪᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᕋᓱᒍᓐᓇᖁᓪᓗᒋᑦ, ᑲᒪᑦᓯᐊᕐᓗᑎᒡᓗ ᒪᓕᒍᓐᓇᖁᓪᓗᒋᑦ ᐱᖁᔧᑦ ᐅᖃᐅᓯᓕᒫᖏᓐᓂᒃ.

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.

ᔮᓱᐊᑉ ᐊᒡᓚᖏᑦ 8:35

ᒨᓯᓯᐅᑉ ᐱᖁᔭᓕᒫᖏᑦ ᔮᓱᐊᑉ ᐅᖃᓕᒫᓚᐅᕐᐰᑦ ᑲᑎᒪᔪᓄᑦ ᐃᓴᕆᐊᓕᒥᐅᓄᑦ, ᐊᕐᓁᑦ ᕿᑐᕐᖓᖏᓪᓗ ᓄᓇᓕᑐᖃᐅᖏᑦᑐᓪᓗ ᐃᓅᖃᑎᖏᑦ ᐱᖃᑕᐅᔪᐃᓐᓇᐅᑎᓪᓗᒋᑦ.