ᐄᓱᕋᐅᑉ ᐊᒡᓚᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᖓᔪᖅᑳᕐᔪᐊᑉ ᓮᕋᓯᐅᑉ ᐅᑎᕐᑎᓚᐅᕐᐰᑦ ᐴᒍᑍᑦ ᐃᒥᐅᑏᓪᓗ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᔭᕕᓂᖏᑦ ᔨᕉᓴᓕᐅᑉ ᑐᒃᓯᐊᕐᕕᖓᓂᑦ ᐃᓕᔭᕕᓂᖏᓪᓗ ᑐᒃᓯᐊᕐᕕᖁᑎᒥᓄᑦ ᒎᑎᓐᖑᐊᖁᑎᒥᓄᓪᓗ.

ᐄᓱᕋᐅᑉ ᐊᒡᓚᖏᑦ 1:7 Iomraidhean Croise

ᐊᑕᓃᑦ ᐂᑉᐸᖏᑦ 24:13

ᐊᑕᓂᐅᑉ ᐃᒡᓗᖓᑕ ᐊᑭᑐᔪᒃᓴᔭᖁᑎᓕᒫᖏᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓᓂ ᐊᑭᑐᔪᒃᓴᓕᒫᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ, ᐊᑕᓂᐅᑉ ᑍᒤᑕᐅᔪᒫᕐᓂᕅᓯᒪᓂᖓ ᓇᓚᐅᓪᓗᒍ. ᓂᐱᑯᓁᓴᐅᑉ ᐊᑕᓂᐅᑉ ᐃᒡᓗᖓᑕ ᐃᓗᓕᖁᑎᖏᑦ ᒎᓗᐃᑦ ᓯᖁᑦᑎᕐᐰᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓴᓇᔭᐅᑎᓚᐅᕐᓯᒪᔭᖏᑦ ᑐᒃᓯᐊᕐᕕᒡᔪᐊᒥ ᐊᑐᒐᒃᓴᐅᓂᐊᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 36:10

ᐊᕐᕌᒎᑉ ᐱᒋᐊᕐᓂᖓᓂ ᐊᖓᔪᖅᑳᕐᔪᐊᖅ ᓂᐱᑯᓁᓴ ᑎᓕᓯᓪᓗᓂ ᑎᒍᔭᐅᑎᑉᐹ ᐹᐱᓘᓂᒧᐊᕈᑦᔭᐅᑎᓪᓗᒍᓗ, ᐱᒃᑯᒥᓇᕐᑐᑦ ᐱᖁᑏᑦ ᐊᑕᓂᐅᑉ ᐃᒡᓗᖓᓂᑦ ᓇᒃᓴᕐᑕᐅᑎᓪᓗᒋᑦ, ᔨᑎᑬᐊᓗ, ᔨᕼᐅᐃᐊᑭᐅᑉ ᖃᑕᓐᖑᑎᖓ ᐊᖓᔪᖅᑳᕐᔪᐊᓐᖑᕐᑎᑉᐹ ᔫᑕᒧᑦ ᔨᕉᓴᓕᒧᓪᓗ.

ᑯᕉᓂᑲ ᐂᑉᐸᖏᑦ 36:18

ᒎᑎᐅᑉ ᐃᒡᓗᖓᓃᑦᑐᑦ ᐱᖁᑎᓕᒫᑦ, ᒥᑭᔪᑦ ᐊᖏᔪᓪᓗ, ᐊᑕᓂᐅᓪᓗ ᐃᒡᓗᖓᓂ ᑮᓇᐅᔭᖃᐅᑏᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑮᓇᐅᔭᖃᐅᑎᓕᒫᖏᑦ, ᐊᑕᖏᕐᓗᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.

ᑯᕉᓂᑲ ᐂᑉᐸᖏᑦ 36:7

ᓂᐱᑯᓁᓴᐅᓪᓗ ᐱᖁᑏᑦ ᐃᓚᖏᑦ ᐊᑕᓂᐅᑉ ᐃᒡᓗᖓᓃᑦᑐᑦ ᐹᐱᓘᓂᒧᑦ ᐊᐅᓪᓚᕈᑎᕔᑦ ᐃᓕᓪᓗᒋᓪᓗ ᐊᖓᔪᖅᑳᕐᔪᐊᒃᑯᕕᖕᒥᓄᑦ ᐹᐱᓘᓂᒦᑦᑐᒧᑦ.

ᐄᓱᕋᐅᑉ ᐊᒡᓚᖏᑦ 5:14

ᐅᑎᕐᑎᓚᐅᕐᐰᓪᓗ ᒎᓗᐃᑦ ᓯᐅᓪᕕᕇᓪᓗ ᑐᒃᓯᐊᕐᕕᐅᑉ ᓱᓇᑐᐃᓐᓇᖁᑎᖏᑦ ᑖᑦᓱᒪ ᓂᐱᑯᓁᓴᐅᑉ ᑎᒍᓚᐅᕐᑕᖏᑦ ᔨᕉᓴᓕᒥᑦ ᑐᒃᓯᐊᕐᕕᖕᒧᐊᕈᑎᓪᓗᒋᓪᓗ ᐹᐱᓘᓂᒦᑦᑐᒧᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐅᑎᕐᑎᓚᐅᕐᐰᑦ ᐊᖑᒻᒧᑦ ᓯᓯᐸᔮᕐᒧᑦ, ᑎᓕᓚᐅᕐᑕᒥᓄᑦ ᐊᐅᓚᑦᓯᔨᐅᖁᓪᓗᒍ ᔫᑎᐊᒥ.

ᐄᓱᕋᐅᑉ ᐊᒡᓚᖏᑦ 6:5

ᑍᒃᑯᐊᓗ ᒎᓗᐃᑦ ᓯᐅᓪᕕᕇᓪᓗ ᑐᒃᓯᐊᕐᕕᒡᔪᐊᑉ ᐱᖁᑎᖏᑦ, ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᐹᐱᓘᓂᒧᐊᕈᑎᓚᐅᕐᓯᒪᔭᖏᑦ ᑐᒃᓯᐊᕐᕕᒡᔪᐊᒥᑦ ᔨᕉᓴᓕᒦᑦᑐᒥᑦ, ᐅᑎᕐᑎᑕᐅᔪᒃᓴᐅᕗᑦ ᔨᕉᓴᓕᐅᑉ ᑐᒃᓯᐊᕐᕕᒡᔪᐊᖓᓄᑦ ᐃᓂᒋᒋᐊᓕᖏᓐᓄᐊᕐᑕᐅᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 51:44

ᐹᐱᓘᓂᒥᐅᑦ ᒎᑎᒋᔭᖓᑦ ᐱᐊᓪ ᓱᒋᐊᕈᒫᕐᐸᕋ, ᒥᕆᐊᕐᑎᓪᓗᒍᓗ ᐄᔭᕕᓂᖏᓐᓂᒃ, ᐃᓅᖃᑎᒌᒡᔪᐊᓄᑦ ᐅᐸᒃᑕᐅᕙᒍᓐᓃᕈᒫᕐᐳᖅ. “ᐹᐱᓘᓂᒥᐅᑦ ᐊᕙᓗᕐᔪᐊᖓ ᐅᕐᕈᔪᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 1:2

ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.