ᐄᓱᕋᐅᑉ ᐊᒡᓚᖏᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᖓᔪᖅᑳᕆᔭᐅᔪᑦ ᐃᓚᒌᓄᑦ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᓐᓄᑦ, ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ, ᑭᓇᑐᐃᓐᓇᓕᒫᓄᓪᓗ ᒎᑎᐅᑉ ᐆᒻᒪᑎᖏᑦ ᐊᐅᓚᑦᔭᒃᓯᒪᔭᖏᓐᓂ ᐊᐅᓪᓚᑐᐃᓐᓇᕆᐊᖃᓕᓚᐅᕐᐳᑦ ᐊᑕᓂᐅᓪᓗ ᑐᒃᓯᐊᕐᕕᖓ ᐋᖅᑭᒋᐊᕆᐊᕐᑐᕐᓗᒍ ᔨᕉᓴᓕᒦᑦᑐᖅ.

ᐄᓱᕋᐅᑉ ᐊᒡᓚᖏᑦ 1:5 Iomraidhean Croise

ᑯᕉᓂᑲ ᐂᑉᐸᖏᑦ 36:22

ᐊᕐᕌᒍᒥ ᓯᕗᓪᓕᕐᐹᒥ ᐊᖓᔪᖅᑳᕐᔪᐊᖅ ᓮᕋᓯ ᐴᕐᓯᐊᒥ ᐊᖓᔪᖅᑳᕐᔪᐊᖑᓕᕐᑎᓪᓗᒍ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᔨᕆᒤᐊᒃᑯᑦ ᓇᓚᐅᑦᓯᖁᓪᓗᒍ, ᐴᕐᓯᐊᑉ ᐊᖓᔪᖅᑳᕐᔪᐊᖓᑕ ᓮᕋᓯᐅᑉ ᐊᓂᕐᓂᖓ ᐊᑕᓂᐅᑉ ᐊᐅᓚᑦᔭᒃᑎᑉᐹ ᐅᖃᐅᓯᖃᓚᐅᕐᐳᖅ ᓇᓗᓁᕐᓯᓪᓗᓂ ᐊᖓᔪᖅᑲᐅᕕᓕᒫᒥᓄᑦ ᐊᒡᓚᒃᑕᐅᑎᑦᓯᓪᓗᓂᓗ:

ᐄᓱᕋᐅᑉ ᐊᒡᓚᖏᑦ 1:1

ᓮᕋᓯ ᓯᕗᓪᓕᕐᐹᒥ ᐊᕐᕌᒍᒥ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕐᑎᒥᒍᑦ ᔨᕆᒤᐊᒃᑯᑦ ᓇᓚᐅᑦᓯᓚᐅᕐᐳᖅ, ᓮᕋᓯ ᐊᑕᓂᐅᑉ ᐃᓱᒪᑎᓚᐅᕐᐹ ᐱᓇᓱᐊᖁᓪᓗᒍ ᑎᓕᓯᖁᓪᓗᒍᓗ ᑎᑎᕋᕐᓯᒪᔪᑎᒍᑦ ᐅᖃᓕᒫᕐᑕᐅᖁᓪᓗᒋᓪᓗ ᓂᐱᖃᕐᓗᑎᒃ ᓄᓇᓂ ᐊᖓᔪᖅᑲᐅᕕᒋᔭᓕᒫᒥᓂ ᐃᒫᒃ:

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐄᓱᕋᐅᑉ ᐊᒡᓚᖏᑦ 1:4

ᐃᓄᖁᑎᖏᑦ ᐊᐅᓪᓚᐅᑦᔭᐅᓯᒪᔪᑦ ᐃᑲᔪᕐᑕᐅᔭᕆᐊᖃᑐᐊᕐᐸᑕ ᐅᑎᓕᕐᑎᓪᓗᒋᑦ, ᓯᓚᖅᑲᑎᖏᑦᑕ ᐃᑲᔪᕐᑕᒃᓴᕆᕔᑦ. ᐃᑲᔪᕐᑐᒃᓴᐅᕗᑦ ᓯᐅᓪᕕᕆᓂ ᒎᓗᓂᒡᓗ, ᑕᖁᐊᒃᓴᖏᓂᒡᓗ ᐅᓯᓕᕐᑐᕐᓗᒋᓪᓗ ᐆᒪᔪᖁᑎᖏᑦ, ᑐᓂᕐᕈᑎᒃᓴᖏᓐᓂᒡᓗ ᒎᑎᐅᑉ ᑐᒃᓯᐊᕐᕕᖓᓄᑦ ᔨᕉᓴᓕᒥ.”

ᓂᕼᐃᒤᐊᐅᑉ ᐊᒡᓚᖏᑦ 2:12

ᑕᕝᕙ ᐅᓐᓄᐊᖑᓕᕐᒪᑦ ᒪᑭᑉᐳᖓ, ᐊᖑᑎᓂᒃ ᖃᑦᓰᓐᓇᓂᒃ ᐃᓚᖃᕐᓗᖓ; ᓇᓪᓕᐊᓐᓂᒡᓘᓐᓃᑦ ᐅᖃᐅᑦᔨᓚᐅᓐᖏᓚᖓ ᒎᑎᒪ ᖃᓄᖅ ᐆᒻᒪᑎᒃᑯᑦ ᑐᓂᓯᕕᒋᓚᐅᕐᒪᖔᖓ ᔨᕉᓴᓕᒥ ᐱᓇᓱᐊᖁᓪᓗᖓ; ᐆᒪᔪᓂᒡᓘᓐᓃᑦ ᓇᒃᓴᓚᐅᓐᖏᓚᖓ ᐃᑭᒪᕕᒋᔭᒪ ᐊᓯᐊᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:1

ᐃᓱᒪᒃᑯᑦ ᐃᓱᒪᒃᓴᕐᓯᐅᕐᓂᖅ ᐃᓅᑉ ᐱᒋᕚ, ᐅᖃᐅᓪᓕ ᑭᐅᔭᐅᑦᔪᑎᒃᓴᖓ ᐊᑕᓂᕐᒥᑦ ᐱᕗᖅ.

ᕼᐊᒊᑉ ᐊᒡᓚᖏᑦ 1:14

ᐊᑕᓂᐅᑉ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ, ᑖᓐᓇ ᐊᐅᓚᑦᓯᔨᐅᔪᖅ ᔫᑕᒥᐅᓄᑦ, ᔮᓱᐊᓪᓗ ᔨᕼᐅᔭᑕᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᓕᒫᑦ ᐊᓂᕐᓂᖏᑦ, ᑕᕝᕙ ᑲᑎᕗᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᒥᒃᑕ ᐃᒡᓗᖓᓂᒃ ᓴᓇᔭᕐᑐᓕᕐᓗᑎᒃ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:16

ᒎᑎ ᖁᔭᒋᔭᐅᓕ ᑍᑑᓯ ᐅᕙᑦᑎᑐᑦ ᐃᓗᖏᕐᓱᕐᓗᓂ ᐃᑲᔪᕈᒪᓂᕐᑖᕐᑎᓚᐅᕐᒪᒍ ᐃᓕᑦᓯᓐᓂᒃ.

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.