ᐄᓱᕋᐅᑉ ᐊᒡᓚᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐄᓱᕋᐅᑉ ᐊᒡᓚᖏᑦ 1:2 Iomraidhean Croise

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᑯᕉᓂᑲ ᐂᑉᐸᖏᑦ 2:12

ᕼᐅᕋᒻ ᐅᖃᓚᐅᕆᕗᖅ: “ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᓂᕐᑐᕐᑕᐅᓕ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᖅ, ᐊᖓᔪᖅᑳᕐᔪᐊᖅ ᑍᕕᑎ ᐃᕐᓂᕐᑖᕐᑎᓚᐅᕐᒪᒍ ᓯᓚᑐᔪᒥᒃ, ᓇᓗᓁᕐᓯᑦᓯᐊᕈᓐᓇᕐᑐᒥᒃ ᑐᑭᓯᓯᒪᑦᓯᐊᕐᑐᒥᒡᓗ, ᓴᓇᓂᐊᕐᑐᒥᒃ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ, ᐃᒡᓗᕐᔪᐊᒃᓴᒥᓂᒡᓗ ᓴᓇᓂᐊᕐᑐᒥᒃ.

ᐄᓱᕋᐅᑉ ᐊᒡᓚᖏᑦ 1:5

ᐊᖓᔪᖅᑳᕆᔭᐅᔪᑦ ᐃᓚᒌᓄᑦ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᓐᓄᑦ, ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ, ᑭᓇᑐᐃᓐᓇᓕᒫᓄᓪᓗ ᒎᑎᐅᑉ ᐆᒻᒪᑎᖏᑦ ᐊᐅᓚᑦᔭᒃᓯᒪᔭᖏᓐᓂ ᐊᐅᓪᓚᑐᐃᓐᓇᕆᐊᖃᓕᓚᐅᕐᐳᑦ ᐊᑕᓂᐅᓪᓗ ᑐᒃᓯᐊᕐᕕᖓ ᐋᖅᑭᒋᐊᕆᐊᕐᑐᕐᓗᒍ ᔨᕉᓴᓕᒦᑦᑐᖅ.

ᐄᓱᕋᐅᑉ ᐊᒡᓚᖏᑦ 3:7

ᐃᓄᐃᑦ ᑮᓇᐅᔭᓂᒃ ᑐᓂᓯᓚᐅᕐᐳᑦ ᐊᑭᓕᐅᑎᒃᓴᓂᒃ ᐅᔭᕋᓕᕆᔨᓄᑦ ᕿᔪᓕᕆᔨᓄᓪᓗ ᑐᓂᓯᓚᐅᕆᕗᑦ ᓂᕿᒃᓴᓂᒃ, ᐃᒥᒐᒃᓴᓂᒡᓗ, ᓇᐹᕐᑑᓪᓗ ᐅᕐᓱᖏᓐᓂᒃ ᑐᔫᑎᒃᓴᓂᒃ ᐃᒡᓗᒐᓴᖕᓄᑦ ᑍᕆᒧᑦ ᓮᑐᓂᒧᓪᓗ ᑕᐅᕐᓰᒍᑎᒃᓴᓂᒃ ᓰᑕᕆᓄᑦ ᓯᑎᔪᓄᑦ ᓕᐸᓇᓂᒥᑦ ᐱᓯᒪᔪᓄᑦ, ᑎᑭᐅᑦᔭᐅᒐᔭᕐᑐᓄᑦ ᑕᕆᐅᒃᑯᑦ ᔮᐸᒃᑯᑦ, ᑕᒪᓐᓇ ᐱᓇᓱᐊᕐᑕᐅᓚᐅᕐᐳᖅ ᐊᖏᕈᑎᒋᔭᐅᓯᒪᖕᒪᑦ ᐊᖓᔪᖅᑳᕐᔪᐊᕐᒧᑦ ᓮᕋᓯᒧᑦ ᐴᕐᓯᐊᒥᐅᒧᑦ.

ᐄᓱᕋᐅᑉ ᐊᒡᓚᖏᑦ 4:3

ᔨᕈᐸᐱᐅᓕ ᔩᓱᐊᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᐅᖃᐅᑦᔨᓚᐅᕐᐳᑦ ᑖᒃᑯᓂᖓ, “ᐃᑲᔪᕐᑕᐅᔪᒪᓐᖏᓚᒍᑦ ᐃᓕᑦᓯᓐᓄᑦ ᑐᒃᓯᐊᕐᕕᓕᐅᕐᑎᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ. ᓇᖕᒥᓂᖅ ᓴᓇᓂᐊᕐᐸᕗᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐴᕐᓯᐊᒥᐅᑕᐅᑉ ᑍᒫᒃ ᑎᓕᓚᐅᕐᒪᑎᒍᑦ.”

ᐄᓱᕋᐅᑉ ᐊᒡᓚᖏᑦ 5:15

ᐊᖓᔪᖅᑳᕐᔪᐊᑉ ᐅᖃᐅᑎᓚᐅᕐᒪᒍ, “ᑖᒃᑯᐊ ᐅᑎᕐᑎᓐᓂᐊᕐᐸᑎᑦ ᑐᒃᓯᐊᕐᕕᒡᔪᐊᒧᑦ ᔨᕉᓴᓕᒦᑦᑐᒧᑦ, ᑐᒃᓯᐊᕐᕕᒡᔪᐊᕐᓗ ᓴᓇᔭᐅᒋᐊᓪᓚᖁᓪᓗᒍ ᐃᓂᑐᖃᕆᓚᐅᕐᑕᖓᓂ.”

ᐄᓱᕋᐅᑉ ᐊᒡᓚᖏᑦ 6:10

ᑕᒪᓐᓇ ᐱᓇᓱᐊᕐᑕᐅᔪᒃᓴᐅᕗᖅ ᑖᒃᑯᐊ ᑐᓂᕐᕈᓯᕈᓐᓇᖁᓪᓗᒋᑦ ᒎᑎᒧᑦ ᕿᓚᖕᒦᑦᑐᒧᑦ ᑎᐱᑦᓯᐊᕆᒃᑐᒥᒃ, ᑐᒃᓯᐅᑦᔨᖁᓪᓗᒋᓪᓗ ᐅᕙᓐᓂᒃ ᐃᕐᓂᒃᑲᓂᒡᓗ ᓮᒻᒪᕐᑎᑕᐅᖁᓪᓗᑕ.

ᐄᓱᕋᐅᑉ ᐊᒡᓚᖏᑦ 6:3

“ᐊᖓᔪᖅᑳᕐᔪᐊᖅ ᓮᕋᓯ ᐊᐅᓚᑦᓯᔨᐅᑎᓪᓗᒍ ᐊᕐᕌᒍᒥ ᓯᕗᓪᓕᕐᐹᒥ ᑎᓕᓯᓚᐅᕐᓯᒪᕗᖅ ᑐᒃᓯᐊᕐᕕᒡᔪᐊᖅ ᔨᕉᓴᓕᒦᑦᑐᖅ ᓴᓇᒋᐊᕐᑕᐅᖁᓪᓗᒍ, ᑐᓂᕐᕈᓯᕐᕕᐅᖃᑦᑕᕐᑐᕐᓗ ᐃᓂᒋᕙᒃᑕᖓᑕ ᑐᓐᖓᕕᖓ ᐋᖅᑭᒃᑕᐅᓗᓂ, ᑐᒃᓯᐊᕐᕕᒡᔪᐊᖅ ᐳᕐᑐᓂᖃᕆᐊᖃᕐᐳᖅ 90ᓂᒃ ᐃᑎᒐᖕᓂᒃ ᓴᓂᒧᓪᓗ ᐃᑎᒐᖕᓂᒃ 90ᓂᒃ,

ᐄᓱᕋᐅᑉ ᐊᒡᓚᖏᑦ 7:12

“ᐊᖓᔪᖅᑳᕐᔪᐊᒥᑦ ᐋᕐᑕᔮᒃᓯᒥᑦ ᐊᖓᔪᖅᑳᕐᔪᐊᒥᑦ ᐊᖓᔪᖅᑳᕐᔪᐊᓄᑦ, ᑐᓂᕐᕈᓯᕐᑎᑦᓯᔨᒧᑦ ᐄᓱᕋᒧᑦ, ᒎᑎᐅᑉ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ. ᓮᒪᓂᒻᒪᕆᐅᑉ ᐃᓚᒋᓕᓯ.

ᓂᕼᐃᒤᐊᐅᑉ ᐊᒡᓚᖏᑦ 1:4

ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᐃᓐᖏᕈᑎᑦ 136:26

ᕿᓚᐅᑉ ᒎᑎᖓ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 85:2

ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓚᐅᕐᐸᑎᑦ ᐊᔪᕐᑐᓕᓂᕐᒥᑦ; ᐊᔪᕐᓂᓕᒫᖏᓪᓗ ᒪᑐᓚᐅᕐᐸᑎᑦ. ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 44:26

ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 45:1

“ᐊᑕᓂᖅ ᐃᒫᒃ ᐅᖃᕐᐳᖅ, ᐅᕐᓱᕐᑎᕐᓯᒪᔭᒥᓄᑦ ᓮᕋᓯᒧᑦ, ᑖᓐᓇ ᑕᓕᕐᐱᖓᒍᑦ ᑎᒍᕙᕋ ᓵᓚᖃᖁᓪᓗᒍ ᐃᓅᖃᑎᒌᒡᔪᐊᓂᒃ ᓯᕗᓂᕐᒥᓃᑦᑐᓂᒃ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᕐᔪᐊᕐᓯᐅᑎᖏᓐᓂᒃ ᐲᔧᖁᓪᓗᒍ, ᐅᒃᑯᐊᕐᔪᐊᓂᒃ ᒪᕐᕉᓕᖓᔪᓂᒃ ᐅᒃᑯᐃᕐᓯᑦᔪᑎᔪᒫᕐᐸᕋ ᐃᑎᕐᑕᕐᕖᓪᓗ ᐅᒃᑯᐊᕐᑕᐅᔪᓐᓇᕐᓂᐊᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᔨᕆᒤᐊᐅᑉ ᐊᒡᓚᖏᑦ 10:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, “ᒎᑎᓯ ᑕᒪᒃᑯᐊ, ᓴᓇᓚᐅᖏᓐᓇᒥᒃ ᕿᓚᖕᒥᒃ ᓄᓇᒥᒡᓗ, ᐊᓯᐅᔪᒫᕐᐳᑦ ᓄᓇᒥ ᕿᓚᐅᓪᓗ ᐊᑖᓂ.”

ᔨᕆᒤᐊᐅᑉ ᐊᒡᓚᖏᑦ 27:5

ᐱᔪᓐᓇᕐᓂᕐᔪᐊᓐᓄᑦ ᐊᐅᓚᑦᓯᓂᓐᓄᓪᓗ ᓄᓇ ᓴᓇᓚᐅᕐᐸᕋ ᐃᓄᖏᓪᓗ ᐆᒪᔪᖏᓪᓗᑦᑕᐅᖅ, ᑐᓂᑦᔪᑎᒋᓪᓗᒋᓪᓗ ᑐᓂᑦᔪᑎᒋᔪᒪᔭᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 29:10

ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.

ᑖᓂᐊᓕᐅᑉ ᐊᒡᓚᖏᑦ 1:21

ᑍᒤᒻᒪᑦ ᑖᓂᐊᓕ ᐃᓂᒥᓃᖏᓐᓇᓚᐅᕐᐳᖅ ᐊᕐᕌᒍ ᓯᕗᓪᓕᕐᐹᖅ ᓮᕋᓯᐅᑉ ᐊᖓᔪᖅᑳᕐᔪᐊᖑᓂᖓ ᑎᑭᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 2:28

ᒎᑎᑕᖃᕐᐳᕐᓕ ᕿᓚᖕᒥ ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᒥᒃ, ᑖᑦᓱᒪ ᐊᖓᔪᖅᑳᕐᔪᐊᖅ ᓂᐱᑯᓁᓴ ᖃᐅᔨᑎᑉᐹ ᐅᓪᓗᓂ ᐱᔪᒫᕐᑐᓂᒃ ᓱᔪᖃᕈᒫᕐᒪᖔᑦ. ᓯᓐᓇᒃᑐᐃᑦ ᑕᑯᑎᑕᐅᓃᓪᓗ ᐃᓱᒪᒃᑯᑦ ᐃᓕᖕᓅᓚᐅᕐᑐᑦ ᓯᓂᒃᑎᓪᓗᑎᑦ ᐃᒫᒃ ᑐᑭᖃᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 4:25

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᔪᒫᕋᕕᑦ ᐃᓅᖃᑎᖃᓕᕐᓗᑎᓪᓗ ᐆᒪᔪᓂᒃ ᓄᔪᐊᕐᑐᓂᒃ, ᓂᕿᖃᕈᒫᕐᐳᑎᓪᓗ ᐃᕕᒃᓱᒐᕐᓂᒃ ᐆᒪᔪᖁᑎᒋᔭᐅᔪᑎᑐᑦ ᖃᐅᓯᕐᑎᑕᐅᕙᒡᓗᑎᓪᓗ ᓯᓚᐅᑉ ᐂᔪᖓᓂᖓᓄᑦ, ᓇᓪᓕᐅᓐᓃᓪᓗ 7 ᐊᓂᒍᕐᐸᑕ, ᖁᑦᓯᖕᓂᐹᖅ ᖃᐅᔨᒍᕕᐅᒃ ᐊᑕᓂᐅᓂᖓᓂᒃ ᐃᓄᓕᒫᑦ ᐊᖓᔪᖅᑲᐅᕕᖏᓐᓄᑦ, ᐊᖓᔪᖅᑲᐅᓂᕐᓗ ᑐᓂᕙᖕᒪᒍ ᓇᓪᓕᐊᓐᓄᑦ ᑐᓂᔪᒪᔭᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 4:32

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᑖᓂᐊᓕᐅᑉ ᐊᒡᓚᖏᑦ 6:25

ᐊᖓᔪᖅᑳᕐᔪᐊᕐᓗ ᑍᕉᓯ ᐃᓄᖁᑎᓕᒫᒥᓄᑦ, ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᐃᓄᖕᓄᓪᓗ ᖃᓄᑐᐃᓐᓇᖅ ᐅᖃᐅᓯᖃᕐᑐᓄᑦ ᐊᖓᔪᖅᑲᐅᕕᖕᒥᓃᑦᑐᓄᑦ ᐅᖃᕐᐳᖅ: “ᐊᖏᔪᒥᒃ ᓮᒪᓂᖃᕆᑦᓯ!

ᔫᓇᐅᑉ ᐊᒡᓚᖏᑦ 1:9

ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”