ᐃᓯᑭᐊᓕᐅᑉ ᐊᒡᓚᖏᑦ 9:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑐᖁᕅᓕᕐᑎᓪᓗᒋᓪᓗ ᐃᓄᑑᓕᓚᐅᕐᐳᖓ, ᒪᓂᖅᑲᒧᑦ ᐹᒻᒪᒃᓗᖓ ᕾᒐᓛᓕᕐᐳᖓ, “ᐊᑕᓃᖅ ᒎᑏ! ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᓄᖑᑕᐅᑎᓕᕐᐱᒌᑦ ᓂᓐᖓᐅᒪᓗᐊᕐᓂᕐᓄᑦ ᔨᕉᓴᓕᒥ?”

ᐃᓯᑭᐊᓕᐅᑉ ᐊᒡᓚᖏᑦ 9:8 Iomraidhean Croise

ᒨᓯᓯ ᓯᕗᓪᓖᑦ 18:23

ᐂᑉᕋᕼᐋᒻᓗ ᐊᑕᓂᖅ ᐅᐸᒃᑲᓐᓂᕐᓗᒍ ᐅᖃᐅᑎᕚ, “ᐸᓯᔭᒃᓴᐅᖏᑦᑐᓂᒃ ᐱᖃᓯᐅᑦᔨᓗᑎᑦ ᐱᐅᖏᑦᑐᓕᔪᓂᒃ ᓱᒋᐊᕐᓯᓂᐊᕐᐲᑦ?

ᑯᕉᓂᑲ ᓯᕗᓪᓖᑦ 21:16

ᑍᕕᑎᓗ ᖁᒻᒧᑦ ᑕᑯᓴᕋᒥ ᐊᑕᓂᐅᑉ ᐂᖏᓕᖓ ᑕᑯᕚ ᓯᓔᓐᓇᕐᒦᑦᑐᖅ ᓄᓇᕐᔪᐊᓪᓗ ᕿᓚᐅᓪᓗ ᐊᑯᓐᓂᖓᓂ, ᓴᕕᒡᔪᐊᕐᒥᒃ ᑎᒍᒥᐊᕐᓗᓂ ᐅᕐᓕᕐᑐᖅ ᔨᕉᓴᓕᒧᑦ. ᑕᕝᕙ ᑍᕕᑎ ᐊᖓᔪᖅᑳᓪᓗ, ᐊᓐᓄᕌᕐᓯᒪᓪᓗᑎᒃ ᐊᕐᔭᓕᓂᓕᖕᓂᒃ, ᒪᓂᖅᑲᒧᑦ ᐹᒻᒪᒃᐳᑦ ᓄᓇᒧᑦ ᐳᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 9:5

ᐅᓐᓄᒃᑯᑦ ᑐᓂᕐᕈᓯᕐᓂᖅ ᓇᓪᓕᐅᑎᖕᒪᑦ, ᒪᑭᓚᐅᕐᐳᖓ ᕿᒃᓵᒡᕕᒋᔭᓐᓂᑦ, ᓱᓕ ᐊᓐᓄᕌᑦ ᐊᓕᒃᑐᓚᐅᕐᑕᒃᑲ ᐊᑐᕐᓗᒋᑦ, ᓰᖅᑯᓚᐅᕐᐳᖓ ᑐᒃᓯᐊᕐᓗᖓ ᐊᒡᒐᒃᑲᓗ ᐃᓵᓚᐅᕐᐸᒃᑲ ᐊᑕᓂᕐᒧᑦ ᒎᑎᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 14:13

ᑕᕝᕙ ᐅᖃᕐᐳᖓ, “ᐊᑕᓃᖅ ᒎᑏ, ᑕᑯᒋᑦ, ᐱᔪᖃᓛᕐᑐᓂᒃ ᐅᖃᕐᑎᓄᑦ ᐅᖃᐅᑎᔭᐅᖃᑦᑕᕐᐳᑦ, ‘ᐅᓇᑕᕐᑐᓂᒃ ᑕᑯᓂᐊᓐᖏᓚᓯ, ᑳᖕᓇᕐᑐᖃᕐᓂᐊᓐᖏᓚᕐᓘᓐᓃᑦ, ᖃᓄᐃᓐᓇᕐᑐᖃᖏᑦᑐᒥᓕ ᐃᓅᑦᓯᐊᕐᓂᐊᕐᐳᓯ.’”

ᔨᕆᒤᐊᐅᑉ ᐊᒡᓚᖏᑦ 14:19

ᔫᑕᒥᐅᑦ ᓇᕐᕈᒋᓪᓚᕆᓕᕐᐱᒌᑦ? ᓮᐅᓂᓗ ᑕᕐᓂᕐᐱᑦ ᐆᒥᒋᓕᕐᐸᐅᒃ? ᓱᖕᒪᓪᓕ ᐋᓐᓂᕐᑕᐅᑎᑉᐱᑎᒎᑦ? ᐋᖅᑭᒃᑕᐅᔪᓐᓇᖏᑦᑐᒥᒃ? ᖃᓄᐃᓐᓇᖏᑦᑐᒥᒃ ᕿᓂᕋᓗᐊᕐᐳᒍᑦ ᐱᐅᖏᑦᑐᒧᓪᓕ ᑎᑭᑎᑕᐅᕗᒍᑦ; ᐋᖅᑭᒃᑕᐅᓂᕐᒥᒃ ᓂᕆᐅᒃᑲᓗᐊᕐᐳᒍᑦ ᑕᑯᒋᓪᓕ ᑲᑉᐱᐊᓇᕐᑐᖔᓄᑦ ᑎᑭᑎᑕᐅᕗᒍᑦ.

ᔨᕆᒤᐊᐅᑉ ᐊᒡᓚᖏᑦ 4:10

ᐅᖃᕐᐳᖓᓕ, “ᐊᑕᓃᖅ ᒎᑏ, ᔨᕉᓴᓕᒥᐅᑦ ᐃᓄᖏᑦ ᓴᒡᓗᕿᑉᐸᑎᑦ ᖃᓄᐃᓐᓇᖏᑦᑐᒥᒃ ᐃᓅᓯᖃᕐᓂᐊᕐᓂᕋᕐᓗᒋᑦ, ᓱᓇᐅᕝᕙᓕ ᑐᖁᑕᐅᓂᐊᕐᑎᓪᓗᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 11:13

ᑕᒪᒃᑯᓂᖓ ᐊᑐᕈᒫᕐᑐᓂᒃ ᐅᖃᓪᓚᒡᑎᓪᓗᖓ ᐱᓚᑍᐊ ᐱᓁᐊᐅᑉ ᐃᕐᓂᖓ ᑐᖁᕗᖅ. ᑕᕝᕙ ᒪᓂᖅᑲᒧᑦ ᐹᒻᒪᒃᓗᖓ ᕾᒐᓛᓕᕐᐳᖓ, ᐅᖃᕐᓗᖓ, “ᐊᑕᓃᖅ ᒎᑏᒃ! ᐃᓴᕆᐊᓕᒥᐅᓕᒫᑦ ᐊᒥᐊᒃᑯᖏᑦ ᓄᖑᓐᓂᐊᓕᕐᐱᒌᑦ?”

ᐃᓯᑭᐊᓕᐅᑉ ᐊᒡᓚᖏᑦ 4:14

ᑕᕝᕙ ᑭᐅᕙᕋ, “ᐊᑕᓃᖅ ᒎᑏ! ᑕᑯᒋᑦ, ᓇᖕᒥᓂᖅ ᓇᕐᕈᓇᕐᓯᑎᓚᐅᕐᓯᒪᓐᖏᓚᖓ; ᓄᑕᕋᐅᓂᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐆᒪᔪᕕᓂᕐᒥᒃ ᐃᒻᒥᓃᓐᓇᖅ ᑐᖁᔪᕕᓂᕐᒥᒃ ᓂᕆᓚᐅᕐᓯᒪᓐᖏᓚᖓ ᐆᒪᔪᓄᓪᓗ ᑐᖁᑕᕕᓂᕐᒥᒃ, ᓂᕿᒥᒡᓗ ᒪᒪᖏᑦᑐᒥᒃ ᐅᖁᒻᒦᓚᐅᕐᓯᒪᓇᖓ.”

ᐃᓯᑭᐊᓕᐅᑉ ᐊᒡᓚᖏᑦ 7:8

“ᒫᓐᓇ ᐊᑯᓂᐅᖏᑦᑐᖅ ᓂᓐᖓᐅᓯᓐᓄᑦ ᑎᑭᑕᐅᑎᓐᓂᐊᓕᕐᐸᑦᓯ, ᓂᓐᖓᐅᓯᓐᓄᑦ ᐱᓇᓱᐊᕐᕕᒋᓂᐊᓕᕐᐸᑦᓯ, ᐃᖅᑲᕐᑐᕐᓗᓯᓗ ᐱᓂᐊᕐᓂᓯ ᒪᓕᒡᓗᒋᑦ; ᐊᑭᓂᐊᕐᕕᒋᔪᒫᕐᐸᑦᓯᓗ ᓇᕐᕈᒋᔭᓐᓂᒃ ᐱᓇᓱᐊᕐᓂᕆᓯᒪᔭᓕᒫᓯ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 14:5

ᑕᕝᕙ ᒨᓯᓯ ᐂᕉᓂᓗ ᐹᒻᒪᖓᕘᒃ ᑮᓇᑎᒃ ᓄᓇᒧᑦ ᑐᓐᖓᓪᓗᒋᒃ ᐃᓄᒋᐊᒃᑐᕐᔪᐊᑦ ᑲᑎᒪᔪᑦ ᐃᓴᕆᐊᓕᒥᐅᑦ ᓵᖓᓂ.

ᒨᓯᓯ ᓯᑕᒪᖏᑦ 16:4

ᒨᓯᓯᓗ ᑐᓴᕋᒥ, ᓄᓇᒧᑦ ᐳᓪᓗᓂ ᐹᒻᒪᒃᐳᖅ;

ᒨᓯᓯ ᓯᑕᒪᖏᑦ 16:45

“ᐅᑯᐊ ᐃᓄᒋᐊᒃᑐᕐᔪᐊᑦ ᕿᒪᓕᒃᑭᑦ, ᑕᕝᕔᓐᓇᖅ ᓄᖑᓐᓂᐊᕋᒃᑭᑦ.” ᑖᒃᑯᐊᒡᓗ ᓄᓇᒧᑦ ᐹᒻᒪᒃᐴᒃ ᒪᓂᖅᑲᒧᑦ ᑮᓇᑎᒃ ᐳᓪᓗᒋᑦ.

ᒨᓯᓯ ᑕᓪᓕᒪᖏᑦ 9:18

ᑕᒪᑐᒪ ᑭᖑᓂᖓᒍᑦ ᐊᑕᓂᐅᑉ ᓵᖓᓂ ᐹᒻᒪᖓᓕᓚᐅᕆᕗᖓ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓱᓇᒥᒡᓘᓐᓃᑦ ᓂᕆᓚᐅᕐᓇᖓ ᐃᒥᓚᐅᕐᓇᖓᓗ. ᑍᒤᓕᐅᓚᐅᕐᐳᖓᓕ ᐊᑕᓂᕐᒧᑦ ᐊᔪᕐᑐᓕᓚᐅᕐᓂᑦᓯᓐᓄᑦ ᐊᖏᔪᒥᒃ ᓂᓐᖓᒃᑎᓚᐅᕋᑦᓯᐅᒃ.

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.