ᐃᓯᑭᐊᓕᐅᑉ ᐊᒡᓚᖏᑦ 9:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᒥᐊᒃᑯᖏᑦᓯᐊᕐᓗᒋᑦ ᑐᖁᕅᒋᑦᓯ ᐃᑦᑐᓂᒃ, ᐃᓅᓱᒃᑐᓂᒃ ᐊᖑᑎᓂᒃ ᐊᕐᓇᓂᒡᓗ, ᓄᑕᖅᑲᓂᒃ ᐊᕐᓇᓂᒡᓗ, ᓇᓗᓁᒃᑯᓯᕐᓯᒪᔪᓂᒡᓕ ᑐᖁᑦᓯᑦᑍᓕᓗᓯ. ᐱᒋᐊᕐᓗᓯ ᐃᑦᔪᕐᓁᑦᑐᕕᖁᑎᓐᓂᑦ.” ᑖᒃᑯᐊᓗ ᐱᒋᐊᕐᐳᑦ ᐊᖓᔪᖅᑳᑦ ᑐᒃᓯᐊᕐᕕᒡᔪᐊᕐᒦᑦᑐᑦ ᐱᒋᐊᕐᕕᒋᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 9:6 Iomraidhean Croise

ᒨᓯᓯ ᓯᕗᓪᓖᑦ 4:15

ᐊᑕᓂᐅᓪᓕ ᑭᐅᕚ, “ᑍᒫᖑᓐᖏᓚᖅ! ᓇᓪᓕᐊᑦ ᑬᓂᒥᒃ ᑐᖁᑦᓯᔪᖅ, 7ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐳᖅ.” ᐊᑕᓂᐅᓪᓗ ᑬᓂ ᓇᓗᓁᒃᑯᓯᕐᐹ, ᓇᓪᓕᐊᑦ ᑬᓂᒥᒃ ᑲᑎᓯᔪᖅ ᑐᖁᑦᓯᖁᓇᒍ ᑖᑦᓱᒥᖓ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᒨᓯᓯ ᐂᑉᐸᖏᑦ 12:23

ᐊᑕᓂᖅ ᐄᑦᔨᑉᑎᒃᑯᑦ ᐃᖏᕐᕋᓕᕈᓂ ᐄᑦᔨᑉᑎᒥᐅᓂᒃ ᑐᖁᕅᔭᕐᑐᕐᓗᓂ ᐊᐅᒥᑎᕐᓯᒪᔪᒥᒃ ᐅᒃᑯᐊᒥᒃ ᑕᑯᔭᕌᖓᒥ ᐂᖏᓕ ᑐᖁᕅᔨ ᐃᒡᓗᑦᓯᓐᓄᑦ ᐃᑎᕐᓂᐊᓐᖏᓚᖅ ᑐᖁᑦᓯᔭᕐᑐᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 16:6

ᑕᒪᕐᒥᒃ ᐊᔪᖏᑦᑐᑦ ᐊᔪᕐᑐᓪᓗ ᑐᖁᔪᒫᕐᐳᑦ ᓄᓇᒥ ᑕᒫᓂ; ᐃᓗᕕᕐᑕᐅᔪᒫᓐᖏᓚᑦ, ᕿᒃᓵᒍᑕᐅᔪᒫᓐᖏᓚᓪᓘᓐᓃᑦ ᐅᒡᒍᐊᕐᓂᕐᒧᑦ ᑭᓪᓕᐊᑦᔪᑕᐅᔪᒫᓐᖏᓚᑦ ᓄᔧᔭᕈᑕᐅᔪᒫᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 25:29

ᑕᑯᓕᕆᑦᓯ, ᐃᒡᓗᒐᓴᒡᔪᐊᖁᑎᒪ ᐊᓯᕈᕐᑕᐅᑦᔪᑎᒃᓴᖓᓂᒃ ᑎᑭᑎᑦᓯᕙᓪᓕᐊᓕᕐᐳᖓ, ᓱᒋᐊᕐᑕᐅᓂᐊᕋᓱᒋᖏᑉᐱᓰ? ᓱᒋᐊᕐᑕᐅᖏᑦᑑᓂᐊᓐᖏᓚᓯ, ᑐᖁᕋᕐᑕᐅᑦᔪᑎᒃᓴᓯᓐᓂᒃ ᑎᑭᑎᑦᓯᓂᐊᕋᒪ ᐃᓅᔪᓕᒫᓄᑦ ᓄᓇᒥ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 44:7

“ᑍᒤᒻᒪᑦ ᐃᒫᒃ ᐊᑕᓂᖅ ᒎᑎ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓱᒪᓚᐅᕆᑦᓯ ᖃᓄᐃᒻᒪᑦ ᐃᓕᑦᓯᓐᓂᒃ ᐱᐅᖏᑦᑐᓕᐅᕐᑎᒻᒪᖔᑦᓯ, ᐊᖑᑎᑦ ᐊᕐᓁᓪᓗ ᓱᕈᓰᓪᓗ ᓄᑕᕋᑯᓗᐃᓪᓗ ᐊᓯᕈᕐᑕᐅᖁᒐᑦᓯᐅᒃ ᐊᒥᐊᒃᑯᖃᕈᒪᔪᓐᓃᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᔨᕆᒤᐊᐅᑉ ᐊᒡᓚᖏᑦ 6:11

ᐅᕙᖓᓕ ᐊᑕᓂᐅᑉ ᓂᓐᖓᐅᓯᖓᓂᑦ ᐱᑕᖃᓗᐊᓂᕐᒧᑦ ᐱᓯᒪᒋᐊᖓ ᑕᖃᕙᕋ, “ᐊᓂᑎᓕᕈᒃ ᕿᑐᕐᖓᖏᓐᓄᑦ ᐊᖅᑯᑎᒦᑦᑐᓄᑦ, ᐃᓅᓱᒃᑐᖁᑎᖏᓐᓄᓪᓗ ᑲᑎᒪᔪᓄᑦ, ᓄᓕᐊᕇᓄᓪᓗ ᓴᖅᑭᓐᓂᐊᕐᐸᕋ ᐃᓄᑐᖃᐅᓕᕐᑐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 9:21

ᐃᒐᓛᑎᒍᑦ ᑐᖁ ᑎᑭᐅᑎᓯᒪᖕᒪᑦ, ᐱᔭᐅᑦᔧᕐᓯᒪᕕᑦᑎᓐᓄᓪᓗ ᓴᖅᑭᓯᒪᖕᒪᑦ, ᐊᖅᑯᑎᑦᑎᓐᓂᓗ ᓄᑕᕅᕈᑎᑎᑦᓯᓪᓗᓂ, ᐃᓄᒋᐊᒃᑐᒃᑯᕕᖕᓂᒡᓗ ᐃᓅᓱᒃᑐᐃᕈᑎᑎᑦᓯᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 11:1

ᐊᓂᕐᓂᐅᑉ ᖃᖓᑦᑕᕐᑎᒃᑲᒥᖓ, ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕐᑎᑉᐹᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ. ᑕᑯᒋᓪᓗ, ᐃᑎᕐᑕᕐᕕᐅᑉ ᑖᑦᓱᒪ ᖃᓂᒋᔭᖓᓂ ᐊᖑᑎᓂᒃ 25ᓂᒃ ᑕᑯᕗᖓ; ᑕᑯᔭᒪᓗ ᐃᓚᖓᑦ ᔭ-ᐊᔭᓁᐊ ᐃᓚᒋᔭᐅᕗᖅ ᐊᔾᔪᕆᐅᑉ ᐃᕐᓂᖓ, ᐱᓚᑍᐊᓗ ᐱᓁᐊᐅᑉ ᐃᕐᓂᖓ, ᑖᒃᑯᐊᒃ ᐊᖓᔪᖅᑳᕆᔭᐅᕘᒃ ᐃᓅᖃᑎᒌᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 9:5

ᐊᓯᖏᓐᓄᓪᓗ ᐅᖃᐅᑦᔨᔪᖅ ᑕᕝᕙᓃᖃᑎᒋᔭᖏᓐᓂᒃ ᑐᓴᕐᐸᕋ, “ᑖᓐᓇ ᒪᓕᒃᓯᐅᒃ ᐃᒡᓗᒐᓴᒡᔪᐊᑎᒍᑦ, ᑐᖁᕅᓗᓯᓗ; ᐊᓐᓁᑦᑍᓕᒋᑦᓯ, ᓂᑲᒋᔭᖃᕐᑍᓕᓗᓯᓗ.

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᓘᑲᓯᐅᑉ ᐊᒡᓚᖏᑦ 12:47

“ᐱᔨ ᐊᖓᔪᖅᑳᒥ ᐱᖁᔭᖓᓂᒃ ᖃᐅᔨᒪᔪᖅ, ᐅᐸᓗᖕᒊᔭᕋᓂᓗ ᐱᓂᐊᓚᐅᖏᑦᑐᖅ ᐱᖁᔭᖓᓂᒃ, ᓱᒋᐊᕐᑕᐅᔪᒫᕐᐳᖅ ᓂᑲᒋᔭᐅᖏᓪᓗᓂ ᑏᒐᕐᑐᕐᑕᐅᔪᒫᕐᐳᖅ.

ᒨᓯᓯ ᑕᓪᓕᒪᖏᑦ 2:34

ᑍᑦᓱᒪᓂᑦᓮᓐᓇᕐᑕᐅᖅ ᓄᓇᓖᑦ ᖃᓂᒋᔮᓃᑦᑐᓕᒫᑦ ᓵᓚᒋᓚᐅᕐᐸᕗᑦ ᓄᖑᑦᓯᐊᕐᓗᒋᓪᓗ, ᐃᓄᓕᒫᖏᓪᓗ ᑐᖁᓪᓗᒋᑦ, ᐊᖑᑎᑦ, ᐊᕐᓁᑦ, ᓄᑕᖅᑲᓪᓗ. ᐊᒥᐊᒃᑯᖃᕐᑎᑦᓯᓚᐅᓐᖏᓚᒍᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 3:6

ᐃᒡᓗᒐᓴᓕᒫᑦ ᓄᖑᑦᓯᐊᓚᐅᕐᐸᕗᑦ ᐃᓄᓕᒫᖏᓪᓗ ᑐᖁᕋᕐᓗᒋᑦ ᐊᖑᑎᑦ, ᐊᕐᓁᑦ, ᓄᑕᖅᑲᑦ, ᑍᒫᑦᓮᓐᓇᖅ ᑍᒤᓕᐅᓚᐅᕐᒥᒐᑦᑕ ᐊᖓᔪᖅᑳᕐᔪᐊᕐᒧᑦ ᓮᕼᐆᓂᒧᑦ ᕼᐃᓴᐸᓂᒥᐅᒧᑦ.

ᒨᓯᓯ ᑕᓪᓕᒪᖏᑦ 32:23

ᐱᓂᕐᓗᒃᑕᐅᓇᕐᑐᓄᑦ ᐃᓱᓕᑦᓱᓐᓇᖏᑦᑐᓄᑦ ᑎᑭᑕᐅᑎᑦᓱᒪᕙᒃᑲ ᖃᕐᔪᓕᒫᒃᑲᓗ ᐊᑕᖏᕐᓗᒋᑦ ᑖᒃᑯᓄᖓ ᓵᖓᓂᐊᕐᐳᑦ ᐊᓯᕈᕈᒪᓪᓗᒋᑦ;

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:3

ᐅᖃᕐᓗᓂ, “ᓄᓇᕐᔪᐊᖅ ᐊᓯᕈᕐᑍᓕᓯᐅᒃ ᐃᒪᕕᒡᓘᓐᓃᑦ ᓇᐹᕐᑐᐃᓪᓘᓐᓃᑦ, ᒎᑎᑦᑕ ᐱᔨᖏᓐᓂᒃ ᖃᐅᖏᑎᒍᑦ ᓇᕿᑦᔪᓯᕐᓯᓚᐅᖏᓐᓂᑦᑎᓐᓂ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:4

ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ;

ᓴᒧᐃᓕ ᓯᕗᓪᓖᑦ 15:3

ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”