ᐃᓯᑭᐊᓕᐅᑉ ᐊᒡᓚᖏᑦ 9:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 9:4 Iomraidhean Croise

ᒨᓯᓯ ᓯᕗᓪᓖᑦ 4:15

ᐊᑕᓂᐅᓪᓕ ᑭᐅᕚ, “ᑍᒫᖑᓐᖏᓚᖅ! ᓇᓪᓕᐊᑦ ᑬᓂᒥᒃ ᑐᖁᑦᓯᔪᖅ, 7ᐃᕐᑐᓪᓗᐊᕐᑐᒥᒃ ᐊᑭᔭᐅᔭᕆᐊᖃᕐᐳᖅ.” ᐊᑕᓂᐅᓪᓗ ᑬᓂ ᓇᓗᓁᒃᑯᓯᕐᐹ, ᓇᓪᓕᐊᑦ ᑬᓂᒥᒃ ᑲᑎᓯᔪᖅ ᑐᖁᑦᓯᖁᓇᒍ ᑖᑦᓱᒥᖓ.

ᐊᑕᓃᑦ ᐂᑉᐸᖏᑦ 22:13

“ᐊᑕᓂᕐᒥᒃ ᖃᐅᔨᒋᐊᕈᑦᔭᐅᔪᒪᓕᕐᐳᖓ ᐃᓄᖏᓪᓗ ᐱᓪᓗᒋᑦ, ᔫᑕᒥᐅᓪᓗ ᐱᑦᔪᑎᒋᓪᓗᒋᑦ, ᐊᒡᓔᑦ ᑖᒃᑯᐊ ᓇᓂᔭᐅᔪᕕᓃᑦ ᐊᔪᕆᕐᑐᐃᑦᔪᑎᒋᔭᖏᓐᓂᒃ; ᐊᑕᓂᐅᑉ ᐊᖏᔪᒥᒃ ᓂᓐᖓᒡᕕᒋᓯᒪᕚᑎᒍᑦ ᓯᕗᓕᑦᑕ ᑖᒃᑯᐊ ᐊᒡᓔᑦ ᐊᔪᕆᕐᑐᐃᑦᔪᑎᒋᔭᖏᑦ ᒪᓕᓚᐅᖏᒻᒪᑦᔪᒃ, ᐱᓂᐊᕐᓂᖃᓚᐅᕋᑎᒡᓗ ᑎᑎᕋᕐᓯᒪᔪᑦ ᒪᓕᒡᓗᒋᑦ.”

ᐃᓐᖏᕈᑎᑦ 119:136

ᖁᕝᕕᐅᕐᓂᕐᒧᑦ ᐃᔩᒃᑲᒃ ᑯᕕᑐᐃᓐᓇᓕᕐᐴᒃ, ᐱᖁᔭᕐᓂᒃ ᓈᓚᖏᑦᑐᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 119:53

ᐱᐅᖏᑦᑐᑦ ᐊᖏᔪᒥᒃ ᐃᓗᐃᓪᓕᕈᑎᒋᕙᒃᑲ, ᐱᖁᔭᕐᓂᒃ ᕿᒤᓯᒪᓂᖏᑦ ᐱᓪᓗᒋᑦ.

ᒨᓯᓯ ᐂᑉᐸᖏᑦ 12:13

ᐊᖏᕐᕋᕆᔭᑦᓯᓗ ᐃᑎᕐᑕᕐᕕᖓᑕ ᐊᕙᓗᐊᒍᑦ ᐊᐅᒥᑎᕐᓯᒪᓂᖏᑦ, ᐃᓕᑦᓯᓐᓄᑦ ᓇᓗᓁᒃᑯᑕᐅᓂᐊᕐᐳᑦ ᓇᓃᓐᓂᑦᓯᓐᓂᒃ; ᐊᐅᖕᒥᒡᓗ ᑕᑯᑐᐊᕈᒪ, ᑕᕝᕙ ᖄᖏᕐᓂᐊᕐᐸᑦᓯ, ᑕᒪᑐᒧᖓᓗ ᑲᑉᐱᐊᓇᕐᑐᕐᔪᐊᒧᑦ ᑎᑭᑕᐅᓂᐊᓐᖏᓚᓯ ᐄᑦᔨᑉᑎᒥᐅᑦ ᓱᒋᐊᓕᕈᒃᑭᑦ.

ᒨᓯᓯ ᐂᑉᐸᖏᑦ 12:23

ᐊᑕᓂᖅ ᐄᑦᔨᑉᑎᒃᑯᑦ ᐃᖏᕐᕋᓕᕈᓂ ᐄᑦᔨᑉᑎᒥᐅᓂᒃ ᑐᖁᕅᔭᕐᑐᕐᓗᓂ ᐊᐅᒥᑎᕐᓯᒪᔪᒥᒃ ᐅᒃᑯᐊᒥᒃ ᑕᑯᔭᕌᖓᒥ ᐂᖏᓕ ᑐᖁᕅᔨ ᐃᒡᓗᑦᓯᓐᓄᑦ ᐃᑎᕐᓂᐊᓐᖏᓚᖅ ᑐᖁᑦᓯᔭᕐᑐᕐᓗᓂ.

ᒨᓯᓯ ᐂᑉᐸᖏᑦ 12:7

ᐊᐅᖓᑕᓗ ᐃᓚᖓᓂᒃ ᐱᓗᑎᒃ, ᐃᑎᕐᑕᕐᕕᐅᑉ ᓴᓂᕋᖏᒃᑕ ᐊᕙᓗᖏᒃ ᐊᑐᓂᑦ ᐊᐅᖕᒧᑦ ᒥᖑᐊᕐᓯᕕᐅᔪᒃᓴᐅᕗᑦ, ᐃᑎᕐᑕᕐᕕᐅᓪᓗ ᖁᓛᑕ ᓴᓐᓂᖓᔪᐊ ᐱᖃᓯᐅᑎᓗᒍ ᑕᕝᕙᓐᖓᑦ ᓂᕆᓂᐊᕐᑕᖓᑦᑕ ᐊᐅᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 13:17

ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 21:6

ᑍᒤᒻᒪᑦ ᐊᓂᕐᓴᐅᒥᓗᑎᑦ ᐃᓅᑉ ᐃᕐᓂᖓ; ᐊᓂᕐᓴᐅᒥᒋᑦ ᐆᒻᒪᑎᒃᑯᑦ ᓯᖁᒥᓯᒪᓗᑎᑦ ᕿᒃᓵᒡᕕᒡᔪᐊᕐᓗᑎᓪᓗ ᐃᓄᖕᓄᑦ ᑕᑯᓐᓇᕐᑕᐅᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 6:11

ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ, “ᐸᑦᑕᒋᑦᓯ, ᐃᑎᒐᓯᓗ ᑐᒃᑲᕐᓗᒋᑦ, ᐅᖃᕐᓗᓯᓗ, ᐊᓱᐃᓛᒃ! ᐱᐅᖏᑦᑐᓄᑦ ᒎᑎᒧᓪᓗ ᓇᕐᕈᓇᕐᑐᓄᑦ ᐃᓴᕆᐊᓕᐅᑉ ᑭᖑᕚᖏᓐᓃᑦᑐᓄᑦ; ᑍᒤᓕᐅᕐᑐᑦ ᓴᕕᒡᔪᐊᕐᒧᑦ ᑐᖁᔪᒃᓴᐅᖕᒪᑕ, ᑳᖕᓇᕐᑐᕐᔪᐊᒧᓪᓗ, ᐋᓐᓂᐊᓇᕐᑐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 9:5

ᐊᓯᖏᓐᓄᓪᓗ ᐅᖃᐅᑦᔨᔪᖅ ᑕᕝᕙᓃᖃᑎᒋᔭᖏᓐᓂᒃ ᑐᓴᕐᐸᕋ, “ᑖᓐᓇ ᒪᓕᒃᓯᐅᒃ ᐃᒡᓗᒐᓴᒡᔪᐊᑎᒍᑦ, ᑐᖁᕅᓗᓯᓗ; ᐊᓐᓁᑦᑍᓕᒋᑦᓯ, ᓂᑲᒋᔭᖃᕐᑍᓕᓗᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 9:6

ᐊᒥᐊᒃᑯᖏᑦᓯᐊᕐᓗᒋᑦ ᑐᖁᕅᒋᑦᓯ ᐃᑦᑐᓂᒃ, ᐃᓅᓱᒃᑐᓂᒃ ᐊᖑᑎᓂᒃ ᐊᕐᓇᓂᒡᓗ, ᓄᑕᖅᑲᓂᒃ ᐊᕐᓇᓂᒡᓗ, ᓇᓗᓁᒃᑯᓯᕐᓯᒪᔪᓂᒡᓕ ᑐᖁᑦᓯᑦᑍᓕᓗᓯ. ᐱᒋᐊᕐᓗᓯ ᐃᑦᔪᕐᓁᑦᑐᕕᖁᑎᓐᓂᑦ.” ᑖᒃᑯᐊᓗ ᐱᒋᐊᕐᐳᑦ ᐊᖓᔪᖅᑳᑦ ᑐᒃᓯᐊᕐᕕᒡᔪᐊᕐᒦᑦᑐᑦ ᐱᒋᐊᕐᕕᒋᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 6:6

ᕔᓂᒥᒃ ᐃᒥᕐᑐᐊᓘᕙᒃᑐᓯ ᖃᑦᑕᕐᓄᑦ, ᐅᕐᓱᕐᑎᕐᐸᒃᑐᓯᓗ ᐅᕐᓱᕐᑎᕈᑎᑦᓯᐊᕙᐅᓂᕐᐹᓄᑦ ᑎᐱᑦᓯᐊᕆᒃᑐᓄᑦ, ᕿᒃᓵᒍᑎᖃᖏᑦᑐᓯᓗ ᐃᓴᕆᐊᓕᐅᑉ ᐊᓯᕈᕐᑕᐅᓂᖓᓂᒃ.

ᔨᐸᓁᐊᐅᑉ ᐊᒡᓚᖏᑦ 1:12

“ᑕᒪᓐᓇ ᐊᑐᓕᕐᐸᑦ ᔨᕉᓴᓕᒻ ᕿᓂᕐᕕᒋᔪᒫᕐᐸᕋ ᓇᓂᕈᐊᓄᑦ, ᓱᒋᐊᕈᒫᕐᐸᒃᑲᓗ ᐃᒻᒥᖕᓂᒃ ᓈᒻᒪᒐᓱᒋᔪᑦ ᐱᔪᓐᓇᕋᓱᒋᔪᓪᓗ, ᐆᒻᒪᑎᒥᒍᓪᓗ ᐃᓱᒪᔪᑦ, ‘ᐊᑕᓂᖅ ᐱᐅᔪᓂᒃ ᐱᐅᖏᑦᑐᓂᒡᓘᓐᓃᑦ ᐱᓇᓱᐊᕐᓂᐊᓐᖏᓚᖅ.’

ᔨᐸᓁᐊᐅᑉ ᐊᒡᓚᖏᑦ 3:18

ᕿᒃᓵᖕᓇᕐᑐᑦ ᓇᓪᓕᐅᕐᓂᕐᓯᐅᕐᓃᑦ ᐲᕐᑎᓐᓂᐊᕐᐸᒃᑲ, ᓯᕘᕋᓵᕈᑎᒋᔭᒃᑲ ᐲᕐᑎᓐᓂᐊᕐᐸᒃᑲ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:22

ᓇᓗᓁᒃᑯᓯᕐᐹᑎᒍᓪᓗ ᓇᕿᑦᔪᑎᒥᓄᑦ ᐅᕙᑦᑎᓐᓂᒃ ᐱᖃᕐᓂᕐᒥᓂᒃ ᓇᓗᓁᕐᓯᔪᒥᒃ, ᐊᓂᕐᓂᕐᓗ ᐃᑦᔪᕐᓁᑦᑐᖅ ᐃᓗᑦᑎᓐᓄᑦ ᐱᑎᑉᐹ, ᓇᓗᓇᖁᓇᒍ ᐊᖏᕈᑎᒋᓯᒪᔭᖏᓐᓂᒃ ᐱᑖᓛᕐᓂᕗᑦ ᑖᑦᓱᒪᓐᖓᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᒐᓔᑎᐊᒥᐅᓄᑦ 6:17

ᑭᖑᓪᓕᕐᐹᒥᒡᓕ ᓇᓕᑦᓯᓐᓄᑦ ᐅᖁᒤᓐᓇᕐᑐᒥᒃ ᐱᑎᑕᐅᔪᒪᓂᐊᕈᓐᓃᕐᐳᖓ; ᑎᒥᓐᓂ ᕿᓕᕈᒃᑲ ᔩᓱᓯᒥᐅᑕᐅᓂᕐᒥᒃ ᓴᖅᑭᑎᑦᓯᖕᒪᑕ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:1

ᑕᑯᓴᕋᒪᓗ, ᑕᑯᕗᖓ, ᓄᕐᕋᐅᔭᕐᒥᒃ ᖃᖅᑲᒥ ᓮᐅᓂᒥ ᓇᖏᕐᑐᒥᒃ, ᓇᖏᖃᑎᖃᕐᓗᓂ 144,000ᓂᒃ ᐊᑎᖓᓂᒃ ᐊᑖᑕᖓᑕᓗ ᐊᑎᖓᓂᒃ ᑎᑎᕋᕐᕕᐅᓯᒪᔪᓂᒃ ᖃᐅᖏᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:4

ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ;