ᐃᓯᑭᐊᓕᐅᑉ ᐊᒡᓚᖏᑦ 9:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᑯᒋᓪᓗ, ᐊᖑᑎᑦ ᐱᖓᓲᔪᕐᑐᑦ ᑕᒪᐅᓐᖓᕐᐳᑦ ᑐᒃᓯᐊᕐᕕᒡᔪᐊᑉ ᓯᓚᓪᓕᕐᐹᖓᑕ ᐃᑎᕐᑕᕐᕕᖓᑕ ᓇᓛᓂᑦ, ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᒥᑦ, ᐊᑐᓂᑦ ᓱᒋᐅᓯᔭᕐᓗᑎᒃ ᑐᑯᕅᑦᔪᑎᒥᖕᓂᒃ, ᐃᓚᖃᕐᓗᑎᒃ ᐊᖑᒻᒥᒃ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᕐᓯᒪᔪᒥᒃ, ᑎᑎᕋᐅᒻᒧᑦ ᒥᓱᒃᑕᕐᕕᖕᒥᒃ ᕿᑎᕐᒥᐅᑕᓕᖕᒥᒃ ᓴᓂᕋᕐᒥᒍᑦ, ᑖᒃᑯᐊ ᐃᑎᕋᒥᒃ ᑐᓂᕐᕈᓯᕐᕕᐅᑉ ᑲᓐᓄᔭᐅᑉ ᓴᓂᐊᓂ ᓇᖏᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 9:2 Iomraidhean Croise

ᐊᑕᓃᑦ ᐂᑉᐸᖏᑦ 15:35

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᒎᑎᓐᖑᐊᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᐴᔫᕐᑎᑦᓯᕙᒡᓗᑎᒡᓗ. ᔫᑕᒥᐅᓪᓕ ᐊᑕᓂᐅᑉ ᐃᒡᓗᖓᑕ ᐅᓐᓄᐊᓪᓗᐊᖓᑕ ᓇᓛᓃᑦᑐᖅ ᐃᑎᕐᑕᕐᕕᒃ ᓴᓇᔭᐅᑎᓚᐅᕐᐹ.

ᑯᕉᓂᑲ ᐂᑉᐸᖏᑦ 27:3

ᔫᑕᒻ ᐃᑎᕐᑕᕐᕕᖕᒥᒃ ᐳᕐᑐᓂᕐᓴᒥᒃ ᓴᓇᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᕙᓗᕐᔪᐊᒥᒡᓗ ᐊᑯᓂ ᓴᓇᓚᐅᕐᐳᖅ ᐅᐱᐅᓕᒥᒃ ᐊᑎᓕᖕᒥᒃ.

ᑯᕉᓂᑲ ᐂᑉᐸᖏᑦ 4:1

ᓴᓇᓚᐅᕆᕗᖅ ᑐᓂᕐᕈᓯᕐᕕᖕᒥᒃ ᑲᓐᓄᔭᒥᒃ, ᑕᑭᓂᖃᕐᑐᒥᒃ 30ᓂᒃ ᐃᑎᒐᖕᓂᒃ, ᓴᓂᒧᓪᓗ 30ᓂᒃ, ᐳᕐᑐᓂᖃᕐᓗᓂᓗ ᐃᑎᒐᖕᓂᒃ 15ᓂᒃ.

ᒨᓯᓯ ᐂᑉᐸᖏᑦ 40:29

ᑕᕝᕙᓂᓗ ᐃᑎᕐᑕᕐᕕᐅᑉ ᑖᓗᑕᖓᑕ ᓯᕗᕌᓂ ᐃᑯᐊᓚᑎᑕᒃᓴᓄᑦ ᑐᓂᕐᕈᓯᕐᕕᒃ ᐋᖅᑭᒃᐹ. ᑕᕝᕙᓂᓗ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕐᐳᖅ ᓂᕿᒃᓴᓂᒡᓗ ᑐᓂᕐᕈᓯᕆᓪᓗᓂ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᔨᕆᒤᐊᐅᑉ ᐊᒡᓚᖏᑦ 1:15

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓅᖃᑎᒌᒡᔪᐊᑦ ᑕᒪᐅᖓ ᑎᑭᖁᔪᒫᕋᒃᑭᑦ ᐊᖓᔪᖅᑳᕐᔪᐊᖏᓪᓗ ᐊᖓᔪᖅᑲᐅᕕᒃᑖᖁᓂᐊᕐᐸᒃᑲ ᔨᕉᓴᓕᐅᑉ ᐃᑎᕐᑕᕐᕕᒃᔪᐊᖏᓐᓂ, ᐊᕙᓗᕐᔪᐊᖏᑕᓗ ᐊᕙᑖᓂ, ᔫᑕᐅᓪᓗ ᐃᒡᓗᒐᓴᒡᔪᐊᖁᑎᖏᑕ ᐊᕙᑖᓂ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 26:10

ᔫᑕᒥᐅᓪᓕ ᐊᖓᔪᖅᑳᕆᔭᖏᑦ ᑐᓴᕋᒥᒃ ᑕᒪᒃᑯᓂᖓ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᕗᑦ ᑐᒃᓯᐊᕐᕕᒃᔪᐊᓕᐊᓕᕐᓗᑎᒃ ᑕᕝᕗᖓᓗ ᑎᑭᓐᓇᒥᒃ ᐃᖏᑉᐳᑦ ᐃᑎᕐᑕᕐᕕᖕᒧᑦ ᓄᑖᒥᒃ ᑍᔭᐅᔪᒧᑦ.

ᔨᕆᒤᐊᐅᑉ ᐊᒡᓚᖏᑦ 4:6

ᓮᐅᓂᒧᓐᖓᐅᔭᕆᐊᖃᕐᓂᓯ ᓇᓗᓁᕐᑕᐅᓕᕐᓕ! ᕿᒪᒃᓯᓕᕆᑦᓯ ᐃᓅᔪᒪᒍᑦᓯ ᐅᑕᖅᑭᖏᓪᓗᓯ; ᑎᑭᑎᑦᓯᓂᐊᕋᒪ ᐅᓐᓄᐊᓪᓗᐊᑉ ᓇᓛᓂᑦ ᑲᑉᐱᐊᓇᕐᑐᒥᒃ, ᑲᑉᐱᐊᓇᕐᑐᒥᒃ ᐊᓯᕈᐃᔪᓐᓇᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 10:2

ᑕᕝᕙ ᐅᖃᕐᐳᖅ ᐊᖑᒻᒧᑦ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᕐᓯᒪᔪᒧᑦ, “ᐊᒃᓴᓗᐊᑦ ᑬᕙᑦᑐᑦ ᐊᑯᓐᓂᖓᓄᐊᕐᓗᑎᑦ ᓯᕈᐱᒻ ᐊᑖᓃᑦᑐᓄᑦ; ᕿᔪᒃᓴᓂᒃ ᐃᑯᒪᔪᓂᒃ ᑎᒍᓯᒋᑦ ᓯᕈᐱᒻ ᐊᑯᓐᓂᖓᓂᑦ, ᑖᒃᑯᐊᓗ ᑲᑕᒑᑎᓪᓗᒋᑦ ᐃᒡᓗᒐᓴᖕᓄᑦ.” ᑕᑯᓐᓇᕐᑎᓪᓗᖓᓗ ᑕᕝᕗᖓ ᐃᑎᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 8:3

ᐃᓴᒃᓗᓂ ᐊᒡᒐᒋᔮᕐᑕᒥᓄᑦ ᓄᔭᒃᑯᑦ ᑎᒍᕚᖓ; ᐊᓂᕐᓂᐅᑉ ᖃᖓᑦᑕᕐᑎᑉᐹᖓ ᓄᓇᐅᓪᓗ ᕿᓚᐅᓪᓗ ᐊᑯᓐᓂᖓᓄᑦ, ᑕᑯᑎᑦᔪᑎᒃᑯᓪᓗ ᒎᑎᒥᑦ ᐱᔪᒃᑯᑦ ᔨᕉᓴᓕᒧᐊᕐᑎᑉᐹᖓ, ᑐᒃᓯᐊᕐᕕᒡᔪᐊᓪᓗ ᐃᑎᕆᐊᕐᕕᖓᓄᐊᕐᑎᑉᐹᖓ ᐃᓗᓪᓕᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᒎᑎᓐᖑᐊᓕᐊᕆᓯᒪᔫᑉ ᐃᓂᖓᓄᑦ ᓯᖕᓇᒋᔭᐅᔪᒧᑦ, ᑖᑦᓱᒧᖓ ᓯᖕᓇᑎᑦᓯᔪᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 9:11

ᑕᑯᒋᓪᓗ, ᐊᖑᑦ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᓕᒃ, ᒥᓱᒃᑕᐅᑎᒃᑯᕕᖕᒥ ᓴᓂᕋᕐᒥᒍᑦ ᑭᑎᕐᒥᐅᑕᓕᒃ, ᐅᑎᕋᒥ ᐅᖃᕐᐳᖅ, “ᐱᔭᕇᕐᐳᖓ ᐅᕙᓐᓄᑦ ᑎᓕᓯᑦᔪᑎᒋᓚᐅᕐᑕᕐᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 9:3

ᐃᓴᕆᐊᓕᒥᐅᓪᓗ ᒎᑎᖓᑦᑕ ᐱᓐᓇᕐᓇᕐᓂᕐᔪᐊᖓ ᖁᒻᒧᐊᒃᐳᖅ ᓯᕋᐲᑦ ᐃᓴᕈᓖᑦ ᓇᔪᕐᑕᖏᓐᓂᑦ ᑐᒃᓯᐊᕐᕕᒡᔪᐊᑉ ᐃᑎᕐᕕᖓᓄᐊᕐᓗᓂ; ᐊᖑᓪᓗ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᓕᒃ ᕾᖁᕚ, ᑖᓐᓇ ᑎᑎᕋᐅᒻᒧᑦ ᒥᓱᒃᑕᕐᕕᖕᒥᒃ ᕿᑎᕐᒥᐅᑕᓕᒃ ᓴᓂᕋᕐᒥᒍᑦ.

ᑖᓂᐊᓕᐅᑉ ᐊᒡᓚᖏᑦ 10:5

ᖁᒻᒧᑦ ᑕᑯᓴᕋᒪ, ᑕᑯᕗᖓ ᐊᖑᒻᒥᒃ ᓇᖏᕐᑐᒥᒃ, ᐊᓐᓄᕌᓯᒪᔪᖅ ᖃᓪᓗᓈᕐᑕᓂᒃ ᕿᑎᕈᓯᕐᓯᒪᓪᓗᓂᓗ ᒎᓗᒥᒃ ᐱᐅᓂᕐᐹᒥᒃ ᐆᐸᔾᒥᐅᑕᕐᒥᒃ.

ᑖᓂᐊᓕᐅᑉ ᐊᒡᓚᖏᑦ 12:6

ᐂᑉᐸᖓ ᐅᖃᕐᐳᖅ ᐊᖑᒻᒧᑦ ᖃᓪᓗᓈᕐᑕᓂᒃ ᐊᓐᓄᕌᓕᖕᒧᑦ, ᑖᓐᓇ ᑰᑉ ᐃᒪᖓᑕ ᖁᓛᓃᑦᑐᖅ, “ᖃᓄᖅ ᐊᑯᓂᐅᑎᒋᓂᐊᕐᐹ ᑕᒪᒃᑯᐊ ᑲᒪᓇᕐᑐᑦ ᓇᓪᓕᐅᑎᖅᑳᕐᑎᓇᒌᑦ?”

ᒨᓯᓯ ᐱᖓᔪᖏᑦ 16:4

ᐊᑐᕆᐊᖃᕐᐳᖅ ᖃᓪᓗᓈᕐᑕᒥᒃ ᐅᕕᓂᕈᕐᒥᒃ ᑕᑭᔪᒥᒃ, ᐃᓗᓪᓖᓪᓗ ᓵᑦᑐᑦ ᐊᑐᕐᓗᒋᑦ; ᑕᑦᓯᕈᓯᕐᓯᒪᓗᓂᓗ ᖃᓪᓗᓈᕐᑕᒥᒡᓗ ᓇᓴᕐᓯᒪᓗᓂ, ᑖᒃᑯᐊ ᐊᓐᓄᕌᑦ ᐃᑦᔪᕐᓁᑦᑑᖕᒪᑕ; ᐊᓐᓄᕌᖏᓐᓂᕐᒥᓂ ᐃᒥᕐᒧᑦ ᐅᐊᓴᕆᐊᖃᕐᐳᖅ ᑎᒥᓕᒫᒥᓂᒃ.

ᐂᒨᓯᐅᑉ ᐊᒡᓚᖏᑦ 9:1

ᐊᑕᓂᖅ ᑕᑯᓚᐅᕐᐸᕋ ᓇᖏᕐᑐᖅ ᑐᓂᕐᕈᓯᕐᕕᐅᑉ ᓴᓂᐊᓂ, ᐅᖃᕐᓗᓂᓗ, “ᑐᒃᓯᐊᕐᕕᒡᔪᐊᑉ ᓱᑲᖏᑕ ᓄᕗᖏᑦ ᐊᓇᐅᒃᑭᑦ ᑐᓐᖓᕕᖓ ᓴᔪᖁᓪᓗᒍ, ᑖᒃᑯᓄᖓᓗ ᐃᓄᓕᒫᑦ ᓂᐊᖁᖏᑦ ᓯᖁᒥᑕᐅᖁᓪᓗᒋᑦ, ᐊᒥᐊᒃᑯᖏᓪᓗ ᑐᖁᑦᓱᒫᕐᐸᒃᑲ ᓴᕕᒡᔪᐊᒧᑦ; ᐊᑕᐅᓯᕐᒥᒡᓘᓐᓃᑦ ᕿᒫᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᕐᓂᐊᕋᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:6

ᐂᖏᓖᓪᓗ 7 ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᐊᓂᕗᑦ; ᐊᓐᓄᕌᕐᓯᒪᔪᓂᒃ ᐃᑦᔪᕐᓁᑦᑐᓂᒃ ᓵᑦᑐᓂᒃ ᖃᐅᒪᔪᓂᒃ, ᓴᒡᕕᖕᒥᒃᑎᒍᓪᓗ ᐅᕕᖓᔪᒥᒃ ᑕᑦᓯᕈᑕᐅᔭᕐᓯᒪᓪᓗᑎᒃ ᒎᓗᒥᒃ.