ᐃᓯᑭᐊᓕᐅᑉ ᐊᒡᓚᖏᑦ 8:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᕐᑕᕐᕕᖓᓂ, ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᒧᑦ ᑐᒃᓯᐊᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 8:16 Iomraidhean Croise

ᐊᑕᓃᑦ ᓯᕗᓪᓖᑦ 8:29

ᑕᑯᓐᓈᖁᓪᓗᑎᑦ ᑕᕝᕗᖓ ᐃᒡᓗᒧᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ, ᑖᑦᓱᒧᖓ ᐅᖃᐅᓯᖃᓚᐅᕋᕕᑦ, ‘ᐊᑎᕋ ᑕᕝᕙᓃᑦᓱᒫᕐᐳᖅ,’ ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑖᓐᓇ ᐱᑦᔪᑎᒋᓪᓗᒍ.

ᐊᑕᓃᑦ ᐂᑉᐸᖏᑦ 16:14

ᑐᓂᕐᕈᓯᕐᕕᒃ ᑲᓐᓄᔭ ᐊᑕᓂᕐᒧᑦ ᐊᑐᕐᑐᒃᓴᓕᐊᕆᓯᒪᔪᖅ ᑐᒃᓯᐊᕐᕕᒃᔪᐊᑉ ᑐᓂᕐᕈᓯᕐᕕᐅᓪᓗ ᓄᑖᑉ ᐊᑯᓐᓂᖓᓃᑐᖅ ᐂᕼᐊᓯᐅᑉ ᓄᒃᑎᕐᐹ ᑐᓂᕐᕈᓯᕐᕕᐅᑉ ᓄᑖᑉ ᑲᖏᐊᓄᐊᕐᓗᒍ.

ᐊᑕᓃᑦ ᐂᑉᐸᖏᑦ 21:5

ᐊᑕᓂᐅᑉ ᐃᒡᓗᖓᓂ ᐃᒡᓗᕈᓯᖏᖕᓂ ᒪᕐᕉᖕᓂᒃ ᑐᓂᕐᕈᓯᕐᕕᓕᐅᕐᐳᖅ ᐅᓪᓗᕆᐊᓕᒫᓄᑦ ᑐᒃᓯᐊᕐᕕᒋᕙᒃᑕᒥᓂᒃ.

ᐊᑕᓃᑦ ᐂᑉᐸᖏᑦ 23:11

ᔫᓮᐊᐅᑉ ᕿᒻᒥᕐᔪᐊᑦ ᐲᔭᕐᑕᐅᑎᒃᑭᕔᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓴᓂᕐᕙᒃᓯᒪᔭᕕᓂᖏᑦ ᓯᕿᓂᕐᒧᑦ ᑐᕌᖓᓪᓗᑎᒃ ᑐᓂᔭᐅᓯᒪᔪᑦ, ᐊᑕᓂᐅᑉ ᐃᒡᓗᖓᑕ ᐃᑎᕆᐊᕐᕕᖓᓂ ᐃᓂᖃᕐᑐᑦ, ᓁᑕᓂ-ᒥᓕᑭᐅᑉ ᐃᒡᓗᕈᓯᖓᑕ ᓴᓂᐊᓂ, ᐊᖓᔪᖅᑳᖑᔫᑉ, ᕿᒧᒃᓯᐅᑏᓪᓗᑕᐅᖅ ᐊᒃᓴᓗᐊᓖᑦ ᓯᕿᓂᕐᒧᑦ ᑐᕌᖓᓪᓗᑎᒃ ᑐᓂᔭᐅᓯᒪᔪᑦ ᐃᑯᐊᓪᓚᒃᑕᐅᑎᒃᑭᕔᑦ.

ᐊᑕᓃᑦ ᐂᑉᐸᖏᑦ 23:5

ᑐᓂᕐᕈᓯᕐᑎᑦᓯᔩᑦ ᔫᑕᒥᐅᓄᑦ ᐊᖓᔪᖅᑳᕐᔪᐊᖑᖃᑦᑕᕐᓯᒪᔪᑦ ᑐᓂᕐᕈᓯᕐᑎᑦᓯᔨᓐᖑᕐᑎᖃᑦᑕᕐᑕᕕᓂᖏᑦ ᒎᑎᑐᐊᒥᒃ ᒎᑎᖃᖏᑦᑐᑦ ᑐᓂᕐᕈᓯᕐᕕᖏᓐᓂ ᔫᑕᒦᑦᑐᓂ ᔨᕉᓴᓕᐅᓪᓗ ᖃᓂᒋᔮᖓᓃᑦᑐᓕᒫᑦ ᓄᖅᑲᕐᑎᓪᓗᒋᑦ ᑐᓂᕐᕈᓯᕐᑎᑦᓯᔨᐅᔪᓐᓃᕐᑎᑉᐰᑦ, ᑐᓂᕐᕈᓯᕐᑎᑦᓯᔨᐅᓪᓗᑎᒃ ᐰᓕᒧᑦ, ᓯᕿᓂᕐᒧᓪᓗ, ᑕᖅᑭᕐᒧᑦ ᓯᓚᕐᔪᐊᓄᓪᓗ, ᐅᓪᓗᕆᐊᓄᓪᓗ ᐃᑯᐊᓚᑎᑦᓯᓪᓗᑎᒃ ᑐᓂᕐᕈᓯᕐᓂᕐᒥᒃ ᐱᓇᓱᐊᖃᑦᑕᕐᓯᒪᔪᓕᒫᑦ.

ᑯᕉᓂᑲ ᐂᑉᐸᖏᑦ 29:6

ᓯᕗᓕᕗᑦ ᐱᐅᖏᑦᑐᓕᓚᐅᕐᒪᑕ ᐊᑕᓂᐅᑉ ᒎᑎᑦᑕ ᓵᖓᓂ; ᑖᑦᓱᒥᖓᓗ ᕿᒤᓚᐅᕐᒪᑕ, ᐊᑕᓂᐅᓪᓗ ᐊᓯᐊᓄᑦ ᑕᑯᓐᓇᖔᓕᓚᐅᕐᒪᑕ; ᑐᓄᐃᓪᓗᑎᒡᓗ ᑖᑦᓱᒥᖓ.

ᑯᕉᓂᑲ ᐂᑉᐸᖏᑦ 7:7

ᓲᓗᒨᓂᐅᓪᓗ ᐊᕙᓗᓕᐅᕐᓯᒪᔫᑉ ᕿᑎᐊ ᐃᑦᔪᕐᓁᑎᑉᐹ ᐊᑕᓂᐅᑉ ᐃᒡᓗᖓᑕ ᓯᕗᕌᓃᑦᑐᖅ, ᑕᕝᕙᓂᓗ ᑐᓂᕐᕈᓯᕐᐳᖅ ᐃᑯᐊᓚᑎᑕᒃᓴᓂᒃ ᑐᓐᓄᖏᓪᓗ ᓮᒪᖃᑎᒌᖕᓂᕐᒧᑦ ᑐᓂᕐᕈᑎᒋᕔᑦ, ᑖᓐᓇ ᑐᓂᕐᕈᓯᕐᕕᒃ ᑲᓐᓄᔭ ᓲᓗᒨᓂᐅᑉ ᓴᓇᓚᐅᕐᑕᖓ ᐱᕕᑭᓗᐊᕐᒪᑦ ᑐᓂᕐᕈᑎᒃᓴᓄᑦ ᐃᑯᐊᓪᓚᒋᐊᓕᖕᓄᑦ, ᓂᐊᖂᔭᒃᓴᓄᑦ ᑐᓐᓄᕐᓄᓪᓗ ᑐᓂᕐᕈᑎᓴᓄᑦ.

ᔨᕆᒤᐊᐅᑉ ᐊᒡᓚᖏᑦ 2:27

ᕿᔪᖕᒧᑦ ᐅᖃᕐᐳᑦ, ᐊᑖᑕᒋᕙᒋᑦ, ᐅᔭᕋᖕᒧᓪᓗ ᐅᖃᕐᓗᑎᒃ, ᐃᕐᓂᐊᕆᓚᐅᕐᐸᕐᒪ. ᐅᕙᓐᓂᒃ ᑐᓄᐃᕗᑦ ᓵᓐᖓᔪᒪᓇᑎᒡᓗ ᐅᕙᓐᓄᑦ, ᑭᓯᐊᓂᓕ ᐅᖁᒤᒃᓴᓕᕌᖓᒥᒃ ᐅᖃᕐᐸᒃᐳᑦ, ᐱᐅᓕᔭᐅᔪᒪᓪᓗᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:33

ᐅᕙᓐᓂᒃ ᑐᓄᐃᓚᐅᕐᒪᑕ ᓵᓐᖓᓇᓱᐊᕈᓐᓃᕐᓗᑎᒡᓘᓐᓃᑦ ᐊᔪᕆᕐᑐᖃᑦᑕᓚᐅᕋᓗᐊᕐᐸᒃᑲ ᐅᓄᕐᑐᐃᕐᓱᕐᓗᒋᑦ ᓈᓚᒍᒪᓚᐅᓐᖏᓚᓪᓕ, ᑐᓴᕈᒪᓇᑎᒡᓘᓐᓃᑦ ᐋᖅᑭᒋᐊᕐᓯᓂᕆᓇᓱᐊᕐᑕᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 8:2

ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 10:3

ᓯᕈᐱᒻᓗ ᑐᒃᓯᐊᕐᕕᒡᔪᐊᑉ ᐅᓪᓗᓪᓗᐊᖃᕐᕕᖓᑕ ᓇᓛᓂ ᓇᖏᕐᐳᑦ, ᐊᖑᑦ ᐃᑎᕐᑎᓪᓗᒍ; ᓄᕗᔭᒧᓪᓗ ᑕᑕᐅᕗᖅ ᑐᒃᓯᐊᕐᕕᒡᔪᐊᑉ ᑐᕐᓲᖓ ᐃᓗᓪᓕᖅ.

ᐃᓯᑭᐊᓕᐅᑉ ᐊᒡᓚᖏᑦ 11:1

ᐊᓂᕐᓂᐅᑉ ᖃᖓᑦᑕᕐᑎᒃᑲᒥᖓ, ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕐᑎᑉᐹᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ. ᑕᑯᒋᓪᓗ, ᐃᑎᕐᑕᕐᕕᐅᑉ ᑖᑦᓱᒪ ᖃᓂᒋᔭᖓᓂ ᐊᖑᑎᓂᒃ 25ᓂᒃ ᑕᑯᕗᖓ; ᑕᑯᔭᒪᓗ ᐃᓚᖓᑦ ᔭ-ᐊᔭᓁᐊ ᐃᓚᒋᔭᐅᕗᖅ ᐊᔾᔪᕆᐅᑉ ᐃᕐᓂᖓ, ᐱᓚᑍᐊᓗ ᐱᓁᐊᐅᑉ ᐃᕐᓂᖓ, ᑖᒃᑯᐊᒃ ᐊᖓᔪᖅᑳᕆᔭᐅᕘᒃ ᐃᓅᖃᑎᒌᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 23:35

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᕙᓐᓂᒃ ᐳᐃᒍᕐᓗᑎᑦ ᑐᓄᐃᓚᐅᕋᕕᑦ, ᑍᒤᒻᒪᑦ ᐊᑭᓕᕐᑕᐅᓂᐊᓕᕐᐳᑎᑦ ᐃᒃᓯᒎᕐᓂᕆᓚᐅᕐᑕᕐᓄᑦ ᐊᖑᓐᓂᐊᕐᑎᐅᓂᕆᓚᐅᕐᑕᕐᓄᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 23:39

ᕿᑐᕐᖓᑎᒃ ᑐᖁᓪᓗᒋᑦ ᑐᓂᕐᕈᑎᖃᕋᒥᒃ ᒎᑎᓐᖑᐊᓄᑦ, ᐅᓪᓗᒥ ᑕᕝᕙᓂᑦᓮᓐᓇᖅ ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕐᐹᒃ; ᑕᕝᕙ ᑍᒫᒃ ᐃᒡᓗᓐᓂ ᑍᒤᓕᐅᖃᑦᑕᓚᐅᕐᐴᒃ.

ᐃᓯᑭᐊᓕᐅᑉ ᐊᒡᓚᖏᑦ 40:28

ᑕᕝᕙ ᐅᓪᓗᓪᓗᐊᑉ ᓇᓛᓃᑦᑐᒧᑦ ᐃᑎᕐᑕᕐᕕᖕᒧᐊᕈᑎᕚᖓ, ᐃᑎᕐᑕᕐᕕᒡᓗ ᐆᒃᑐᕋᕐᒪᒍ; ᐊᖏᓂᖓ ᐊᑦᔨᒋᔭᐅᕗᖅ ᐆᒃᑐᕋᖃᑦᑕᖅᑲᐅᔭᖏᓐᓄᑦ ᐃᑎᕐᑕᕐᕕᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:6

ᑕᕝᕙᓐᖓᓪᓗ ᐃᑎᕐᑕᕐᕕᖕᒧᐊᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᒧᑦ, ᑐᓪᓕᕌᑎᒍᑦ ᒪᔪᕋᕐᓗᓂ, ᐃᑎᕐᑕᕐᕕᐅᑉ ᑐᓪᓕᕌᖓ ᐆᒃᑐᕋᕐᒪᒍ ᐆᒃᑐᕋᐅᑎᖓᑐᑦ ᑍᒤᓪᓗᐊᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 43:5

ᑕᕝᕙ ᐊᓂᕐᓂᐅᑉ ᒪᑭᑎᓪᓗᖓ, ᐃᓗᕙᓯᖕᓂᕐᓴᒧᑦ ᑐᕐᓲᖑᔭᕐᒧᐊᕐᑎᑉᐹᖓ; ᑕᑯᒋᓪᓗ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 43:8

ᐊᖓᔪᖅᑳᕐᔪᐊᑦ ᐅᒃᑯᐊᓕᐅᕐᓯᒪᓚᐅᕐᐳᑦ ᑐᒃᓯᐊᕐᕕᒡᔪᐊᖁᑎᒪ ᐅᒃᑯᐊᖃᕐᕕᖓᑕ ᓴᓂᐊᒍᑦ ᑐᖕᒥᕌᖃᕐᓗᑎᒡᓗ ᑐᖕᒥᕌᒪ ᑭᒡᓕᖓᒍᑦ, ᐃᒡᓘᑉ ᐊᑭᓐᓇᖓᓂᒃ ᐊᑯᓐᓂᖃᑐᐃᓐᓇᕐᓗᑕ. ᐊᑎᕋᓗ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓚᐅᕐᐹᑦ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᖕᓂᒃᑯᑦ ᓄᖑᓚᐅᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 45:19

ᑐᓂᕐᕈᓯᕐᑎᑦᓯᔨ ᐊᔪᕐᓃᑦ ᐱᓪᓗᒋᑦ ᑐᓂᕐᕈᑎᐅᔫᑉ ᐊᐅᖓᓂᒃ ᐱᓗᓂ ᑐᒃᓯᐊᕐᕕᒡᔪᐊᑉ ᐅᒃᑯᐊᖓᑕ ᐊᕙᓗᖏᓐᓂᒃ ᐊᐅᒥᑎᕆᔪᒃᓴᐅᕗᖅ, ᑐᓂᕐᕈᓯᕐᕕᐅᓪᓗ ᑎᕆᖅᑯᖏᑦ ᓯᑕᒪᑦ, ᐃᓗᕙᓯᖕᓂᕐᓴᐅᓪᓗ ᑐᕐᓲᖑᔭᐅᑉ ᐃᑎᕐᑕᕐᕕᖓᑕ ᓇᐸᔪᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 46:1

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᑦ ᐃᑎᕐᑕᕐᕕᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᒪᑐᓯᒤᓐᓇᕐᑐᒃᓴᐅᕗᖅ ᐅᓪᓗᑦ ᐱᖓᓲᔪᕐᑐᑦ ᐱᓇᓱᐊᕐᕕᐅᕙᒃᑐᑦ ᐊᑐᕐᑎᓪᓗᒋᑦ; ᓴᐸᑎᐅᓕᕌᖓᓪᓕ ᐅᒃᑯᐃᓐᖔᕐᑐᒃᓴᐅᕗᖅ ᑕᖅᑭᓂᕋᑖᒥᓗ ᓇᓪᓕᐅᓐᓂᕐᓯᐅᕐᓃᑦ ᐊᑐᓕᕌᖓᑕ.

ᐃᓯᑭᐊᓕᐅᑉ ᐊᒡᓚᖏᑦ 7:23

“ᓄᖑᕅᑦᔪᑎᒃᓴᓕᐅᕆᑦ; ᓇᓂᓕᒫᖅ ᓄᓇ ᐃᓄᐊᕐᑎᓂᒃ ᓈᓯᒪᖕᒪᑦ ᐃᒡᓗᒐᓴᒡᔪᐊᓪᓗ ᐱᕋᔭᒃᑎᓂᒃ ᑕᑕᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 8:15

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑖᓐᓇ ᑕᑯᕕᐅᒃ? ᑕᑯᓂᐊᕐᐳᑎᑦ ᓱᓕ ᑖᒃᑯᓇᓐᖓᑦ ᓇᕐᕈᓇᕐᓂᕐᓴᓂᒃ.”

ᔪᐃᓕᐅᑉ ᐊᒡᓚᖏᑦ 2:17

ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᒨᓯᓯ ᑕᓪᓕᒪᖏᑦ 17:3

ᑐᒃᓯᐊᖃᑦᑕᓕᕐᑐᖃᕐᐸᑦ ᐱᔨᑦᓯᓕᕐᑐᖃᕐᐸᓪᓗ ᒎᑎᓐᖑᐊᓄᑦ ᐅᕝᕙᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᐅᓪᓗᕆᐊᓄᓪᓘᓐᓃᑦ, ᐊᑕᓂᐅᑉ ᐱᖁᔨᑦᔪᑎᒋᓯᒪᔭᖓᓄᑦ ᐊᑭᕋᕐᑐᕐᑐᓂᒃ.

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.