ᐃᓯᑭᐊᓕᐅᑉ ᐊᒡᓚᖏᑦ 7:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᒫᓐᓇ ᐊᑯᓂᐅᖏᑦᑐᖅ ᓂᓐᖓᐅᓯᓐᓄᑦ ᑎᑭᑕᐅᑎᓐᓂᐊᓕᕐᐸᑦᓯ, ᓂᓐᖓᐅᓯᓐᓄᑦ ᐱᓇᓱᐊᕐᕕᒋᓂᐊᓕᕐᐸᑦᓯ, ᐃᖅᑲᕐᑐᕐᓗᓯᓗ ᐱᓂᐊᕐᓂᓯ ᒪᓕᒡᓗᒋᑦ; ᐊᑭᓂᐊᕐᕕᒋᔪᒫᕐᐸᑦᓯᓗ ᓇᕐᕈᒋᔭᓐᓂᒃ ᐱᓇᓱᐊᕐᓂᕆᓯᒪᔭᓕᒫᓯ ᒪᓕᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 7:8 Iomraidhean Croise

ᑯᕉᓂᑲ ᐂᑉᐸᖏᑦ 34:21

“ᐂᓕᕆᑦᓯ ᐊᑕᓂᖅ ᖃᐅᔨᒋᐊᕐᕕᒋᓗᒍ ᐱᓪᓗᖓ ᔫᑕᐅᓪᓗ ᐃᓴᕆᐊᓕᒥᐅᓪᓗ ᐊᒥᐊᒃᑯᖏᑦ, ᑖᒃᑯᐊ ᐅᖃᐅᓰᑦ ᐊᒡᓚᖕᓂᑦ ᐱᔪᑦ ᓇᓂᔭᐅᓚᐅᕐᑐᑦ ᐱᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐊᖏᔫᕗᖅ ᐅᕙᑦᑎᓐᓄᑦ ᑯᕕᔭᐅᓯᒪᔪᖅ, ᓯᕗᓕᕆᓚᐅᕐᑕᕗᑦ ᐊᑕᓂᐅᑉ ᐅᖃᐅᓯᖓᓂᒃ ᒪᓕᓚᐅᖏᒻᒪᑕ, ᐱᓇᓱᐊᓚᐅᕋᑎᒡᓗ ᑖᒃᑯᓂᖓ ᐊᒡᓚᒃᓯᒪᔪᑦ ᒪᓕᒡᓗᒋᑦ.”

ᐃᓐᖏᕈᑎᑦ 79:6

ᓂᓐᖓᐅᒪᖔᓚᐅᕆᑦ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ; ᐊᖓᔪᖅᑲᐅᕕᖕᓄᓪᓗ ᐃᓕᖕᓂᒃ ᑐᒃᓯᐊᕐᕕᖃᕐᐸᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 42:25

ᑍᒤᒻᒪᑦ ᓂᓐᖓᒡᕕᒋᒻᒪᕆᓚᐅᕐᐰᑦ, ᐅᓇᑕᕐᓂᒧᓪᓗ ᐊᒃᓱᕈᕐᑎᑕᐅᓪᓗᑎᒃ; ᖃᓂᒋᔭᓕᒫᖓᓪᓗ ᐃᑯᐊᓪᓚᒃᑎᓪᓗᒍ, ᓱᓕᓕ ᑐᑭᓯᓚᐅᓐᖏᓚᑦ; ᐃᑯᒪᒧᓪᓗ ᐆᑕᐅᓚᐅᕐᐳᑦ, ᓱᓕᓕ ᐆᒻᒪᒻᒥᐅᑕᕐᑖᕆᓚᐅᓐᖏᓛᑦ.”

ᔨᕆᒤᐊᐅᑉ ᐊᒡᓚᖏᑦ 36:31

ᐱᐅᖏᑦᑐᓕᓂᓯ ᐱᓪᓗᒋᑦ ᓱᒋᐊᕐᓂᐊᕐᐸᒋᑦ ᑭᖑᕚᑎᓪᓗ ᐊᖓᔪᖅᑳᖁᑎᑎᓪᓗ: ᔨᕉᓴᓕᒥᐅᓄᑦ ᔫᑕᒥᐅᓄᓪᓗ ᑕᒤᓐᓄᑦ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᓇᓪᓕᐅᑎᔪᒫᕐᓂᕋᕐᑕᓐᓂᒃ ᑕᒤᓐᓂᒃ ᐅᕙᓐᓂᒃ ᓈᓚᓚᐅᖏᓐᓂᖏᑦ ᐱᑦᔪᑎᒋᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:4

ᐱᑎᒃᓯᒥᓄᑦ ᑐᕌᕐᑎᑉᐹᑎᒍᑦ ᐱᒋᐊᕈᒪᓪᓗᑕ ᐊᑭᕋᕐᑎᑐᑦ, ᓄᖑᑕᐅᑎᑉᐰᑦ ᖁᕕᐊᒋᓪᓗᒋᑦ ᐃᓅᖃᑎᓐᓈᕆᔭᕗᑦ, ᓂᓐᖓᕕᒃᔪᐊᕐᓂᕐᒥᓄᑦ ᐃᑯᐊᓪᓔᔭᕐᑐᕐᑐᑎᑐᑦ ᓮᐅᓂᐅᑉ ᐸᓂᖏᑕ ᑐᐱᖏᑦ ᓄᖑᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:11

ᐊᑕᓂᐅᑉ ᓂᓐᖓᕕᒡᔪᐊᕐᓂᓂ ᓴᖅᑭᑎᒻᒪᒍ, ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 11:21

ᐅᖓᒋᔭᖃᕐᑐᓪᓕ ᐱᐅᖏᑦᑐᓂᒃ ᒎᑎᒧᓪᓗ ᓇᕐᕈᓇᕐᑐᓂᒃ, ᐊᑭᓂᐊᕈᒫᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 14:19

“ᓄᓇᓖᓪᓗ ᖃᓄᐃᓐᓇᕐᑐᓄᑦ ᑎᑭᑕᐅᓂᕐᓗᒃᑎᒃᑲᔭᕈᒃᑭᑦ, ᓂᓐᖓᐅᒪᓂᓐᓄᓪᓗ ᑎᑭᑕᐅᓗᑎᒃ ᐅᓄᕐᑐᑦ ᑐᖁᒐᔭᕐᐳᑦ, ᐃᓄᐃᓪᓗ ᐆᒪᔪᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 16:43

ᐃᖅᑲᐅᒪᔪᓐᓁᕋᑦᓯᐅᒃ ᐃᓅᓱᒃᑑᑎᓪᓗᓯ ᐱᐅᓯᕆᓚᐅᕐᑕᓯ, ᓂᓐᖓᒃᑎᓚᐅᕋᑦᓯᓐᖓ ᑕᒪᒃᑯᓂᖓ ᐱᐅᖏᑦᑐᓂᒃ ᐱᓂᐊᕐᓂᑦᓯᓐᓄᑦ; ᑍᒤᒻᒪᑦ ᑕᑯᒋᑦ, ᐱᓂᐊᕐᓂᕆᓚᐅᕐᑕᑦᓯᓐᓄᑦ ᐊᑭᓂᐊᕐᕕᒋᔪᒫᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. “ᓱᖕᒪᑦ ᐃᒃᓯᒎᕐᓂᖅ ᐃᓚᐅᑎᓐᓇᓱᓚᐅᕐᐱᓯᐅᒃ ᓇᕐᕈᓇᕐᑐᓕᓂᑦᓯᓐᓄᑦ?”

ᐃᓯᑭᐊᓕᐅᑉ ᐊᒡᓚᖏᑦ 16:59

ᐃᓛᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐱᓇᓱᐊᕐᕕᒋᓂᐊᕐᐸᑦᓯ ᐱᓂᐊᕐᓂᕆᓚᐅᕐᑕᓯ ᒪᓕᒡᓗᒋᑦ, ᐅᖃᕕᒍᑕᐅᓯᒪᔪᒥᒃ ᓯᖁᒥᑦᓯᓯᒪᒐᑦᓯ ᐊᖏᖃᑎᒌᒍᑕᐅᓯᒪᔪᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:30

“ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.

ᐃᓯᑭᐊᓕᐅᑉ ᐊᒡᓚᖏᑦ 20:13

ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:21

ᑭᖑᕚᖑᖃᑎᒌᓪᓕ ᐊᑭᕋᕐᑐᓕᓚᐅᕆᕗᑦ ᐅᕙᓐᓂᒃ; ᐱᓂᐊᕐᑕᐅᖁᔭᒃᑲ ᒪᓕᓚᐅᓐᖏᓔᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᓐᖏᓔᑦ, ᐃᓅᑉ ᓈᓚᒃᑯᓂᒋᑦ ᐃᓅᒐᔭᕐᑎᓪᓗᒍ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᑕᕝᕙ ᐅᖃᓚᐅᕐᐳᖓ ᓂᓐᖓᒡᕕᒋᓂᐊᓕᕐᐸᒃᑲ ᓂᓐᖓᐅᓯᓐᓄᓪᓗ ᑎᑭᑕᐅᓂᐊᓕᕐᐳᑦ ᐃᓄᖃᖏᑦᑐᒦᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 20:33

“ᐊᑕᓂᖅ ᒎᑎ ᐅᖃᕐᐳᖅ, ᐅᕙᓐᓂᓪᓚᕆᒃ ᐱᔪᒥᒃ, ᐅᖃᐅᑎᕙᑦᓯ ᐊᐅᓚᑦᓯᓛᕐᐳᖓ ᑕᓕᓐᓄᑦ ᓴᓐᖏᔪᒧᑦ, ᓂᓐᖓᐅᓯᕐᒥᒃ ᐃᓚᖃᕐᑐᒧᑦ, ᐊᖓᔪᖅᑳᕐᔪᐊᖑᓛᕋᒪ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 22:31

ᑍᒤᒻᒪᑦ ᓂᓐᖓᒡᕕᒋᓯᒪᓕᕐᐸᒃᑲ; ᓄᖑᓯᒪᓕᕐᐸᒃᑲᓗ ᓂᓐᖓᐅᓯᕐᒪ ᐃᑯᒪᖓᓄᑦ; ᐱᓂᐊᕐᓂᕆᓯᒪᔭᖏᑦ ᐊᑭᓕᕐᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 30:15

ᐱᓗᓯᓐᒥᐅᑦ ᓂᓐᖓᐅᓯᓐᓄᑦ ᐱᓂᐊᕐᕕᒋᔪᒫᕐᐸᒃᑲ, ᑖᓐᓇ ᐄᑦᔨᑉᑎᒥᐅᑦ ᓴᐴᓗᑕᖓ, ᑎᐱᓯᒥᐅᓪᓗ ᐃᓄᒐᓴᒡᔪᐊᑦ ᓄᖑᑎᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 33:20

ᐅᖃᖃᑦᑕᕐᒥᒐᑦᓯ, ‘ᐊᑕᓂᐅᑉ ᐱᓂᐊᕐᑕᐅᖁᔭᖏᑦ ᓈᒻᒪᓈᓐᖏᓚᑦ.’ ᐃᓴᕆᐊᓕᒧᑦ ᑭᖑᕚᖑᔪᓯ, ᐱᓂᐊᕐᓂᓯ ᒪᓕᒡᓗᒋᑦ ᐊᑐᓂᑦ ᐃᖅᑲᕐᑐᕈᒫᕐᐸᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 6:12

ᐅᖓᓯᒃᑐᒦᑦᑐᖅ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᖅ; ᖃᓂᑦᑐᒦᑦᑐᕐᓗ ᓴᕕᒡᔪᐊᕐᒧᑦ ᑐᖁᓗᓂ, ᐊᒥᐊᒃᑰᔪᕐᓗ ᑳᖕᓇᕐᑐᕐᔪᐊᕐᒧᑦ ᐱᕐᓕᕐᓗᓂ. ᑍᒫᒃ ᓂᓐᖓᐅᒪᕕᒡᔪᐊᕐᓂᓐᓄᑦ ᐱᓇᓱᐊᕈᒫᕐᐳᖓ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑳᕐᔪᐊᑦ ᕿᒃᓵᒃᑎᑕᐅᔪᒫᕐᐳᑦ, ᐃᕐᓂᖏᓪᓗ ᓴᐱᓕᕈᒫᕐᐳᑦ, ᐃᓄᐃᓪᓗ ᓄᓇᒦᑦᑐᑦ ᐃᕐᓯᓂᕐᒧᑦ ᓴᔪᒃᓱᓕᕈᒫᕐᐳᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐱᓂᐊᕐᕕᒋᔪᒫᕐᐸᒃᑲ, ᐃᖅᑲᕐᑐᐃᓂᖏᑦ ᒪᓕᒡᓗᒋᑦ ᐃᖅᑲᕐᑐᕈᒫᕐᐸᒃᑲ; ᖃᐅᔨᖁᓪᓗᒋᑦ ᐅᕙᖓ ᐊᑕᓂᐅᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 7:9

ᑕᑯᓐᖏᓮᓐᓇᕐᓂᐊᓐᖏᓚᑦᓯ, ᓂᑲᒋᓂᐊᕋᓯᓗ; ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ, ᓇᕐᕈᒋᔭᓐᓂᒃ ᐱᓂᐊᕐᓂᖃᕋᑦᓯ ᓱᓕ. ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᐅᒐᒪ, ᓱᒋᐊᕐᓯᔨ.

ᐃᓯᑭᐊᓕᐅᑉ ᐊᒡᓚᖏᑦ 9:10

ᐅᕙᖓᑦᑕᐅᖅ ᓇᒡᓕᒋᓗᒋᑦ ᑕᑯᓐᓇᕐᓂᐊᕈᓐᓃᕐᐸᒃᑲ, ᓂᑲᒋᓂᐊᕈᓐᓃᕐᓗᒋᓪᓗ, ᐊᑭᓂᐊᕐᕕᒋᓂᐊᓕᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 9:8

ᑐᖁᕅᓕᕐᑎᓪᓗᒋᓪᓗ ᐃᓄᑑᓕᓚᐅᕐᐳᖓ, ᒪᓂᖅᑲᒧᑦ ᐹᒻᒪᒃᓗᖓ ᕾᒐᓛᓕᕐᐳᖓ, “ᐊᑕᓃᖅ ᒎᑏ! ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᓄᖑᑕᐅᑎᓕᕐᐱᒌᑦ ᓂᓐᖓᐅᒪᓗᐊᕐᓂᕐᓄᑦ ᔨᕉᓴᓕᒥ?”

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᕼᐆᓯᐊᑉ ᐊᒡᓚᖏᑦ 12:3

ᐃᒡᓕᐊᕐᒦᓪᓗᑎᒃ ᓱᓕ ᐊᖓᔪᓂ ᑭᖕᒥᖓᒍᑦ ᑎᒍᓚᐅᕐᐹ, ᐱᕈᕇᕋᒥᓗ ᓲᖑᓂᓂ ᐊᑐᕐᓗᒍ ᒎᑎᒥᒃ ᐊᒃᓱᕈᕐᓗᓂ ᐹᖃᑎᖃᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 5:10

“ᓂᓐᖓᐅᒪᕗᖓ ᔫᑕᐅᑉ ᐃᓄᖏᓐᓄᑦ ᐃᓴᕆᐊᓕᒥᐅᑦ ᓄᓇᖁᑎᖏᑕ ᑭᒡᓕᖏᑕ ᓇᓗᓁᒃᑯᑕᖏᓐᓂᒃ ᐲᕐᓯᓯᒪᔪᑎᑐᑦ ᑍᒤᒻᒪᑕ; ᓂᓐᖓᐅᓯᓐᓂᒃ ᑯᕕᓯᕕᒋᓂᐊᕐᐸᒃᑲ ᐃᒫᓄᑦ ᐅᓗᑦᔭᐅᔪᑎᑐᑦ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.